बेडूक बैसला / कमळाच्या दळे
भोवताली तळे/ भलेमोठे
खावयास त्याला / भीषण मगरी
आणिक सुसरी/ जमल्या त्या
भयाण त्यांचे ते/ बघोनिया दात
बेडूक मनात / थरथरे
अचानक त्याला/ तळ्याच्या काठून
एका झाडातून / ध्वनी आला
बोलत होते ते/ जाणकार स्वरे
घुबड म्हातारे/ ज्ञानवृद्ध
"व्हायचे नसेल / सुसरीचे भक्ष्य
देवोनिया लक्ष / ऐक माझे
दोन पाऊले ती / जरा मागे जाणे
आणि झेप घेणे / तीराकडे"
बेडकाने मनी / विचार तो केला
याहून वेगळा / मार्ग नाही
वृद्ध घुबडाचे / म्हणणे ऐकावे
आणि वाचवावे / जीवनाला
मग मारे उडी / संपूर्ण त्या बळे
अर्धे सुद्धा तळे / पार नाही
सुटल्या मगरी / त्याकडे वेगात

..तुला पाहण्याचा मला छंद राणी..

दिव्यांना नको तू करु मंद राणी
तुला पाहण्याचा मला छंद राणी

पुरे सर्व निर्बंध टाळूनि इथले
खुली मुक्त हो आज स्वच्छंद राणी

मला घे मिठीच्याच कैदेत आणि
नको गे करु तू खुले बंध राणी

तुला मी मला तू असे प्राशवावे..
पुरी रात व्हावी मधू धुंद राणी..

तुला लागला सावळा रंग माझा
तुझ्या मोगर्याचा मला गंध राणी

- कानडाऊ योगेशु

धारावीतून रावल्याने बापास विचारले बाप्पा त्ये काय हो तेंव्हा बाप सावळा म्हणाला त्ये विमान हाये बेटा "आपण बसू शकतो त्यात ?"या प्रश्नावर बाप का रडला हे रावलयास कळले नाही पण "तू म्होटा झालास की जरूर बसशिला" हे तेंव्हा त्याला पुरले पंधरा वर्षांनतर जातीतल्या देवजीस वीस हजार रुपये देऊन सावल्याने रावल्यास एअर-केअर मध्ये कामास लावले: काम नाही केला तर मी लाथ घालल या अटीवर.

सद्यस्थिति गद्यस्थिति!
गद्गदणाऱ्या गद्यस्थितिवर
सद्यस्थिति मद्यस्थिति !
सद्यस्थिति मद्यस्थिति व प्रयत्नांते पद्यस्थिति !
सारांश : सद्यस्थिति: माफक मद्यस्थिति व प्रकर्षाने पद्यस्थिति !
अप्रस्तुत अल्पमति स्वस्तुती !
परिणति? दुर्गती !

सिलिकॉन दरी मध्ये / वसे तो जेसन
शिका हा लेसन / तरुणींनो
त्याच्या डोक्यामध्ये / आज्ञावली फक्त
संगणकी रक्त/ खेळतसे
एका सकाळी तो/ रस्त्याने चालला
बेडूक बोलला / शेजारून
"अरे राजपुत्रा/ राजकन्या मीही
बेडकाचे देही/ शापग्रस्त
मला उचलून / स्वगृही नेशील
आणिक घेशील / चुंबन ते
प्रगटेल माझे / मानवी शरीर
"कामा" स उशीर / मग नाही
जन्मभर तुझी/ होईन मी कांता
आनंदा अनंता/ मुकु नको "
जेसनने त्याला / मग उचलला
आणिक ठेविला / खिशामाजी
घरामध्ये त्याला / दिले छोटे घर
खायलाही चार / किडे बिडे
आठवडे झाले/ कित्येक दिसांचे
पण चुंबनाचे / नाव नाही
बेडूक अखेर/ झालासे हताश