..विचारेन त्यालाच कॉफी चहा..

भरोसा करावा कुणाचा जरी..
भरोसाच नाही कशाचा जरी..!

विचारेन त्यालाच कॉफी चहा
घरी दूत आला यमाचा जरी

मिळो गार माझी तुला सावली
किती त्रास मजला उन्हाचा जरी

मनी मान्य केले शशीचोर मी!
खुळा आळ आहे नभाचा जरी.

म्हणे वाघ गेल्याच जन्मातला
अता जन्म आहे सशाचा जरी

किती त्यात जो तो पुरा गुंतला
खरा खेळ होता मनाचा जरी

अरे वाकला तो कशाने असा.?
तसा भार नव्हता जगाचा जरी!

खरा भक्त त्याला मिळो एकदा
तिथे प्रश्न असला युगाचा जरी!

- कानडाऊ योगेशु

थेट रात्रीचे नऊ वाजता
हजारएक हात इमेल बघायला स्तब्ध असताना मुळे सर
पोतडीतून आज मारायचा विजयी शब्द काढतात
प्रमाथी,दुरंत,अक्षुण्ण
किंवा ग्रामीणपणे
यंग्राट,अत्रंग,आडभंग
एक मिनिटात अर्थ सांगणे दूरच,मात्र
काही स्त्रिया त्यांच्या काही शब्दांनी कामोत्तेजित होतात
व सर्व पुरुष खजील, असे मानले जाते.
शब्द-घोडा दुबईतील इंजिनियर,अमेरिकेतील
संगणक-अभियंते, दिल्लीतील भाग्यनियंते,
लंडन-मधील वेटर्स पर्यंत जाऊन न मरता
परत येतो,
एक मिनिटात सर पुढची इमेल पाठवितात: 'हात रांडेच्च्यो"
कॉम्प्युटर बंद करतात,
आणि विजयी मुद्रेने आपल्या वांगणी (चोराची) या गावी
झोपी जातात.
उद्याचा घोडा
मनात
हळूहळू

रोज पिऊन मारे नवरा
व्यवस्थेचा नाग आहे,
वळ लपवून काम करणे
व्यवस्थेचा भाग आहे!
तुमच्या डोळ्यामधले पाणी
कोठेतरी जाग आहे,
"आज भांडी राहणार तशीच!"
विषादाची आग आहे.
दवाखाना, चांगला डॉक्टर,
तिला नेणे भाग आहे,
औषधाला पैसे देणे
हाही एक भाग आहे!
पण यावर उपाय काय?
मनामध्ये राग आहे,
लग्नसंस्था , असले नवरे,
देशावरती डाग आहे!
घ्याल तिची मुलगी दत्तक?
नाकारताना खेद आहे,
तुमची मुलगी होणार डॉक्टर
दोघींमध्ये भेद आहे!
कशी होणार तिची भांडी?
याचे उत्तर सोपे आहे,
या बाईला मुली खूप,
खाली तिचे डोके आहे!
पुसा पाणी डोळ्यामधले
आज घासा भांडी तुम्हीच
औषधाला पैसे देणे