मीही वाचलेला एक भयंकर ब्लॉग

=)) =)) =))

अगायायायाया _/\_

आपण चार्ल्स डार्वीन यांच्या ब्लॉगचा दुवा दिलेला नाही.
सर्व माणसे पूर्वी माकड होती, यात नवीन काही नाही.

The Descent of Man, and Selection in Relation to Sex आणखीनThe Expression of the Emotions in Man and Animals मधल्या उतार्‍यांचा खरा अर्थ लोकांच्या पुढे यायला पाहिजे आहे, असे माझे स्वत:चे मत आहे.

हा काथ्याकूट दशकानुदशके चालूच आहे. जो तो आपल्या अन्वयार्थाला खरा अर्थ म्हणतो.

मी नवीनच ब्लॉग काढला नाहीये, याची कृपया सर्वांनी नोंद घ्यावी.

कुठला ब्लॉग काढलेला नाही ते कुठे सांगितल.

यावर प्रकाश टाकायला हवा
साठ्यांच्या प्रकाशला गच्चीवरून टाकू की बाल्कनीमधून टाकून देउ असा विचार करतोय.

आपला धागा अभ्यासपूर्ण आहे. आपण नम्रता जरी बाळगली असली तरी आपल्या लेखनात गाढा व्यासंग दिसतो. नम्रता व विद्वत्ता एकाच वेळी एका व्यक्तीत असणे दुरापास्त पण आपल्या ठायी मात्र ती दिसून येते. डार्विन बुवांच्या ब्लॉगचा दुवा आपण दिला नाही.पण गुगलल्यावर माहीतीचा प्रचंड स्त्रोत आपल्या अंगावर आदळतो.
ब्राह्मण सुद्धा पुर्वी माकड होते हे पचवण्यास जड जात असले तरी डार्विन बुवांच्या समोर ते तसे नव्हते हे सिद्ध करणे कठीण. पण माकडावस्थेतील ब्राह्मण हे गोमांस खात असतील असे वाटत नाही. ते नक्कीच कंदमुळे खात असणार. गोमांस वगैरे खाणे हे उत्क्रांतीतून घडले असावे. असो माझ्या अल्पमतीस एवढेच झेपते.

श्रावण मोडकजी,

दुवा खालीलप्रमाणे आहे

http://www.aboutdarwin.com/

अजून एक दुव्यावर क्लिक केले तरी हा दुवा उघडतो.
http://en.wikipedia.org/wiki/On_the_Origin_of_Species

=)) =)) =))
लय भारी!
ह. घ्या. (धक्का का बसला ते कळले नाही... ब्राह्मण चिँपांझी होते असेही कोणी म्हणेल... म्हणेनात का...)

मास्तर, का वाचता एवढं? थोडं कमी वाचत जा गटणे.

आणि वाचायचंच असेल तर काहीतरी चांगलं, उदा: हे असं, वाचत चला. हे नक्की काय तुमच्या पुढ्यात टाकलं आहे यासाठी याच लेखातली काही महत्त्वाची उद्धृतं:

या ब्लॉगाबद्दल ब्लॉगलेखकाचा मित्र हे म्हणाला होता: "If this book were to find general public acceptance, it would bring with it a brutalisation of the human race such as it had never seen before."

याच्यात वाद नाही कि आधी देखील इतिहासात अनेक युद्धे झाली मानव संहार झाला परंतु डार्विन च्या परीकल्पनेच्या प्रभाव खाली इतिहासात पहिल्यांदा युद्धातला विज्ञानाच्या संमतीने कायदेशीर करण्यात आले.

हिटलर वर डार्विनवादाचा खोलवर प्रभाव होता. आणि याचे प्रतीबिंब त्याचे पुस्तक माझा लढा या मध्ये अगदी स्पष्टपणे जाणवते. तो काबुल करतो कि तो डार्विन च्या Struggle for survival या युक्तीवादाने कश्या प्रकारे प्रभावित झालेला आहे. तो म्हणत असे कि जगाच्या इतिहासातून उत्तर जर्नामिच्या युरोपियन समाजाला काढून टाकले तर खाली काय शिल्लक राहील ...फक्त माकडांचा नाच. या वाक्यावरून आपण निष्कर्ष काढू शकतो कि तो किती पक्का डार्विन भक्त होता.

माओ, जगातील मोजक्या भयानक मानव संहार पैकी एक, मानवतेला काळिमा फसवणारे कार्य करणारा कट्टर कम्युनिस्ट कि ज्याच्या प्रत्यक्ष आदेशानुसार १० लाख लोक मारून टाकण्यात आले. आणि इतर २० लाख लोक तुरुंगात सडत, किंवा गायब केले गेले, अगदी सरळ आणि स्पष्टपणे सांगतो चीन चा सोशियालीज्म हा डार्विनिजम वर आणि त्याच्या थेरी ऑफ ईवोल्युशन वर उभा केला गेला आहे…

=))

शीर्षकात सुधारणा : मीही वाचलेला भयंकर एक ब्लॉग

चार्ल्स डार्विन यांची भाषाशैली वाचताना [इतर अनेक ब्लॉग वाचकांना पडलेला प्रश्न] सातत्याने जाणवत राहते की 'चार्ल्स' या मनुष्य-नामामागे कुणीतरी चिम्पान्झी-गोरिलाच असावा आणि तो शतकानुशतके सांप्रत प्राणिसॄष्टीत चालत आलेल्या त्या मनुष्यद्वेषाची मशाल अत्यंत विकृतरित्या पेटवित ठेवत आहे. वाचणार्‍याला काय...मिळते काहीतरी चमचमीत...वाचतात, संताप व्यक्त करतात....ठरल्याप्रमाणे काही चार्ल्सबाबाची(?) उचलून धरतात....बाजू.... मग विसरून जातात....जसा आता चार्ल्स बाबाही ब्लॉगला रामराम करून निर्मात्याच्या गावी गेला आहे....[वर अदिती यांनी त्याचा खून पडल्याची बातमी दिलेली आहेच.]

एकपेशी अमिबा झाले, डायनॉसॉर झाले, जलचर झाले....आता अशा ब्लॉगर्सना भडास व्यक्त करण्यासाठी माणसं आणि बाया सापडले आहेत....तोडत राहतात तारे... त्यांच्यात्यांच्या सापळ्यातून संदर्भेहीन हाडांवर माकडहाड म्हणून विजेरी टाकण्याचा आव आणत.

त्यामुळे भडकमकर मास्तर याना विनंती की, असल्या ब्लॉग्जना भेट दिलीच तरीही त्यातील ते महान मॅटर चघळायच्या लायकीचे असते असे कदापिही मानू नये....वाचावे, आणि संपल्याक्षणीच केसातली ऊ गटकल्यानुसार पचवूनही टाकावे.

- खेचक कुटील

अवांतरः मास्तरांनी सिक्सर मारली आहे.

मीही वाचला आहे. त्यातलं लेखन पाहून जात्याधारित उतरंडीच्या विचारसरणीला वैज्ञानिक अधिष्ठान देण्याचं 'सत्कार्य' चालू आहे हे स्पष्ट दिसून येतं. ब्लॉगचं नाव आहे 'रिलेटिव्हिटी - स्पेशल आणि जनरल'. थोडक्यात मराठीत भाषांतर - नातेसंबंध विशेष आणि सामान्य. लेखकाचं नाव आहे आल्बर्ट आइन्स्टाइन. यात निरीक्षक, फ्रेम ऑफ रेफरन्स वगैरे जार्गन असली तरी बिटवीन द लाइन संदेश स्पष्ट होतो. सत्य हे सापेक्ष असतं. आणि निरीक्षकाच्या स्थितीवरून ते ठरतं. म्हणजे थोडक्यात सामाजिक उतरंडीत सर्वोच्च स्थानी असतात त्यांचं सत्य सर्वोच्च, आणि जे खाली असतात त्यांच्या दृष्टिकोनाला काही किंमत नाही. हा उघडउघड ब्राह्मण्याचा पुरस्कार आहे. उगीच नाही त्यांनी इतकी शतकं ज्ञानावर मक्तेदारी सांगितली. त्यातून निर्माण केलेल्या वर्णव्यवस्थेतून कोट्यवधी लोकांना भरडलं गेलं हे कोणालाच नाकारता येत नाही. अशा ब्राह्मण-सत्ता-पुरस्कर्त्या विचारांचं शास्त्रीय समर्थन व्हावं ही लज्जास्पद गोष्ट आहे. अशा व्यक्तीला नोबेल पुरस्कार देऊन गौरव करण्यात शास्त्रज्ञांचा उच्चज्ञात्याभिमान अधोरेखित होतो.

सर्वांनी विचार करून अशा व्यक्तीचा नव्हे, तर त्या व्यक्तीचं नाव घेऊन तिच्या ब्राह्मण्यवादी वृत्तीचा विरोध करावा ही विनंती.

एइन्स्तिएन February 2012 15:00
डार्विनची बोलती कायमची बंद झाली आहे ;
इंटरनेट च्या माध्यमातून मानव समाजात वितुष्ट
निर्माण करून समाजात फुट पाडण्याचा विघ्नसंतोषी
डाव मी उलथून पाडला आहे; डार्विन नावाच्या भस्मासुराचा
वध करण्यासाठी मला काहीकाळ मानवविरोधी लिखाण करावे लागले .
त्यामुळे काही काळ माझ्यावरही मानवांचा रोष निर्माण झाला होता .
काहींनी तर मला फोन वर धमक्या /शिव्या देखील दिल्या पण मला हें
हलाहल पचवणे भाग होते . डार्विनला उघडे पडण्य साठी मी हें हलाहल
पचवले . डार्विनची जीवनविघातक विचारसरणी/ त्याचे खोटे मानवत्व/ माणूस असल्याची
बतावणी व माकड असण्याचे जेव्हा जगजाहीर होण्याची वेळ आली
तेंव्हा त्याने (त्या माकडाने) फेसबुक आणि ब्लॉग वरून कायमचा गाशा गुंडाळला ..........
हें सर्व करण्या साठी मला माणूस समाजाला दुखवावे लागले . त्या बद्दल मी दिलगीर
आहे . पण खोलवर रुतलेला काटा काढायचा तर स्वतःची कातडी टोकारावी लागते
थोडी कळ काढावी लागते ....ओठावर दात दाबून वेदना सहन कराव्या लागतात
.........पण रुतलेला काटा काढावाच लागतो अन्यथा त्याचे कुरूप होते .....
मित्रहो मी देखील डार्विन या नावाने माणसात द्वेषाचे कुरूप ठरू
पाहणारा विषारी वेड्या बाभळीचा काटा कायमचा उपसून काढला आहे .
काटा काढताना झालेली जखम कालोघात भरून येईल ....सलणारा -खुपणारा
काटा निघणे गरजेचे होते .तो निघाला ....चला आता पुन्हा बंधुत्वाची
वाट चालूया .............एइन्स्ताइन ( सापेक्ष वेडा )

लई भारी हो तुम्ही! यापूर्वी धाग्याची विडंबने व्हायची. पण आता तुमचे शिष्यगण प्रतिसादांचीही उत्तम विडंबने करुन गुरुच्या वरताण ठरताहेत.

>>असा काही ग्रंथ आहे, हे माझ्या वाचनात आलेले नाही. तज्ज्ञांनी यावर प्रकाश टाकायला हवा. असा ग्रंथ नसेल, तर तसे स्पष्टपणे समोर यायला हवे. आणखीन, असेल तर या ग्रंथात नेमके काय म्हटले आहे, हे तपासून पाहायला पाहिजे आहे. असा ग्रंथ कोणाला माहिती आहे का?

समाजात काय चालले आहे त्यावर जळजळीत प्रकाश टाकणारा एक अतिशय माहितीपूर्ण लेख. अशा लेखांमुळेच मराठी आंतरजाल समृद्ध होत असते. थोडे अधिक शोधले असता माकडांनीही ह्या अघोरी माणसाविषयी तक्रार केल्याचे आणि ह्या तथाकथित संशोधकावर शंका घेतल्याचे आंतरजालावर आढळले -

THE DEFRAUDED GORILLA: “That Man wants to claim my Pedigree. He says he is one of my Descendants.”
MR. BERGH: “Now, Mr. Darwin, how could you insult him so?”

ही बातमी १८७१ची आहे. यातले श्री. बर्ग हे American Society for the Prevention of Cruelty to Animals या संस्थेचे संस्थापक होत.

डार्विन यांचे संशोधन खोटे ठरवणारा एक शोधनिबंध इथे सापडेल.

जाताजाता : कोणत्याही मौलिक धाग्यावर अवांतर करणार्‍या आंतरजालावरील काही ज्येष्ठ सदस्यांचा (उदा : श्री. श्रा. मोडक, रा. रा. घासकडवी आणि विक्षिप्त अदिती) निषेध करावा तितका थोडाच आहे.

मस्त धागा!
चिंतातुर जंतूंचे कार्टून पाहून नीत्शे चे उपहासपूर्ण वाक्य आठवले:
"We wish to awaken the feeling of man's sovereignty by showing his divine birth: this path is now forbidden, since a monkey stands at the entrance..”

सदर प्रस्तावातील ब्लॉग हा शब्द दिशाभूल करणारा आहे. चर्चाप्रस्तावकाने दिलेल्या दुव्यांवर ब्लॉग नसून डार्विन या व्यक्तिविषयी इतरांनी नोंदवून ठेवलेली माहिती आढळून आली. चर्चाप्रस्तावक या शब्दाचे प्रयोजन स्पष्ट करतील काय?