सखे ये लवकरि परतून
सखे ये लवकरि परतून |
अशी कशी गेलीस,
मनाला चटका लावुन|
सखे ये लवकरि परतून ||
हा दुरावा नको मज आता |
घालमेल होते तु दुर जाता |
वाट पाहूनी डोळे जाती थकून|
सखे ये लवकरि परतून ||
जिवनाचे कोडे ना मज कळले|
प्रेमाचे तर त्याहून निराळे |
आठवन येता हळ्वे होई मन|
सखे ये लवकरि परतून ||
नकळत एकमेकी गूंतलो |
जन्मजन्माचे सोबती जाहलो|
ताटातूट ही नाही होत सहन |
सखे ये लवकरि परतून ||
सुखदुखाच्या या वाटेवरती |
प्रवास करू धरुनी हात हाती |
साथ न सोडण्याची घेऊया आण |
सखे ये लवकरि परतून ||