पिसाटाची झडपसंस्कृती
Submitted by jayprabhu kamble on शुक्रवार, 08/03/2013 - 13:11
१
पिसाटाची झडप
संस्कृती गडप
रक्ताळले पार
अंधारात
२
हातात टाळ
गळ्यात माळ
कडोमाची अॅड
रानोमाळ
३
विट्यालाही नाद
लागला सीडीचा
त्याचेही दार
बंद आता
४
अभगाचा गळा
डोल्बीने चिरला
गावही रंगला
दाडीयात
५
देहाच्या वराती
बोळात सजल्या
नासवल्या पोरी
रातोराती
६
भगार जगणे
भगारली रात
वासनेचे गीत
गिधाडे गाती
७
पिसाटले थवे
बोकाळल्या झुडी
माणुसकीची मुंडी
मुळगळली
- जयप्रभू कांबळे
field_vote:
(4 votes)
प्रतिक्रिया
वाचनीय
वाचनीय, अनुस्वार वगैरे मराठी लेखनाच्या मूलभूत गोष्टींकडे लक्ष दिले तर आस्वाद अधिक उत्तम होईल.
कविता आवडली.
ऐसी अक्षरेवर स्वागत. कवितेच्या नावात अर्क छान उतरला आहे. संस्कृतीचा बाजार, आणि बाजार हीच संस्कृती होण्याची व्यथा छान व्यक्त झाली आहे.
कविता आवडली.
कविता आवडली.
---
सांगोवांगीच्या गोष्टी म्हणजे विदा नव्हे.
नेमक्या शब्दात प्रभावी कविता.
नेमक्या शब्दात प्रभावी कविता. आवडली!
-अनामिक
छान...
छान... कविता आवडली...
- सुमित
"दिसे जे कवीला,न दिसते रवीला...सांगूनी गेले कुणीसे शहाणे..."
खूप छान
खूप प्रभावी आणि छान.