" बया आज माझी नसे वात द्याया - " (विडंबन)
Submitted by विदेश on शनिवार, 13/07/2013 - 09:27
.
(चाल : प्रिया आज माझी नसे साथ द्याया -)
बया आज माझी नसे वात द्याया
असो बंद डोळे मिटो पापण्या या..
नको गाणी आता जरा झोपतो मी
सुरांची तिच्या आज ती हूल नाही
बयेवीण ना त्रास होईल आता..
किती छान म्हटले तरी त्रास होतो
जरी कान बंदी तरी बोल येतो
शिरा त्या गळ्याच्या फुगाव्या किती त्या..
न भांडी धुवाया, न कामा उशीर
कसा आज हातास येईल जोर
मुखी यातना रात्र जागेल गाया..
किती आठवू मी अशा भांडणांसी
पुरे लाटण्यावीण शब्दांस खाशी
कशाला उभी ती मनीं महामाया.. !
.
field_vote:
(2 votes)
प्रतिक्रिया
छान ! अवांतर : "वात द्याया"
छान !
अवांतर : "वात द्याया" हे "तोफेला बत्ती देणे" या अर्थी वाचलं .
--------------------------------------------
ऐसीव‌रील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
मस्तच!
मस्तच!
प्रकाश घाटपांडे
http://faljyotishachikitsa.blogspot.in/
छान
विडंबन आवडलं. मात्र विडंबनांमध्ये त्रासदायक बायको, दारू हे विषय पुन्हापुन्हा येतात. एखादेवेळी
'यडा आज माझा नसे वात द्याया' असं बायकोच्या तोंडून आलेलं विडंबनगाण वाचायला आवडेल.
या इडंबनाची फेमिनिन व्हर्जन्
या इडंबनाची फेमिनिन व्हर्जन् सांगण्यासाठी फेमिनर्षभ अदिती यांस सुपारी दिल्या जात आहे.
माहिष्मती साम्राज्यं अस्माकं अजेयं
प्रतिसादाबद्दल सर्वांचे आभार
प्रतिसादाबद्दल सर्वांचे आभार .