शापीत स्वप्ने

लग्न करून आलेल्या तिच्या स्वप्नाळू डोळ्यातली.....आता थिजून गेलेली स्वप्ने ! त्यातल्या काही स्वप्नांना किनारा मिळाला असेल, काहींना शब्द...पण अशी कित्येक स्वप्ने विरून गेली असतील ज्याचं अस्तित्व तेव्हाही जाणवलं नसेल आणि आताही. अशा काही स्वप्नांसाठी दोन शब्द ..एक प्रयत्न..!
------------------------------------------------------------------------------------------------------

स्वप्नांच्या तुटण्याचा
आवाज होत नाही
डोळ्यात आसवांचे
सुकले थवे हे काही

मेंदीच्या पावलांनो
उंब-यास त्या विचारा
सुटली तिथे जी स्वप्ने
सांभाळतो बिचारा

फाये क्षणाक्षणांचे
वा-यासवे उडाले
रित्याच गंधकोषी
सुगंध ना मिळाले

रडल्या कितीक रात्री
पा-याचे थेंब झाले
माझा सलाम घ्या त्या
थडग्यांचे देव झाले

- किरण

field_vote: 
0
No votes yet