छबू आणि ठोंबा
एक होता छबू
त्याला दिसला भुभू
भुभू होता झोपेत
घोरत होता मजेत
छबूने धरली शेपूट
भुभूला म्हटला ऊठ ऊठ
भुभूला आली जाग
चढला भलता राग
भुभू भुंकत उठला
छबू धावत सुटला
एक होता ठोंबा
त्याला दिसली हंबा
हंबा होती चरत
हिरवे हिरवे गवत
ठोंबा गेला मधे
आणि म्हटला, "दुध दे"
हंबाने उचलली मान
जोरात हलवले कान
चिडली होती भारी
ठोंबा म्हटला सॉरी
- ग्लोरी
प्रतिक्रिया
ग्लोरी,
मस्तंय की ही छोट्यांसाठीची कविता.....
आवडलीये.
-----------------------------------------------------------------------------------------------------
'प्रास'ची
१) सांगीतिक आवड
२) लेखन मुसाफिरी
मस्तच हो एकदम गुणगुणावीशी
मस्तच हो
एकदम गुणगुणावीशी वाटणारी
तुम्हाला आंजावरचे राजा मंगळवेढेकर म्हणायला हवे
.
अरे वा! बाकी ग्लोरी यांनी
अरे वा!
बाकी ग्लोरी यांनी छोट्यांसाट्।ईचे लेखन थांबले की काय. असे करु नका अशी त्यांना विनंती करतो
- ऋ
-------
लव्ह अॅड लेट लव्ह!
छान
छान, खालच्या कवितेची आठवण झाली.
एक होती आजी चिरत होती भाजी
भाजीतून निघाली आळी
आजी होती आंधळी
आळीने घेतला चावा
आजी म्हणाली धावा
मुले आली धावून
आळी काढली पाहून
आळी फेकली लांब
आजीचे झाले काम
मुले म्हणाली जाऊ?
आजीने दिला खाउ.
मस्तच
कवितेला मस्त लय आहे, कविता आवडली. "मी" यांनी दिलेली कविताही आवडली.
ग्लोरी, मधे गायबच झालेला होतात.
---
सांगोवांगीच्या गोष्टी म्हणजे विदा नव्हे.
मजा आली
मजा आली.
या ओळीवर अडखळायला होते आहे - लयीकरिता थोडी लांब वाटते आहे.
म्हटला तिला "दूध दे"
असे लयीत (माझ्यासाठी) अधिक सोपे गेले.