नग्नतेपासून रक्षण - कोणाचं आणि नक्की कसं केलं जातं?

मला या प्रकारचा अनुभव पुष्कळ उशिरा आला. बंगळुरी एका सकाळी मॉर्निंग वॉकच्या आरोग्यपूर्ण नशेत असताना एक गॄहस्थ अकस्मात सामोरा आला आणि माझ्या डोक्यात काही नोंद होण्याच्या आत मला ओलांडून पुढेही गेला. मी जागीच का थबकले हे कळायला मला सेकंद लागलं. त्यानं पॅन्टीच्या चेनमधून त्याचं लिंग हातात घेतलं होतं. या गोष्टीचा धक्का बसला असावा, असं वाटतं. कारण तो प्रसंग डोक्यातून गेला नाही.
आता या धाग्याच्या निमित्तानं विचार करताना असं वाटतं आहे, की अमुक प्रकारची नग्नता स्वीकारार्ह आणि अमुक प्रकारची नग्नता अब्रह्मण्यम् असं आपल्याला निरनिराळ्या प्रकारे शिकवलं जातं. मराठी बायकांचं साडीतून दिसणारं पोट कुणाला अशिष्ट वाटत नाही, तशा नऊवारी साडीतून दिसणार्‍या पोटर्‍याही. भारतीय पुरुषांना तर उघडेबंब फिरण्याचा परवानाच असतो. कितीही कमी लांबीची तुमान घालून, जानव्यासारख्या कळकट्ट वस्त्राचा किळस वाटेल असा उपयोग करत अनेक पुरुष सार्वजनिक ठिकाणी फिरतात. त्यातल्या काहींच्या उघडेपणाला तर इतरांपेक्षा अधिक सामाजिक प्रतिष्ठाही असते. लिंग या गोष्टीच्या प्रदर्शनाला ती प्रतिष्ठा नाही. (ते एक आश्चर्यच आहे. शंकराचं लिंग इतकं प्रतिष्ठित, पवित्र आणि दिलखेचक मानलेलं असताना, सर्वसामान्य पुरुषांना ते भाग्य न देऊन हिंदू समाजानं पुरुषांवर थोऽऽडा अन्याय केलेला दिसतो. ;-)) तद्वत स्त्रियांचा चेहरा (आणि साडीतून दिसणारं पोट आणि पोटर्‍या) सोडता त्यांच्या इतर कोणत्याच अवयवाच्या प्रदर्शनाला नाही. (मोकळे केस, टक्कल, लांडे केस, मांड्या, दंड, छाती... यू नेम इट. आणि त्याबद्दल काही सामाजिक संकेत, यमनियम, बंधनं आहेतच. काही ठिकाणी, काही परिस्थितीत तर चेहर्‍याच्या प्रदर्शनालाही ही प्रतिष्ठा नाही.) यात काही मूलभूत असमतोल आणि अन्याय आहे असं मलाही वाटायला काही वर्षं जावी लागली (नि मी स्वतःला स्त्रीवादी, पुरोगामी, आधुनिक, विवेकी व्यक्ती मानते), तर डोक्यात इतक्या गोष्टींचा इतका कीस काढायची सवय नसलेल्या कुणाला कुठून ही जाणीव होणार?
आता वाटतं, नग्नतेवर बंधनं असू नयेत ही आदर्श परिस्थिती झाली. जर ती घालायचीच असतील, तर त्यात काहीएक तर्क आणि समानता तरी असलीच पाहिजे. एरवी या निवडक बंधनांतून काहीही घंटा साध्य होत नाही.

वर आलेल्या लेख-प्रतिसादांमधे सार्वजनिक ठिकाणी आपल्या लिंगाचं प्रदर्शन करणार्‍या पुरुषांनी obscenity संदर्भात मोडणार्‍या भारतीय कायद्यांचं उल्लंघन केलेलं आहे असं मी समजतो. चूभूद्याघ्या.

बालमानसशास्त्र याठिकाणी समजून घेतले पाहिजे.
अगदिच लहान वयात (५-६ वर्षांपर्यंत) बालकांनी अनवधाने नग्न व्यक्ति पाहिल्यास त्यांच्यावर होणारा परिणाम हा negligible असावा. कारण त्यांना त्याचा अर्थच लागणार नाही. शिवाय पालकही त्यांना एकटे सोडत नाहीत. तेव्हा सुरक्षततेचा उपाय म्हणजे कायम त्यांची सोबत करणे असे वाटते.

५ ते १२ - या वयात बालके कळती झालेली असतात. या वयात त्यांना विरुद्धलिंगी सवंगड्याच्या गुप्तांगाचे कुतुहल असते. मात्र कोणी प्रौढ व्यक्ति नग्न पाहिल्यास (अनवधानानेच) त्याचा होणारा मानसिक परिणाम (किळस , घृणा वगैरे) हा बराच जास्त असावा. या वयात बालकांवर लक्ष ठेवणे हे कठीण काम असावे. मात्र समवयस्क सवंगड्यांच्या समूहात ते आहेत ना याची खात्री करणे हा उपाय असू शकतो. बालसमूहाने अनवधाने पाहिलेला नग्न प्रौढ याचा परिणाम तितकासा जास्त नसावा.

१२ वर्षापुढील मुले- याविषयी 'बालक-पालक' या चित्रपटात योग्य प्रकारे विवेचन केलेले आहेच.

https://en.wikipedia.org/wiki/Public_nudity

त्या वृंदावनाच्या गल्ली बोळांतून चुकूनही जाऊ नका.गोकूळ मथुरा वृंदावन भयानक आहे.आताच्या गोष्टी आहेत.तिकडच्या सर्वांचेच या घाणेरड्या गोष्टीबाबत डोळे मेले आहेत.
मुद्यावर-लहान मुलांना सांगावे नीट बस 'च' दिसते तर ते उलट विचारतात टिव्हिकडे बोट दाखवून---?

अलिकडेच ही रोचक बातमी वाचली होती.
http://timesofindia.indiatimes.com/world/europe/Italy-hides-nude-statues...

मी लहान असताना मला नग्नतेपासून वाचवण्यात समाज कमी का पडला?

अनेक बाबतीत समाज कमी पडतो. लहान मुलींना हा फ्लॅशिंग चा अनुभव सर्रास येतो. मला आला, माझ्या मैत्रिणींना आला, तुला आला - या लिमिटेड विदावरुन हा निष्कर्ष आहे अर्थात.

०.१% पुरुष आपल्या लिंगाचं महिलांसमोर मुद्दाम प्रदर्शन करत असू शकतील असं मान्य केल्यावर........

< दुष्ट खडूस मोड ऑन>
१. ९९.९% पुरुष "येणार्‍या जाणार्‍यांना आपले लिंग दिसत तर नाही ना?" अश्या चिंतेत असतील. मुतणार्‍या पुरुषाचे लिंग आजूबाजूने जाणार्‍यांना सहज दिसते हे पटत नाही. मध्ये पार्टिशन नसलेल्या सार्वजनिक मुतारीत शेजारी उभे राहून मुतणार्‍याचे लिंग (विशेष प्रयत्न केल्याशिवाय) दिसत नाही. तर सहजपणे बाजूने जाणार्‍या व्यक्तिला ते दिसण्याचा संभव कमी आहे.

२. इन्स्टाग्रामवरील काहीसं चित्र काढून टाकल्याप्रकरणी इथे झालेली वादळी चर्चा आठवली.

३. तुम्ही तुमचं आम्हाला दाखवलं तर आम्ही संतापणार. आम्ही आमचं तुम्हाला दाखवलं आणि ते तुम्ही पाहिलं तरी आम्हीच संतापणार.

<दुष्ट खडूस मोड ऑफ>

नग्नतेपासून फक्त स्त्रीचे संरक्षण केले गेले पाहीजे ,कारण नैसर्गिकच त्यांना नग्नतेविषयी घृणा असते.पुरुश वयात येण्याआधीही नग्न स्त्री देहाबाबत आकर्षण बाळगून असतात वा त्यांना नग्न स्त्री पुरुषांविषयी घृणा वाटत नाही.अगदी कळालयला लागल्यापासून नग्न स्त्री विषयी ,तिच्या लैगिक अवयवांविषयी पुरुषांना आकर्षंण असते.मी सहावीत असताना आम्हा मित्रांमध्ये याविषयी चर्चा चालायच्या ,अनेकजण स्त्री वाकली की तिच्या स्तनांचे दर्शन कसे घडले, मुतताना कुणा पुरुषाचे लिंग कीती मोठे होते व आपलेही तेवढे होईल का याविषयी चर्चा करायचो.माझ्यामते वयात येण्याआधीही पुरुषाला नग्नतेचे वावडे नसते, समहाऊ नग्नतेचे आकर्षंण ज्नमताच पुरुषाच्या मेंदूत हार्डवायर्ड असते.वयात आल्यानंतर तर पुरुषाच्या तिव्र लैंगिकतेमुळे ते अधिकच घट्ट होते.त्यामुळे पुरुषांचे नग्नतेपासून संरक्षण करण्याची काहीच गरज नाही.
याऊलट स्त्रीची लैंगिक भावना वयात आल्यानंतरही पुरुषाच्या तुलनेत एकटक्काही नसते,त्यामुळे नॅचरली नग्नतेविषयी त्यांच्या मनात घृणा असते.एका सर्वे नुसार लग्नानंतर पहील्या संभोगावेळी नवर्याचे नग्न शरीर पाहून बहुतेक स्त्रीयांना घृणा उत्पन्न झाल्याचे आढळले आहे.
त्यामुळे लैंगीकता ,नग्गता, फ्लर्टींग,मेट सिलेक्षन हे पुरुषांचे प्रांत आहेत , अमेरीकन स्त्रीवादाने झापडून कुणा स्त्रीने या प्रांतात पाय ठेवल्यास तिला घृणा किळस याशिवाय काहीही हाती लागणार नाही.

मूळ विषयाबद्दल मी नेहमीच गोंधळलेला असतो.
मुळात आपल्या लिंगाचे/स्तनाचे वगैरे प्रदर्शन करणे यात मला फार काही 'अब्रह्मण्यम' वाटत नाही. ज्यांना इंटरेस्ट असतो त्यांनी बघावे नाही त्यांनी सोडून द्यावे
--
मुळात कपडे घालणे नैसर्गिक आहे की न घालणे? तर न घालणे नैसर्गिक आहे!
मग एकीकडे विविध लैंगिकता असणार्‍यांच्या नैसर्गिक वेगळेपणाकडे आजार म्हणून न पाहता केवळ वेगळेपण म्हणून जर मी पाहू शकतो - तर एखाद्याला कपडे घालायचे नसतील किंवा आपल्या संपूर्ण शरीराचे वा त्यातील काही अवयवांचे प्रदर्शन करायचे असेल तर त्याच्यावर तसे बंधन घालणे मला अयोग्य वाटते. (आपल्याकडे कित्येक दिगंबर साधुंवर असे बंधन समाजाने घातलेले नाही. कारण त्या नग्नतेच्या मागे इतर एंडरकरंट्स नाहीत)

--
अर्थातच मुद्दाम समोरच्याची परवानगी नसताना इतर व्यक्तींना किळस वाटेल इतक्या मुद्दाम जवळ जाऊन अवयवांचे प्रदर्शन, सुचक हावभाव व व्यवहार आदी गोष्टी मात्र मी लैंगिक दुराचारात धरतो (कारण इथे समोरच्या ठराविक व्यक्तीची संमती गृहित धरलेली आहे किंवा समोरच्यावर ही बळजबरी आहे) आणि माझा त्याला विरोध आहे. मात्र एखाद्याच्या लिंग/स्तन दर्शनाने समोरच्याला त्रास होतो इतके कारण त्या व्यक्तीने तो-तो अवयव न दाखवण्यासाठी पुरेसे कारण मला वाटत नाही. (तो बघणार्‍यातला प्रॉब्लेम आहे. शिक्षणाची गरज बघणार्‍याला आहे.)

उदा. अदितीना एखाद्याचे लिंग मूत्र विसर्जन करताना दिसले यात त्या व्यक्तीचा मला काहीही दोष वाटत नाही. अदितीचाही नाही. मुळात मला यात काही फारसे 'नोटिसेबल'च वाटत नाही. याची डोळ्यांना सवय नसते त्यामुळे थबकणे समजू शकतो पण तिला लिंग दिसले यात समाजाने फार काही गुन्हा केलाय असे मला वाटत नाही. (स्त्री-पुरूषांना योग्य तितक्या प्रमाणात सार्वजनिक मल-मुत्र विसर्जनाच्या जागा असाव्यात अशी मागणी मी करतो तेव्हा त्या मागे स्वच्छता व आरोग्य ही कारणे असतात. स्त्रीपुरूषांना आडोसा मिळावा म्हणून मी ती मागणी करत नाही)

---
याही पुढे जाऊन काहिंच्या मेंदूतील वायरिंगच्या वेगळेपणामुळे जर एखाद्याचा स्वतःच्या कृतीवर कंट्रोलच नसेल तर नुसते कठोर कायदे करून उपयोग होईल का कल्पना नाही. त्यापेक्षा त्याला (व समाजालाही) योग्य त्या समुपदेशनाची व उपचारांची गरज आहे. आमच्या परिचितांच्या चाळीत असे एक सत्तरीच्या पुढील गृहस्थ होते. ते कोणीही (बहुतेकदा बाई - पण नेम नाही) मजल्यावरून जाऊ लागली की स्वतःच्या नकळत लिंग बाहेर काढत - करत काहीच नसत , तेव्हढी ताकदही नव्हती. त्यांच्यावर काहीबाही उपचार चालू होते म्हणतात तपशील माहित नाहीत. पण बायकांनाही याची सवय झाल्याने त्यांना याचे काही वाटेनासे झाले होते. अशा व्यक्तींनाही समजून घेण्याची गरज आहे.
--
सगळ्यात क्लिष्ट प्रश्न आहे तो लहान मुलांसमोर शरीरप्रदर्शनाचा. माझ्या मते या गोष्टी आपण रोखु शकत नाही. मुलांसोबत आपला सतत संवाद हवा व आपल्यासोबत काहीही बोलण्याचे मोकळेपण हवे. मग असा प्रसंग घडलाच आणि मुले आपणहून आपल्याशी बोलली तर आपण योग्य ते समुपदेशन करू शकु. जर त्यांनी दुर्लक्ष केले वा फार किंमत न देता सोडून दिले वा आपल्याना न सांगता बाहेरच योग्य/चुकीच ज्ञान शिकले तर ते आपल्या कक्षेबाहेरचे आहे आपण त्यात काहीच करू शकत नाही. मुल स्वतंत्र व्यक्ती आहे व त्याचा प्रत्येक अनुभव व घडण आपण कंट्रोल करू शकत नाही हे वास्तव पालक जितक्या लवकर स्वीकारतील तितके बरे! (हे केवळ शरीर प्रदर्शनाबद्दलचे म्हणणे आहे. लिंग/स्तनांसोबत मुलांना जबरदस्ती व/वा कसेही हाताळायला/खेळायला लावणे किंवा अन्य लैंगिक दुराचारावर रोख हवी कारण तो दोन सज्ञान व्यक्तींमधील मामला नाही)

मानव सोडून ईतर प्राणी हे कायम नैसर्गिक अवस्थेतच असतात. त्यांना त्यांच्या नग्नतेचा त्रास कधी होत नाही. किंवा मानवालाही होत नाही.

(मी बै एक नग्न गाढव बघितले, फार किळस वाटली वगैरे टाइपच्या कमेंटा मी तरी अजून कुठे वाचल्या नाहीत )

मग फक्त मानवालाच मानवाच्या नग्नतेचा त्रास का होतो?

कपडे घालणे हे नैसर्गिक नाहीच.

भारतात नग्नते संदर्भात समाज फार दांभिक भुमिका घेतांना दिसतो. उदा. जर एखादा माणुस एक नॉर्मल माणुस समजा म्हणाला की मला निसर्गवाद योग्य आहे या निष्कर्षावर मी आलेलो आहे वा कुठल्या पर्यावरणीय थेअरी नुसार व आता मला कपड्यात अर्थ वाटत नाही नग्न विहार करायचा आहे. आणि त्याने तशी कृती केलीच तर त्याला त्याचे घरी शेजारीपाजारी पोलिस कायदा उचलुन जेल वा मनोरुग्णालयात टाकतील.
मात्र हेच कृत्य एखादा साधु जैन दिगंबर पंथाचा हवाला देऊन वा हिंदु नागा साधु आखाड्याच्या परंपरेचा दाखला देऊन करेल तर हाच समाज त्याला तसे करण्यास व नंतर ही प्रोत्साहन देइल नव्हे देतांना आपण बघतोच.
यांना आदराची वागणुक कारण त्यांनी दिलेली विचारसरणी तथाकथित त्यागाची समाजाला मान्य आहे.
नग्नतेला आक्षेप नसुन कुठल्या विचारसरणी पगड्याच्या खाली नग्न झाला याला महत्व अधिक आहे.
समजा काहीही कारण न देता उत्स्फुर्ततेने एखादा माणुस झाला तर
प्रोतिमा कबीर बेदी या प्रख्यात नृत्यांगना काही वर्षांपुर्वी मुंबई चौपाटीवर अशाच उत्स्फुर्ततेने नग्न होऊन धावल्या होत्या त्यांच्यावर अर्थातच टीकेचा भडीमार झाला होता.
समाज इतका प्रगल्भ कधी तरी होईल का इतके स्वातंत्र्य देण्याइतका नाही बहुधा
जे आदिवासी समाज अनेक ( अंदमान निकोबार मध्ये आजही ) ज्यात स्त्रीपुरुष अर्धनग्न असतात त्यात स्त्रीयांच्या पुरुषांच्या नग्नते कडे बघण्याचा दृष्टीकोण कमालीचा सहज असतो.
त्याउलट दिल्ली सारख्या शहरात अतीउच्च वर्गात हल्ली एक नविन ट्रेंड आहे. खासगी हाय प्रोफाइल फॅमिली पार्टीज मध्ये नग्न स्त्रीयांचे नृत्य आनंदाने मान्य होते. मात्र तेच कुटुंब तेच लोक बाहेर समाजात वावरतांना एकदम वेगळाच पवित्रा घेतात.
स्त्री संता मध्ये नग्न स्त्री संत आढळत नाही. एक लल्लेश्वरी या काश्मीर मधील संत स्त्री चा तेवढा अपवाद आहे.
जेवढ्या प्रमाणात शरीरे झाकली जातात तेवढे विकृत आकर्षण वाढत जाते. चायना मध्ये पाय मला वाटते व व्हिक्टोरीयन काळात तर स्त्रीचा कुठलाच भाग न दिसु देण्याची काळजी मुस्लिमांचा बुरखा
असे दडपलेले समाज अधिकच ऑबसेस झालेले दिसतात नग्नतेच्या बाबतीत.

नग्नता ही अनेक अंशांनी/प्रकारे लैंगिकतेशी निगडित आहे. मला वाटतं, 'नग्नतेपासून लहान मुलांचं रक्षण करणे' हे एक प्रकारे लैंगिकता (शारीरिक/ मानसिक/ सामाजिक) पूर्णतः विकसित न झालेल्या मुलांचं लैंगिकतेच्या प्रदर्शनापासून रक्षण करणे आहे. लहान बाळं नागडी असली तरी कोणाला (लहान्/मोठ्यांना) त्याचं काहीच वाटत नाही कारण त्यांच्या नग्नतेतून लैंगिकतेचं प्रदर्शन होतं असं बहुतेकांना वाटत नाही. लहान मुलांचं नग्न बाळांपासून 'रक्षण' करणार नाही कोणी.

ही प्रतिक्रिया इथे हलवली आहे.

अनेकदा अशी वेळ येते.तेव्हा जर एखादं चांगलं रेस्टराॅ मिळाल तर मी माझ भाग्य समझते.