ती वाचत असता कविता
ती वाचत असता कविता
डोळ्यात तरळले पाणी
गवसले हरवले शब्द
आठवली विस्मृत गाणी
ती वाचत असता कविता
भळभळल्या बुजल्या जखमा
दु:खाच्या शाश्वत प्रहरी
मज कळला अश्वत्थामा
ती वाचत असता कविता
मी पुन्हा हलाहल प्यालो
अवलाद नवी सर्पांची
मी गळा माळुनी हसलो
ती वाचत असता कविता
शेवटची बेडी तुटली
करुणेची धून अनाहत
झंकारत आतून आली
प्रतिक्रिया
नेहमीप्रमाणे छान कविता. एकही
नेहमीप्रमाणे छान कविता. एकही शब्द ओव्हरवेट किंवा अंडरवेट नाही. क्रिस्प. झकास.
तिज्यायला मजकूर आणि स्वाक्षरीच्या मध्ये डिफॉल्ट एक लाईन मारा की मालक
Hope is for sissies.
वनफॉरटॅन, प्रतिसादाबद्दल
धन्यवाद