चुलीबाई
चुलीबाई माझी सान
ल्हानशी मैत्रीण
नको गं वैरीण
होऊ जन्मी
डोळ्यातल्या झऱ्याची गं
वाट तुझ्यापुढे आहे
थेंब थेंब वाफ राहे
तुझ्यातही
चुलीबाई गं तुला
हवीत लाकडे
माझ्यापासची हाडे
ओली होतं
चुलीबाई तू गं
पोटापुरती नाही
गुजगोष्टींनाही नाही
अंत माझ्या
जन्मभरी तू जळशी
झोपेतही मला जाग
माझ्या चितेसाठी आग
ठेवून जा..
प्रतिक्रिया
वा!
वा! ठेकेदार ग्रामिण ढंगातली कविता आवडली!
ऐसी अक्षरेवर स्वागत! येत रहा लिहित रहा!
- ऋ
-------
लव्ह अॅड लेट लव्ह!
माझ्या चितेसाठी आग ठेवून जा..
माझ्या चितेसाठी आग
ठेवून जा..
चुलीबाईची कविता छान आहे.
*********
केतकीच्या बनी तिथे - नाचला गं मोर |
गहिवरला मेघ नभी - सोडला गं धीर ||