इथे माणूस मरतो
Submitted by स्वयंभू on रविवार, 02/09/2018 - 13:34
इथे माणूस मरतो
नंतर त्याचा धर्म ठरतो
मग सादर होतो अहवाल
सुस्त शासन अन् माध्यमे मस्तवाल
मग येतात फुत्कार चंगळवादी
प्रखर होतात जाणीवा राष्ट्रवादी
काथ्याकूट होतो बाजारू मानवतेचा
एकच दिवस असतो बौद्धिक निषेधाचा
जोशात भरले जातात वृत्तपत्रीय रकाने
चर्चा झाडल्या जातात तावातावाने
नको त्यांचा वधारला जातो भाव
उगाच उकरून काढतात जुनाट घाव
काही काळ असाच जातो निघून
शांततेचा चित्कार चौफेर घुमून
फुकाचे विचारवंत अन् चौकटीतले जगणे
ज्याचे त्याचे कर्म स्वतःचे तुंबडे भरणे
दुटप्पी माणूसकीचे अवशेष भग्न
सकल प्राणीमात्र रोजच्या दिनचर्येत मग्न
--भूषण वर्धेकर
9-10-2015
8:30 रात्रौ
दौंड-पुणे शटल
------------------------------------------------
field_vote:
No votes yet
प्रतिक्रिया
आता कसे?
प्रगती नेत्रदीपक तथा आश्वासक आहे.
या ठिकाणी लवकरच '7:47 सकाळी, दौंडमधील माझ्या घरातील कमोडचे सीट' इतक्या बारीक तपशिलातील मजकूर दिसला, की नेत्रांचे पारणे फिटेल.
पुढील डेटलाइनीस शुभेच्छा.