तुझ्या कवितेची ओळ
तुझ्या कवितेची ओळ
अवचित ओठी येते
जिंदगीच्या निवडुंगा
इवलेसे फूल येते
तुझ्या कवितेची ओळ
अवचित ओठी येते
कालियाच्या डोहातून
कृष्णधून उमटते
तुझ्या कवितेची ओळ
अवचित ओठी येते
पाखराच्या लकेरीने
गचपान थर्थरते
कवितेची ओळ तुझ्या
पुन्हा पुन्हा ओठी येते
पुन्हा पुन्हा रुजूनिया
पुन्हा पुन्हा उगवते
प्रतिक्रिया
जिंदगीच्या निवडुंगा
वाह वाह!!! आवडली ही उपमा.
यातील गचपान शब्द मस्त.
.
छानच
गचपान म्हणजे काय?
हा शब्द मला नवीन आहे, शिकायला आवडेल.
गच्च करवंदाची जाळी किंवा
गच्च करवंदाची जाळी किंवा तत्सम दाट पानाफुलांचे नैसर्गिक गच्च्पण, दाटिवाटी डोळ्यांसमोर आली माझ्या.
धन्यवाद
धन्यवाद - चांगला शब्द आहे.
मी हा शब्द 'गचपण" असा वाचलाय
गचपण = दाटीवाटीने गर्द वाढलेली झुडूपं / बसकी झाडं, ज्यातून वाट काढून जाणं कठीण / अशक्य व्हावं. "कुणा एकाची भ्रमणगाथा" मधे गोनीदानी नर्मदामाईची साथ सोडायची नाही म्हणजे नाही या निश्चयापायी एका गचपणातनं त्याना जावं लागलं त्याचं सुरेख वर्णन केलं आहे.
--------------------------------------------------------------
लिखाण आवडलं तर तारांकीत करायला विसरू नका....
छान कविता
आवडली
भांबड आलं
बाकीच्या
बाकीच्या सर्व शब्दांत, जिंदगी हा शब्द उपरा वाटला.
जिंदगी मिलेगी दोबारा
आहे तसा उपराच शब्द
पण जिंदगी हा शब्द मालमत्ता मिळकत या अर्थाने सरकारी कागदपत्रांमध्ये देखील वापरलेला बघितलाय.
अर्थ नेमका माहीत नाही पण जिंदगी चा असा एक अशा वेगळ्या अर्था ने "आर्थिक" उपयोग पण आहे
आयुष्य = मिळमिळीत
आयुष्य = मिळमिळीत
जिंदगी = कलंदर