बॅकग्राऊंड..

नाही जमली. थोडी मुरायला ठेवली असती तर बरं झालं असतं. घाई झाली. रात्र विसरून डोळे जागे राहतात ही कल्पना चांगली आहे. त्याला अपूर्णांकाची जोड आहे. त्यातही दम आहे. पण बॅकग्राऊंडच जमलं नाही. मग हा कळस नुसताच उंच उडवणारा ठरतो.
क्षमस्व, स्पष्ट बोलल्याबद्दल!

श्रामोंशी सहमत
कल्पना छान असुनही आटोपती झाली

मेदिनी,

छोटीशीच असली तरी कविता आवडली.
कवितेत एक मुक्तपणा जाणवला :)

आशय व रुपके सखोल आहेत. अजून लिहा

श्रावण मोडक, ऋषिकेश, आपल्या प्रतिक्रियांबद्दल आभारी आहे. आपले म्हणणे एका अर्थी बरोबर आहे की मुरायला इ.ठेवायला हवी होती. या कवितेला संदर्भटीप मुद्दामहून ठेवली आहे. केवळ त्या त्या वेळी मनातल्या नोंदी आणि त्याअनुषंगाने उमटलेले शब्दतरंग इतकेच याचे स्वरुप आहे. एखाद्या अपूर्ण कॅनव्हास प्रमाणे.. असे अनेक कॅनव्हास मी सुरु करुन ठेवून दिलेले असतात...तसेच या कवितेच्या बाबतीत झाले आहे. ड्राफ्ट्स मधून उचललेली..म्हटलं तर अपूर्ण अशी ही कृती. यावर जास्त विस्तार करणार नाही पण एवढंच म्हणेन की नर सुगरण पक्षी घरट्यांच्या बांधणी हंगामात बाबतीत असा वागताना अनेकदा पाहिलेला आहे.. जवळपास पूर्ण होत आलेलं घरटं तसंच ठेवून दिलेलं असतं त्याने.. अशी अपूर्णांकांची गर्दी विहिरीकाठच्या वेड्या बाभळीवर झुलताना कैकदा पाहिलेली मनाने टिपून ठेवलेली आहेत. ती तशी का सोडून दिली मध्येच याला उत्तर काही नाही...पण त्यामुळे त्यांच्या त्यावेळच्या बांधणीला विसरुन जावं असंही वाटत नाही. बराच आकार तोवर त्यांनी घेतलेला असतो...केवळ पूर्णविराम नसला म्हणून त्यांच्याकडे पाहायचंच नाही की काय असं वाटतं.. आणि पूर्णविराम म्हणजे तरी काय? सुगरण पुन्हा पुढच्या पावसाळ्यात नव्याने घरटी बांधायला घेतोच..आदल्या वर्षीची पूर्ण झालेली घरटी सोडून देऊन! असो..
जरा जास्तच लांबला प्रतिसाद. विस्ताराबद्दल क्षमस्व..
- मेदिनी

सुंदर..!! पण डोळे?
रात्र विसरुन..
चुकून जागेच पूर्ण..
इतर कित्येक अपूर्णांकांच्या गर्दीत.. !!

हे तर खासच...!!! आवडली कविता