"भक्ति"

सकाळी दोन वाफाळते कॉफीचे कप
समोरासमोर टेबलावर ठेवा: एक स्वतःसाठी
एक देवासाठी. (देव समोरच्या खुर्चीत बसेल!).
विचारा त्याला : शर्ट कुठला घालू, बस घेऊ
का ट्रेन, ऑफिसातल्या खन्नाला चीत कसे करू,
मुलाला अभ्यासाला कसे लावू?
"तो" काय म्हणतोय ते लक्ष देऊन ऐका : उत्तरे मिळतीलच.
रिलायन्सचा शेअर, बाबांचे हार्ट ,
आईचा कॅन्सर , सर्वासर्वात "तो" बाप आहे म्हणतात.
लक्ष देऊन ऐका , हवे तर नोट्स घ्या,
बैठकीच्या शेवटी समोरचा कॉफी कप
संपलेला दिसला तर घाबरून ओरडू नका,
"थँक्यू" म्हणा आणि चला ऑफिसात!
गुड डे !
xxx
(अमेरिकेतील "Evangelical" ख्रिस्चानिटी चे एक रूप!)

field_vote: 
0
No votes yet