थोडा थोडा

सुपारीबाज टपोरीने खंडणीसाठी कपाळावर टेकविलेला
निष्ठुर घोडा
घोडेबाजारात निष्ठेची झूल आडसाली बदलण्यात निर्ढावलेला
संधिसाधू घोडा
जितांनी केलेल्या जेत्यांच्या जयजयकारात गुदमरलेला
अश्वमेधी घोडा
बुद्धिबळाच्या कृष्णधवल अवकाशात अवघडलेला
अडिचक्या चालीचा घोडा
गर्निकाच्या युध्दविकल चौकटीत पिकासोने कोंडलेला
टाहो फोडणारा घोडा
व्याधविद्ध मृगनक्षत्राच्या झगमगत्या चौकटीत दडलेला
तेजोमेघी घोडा
बहुरूपी घोडा
समजू लागलाय
थोडा
थोडा

field_vote: 
4
Your rating: None Average: 4 (1 vote)

प्रतिक्रिया

कविता आवडली, पण ‘सुपारीबाज टपोरीने खंडणीसाठी कपाळावर टेकविलेला निष्ठुर घोडा’ ह्या वाक्यात गोलमाल असल्याचा संशय येतो. माझ्या समजुतीप्रमाणे ‘बंदुकीचा घोडा’ हा तिच्यामागचा हातोड्यासारखा भाग असतो. तो आदळला की गोळी बाहेर येते. कपाळावर टेकवतात ती नळी. घोडा टेकवायचा तर बंदूक विचित्र पवित्र्यात उलटी धरावी लागेल.

‘बुद्धिबळाच्या..’ आणि ‘गर्निकाच्या..’ ह्या ओळी सुंदर आहेत.

-----

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- जयदीप चिपलकट्टी

(होमपेज)

कवितेच्या ओळीत दडपल्याने चडफडणारा घोडा
समजतोय थोडा थोडा ....

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

*********
केतकीच्या बनी तिथे - नाचला गं मोर |
गहिवरला मेघ नभी - सोडला गं धीर ||