ऑलिंपिक २०१२ - २५ जुलै ते ०३ ऑगस्ट २०१२
ऑलिंपिक्स २०१२ ची अधिकृत सुरवात व्हायची आहे. अजून दोन दिवसांनी २७ तारखेला 'ओपनिंग सेरेमनी' असेल. मात्र फुटबॉलच्या स्पर्धा मात्र आजपासून (म्हणजे २५ जुलै) पासूनच सुरू होत आहेत.
तेव्हा आजपासून "ऑलिंपिक २०१२ Live!" या धाग्याद्वारे ताज्या घटना, पदक तालिका, व दर दिवसांचे खेळ या धाग्यावर दिले जातील. जर एखाद्या दिवसाची चर्चा रंगली किंवा एखाद्या दिवशी भारताचा मोठा सहभाग असेल तर त्या दिवसासाठी वेगळा धागा काढला जाईल.
ऑलिंपिक्सच्या खेळांची माहिती पुढील धाग्यांवर वाचता येईल.
A-B C-E F-H I-S T U-Z
सदस्यांना ऑलिंपिक्सच्या खेळाडुंबद्दल, बातम्यांबद्दल, एखाद्या नियमाबद्दल शंका विचारण्यासाठी किंवा संबंधीत विषयावर गप्पा मारण्यासाठी ऑलिंपिक गप्पा हा धागा उपलब्ध आहेच. त्याचाही लाभ घेता येईल.
पदक तालिका
क्रमांक | देश | सुवर्ण | रौप्य | कांस्य | एकूण |
१ | अमेरिका | २१ | १० | १३ | ४४ |
२ | चीन | २० | १३ | ९ | ४२ |
३ | ग्रेट ब्रिटन | ९ | ६ | ८ | २३ |
४ | दक्षिण कोरीया | ९ | २ | ५ | १६ |
५ | फ्रान्स | ८ | ५ | ६ | १९ |
३२ | भारत | ० | १ | १ | २ |
पदकविजेत्या भारतीय खेळाडूंचे अभिनंदन करण्यासाठी या धाग्याचा वापर करावा
०३ ऑगस्ट नंतर होणार्या स्पर्धांचे अपडेट्स वेगळ्या धाग्यावर दिले जात आहेत
प्रतिक्रिया
२५ जुलै २०१२
२५ जुलै २०१२ रोजी खेळले जाणारे खेळः
क्रीडाप्रकार
वेळ
स्पर्धक/गट
निकाल
जिंकलेल्या संघांना प्रत्येकी ३ गुण मिळाले आहेत
आजचा भारताचा सहभागः
आज सहभाग नाही
आजचे भारतीय खेळाडूंचे निकाल
गैरलागू
ग्रेटब्रिटन विजयी
यंदाच्या पहिल्या वहिल्या मॅचमध्ये ग्रेटब्रिटन ने १-० ने बाजी मारून लंडन ऑलिंपिकची सुरवात केली!
- ऋ
-------
लव्ह अॅड लेट लव्ह!
उद्घाटन सोहळ्याच्या आधी
उद्घाटन सोहळ्याच्या आधी स्पर्धा सुरु करण्याचे काही विशेष प्रयोजन आहे का? का ही देखील एक प्रथा आहे?
***
अब्द शब्द
अशी प्रथा नाही मात्र आता ही
अशी प्रथा नाही मात्र आता ही प्रथा झाली आहे
साधारणतः स्पर्धेचे वळापत्रक बघितले तर खेळ विखुरलेले असतात. काही खेळ अधिक लोकप्रिय असतात (जसे फुटबॉल) त्यामुळे त्याचे अधिक सामने भरविणे फायद्याचे असते. मात्र त्यांना स्टेडीयमची उपलब्धता वगैरे गोष्टीही विचारात घ्याव्या लागतात. त्यामुळे फुटबॉलच्या प्राथमिक फेर्या आधीच सुरू करतात.
- ऋ
-------
लव्ह अॅड लेट लव्ह!
काय हे?
कोष्टकामध्ये भारताचा क्रमांक 'गैरलागू'?? निदान रिकामी जागा तरी सोडायची! जी काय २-३ आकडी संख्या येईल ती भरता येईल की त्यात!
सहमत आहे. उगाच भारत म्हणजे
सहमत आहे. उगाच भारत म्हणजे सगळ्या देशांपेक्षा महान वगैरे भास नकोत व्हायला.
---
सांगोवांगीच्या गोष्टी म्हणजे विदा नव्हे.
२६ जुलै २०१२
२६ जुलै २०१२ रोजी खेळले जाणारे खेळः
क्रीडाप्रकार
गट
स्पर्धक
निकाल
आजचा भारताचा सहभागः
आज सहभाग नाही
आजचे भारतीय खेळाडूंचे निकाल
गैरलागू
नुकत्याच युरोकप विजयाच्या
नुकत्याच युरोकप विजयाच्या धुंदीत असलेल्या स्पेनला पहिल्याच मॅचमध्ये जपानने १-० धुळ चारली आहे! ब्राझिलला देखील इजिप्तने चांगलीच टक्कर दिलेली दिसतेय! कोणी हा दुसरा सामना (ब्राझिल-इजिप्त)पाहिला का?
- ऋ
-------
लव्ह अॅड लेट लव्ह!
ऑलिंपिकचा कोणी पॉल ऑक्टोपस
ऑलिंपिकचा कोणी पॉल ऑक्टोपस नाही का?
---
सांगोवांगीच्या गोष्टी म्हणजे विदा नव्हे.
अजून तरी ऐकु आला नाही. पण
अजून तरी ऐकु आला नाही. पण काही सांगता येत नाही अगदी ऑक्टोपस नाही पण माकड, बेडूक वगैरे काहीही येऊ शकतं
- ऋ
-------
लव्ह अॅड लेट लव्ह!
युरोकप विजेता स्पेन
ही टीम वेगळी आहे. मुळ संघातले २-४ खेळाडूच आहेत.
=======================================================================
छिन्नी हातोड्याचा घाव, करी दगडाचा देव, सोशी दैवाचे तडाखे त्यास मानूस ह्ये नाव.....
२७ जुलै २०१२
आज ऑलिंपिकचा अधिकृत उद्घाटन सोहळा होणार आहे.
भारताचा कुस्तीगीर सुशील कुमार भारतीय ध्वजधारक असेल.
उद्घाटन सोहोळ्याची संकल्पना (थीम) 'आयल ऑफ वंडर' नावाची असेल. शेक्सपिअरच्या 'द टेम्पेस्ट' वरून ही संकल्पना प्रभावित असल्याचे म्हटले जाते. एक नयनरम्य सोहळा बघायला मिळेल हे निश्चित
२७ जुलै २०१२ रोजी खेळले जाणारे खेळः
क्रीडाप्रकार
वेळ
फेरी
पदक प्रदान?
आजचा भारताचा सहभागः
तिरंदाजी - पुरूष एकेरी: जयंत तालुकदार (जागतिक क्रमवारी: १९)
पदकाची अपेक्षा या फेरीत पदक प्रदान नाही. त्यामुळे गैरलागू
निकाल
तिरंदाजी - पुरूष एकेरी: तरूणदिप राय(जागतिक क्रमवारी: १८)
पदकाची अपेक्षा गैरलागू
निकाल
तिरंदाजी - पुरूष एकेरी: राहुल बॅनर्जी (जागतिक क्रमवारी: ५४)
पदकाची अपेक्षा गैरलागू
निकाल
पदकाची अपेक्षा या फेरीत पदक प्रदान नाही. त्यामुळे गैरलागू
निकाल
तिरंदाजी - महिला एकेरी: दिपिका कुमारी(जागतिक क्रमवारी: १)
पदकाची अपेक्षा या फेरीत पदक प्रदान नाही. त्यामुळे गैरलागू
निकाल
तिरंदाजी - महिला एकेरी: बोम्बायला देवी (जागतिक क्रमवारी: ४८)
पदकाची अपेक्षा गैरलागू
निकाल
तिरंदाजी - महिला एकेरी: चक्रवोलु स्वुरो (जागतिक क्रमवारी: ४६)
पदकाची अपेक्षा गैरलागू
निकाल
पदकाची अपेक्षा या फेरीत पदक प्रदान नाही. त्यामुळे गैरलागू
निकाल
तिरंदाजीची स्पर्धा सुरू
क्रिकेटची पंढरी लॉर्डस वर तिरंदाजीची पुरुषांची एकेरी तसेच सांघिक स्पर्धा - क्रमवारी फेरी - सुरू झाली आहे. तासा-दिड तासात खेळाडूंची क्रमवारी घोषित होईल. जितका चांगला (वरचा)क्रमांक असेल तितक्या पहिल्या काही फेर्या तुलनेने कमी क्रेमांकाच्या खेळाडूंबरोबर खेळाव्या लागल्याने सोप्या जातील.
आज उद्घाटन झाल्यावर सांघिक स्पर्धाच्या सगळ्या फेर्या पुढील दोन दिवसांत होऊन पदकप्रदान होणार आहे
तिरंदाजी - पुरूष एकेरी: क्रमवारीचे निकाल
एकेरी
तरूणदीप रॉय: ६६४ मार्कांसह ३१ वा (पहिली फेरी ४७ वा, दुसरी फेरी १९वा)
राहुल बॅनर्जी: ६५५ मार्कांसह ४६ वा( पहिली फेरी ४३वा, दुसरी फेरी ४९वा)
जयंत तालुकदारः ६५० मार्कांसह ५३ वा (पहिली फेरी ५१वा. दुसरी फेरी ५३वा)
स्पर्धेतील एकुण खेळाडू: ६४
कोरीयाच्या आय.एम्.डाँग याने ५१ बाण १० मार्कांच्या लक्ष्यावर मारत ६९९ गुण मिळवले व नवा विश्वविक्रम केला आहे.
सांघिक
सांघिक स्पर्धेत भारताचा पुरुष तिरंदाजी संघाने १९६९ गुणांसह (७१ बाण १० मार्कांसाठी) १२ वा म्हणजे शेवटचा क्रमांक मिळवला आहे.
सांघिक स्पर्धेत कोरियाने २०८७ मार्कांसह प्रथम क्रमांक तर मिळवलाच शिवाय नवा विश्वविक्रम स्थापित केला आहे. कोरीयाने तब्बल १४८ बाण १० मार्कांसाठी मारले.
भारतीय संघाची उद्या मॅच जपान बरोबर होणार आहे (आधी दिलेल्या चुकीच्या माहितीबद्दल क्षमस्व)
>तिरंदाजी - महिला: क्रमवारीचे निकाल
एकेरी
दिपिका कुमारी: ६६२ मार्कांसह ८ वी (पहिली फेरी १८वी, दुसरी फेरी २री)
बोम्बायला देवी: ६५१ मार्कांसह २२वी( पहिली फेरी १७वी, दुसरी फेरी ३१वी)
चक्रवोलु स्वुरो: ६२५ मार्कांसह ५० वा (पहिली फेरी ५२वी. दुसरी फेरी ४८वी)
स्पर्धेतील एकुण खेळाडू: ६४
कोरीयाच्या की बो बी हीने ३१ बाण १० मार्कांच्या लक्ष्यावर मारत ६७१ गुण मिळवले व प्रथम क्रम पटकावला आहे.
सांघिक
सांघिक स्पर्धेत भारताचा पुरुष तिरंदाजी संघाने १९३८ गुणांसह (६४ बाण १० मार्कांसाठी) ९ वा क्रमांक मिळवला आहे.
सांघिक स्पर्धेत कोरियाने १९९३ मार्कांसह प्रथम क्रमांक तर मिळवला
भारतीय संघाची परवा मॅच चौथा क्रमांक म्हणजे मेक्सिकोसोबत मॅच होईल
कालच्या उद्घाटन सोहळ्याचा थाट
कालच्या उद्घाटन सोहळ्याचा थाट काय वर्णावा! जागून पाहिल्याचे सार्थक झाले!
शेवटी ज्योत प्रज्वलन तर कळस होते.. फुलासारख्या आकारात पसलेल्या ज्योती मिळून एक ज्योत निर्माण झाली तो क्षण अक्षरशः रोमांच उभे करून गेला
एकूणच नेटका, अभिनिवेशरहित तरीही अतिशय सुंदर उद्घाटन सोहळा (गेल्यावेळचा चायनीज सोहळाही उत्तम होता पण त्यात बघा आम्ही काय काय करु शकतो असे प्रदर्शन होते. ते यावेळी टाळून अत्यंत खिलाडू माहौल तयार केला आहे)
हा भाग इथे बघता येईलः
- ऋ
-------
लव्ह अॅड लेट लव्ह!
किंचित अवांतर
१९६० सालातल्या ऑलिम्पिकपासून ते आतापर्यंत सार्या देशांच्या पदकांचा त्यांच्या सकल राष्ट्रीय उत्पन्न आणि लोकसंख्या ह्या घटकांच्या संदर्भात काढलेले आलेख - http://www.motherjones.com/media/2012/07/summer-olympics-medal-gdp-charts
आणि आपला नंबर ढेग आहे.
आणि आपला नंबर ढेग आहे. मंगोलिया आणि जमैका हे देश सगळ्यात वर आहेत.
---
सांगोवांगीच्या गोष्टी म्हणजे विदा नव्हे.
स्थितप्रज्ञ दगड
बाकी सारे देश सर्वत्र संचार करत असताना भारताने ०,० चा मध्यबिंदु सोडूच नये याची गंमत वाटली.. शाळेतल्या कुठल्याशा कवितेत 'स्थितप्रज्ञ दगड' नावाचे शब्द होते.. तसे काहीसे भारताचे झाले आहे नाही?
- ऋ
-------
लव्ह अॅड लेट लव्ह!
२८ जुलै २०१२
२८ जुलै २०१२ रोजी खेळले जाणारे खेळः
काल उद्घाटन झाले आणि आज तब्बल १९ क्रीडाप्रकार खेळले जातील. व १४ सुवर्णपदके प्रदान होणार आहेत
क्रीडाप्रकार
भारताचा सहभाग?
फेरी
पदक प्रदान?
अनिश्चितनाहीअनिश्चितनाहीआजचा भारताचा सहभागः
बॅडमिंटन मिश्र (दुहेरी): आज व्ही दिगु आणि ज्वाला गट्टा ची जोडी ग्रुप प्ले खेळेल
निकाल भारतीय जोडी स्पर्धा हरली आहे (ग्रुप प्ले असल्याने आव्हान कायम)
बॅडमिंटन महिला (दुहेरी): आज अश्विनी पोनप्पा आणि ज्वाला गट्टा ची जोडी ग्रुप प्ले खेळेल
निकाल भारतीय जोडी स्पर्धा हरली आहे (ग्रुप प्ले असल्याने आव्हान कायम)
बॅडमिंटन पुरुष (एकेरी): शिवाय पुरुपल्ली कश्यप ग्रुप प्ले खेळेल
निकाल पुरुपल्ली कश्यप विजयी झाला आहे.
बॉक्सिंग पुरुष ५६ कीलो: राऊंड ऑफ ३२ मध्ये खेळेल शिव थापा खेळेल
निकाल शिव थापा पराभूत -आव्हान संपुष्टात
बॉक्सिंग पुरुष ७५ कीलो: राऊंड ऑफ ३२ मध्ये खेळेल विजेन्दर सिंग खेळेल
निकाल कझाक प्रतिस्पर्ध्यावर १४-१० ने मात करून विजेंदर सिंग दुसर्या फेरीत गेला आहे
रोईंगः सिंगल स्कल्ट : या स्पर्धेत भारताचे प्रतिनिधित्त्व स्वर्णसिंग विर्क करेल
निकाल स्वर्णसिंग त्याच्या हीटमध्ये चौथा आला आहे. आता त्याला आगेकूच करण्यासाठी उद्या रिपेज राऊंड खेळावी लागेल
टेबल टेनिस: या स्पर्धेत भारताचे प्रतिनिधित्त्व सौम्यजीत घोष पुरुष एकेरीत तर अंकिता दास महिला एकेरीत करतील
निकाल अंकीता दास पराभूत झाली आहे.तिचे आव्हान संपुष्टात आले आहे सौम्यजीत घोष मात्र विजयी झाला आहे. त्याचा पुढील सामना उद्या कोरीयन खेळाडू ह्यॉक किम याच्यासोबत होईल
टेनिस: रश्मी चक्रवर्ती आणि सानिया मिर्झा महिला दुहेरीच्या पहिल्या फेरीत भारताचे प्रतिनिधित्त्व करतील. त्यांचा सामना तैपेयीच्या जोडीबरोबर होईल
निकाल पहिल्याच फेरीत सानिया रश्मीच्या जोडीला १-६, ६-३, १-६ असा पराभव पत्करावा लागला
नेमबाजी -शुटिंग (१० मी एअर पिस्टल)
विजय कुमार शुटिंग (१० मी एअर पिस्टल) च्या पदकासाठी खेळेल
निकालः.
विजय कुमार ३१ वा क्रमांकासहीत पुढील - अंतीम- फेरीसाठी पात्र ठरला नाही. आव्हान संपुष्टात
.
.
.
भारोत्तोलन
गान्गबम सोनिया चानु भारोत्तोलन स्पर्धेत पदकासाठी खेळेल
निकालः.
गान्गबम सोनिया चानु हिला ७ स्थानावर समाधान मानावे लागले.
.
.
.
तिरंदाजी - पुरुष सांघिक
जयंत तालुकदार, तरूणदिप राय, राहुल बॅनर्जी सांघिक तिरंदाजी स्पर्धेत भारताचे प्रतिनिधित्त्व करतील. त्यांना १२ जणांमधे १२वा म्हणजे शेवटाचा क्रम मिळाला आहे. तेव्हा पदकाची फार अपेक्षा धरत येऊ नये प्रत्येक फेरी पार करू शकले तर दिवस अखेर ते पदकासाठी खेळतील
निकालः उप-उपांत्यपूर्व फेरीत जपानबरोबर भारताचा २१४ गुणांसह टाय झाला होता. टायब्रेकर मध्ये भारताचा पराभव झाला आहे. भारतीय पुरुष संघ स्पर्धेच्या बाहेर गेला आहे
ज्वाला गट्टा-व्ही दिजू पराभूत
ज्वाला गट्टा-व्ही दिजू ही जोडी ग्रुप ई मधील ग्रुप प्ले राऊंडच्या पहिल्या स्पर्धेत १६-२१ १२-२१ ने पराभूत झाली.
सध्या भारतीय तिरंदाजी स्पर्धा चालु आहे पहिल्या सहा राऊंडमध्ये भारताकडे जपानपेक्षा २ पॉइंटस जास्त आहेत.
ज्वाला आणि अश्चिनी पोनप्पा
ज्वाला आणि अश्चिनी पोनप्पा महिला दुहेरीत आहेत का? त्या दोघींचं एकत्र रँकींगही बरंच चांगलं आहे.
---
सांगोवांगीच्या गोष्टी म्हणजे विदा नव्हे.
अरे हो की त्यांची ही आजच मॅच
होय. त्यांची ही आजच मॅच झाली.
दुर्दैवाने ज्वाला-अश्विनी त्यांच्या ग्रुप मधली पहिली मॅच २१-१६ २१-१८ ने हरली आहे
अर्थात हे स्पर्धेबाहेर जाणे नाही. बॅडमिंटनमध्ये टेबल टेनिस / टेनिस सारखे थेट एलिनिमेशन नसते. ग्रूप मधले सामने चालु आहेत
तिरंदाजी सामना अप्रतिम चालु
तिरंदाजी सामना अप्रतिम चालु आहे. २४ बाणांच्या शेवटी दोघांचेही गुण समसमान झाले आहेत
आता टायब्रेकर
बॅडमिंटनच्या पुरुष एकेरी
बॅडमिंटनच्या पुरुष एकेरी मध्ये भारताच्या पुरुपल्ली कश्यपने आपल्या बेल्जियन प्रतिस्पर्ध्यावर २१-१४ २१-१२ असा सहज विजय मिळावला.
अजून थोडी निराशा
[*]बॉक्सिंगमध्ये ५६ किलो वजनी गटात शिव थापा पहिल्या राऊंडमध्येच पराभूत झाला आहे.
[*]गान्गबम सोनिया चानु हिला भारोत्तोलन स्पर्धेत ७ व्या क्रमांकावर समाधान मानावे लागले आहे.
सध्या सानिया मिर्झा - रश्मी चक्रवर्ती यांची महिला दुहेरी टेनिस मॅच चालु आहे
कही गम.. थोडी खुशी
नेमबाजीमध्ये विजय कुमार ३१ वा आला आणि अंतीम फेरीसाठी पात्र ठरू शकला नाही
तर सौम्यजीत घोष याने मात्र आपला टेबल टेनिसचा सामना जिंकत पुढल्या राऊंडमधे प्रवेश मिळवला आहे. त्याने ब्राझिलच्या त्सुबोई जी. याला ११-९, १४-१२, ७-११, १२-१०, ५-११, १२-१० अश्या अटितटीच्या मुकाबल्यात मात दिली
अटितटीच्या सामन्यात
अटितटीच्या सामन्यात दुर्दैवाने टायब्रेकरमध्ये भारताच्या संघाला पराजय पत्करावा लागला आहे
टायब्रेकर मध्ये जपान-भारत यांची २९-२७ गुणसंख्या झाली
तिरंदाजी पुरूष सांघिक स्पर्धेत इटलीला सुवर्ण
क्वालिफिकेशनला विश्वविक्रम करणार कोरीयाचा संघ तिरंदाजीत ब्रॉन्झ मेडलच मिळवू शकला. तर इटलीने अत्यंत चुरशीच्या सामन्यात केवळ एका गुणाने अमेरिकेला अंतीम फेरीत हरवून सुवर्णपदक पटकावले
पहिले गोल्ड
लंडन ऑलिंपिक २०१२ चे पहिले गोल्ड मेडल नुकतेच "सिलिंग यी" या चीनच्या खेळाडूने महिला-१०मी रायफल शुटिंग मध्ये मिळाले आहे. पोलंड रौप्य आणि ब्रॉन्झ पुन्हा चीनच्या खेळाडूने पटकावले आहे.
अंकीता दास पराभूत, स्वर्णसिंग हीट मध्ये चौथा
अंकीता दास महिला टेबल टेनिस स्पर्धेत ११-९, ११-८, ११-७, ८-११,, ११-२ अशी पराभूत झाली आहे. याच बरोबर भारताचे महिला टेबलटेनिस मधले आव्हान संपुष्टात आहे आले.
स्वर्णसिंग त्याच्या हीट मध्ये चौथा आला (प्रथम क्रमांकाच्या १० सेकंद मागे). पहिले तिघे थेट क्वार्टर फायनलला गेले तर स्वर्णसिंगला उद्या रेपिज राऊंडमध्ये पुन्हा खेळावे लागेल.
२९ जुलै २०१२
२९ जुलै २०१२ रोजी खेळले जाणारे खेळः
आज एकूण २३ क्रीडाप्रकार खेळले जातील. व १४ सुवर्णपदके प्रदान होणार आहेत
क्रीडाप्रकार
भारताचा सहभाग?
फेरी
पदक प्रदान?
आजचा भारताचा सहभागः
बॅडमिंटन महिला (एकेरी): आज सायना नेहवाल ग्रुप प्ले मध्ये महिमी मॅच स्वीस खेळाडू सोबत खेळेल
निकाल सायना नेहवालने अवघ्या २२ मिनिटांत २१-९, २१-४ ने सामना जिंकला आहे
बॅडमिंटन महिला (एकेरी): आज ज्वाला गट्टा आणि व्ही दिजु ग्रुप प्ले मध्ये दुसरी मॅच डेन्मार्कच्या खेळाडू सोबत खेळेल
निकाल ज्वाला-दिजु हा सामना देखील हरले आहेत.
बॉक्सिंग पुरुष ६० कीलो: राऊंड ऑफ ३२ मध्ये भारतातर्फे जय भगवान खेळेल
निकाल जय भगवानने हा सामना १८-८ ने जिंकत पुढल्या फेरीत प्रवेश मिळावला आहे
बॉक्सिंग पुरुष ६९ कीलो: राऊंड ऑफ ३२ मध्ये विकास क्रिश्नन भारताचे प्रतिनिधित्त्व करेल
निकाल विकास क्रिश्नन याला 'बाय' मिळाला आहे. तो न लढता थेट पुढल्या फेरीत गेला आहे.
रोईंगः सिंङल स्कल् : या स्पर्धेत भारताचे प्रतिनिधित्त्व स्वर्णजित सिंग करेल. कालच्या चौथ्या क्रमांकामुळे त्याला ही शर्यत खेळावी लागत आहे. या शर्यतीत पहिला किंवा दुसरा आला तरच तो उपांत्यफेरीत पोहोचेल
निकाल: स्वर्णसिंग याने रोइंग सिगल स्कलची रिपेज राऊंड जिंकुन उपांत्यपूर्व फेरीत पोचला आहे
रोईंगः डबल स्कल् : या स्पर्धेत भारताचे प्रतिनिधित्त्व संदीप कुमार आणि मनजीत सिंग करतील
निकाल संदीप कुमार आणि मनजीत सिंग पाच जणांच्या हिट मध्ये चौथे आले. आता त्यांना पुढील फेरीसाठी रिपेज राऊंड खेळावी लागेल
टेबल टेनिस: पहिल्या फेरीत विजय मिळवून दुसर्या फेरीत गेलेला सौम्यजीत घोष पुरुष एकेरीत भारताचे प्रतिनिधित्त्व करेल
निकाल सौम्यजीत घोष आपला आजचा सामना हरला आहे. याच बरोबर भारताचे टेबल टेनिसमधील आव्हान संपुष्टात आले आहे.
टेनिस: पहिल्या फेरीत सौमदेव देववर्मन, विष्णु वर्धन पुरुष एकेरीत भारताचे प्रतिनिधित्त्व करतील. तर पुरुष दुहेरीत भारताचे दोन्ही संघ पेस-वर्धन, भुपती-बोपन्ना आज पहिला सामना खेळतील
निकाल पावसामुळे सामने स्थगित / पोस्टपॉन्ड केले आहेत
नेमबाजी -शुटिंग (१० मी पिस्टल)
अनु सिंग शुटिंग (१० मी रायफल) च्या पदकासाठी खेळेल
निकालः.
अनु सिंग तेवीसावी आली आणि अंतीम फेरीसाठी अपात्र ठरली (अंतीम फेरीत पहिले आठ जण जातात)
१० मी एअर पिस्टलमध्ये भारतीय महिलांचे आव्हान संपुष्टात आले आहे.
.
.
हिना सिधु देखील शुटिंग (१० मी रायफल) च्या पदकासाठी खेळेल
निकालः.
हिना सिधु १२ वी आली आणि अंतीम फेरीसाठी अपात्र ठरली (अंतीम फेरीत पहिले आठ जण जातात)
१० मी एअर पिस्टलमध्ये भारतीय महिलांचे आव्हान संपुष्टात आले आहे.
.
.
तिरंदाजी - महिला सांघिक
दिपिका कुमारी, बोम्बायला देवी, चक्रवोलु स्वुरो सांघिक तिरंदाजी स्पर्धेत भारताचे प्रतिनिधित्त्व करतील. त्यांचा ९वा क्रमांक आहे. त्यांची उपौपांत्यफेरीतील स्पर्धा ८व्या क्रमांकाची टिम डेन्मार्क सोबत होईल. जर प्रत्येक फेरी पार करू शकले तर दिवस अखेर ते पदकासाठी खेळतील.
निकालः संघ एका गुणाने पराभूत झाला आहे. याच बरोबर महिलांचे सांघिक आव्हान संपुष्टात आले आहे
.
.
.
आजचे फुटबॉल सामने
वेळ(GMT)
गट
स्पर्धक
निकाल
तिरंदाजी महिला संघ पराभुत
भारताचा तिरंदाजी महिला संघ डेन्मार्क कडून एक पॉइंटने नुकताच पराभूत झाला. पुरुषांप्रमाणेच महिला संघाचेही आव्हान उप-उपांत्य फेरीत संपुष्टात आले आहे
नेमबाजीत बाहेर
हिना सिधु १२ वी तर अनु सिंग तेवीसावी आली आणि दोघीही अंतीम फेरीसाठी अपात्र ठरल्या (अंतीम फेरीत पहिले आठ जण जातात)
१० मी एअर पिस्टलमध्ये भारतीय महिलांचे आव्हान संपुष्टात आले आहे.
ज्वाला दिजु यांची जोडी आज
ज्वाला दिजु यांची जोडी आज देखील पराभूत झाली आहे
त्यांच्या पुढल्या फेरीत जायची शक्यता जवळजवळ संपलेली आहे
सध्या सायना नेहवाल खेळत आहे. पहिला सेट तिने २१-९ ने जिंकला आहे दुसर्यातही १६-२ ने पुढे आहे. तेव्हा पहिली फेरी आरामात जिंकेल असे म्हणता यावे.
शिवाय टेनिसमध्ये सोमदेव देववर्मनचा सामना नुकताच सुरू झाला आहे. निकाल काही वेळात इथेच वाचा!
सोमदेव याचा ६-३ ६-१ असा पराभव
सोमदेव याचा ६-३ ६-१ असा पराभव झाला आहे. याच बरोबर सोमदेवचे ऑलिंपिक मधील आव्हान संपुष्टात आले आहे
भारताचे टेबलटेनिसचे आव्हान संपुष्टात
टेबल टेनिस मधे सौम्यजीत घोष पराभूत झाला आहे आणि याच बरोबर भारताचे एकूणच टेबलटेनिसचे आव्हान संपुष्टात आले आहे
स्वर्णसिंग याने रोइंग सिगल
स्वर्णसिंग याने रोइंग सिगल स्कलची रिपेज राऊंड जिंकुन उपांत्यपूर्व फेरीत पोचला आहे.
त्याच्या प्रतिस्पर्ध्यांमधे तो पहिला होता
सायना नेहवालने अपेक्षेप्रमाणे
सायना नेहवालने अपेक्षेप्रमाणे पहिला सामना केवळ २२ मिनिटांत २१-९, २१-४ ने जिंकला आहे.
बीक्सिंगमध्ये देखील जय भगवान याने १८-८ ने सामना जिंकत टॉप-१६ मध्ये जागा मिळवली आहे.
३० जुलै २०१२ रोजी खेळले
३० जुलै २०१२ रोजी खेळले जाणारे खेळः
आज एकूण २२ क्रीडाप्रकार खेळले जातील. व ११ सुवर्णपदके प्रदान होणार आहेत
क्रीडाप्रकार
भारताचा सहभाग?
फेरी
पदक प्रदान?
आजचा भारताचा सहभागः
तिरंदाजी (महिला- एकेरी): आज तीनही भारतीय महिला एकेरी स्पर्धा खेळतील. त्यांची क्रमवारी पुढील प्रमाणे आहे. आता क्रमवारी नुसार एकास एक असे सामने होतील
दिपिका कुमारी: ६६२ मार्कांसह ८ वी (पहिली फेरी १८वी, दुसरी फेरी २री)
बोम्बायला देवी: ६५१ मार्कांसह २२वी( पहिली फेरी १७वी, दुसरी फेरी ३१वी)
चक्रवोलु स्वुरो: ६२५ मार्कांसह ५० वा (पहिली फेरी ५२वी. दुसरी फेरी ४८वी)
निकाल
बोम्बायला देवी: १/३२ फेरीत विजेयी, १/१६ (उप-उपांत्यपूर्वफेरी) मध्ये पराभूत. खेळाडूचे आव्हान संपुष्टात
तिरंदाजी (पुरूष- एकेरी): आज तीनही भारतीय पुरूष खेळाडू एकेरी स्पर्धा खेळतील. त्यांची क्रमवारी पुढील प्रमाणे आहे. आता क्रमवारी नुसार एकास एक असे सामने होतील.
तरूणदीप रॉय: ६६४ मार्कांसह ३१ वा (पहिली फेरी ४७ वा, दुसरी फेरी १९वा)
राहुल बॅनर्जी: ६५५ मार्कांसह ४६ वा( पहिली फेरी ४३वा, दुसरी फेरी ४९वा)
जयंत तालुकदारः ६५० मार्कांसह ५३ वा (पहिली फेरी ५१वा. दुसरी फेरी ५३वा)
निकाल:
बॅडमिंटन महिला (एकेरी): आज सायना नेहवाल ग्रुप प्ले मध्ये बेल्जियमच्या खेळाडू सोबत खेळेल
निकाल सायना नेहवाल आपल्या ग्रूप मधील दुसरी मॅच देखील २१-४ २१-१४ ने सहज जिंकली. आता पुढील राऊंड ऑफ १६; ५ ऑगस्ट पासून सुरू होईल
बॅडमिंटन मिश्र (दुहेरी): आज ज्वाला गट्टा आणि व्ही दिजु ग्रुप प्ले मध्ये तिसरी व शेवटची ग्रुप प्ले मॅच खेळतील
निकाल मॅच ३१ जुलैला खेळवली जाईल
बॅडमिंटन महिला (दुहेरी): आज ज्वाला गट्टा आणि अश्विनी पोनप्पा ग्रुप प्ले मध्ये दुसरी ग्रुप प्ले मॅच खेळतील
निकाल ज्वाला-अश्विनी च्या जोडीने आपला दुसर्या सामन्यात २५-२३, १६-२१, २१-१८ असा विजय मिळवला. त्यांच्या ग्रुपमध्ये त्या दुसर्या स्थानावर आहेत. (दर ग्रुप मधील पहिले दोन क्रमांक उपांत्यपूर्व फेरीत जातील)
बॉक्सिंग पुरुष ८१ कीलो: राऊंड ऑफ ३२ मध्ये सुमित संगवान भारताचे प्रतिनिधित्त्व करेल
निकाल सुमित संगवात ब्राझिलीयन खेळाडूसोबतच्या अटितटिच्या सामन्यात १५-१४ असा पराभूत झाला
टेनिस: पहिल्या फेरीत सौमदेव देववर्मन, विष्णु वर्धन पुरुष एकेरीत भारताचे प्रतिनिधित्त्व करतील. तर पुरुष दुहेरीत भारताचे दोन्ही संघ पेस-वर्धन, भुपती-बोपन्ना आज पहिला सामना खेळतील. काल पावसामुळे सेंटर कोर्ट सोडल्यास अन्यत्र होणारे सामने रहित करावे लागले होते. अधिक माहितीटाईम-वेळापत्रक घोषित झाल्यावर इथे दिली जाईल
निकाल
सोमदेव देववर्मन पुरूष एकेरीत पराभूत. आव्हान संपुष्टात
विष्णू वर्धन पुरूष एकेरीत पराभूत. आव्हान संपुष्टात
पेस - वर्धन पुरूष दुहेरीत विजयी.
भुपती - बोपन्ना पुरूष दुहेरीत विजयी.
नेमबाजी -शुटिंग (१० मी एअर रायफल)
गगन नारंग शुटिंग (१० मी रायफल) च्या पदकासाठी खेळेल
निकालः.
गगन नारंग ५९८/६०० मार्कांसहित तिसर्या क्रमांकाने अंतीम फेरीत पात्र
गगन नारंगने ब्रॉन्झ मेडल जिंकले
:).
.
गतविजेता अभिनव बिंद्रा देखील शुटिंग (१० मी रायफल) च्या पदकासाठी खेळेल
निकालः.
क्वालिफिकेशन राऊंडमध्ये ५९४ मार्कांसह १६ वा क्रमांक. अभिनव बिंद्रा ऑलिंपिकच्या बाहेर.
.
.
.
आजचे हॉकी सामने
वेळ(भा.प्र.वे)
गट
स्पर्धक
निकाल
गगन
गगन नारंग आणि अभिनव बिंद्रा खेळत आहे.
पहिल्या सेट अखेर गगन नारंग याचा स्कोर १०० आहे तर अभिनवचा ९९
मात्र गगनचे दाहीच्या दाही शॉट 'इनर १०' मध्ये लागले आहेत.
थोडी माहिती: दहा मार्कांच्या वर्तूळात केंद्राभोवती एक अधिक लहान वर्तूळ असते. त्याच्या आत मारल्यास त्याला 'इनर १०' असे म्हणतात. म्हणजे गुण १०च मिळतात मात्र दोन खेळाडूंचे गुण सारखे झाल्यास ज्याने जास्त वेळा 'इनर १०'चा वेध घेतला आहे त्याला विजेता ठरवले जाते.
सध्या गगन नारंग ने १० च्या दहा 'इनर १०'त मारून आपण पदकाचे दावेदार असल्याचं दाखवून दिलं आहे.
आता बघुया त्याचा क्वालिफिकेशन फेरीच्या शेवटी किती स्कोर होतो आणि तो अंतीम फेरीत पात्र होतो का?
सध्याचा फॉर्म आणि प्रगती बघता अभिनव बिंद्राला मात्र अत्यंत कठीण स्पर्धेला सामोरे जावे लागणार आहे. तो अंतीम फेरीत क्वालिफाय होतो की नाही हेच बघावे लागेल.
ही बातमी टंकेपर्यंत गगन नारंगने १५ शॉट पैकी सगळे 'इनर १०'त मारले आहेत
अंतीम स्कोर
अंतीम क्वालिफिकेशन स्कोर:
गगन नारंग (रँक ३)
(कंसात इनर १०)
सेट १: १००/१०० (१०)
सेट २: १००/१०० (१०)
सेट ३: ९८/१०० (८)
सेट ४: १००/१०० (९)
सेट ५: १००/१०० (८)
सेट ६: १००/१०० (८)
अभिनव बिंद्रा (रँक १६)
(कंसात इनर १०)
सेट १: ९९/१०० (५)
सेट २: ९९/१०० (५)
सेट ३: १००/१०० (१०)
सेट ४: १००/१००(१०)
सेट ५: ९९/१००(८)
सेट ६: ९७/१००(७)
पहिले आठ खेळाडू अंतीम फेरीत जातात. याचा अर्थ गगन नारंग अंतीम फेरीत क्वालिफाय झाला आहे तर अभिनव बिंद्राचे आव्हान संपुष्टात आले आहे.
आता GMT 12:15 वाजता अंतीम फेरी होईल. आशा करूया की गगन नारंग एक पदक मिळवून देईल
१० मी रायफलची अंतीम फेरी सुरू
१० मी रायफलची अंतीम फेरी सुरू झाली आहे
त्याविषयीचे अपडेट्स इथे वाचा (दर २ मिनिटांनी अपडेट करा)
८ निशाण्या नंतर दुसर्या व तिसर्या क्रमांमध्ये (नारंग) केवळ ०.१ चे अंतर
भारताला पहिले मेडल!
गगन नारंग याने ऑलिंपिक मधे भारताला पहिले मेडल मिळवून दिले आहे.
त्याने ब्रॉन्झ मेडल जिंकले आहे.
गगन नारंग याचे अभिनंदन!
याच बरोबर भारताने २२व्या स्थानी पदक तालिकेत प्रवेश मिळवला आहे
पदकविजेत्या खेळाडूंचे अभिनंदन करण्यासाठी या धाग्याचा वापर करावा
तिरंदाजी महिला (एकेरी): बोम्बायला देवी (१/३२ फेरीत) विजेती
तिरंदाजी महिला (एकेरी) स्पर्धेत बोम्बायला देवी हिने आपल्या प्रतिस्पर्ध्यावर ६-४ अशी मात करून पुढील फेरीत (टॉप १६ जणांत) प्रवेश केला आहे
तिचा पुढील सामना आजच रात्री आयडा रोमन या मेक्सिकोच्या (१३ वा क्रम) खेळाअडूसोबत होईल
माहितीत सुधारणा बोम्बायला
माहितीत सुधारणा बोम्बायला देवीचा पुढील सामना चालु आहे. बोम्बायला देवी आपल्या प्रतिस्पर्ध्यासमोर चांगली खेळत असताना चौथ्या सेटमधला पहिलाच बाण "०" गुण मिळवून गेला
आता बोम्बायलाचे पुढल्या फेरीत जाणे कठीण दिसते आहे
मेक्सिकोच्या आयड हिने
मेक्सिकोच्या आयड हिने बोम्बायला देवीचा ६-२ असा पराभव केला आहे. बोम्बायला देवीचे ऑलिंपिक २०१२ मधील आव्हान संपुष्टात आले आहे
टेनिस: पुरूष एकेरी
विष्णु वर्धन याचा पुरूष एकेरी टेनिस सामना नुकताच सुरू झाला आहे. स्लोवेनियाच्या ब्लाझ कावकिक बरोबरच्या या सामन्याचा पुढील अपडेट निकालानंतर इथेच देईन
विष्णु वर्धन आपला सामना ३-६,
विष्णु वर्धन आपला सामना ३-६, २-६ असा हरला व त्याचे एकेरीती आव्हान संपुष्टात आले आहे.
भुपती बोपन्ना यांचा सामना चालु आहे. पहिला सेट त्यांनी टायब्रेकरबर ७-६ (७-४) असा जिंकला आहे. दुसर्या सेट मध्ये नुकतीच सर्विस भेदली आहे व ४-३ ने सर्विस करत आहेत.
दुसरा सेट भुपती-बोपन्ना ७-६ (७-६) असा हरले आहेत.
आता सार्या नजरा तिसर्या सेट वर आहेत
मिश्र दुहेरीचं काही झालं का?
मिश्र दुहेरीचं काही झालं का? सानिया मिर्झा दुहेरीत बरीच चांगली खेळते त्यामुळे त्या टीमकडूनही अपेक्षा आहेत.
---
सांगोवांगीच्या गोष्टी म्हणजे विदा नव्हे.
मिश्र दुहेरी स्पर्धा अजून
मिश्र दुहेरी स्पर्धा अजून सुरू व्हायच्या आहेत. टाईमटेबल-ड्रॉ अजून लागलेले नाही
- ऋ
-------
लव्ह अॅड लेट लव्ह!
सुमीत संगवान याचे आव्हान संपुष्टात
बॉक्सिंग हेवीवेट मध्ये (८१ किलो) सुमीत संगवान याचे आव्हान अटितटीच्या मुकाबल्यात १५-१४ असे संपुष्टात आले (प्रत्यक्ष स्पर्धेच्या ठिकाणी घोषणा होताना १५-११ अशी घोषणा झाली मात्र अधिकृत स्कोर १५-१४ आहे)
बॅडमिंटन आणि नेमबाजीत
बॅडमिंटन आणि नेमबाजीत पदकाच्या अपेक्षा आहेत. सर्व खेळाडूंना शुभेच्छा. आणि अद्ययावत माहिती देण्याबद्दल "ऑलिंपिक २०१२" यांचे आभार.
---
सांगोवांगीच्या गोष्टी म्हणजे विदा नव्हे.
+ सहमत
"....अद्ययावत माहिती देण्याबद्दल "ऑलिंपिक २०१२" यांचे आभार....."
~ अदितीचे हे वाक्य इथल्या सर्व क्रीडाप्रेमींच्या मनातीलच आहे. फार आनंद घेत आहे मी या धाग्याचा.
'द अनियन'मधला लंडनच्या
'द अनियन'मधला लंडनच्या ऑलिंपिक पार्कचा हा नकाशा आवडला:
---
सांगोवांगीच्या गोष्टी म्हणजे विदा नव्हे.
क्षमस्व
काल जालाशी कनेक्ट करण्यात तांत्रिक अडचण्बी येत असल्याने धागा अद्ययावत करता आला नाही.. क्षमस्व!
आता लवकरच अद्ययावा माहिती देतो
महत्त्वाचे अपडेटसः
महत्त्वाचे अपडेटसः
१. सायना नेहवाल आपल्या ग्रूप मधील दुसरी मॅच देखील २१-४ २१-१४ ने सहज जिंकली. आराऊपिढूल राऊंड ऑफ १६ ५ ऑगस्ट पासून सुरू होईल
२. ज्वाला-अश्विनी च्या जोडीने आपला दुसर्या सामन्यात २५-२३, १६-२१, २१-१८ असा विजय मिळवला. त्यांच्या ग्रुपमध्ये त्या दुसर्या स्थानावर आहेत. (दर ग्रुप मधील पहिले दोन क्रमांक उपांत्यपूर्व फेरीत जातील)
३. हॉकीमध्ये नेदरलँड ने भारताचा ३-२ असा पराभव केला. अपेक्षेपेक्षा भारतीय संघ सरस खेळत होता. मात्र चांगल्या खेळात सातत्याचा अभाव जाणवला
४. भुपती-बोपन्ना जोडीला पहिल्याच फेरीत मॅक्स मिर्नी - बरी या जोडी सोबत खेळावे लागले. अपेक्षेप्रमाणे अत्यंत अटितटीचा सामना झाला. प्रत्येक सेट टायब्रेकरमध्ये गेला. मात्र भुपती-बोपन्ना जोडीने शेवटी ७-६, ६-७, ८-६ असा विजय मिळवला.
५. त्याच बरोबर पेस-वर्धन जोडी सुद्धा ७-६, ४-६, ६-२ अशी विजयी झाली.
३१ जुलै २०१२
३१ जुलै २०१२ रोजी खेळले जाणारे खेळः
आज एकूण २४ क्रीडाप्रकार खेळले जातील. व १५ सुवर्णपदके प्रदान होणार आहेत
क्रीडाप्रकार
भारताचा सहभाग?
फेरी
पदक प्रदान?
आजचा भारताचा सहभागः
तिरंदाजी (महिला- एकेरी): आज उर्वरीत दोन भारतीय महिला एकेरी स्पर्धा खेळतील. त्यांची क्रमवारी पुढील प्रमाणे आहे. आता क्रमवारी नुसार एकास एक असे सामने होतील
दिपिका कुमारी: ६६२ मार्कांसह ८ वी (पहिली फेरी १८वी, दुसरी फेरी २री)
चक्रवोलु स्वुरो: ६२५ मार्कांसह ५० वा (पहिली फेरी ५२वी. दुसरी फेरी ४८वी)
निकाल
चक्रवोलु स्वुरो अटितटीच्या सामन्यात पराभूत झाली आहे. तिचे आव्हान संपुष्टात आले आहे
तिरंदाजी (पुरूष- एकेरी): आज तीनही भारतीय पुरूष खेळाडू एकेरी स्पर्धा खेळतील. त्यांची क्रमवारी पुढील प्रमाणे आहे. आता क्रमवारी नुसार एकास एक असे सामने होतील.
तरूणदीप रॉय: ६६४ मार्कांसह ३१ वा (पहिली फेरी ४७ वा, दुसरी फेरी १९वा)
राहुल बॅनर्जी: ६५५ मार्कांसह ४६ वा( पहिली फेरी ४३वा, दुसरी फेरी ४९वा)
जयंत तालुकदारः ६५० मार्कांसह ५३ वा (पहिली फेरी ५१वा. दुसरी फेरी ५३वा)
निकाल:
जयंत तालुकदार एकतर्फी सामन्यात ०-६ने पराभूत झाला आहे. त्याचे आव्हान संपुष्टात आले आहे
राहुल बॅनर्जी एकतर्फी सामन्यात ६-० ने विजयी झाला आहे.
१/१६ फेरीत अटितटिच्या सामन्यात राहुल बॅनर्जी ३-७ ने पराभूत झाला आहे. त्याचे आव्हान संपुष्टात आले आहे
तरूणदीप १/३२ फेरीच्या सामन्यात विजयी झाला आहे.
१/१६ फेरीत सामन्यात द्वितीय मानांकीत किम याने तरूणदीप याला २-६ ने पराभूत केले आहे. त्याचे आव्हान संपुष्टात आले आहे
बॅडमिंटन पुरूष (एकेरी): आज पुरुपल्ली कश्यप ग्रुप प्ले मध्ये दुसरी व शेवटची ग्रुप प्ले मॅच खेळतील
निकाल पुरुपल्ली कश्यपने आपल्या ग्रुपमधील दुसरा सामना देखील जिंकला आहे. त्याने २१-९ २१-१४ असा सहज विजय प्राप्त केला. या विजयासोबतच त्याने उप-उपांत्यपूर्व फेरीत प्रवेश केला आहे
बॅडमिंटन मिश्र (दुहेरी): आज ज्वाला गट्टा आणि व्ही दिजु ग्रुप प्ले मध्ये तिसरी व शेवटची ग्रुप प्ले मॅच खेळतील
निकाल ज्वाला गट्टा आणि व्ही दिजुला तिसर्या सामन्यातही २१-१५ २१-१५ असा पराभव पत्करावा लागला आहे. व्ही दिजु साठी ऑलिंपिक २०१२मधील आव्हान संपले आहे.
बॅडमिंटन महिला (दुहेरी): आज ज्वाला गट्टा आणि अश्विनी पोनप्पा ग्रुप प्ले मध्ये तिसरी व अंतीम ग्रुप प्ले मॅच खेळतील
निकाल बॅडमिंटन महिला दुहेरी स्पर्धेत ज्वाला गट्टा- अश्विनी तिसरा सामना देखील जिंकले. मात्र गुणफरकाच्या आधारावर ते उपांत्यपूर्व फेरीत पोचु शकले नाहीत दुर्दैवाने त्यांचे आव्हान समाप्त झाले आहे
बॉक्सिंग पुरुष ४९ कीलो: राऊंड ऑफ ३२ मध्ये लायश्रम सिंग भारताचे प्रतिनिधित्त्व करेल
निकाल नॉकडाऊन मॅचमध्ये लायश्रम सिंग विजयी घोषित झाला आहे
बॉक्सिंग पुरुष ६४ कीलो: राऊंड ऑफ ३२ मध्ये मनोज कुमार भारताचे प्रतिनिधित्त्व करेल
निकाल मनोज कुमार १३-७ ने विजयी घोषित झाला आहे. आता तो उप-उपांत्यपूर्व फेरीत पोचला आहे.
रोईंग (लाईटवेट डबल स्कल): संदीप कुमार आणि मनजीत सिंग रिपीज फेरीत भारताचे प्रतिनिधित्त्व करतील.
निकाल संदीप कुमार आणि मनजीत सिंग पदकाच्या स्पर्धेतून बाहेर. केवळ ७ नंतरच्या रँकिंगसाठी पुढील फेरी खेळतील
रोईंग (सिंगल स्कल): स्वर्णजित सिंग उपांत्यपूर्व फेरीत भारताचे प्रतिनिधित्त्व करेल.
निकाल स्वर्णजितसिंग पदकाच्या स्पर्धेतून बाहेर. केवळ ७ नंतरच्या रँकिंगसाठी पुढील फेरी खेळेल
टेनिस: पुरुष दुहेरीत भारताचे दोन्ही संघ पेस-वर्धन, भुपती-बोपन्ना आज दुसर्या फेरीत खेळतील.
निकाल भुपती बोपन्नाच्या जोडीला दुसर्या फेरीत ६-३, ६-४ असा पराभव पत्करावा लागला आहे. (काहिसा विनाकारण) वादग्रस्त असलेल्या या जोडीचे आव्हान इथे संपुष्टात आले आहे.
गरिमा चौधरी ज्युडो स्पर्धेत पहिल्या फेरीत खेळेत. जर ती सामने जिंकत गेली तर आज दिवस अखेर ती सुवर्णपदकासाठी खेळेल
निकालः जापनीज खेळाडू युनो हिने भारताच्या गरीमा चौधरी हिला अवघ्या १मिनिटे २१ सेकंदात चितपट (इप्पॉन) करून सामना १००-००० ने खिशात घातला. गरिमा चौधरीचे यंदाचे ऑलिंपिक आव्हान अवघ्या सव्वा मिनिटांत आटोपले.
.
.
.
.
भारोत्तोलन स्पर्धेत रवीकुमार काटलु आज पदकासाठी खेळेल
निकालः.
रवीकुमार स्पर्धेच्या शेवटी सहाव्या क्रमांकावर आला आहे
पुरूपल्ली कश्यपचा एकेरी
पुरूपल्ली कश्यपचा एकेरी बॅडमिंटन सामना सुरू झाला आहे. वियेतनामच्या गुयेन या १० मानांकनाच्या खेडाडू बरोबरचा हा सामना जिंकण्यासाठी बिगर-मानांकीत पुरुपल्लीला प्रयत्नांची शिकस्त करावी लागेल हे नक्की.
या सामन्याचे पुढील अपडेट याच प्रतिसादात देईन
-- पहिल्या सेटमध्ये पुरुपल्लीने १३-७ अशी आघाडी घेतली आहे
-- पहिला सेट पुरुपल्लीने २१-९ असा जिंकला आहे
पुरुपल्लीने दुसरा सेटही २१-१४
पुरुपल्लीने दुसरा सेटही २१-१४ ने सहज जिंकत उप-उपांत्यपूर्व फेरीत प्रवेश केला आहे
तिरंदाजी पुरूष एकेरी
तिरंदाजी पुरूष एकेरीत जयंत तालुकदार याचा सामना अमेरिकन खेळाडू वुकी जे सोबत चालु आहे.अमेरिकन खेळाडू वुकी याने ६-० ने जयंत ताकुकदारवर मात केली आहे. याच बरोबर जयंतचे यंदाच्या ऑलिंपिकमधील आव्हान संपुष्टात आले आहे.
इथे याच खेळा संबंधी इतर मॅचेसचे अपडेट्स उप-प्रतिसादांत देईन
चक्रवोलु स्वूरो हीचा अत्यंत
चक्रवोलु स्वूरो हीचा अत्यंत अटितटीच्या सामन्यात ६-५ गुणांनी पराभव झाला आहे. एकूण गुणसंख्या १३०-१३१ अशी होती.
याच बरोबर स्वुरो हीचे आव्हानही संपुष्टात आले आहे
१/३२ च्या फेरीत तरूणदीप रॉयने
१/३२ च्या फेरीत राहूल बॅनर्जी याने ६-० असा सहज विजय मिळवला आहे.
आता त्याचा सामना १/१६ (उप-उपांत्यपूर्व) फेरीत क्रमवारी १४व्या खेळाडूशी होईल. हा सामना लवकरच सुरू होईल.
जर राहुल बॅनर्जी हा सामना जिंकेल तर त्याचा सामना थेट द्वितीय मानंकीत कोरीयन खेळाडू कीम सोबत होण्याची शक्यता आहे
राहुल बॅनर्जीचा १/१६ फेरीतील
राहुल बॅनर्जीचा १/१६ फेरीतील सामना सुरू झाला आहे..
पहिल्या सेट नंतर १-१ बरोबरी झाली आहे
दुसरा सेट राहुल हरला आहे स्कोर १-३
तिसरा सेट राहुलने जिंकला आहे स्कोर ३-३
चौथा सेट राहुल हरला आहे स्कोर ३-५
पाचव्या सेट मध्ये अगदी एका पॉईंटने राहुल हरला
राहुलचे ऑलिंपिक २०१२ मधील आव्हान संपुष्टात आले आहे
तरूणदीप रॉय
तरूणदीप रॉय १/३२ च्या फेरीत विजयी झाला आहे
आता स्थानिक वेळ १५:१० ला त्याचा सामना द्वितीय मानांकीत कोरीयन खेळाडू सोबत १/१६ फेरीतील सामना होईल
ही स्पर्धा सुरू झाली
ही स्पर्धा सुरू झाली आहे
पहिला सेट तरूणदिप २६-२७ ने हरला आहे स्कोर ०-२
दुसरा सेट तरूणदिप २८-३० ने हरला आहे स्कोर ०-४
तिसरा सेट तरूणदिप२८-२५ ने जिंकला आहे स्कोर २-४
चौथा सेट तरूणदिप २६-२८ ने हरला आहे स्कोर २-६
याच बरोबर तरूणदीपचे आव्हान संपुष्टात आले आहे
ज्युडो
जापनीज खेळाडू युनो हिने भारताच्या गरीमा चौधरी हिला अवघ्या १मिनिटे २१ सेकंदात चितपट (इप्पॉन) करून सामना १००-००० ने खिशात घातला. गरिमा चौधरीचे यंदाचे ऑलिंपिक आव्हान अवघ्या सव्वा मिनिटांत आटोपले
बॅडमिंटन
ज्वाला - दिजु च्या जोडीला या स्पर्धेत अजून फॉर्म गवसलेला दिसत नाही . पहिल्या दोन पराभवानंतर "उपचारापुरत्या" खेळल्या जाणार्या तिसर्या मॅच मधे देखील त्यांनी १५-२१ ने पहिला सेट हरलेला आहे व दुसर्या सेटमध्ये देखील ११-१३ ने पिछाडीवर आहेत
ज्वाला गट्टा आणि व्ही दिजुला
ज्वाला गट्टा आणि व्ही दिजुला तिसर्या सामन्यातही २१-१५ २१-१५ असा पराभव पत्करावा लागला आहे.
व्ही दिजु साठी ऑलिंपिक २०१२मधील आव्हान संपले आहे. ज्वालासाठी अश्विनीच्या सोबतीने पुढे जाण्याची आशा जिवंत आहे
याच बरोबर पुरूष भारोत्तोलन
याच बरोबर पुरूष भारोत्तोलन स्पर्धा चालु झाली आहे. भारताचा रवीकुमार यात सहभागी झाला आहे. सध्या स्नॅच (एका फटक्यात वजन उचलणे) फेरी चालु आहे. लवकरच रवीकुमारबद्दल अपडेट देतो
स्नॅच
रवीकुमारचा पहिला ट्राय १३६ किलोग्रॅम यशस्वी झाला आहे. तर दुसरा १४१ किलोग्रॅम अयशस्वी झाला आहे.
अजूनपर्यंत पूर्ण झालेल्या खेळाडूंपैकी सर्वोत्तम वजन १४० किलो आहे.
आता तिसरा ट्राय किती वजनाचा घेतो ते पहायचेतिसर्या खेपेला देखील १४१ किलोग्रॅम वजन उचलायचा प्रयत्न केला मात्र तो यशस्वी ठरला नाही.
तेव्हा स्नॅच फेरीत रवीकुमारचा स्कोर १३६ आहे. स्नॅच फेरी झाल्यावर क्रमांक समजेल
आता क्लीन अँड जर्क फेरी चालु
आता क्लीन अँड जर्क फेरी चालु होईल. यात द्फोन टप्प्यात वजन उचलायचे असते.
रवीकुमार भुदा १६७ किलो उचलायचा प्रयत्न करेल. आता पुढील अपडेट थेट स्पर्धा संपल्यावरच (कारण पदकाची आशा तशीही कमीच आहे )
पाचव्या स्थानावर रवी आहे.
पाचव्या स्थानावर रवी आहे. त्याने पहिल्या प्रयत्नात १६७ किलो उचलले दुसरा १७६ चा प्रयत्न अयश्स्वी ठरला.
आता केवळ तिसरा प्रयत्न शिल्लक आहे. जर तो १७६ किलो उचलु शकला तर एकूण ३११ किलो वजन उचलेल जे सध्याच्या तिसर्या क्रमांवरील वजनाच्या एक ने जास्त आहे.
अर्थात इतके वजन त्याने कधीही यशस्वीरित्या उचललेले नाही.. जर उचलले तर ब्रॉन्झ मिळेल
तिसर्या पयत्नातही तो १७६
तिसर्या पयत्नातही तो १७६ किलो उचलु शकलेला नाही . अर्थात पदकाची आशा संपुष्टात आली आहे.
बहुदा पाचव्या क्रमांकावर समाधान मानावे लागेलरवीकुमार स्पर्धेच्या शेवटी सहाव्या क्रमांकावर आला आहेरोईंग
रोईंग (लाईटवेट डबल स्कल): संदीप कुमार आणि मनजीत सिंग रिपीज फेरीत (सहाच्या गटात) पाचवे आले. त्यामुळे उपांत्यफेरीच्या D गटात ते पात्र झाले आहेत. याचा अर्थ पदकाची आशा संपुष्टात आली आहे आत ते केवळ ७ च्या पुढील रँकिंगसाठी खेळातील
रोईंग (सिंगल स्कल): स्वर्णजित सिंग उपांत्यपूर्व फेरीत भारताचे प्रतिनिधित्त्व करत आहे. स्पर्धा चालु आहे.
रोईंग (सिंगल स्कल): स्वर्णजित
रोईंग (सिंगल स्कल): स्वर्णजित सिंग आपल्या सहाच्या गटात चौथे आल्याने त्यांचीही पदकाची आशा संपुष्टात आली आहे. आता ते C/D गटाच्या सेमीफायनमध्ये केवळ रँकसाठी खेळतील
बॉक्सिंग
४९ किलो वजनी गटात लायश्रम सिंग याला राऊंड ऑफ ३२ मध्ये नॉकडाऊन झाल्याने थेट विजयी घोषित केले आहे. अधिक डिटेल्स लवकरच अपडेटवतो
चमकदार विजय
होय. नेमका हा सामना मला थेट पाहायला मिळाला. अवघ्या दोन अडीच मिनिटात सिंग याने होंडुरासच्या बॉक्सरला "नॉकआऊट" केले. पंचाने लढत थांबविलीच, इतका जोरदार प्रभाव आपल्या सिंगचा पडला.
(अवांतर : थेट पराभूताला "नॉकडाऊन" म्हणत नाहीत ना ? सर्वत्र नॉकआऊट हीच संज्ञा दिसत्ये)
सर्वत्र नॉकआऊट वापरतात हे
सर्वत्र नॉकआऊट वापरतात हे निरिक्षण योग्यच आहे. मात्र ते स्पर्धेच्या दृष्टीने असते.
नॉकडाऊन झाल्यानंतर स्पर्धक स्पर्धेच्या दृष्टीने होतो तो नॉकआऊट
म्हणजे एक स्पर्धेक दुसर्या स्पर्धकाला आधी नॉकडाऊन करतो आणि मग तो स्पर्धेतून नॉक-आऊट होतो
नॉकडाऊन विषयी इथे वाचता येईल
माझ्या वरच्या प्रतिसादात नॉकडाऊन केल्याने असा वाक्प्रयोग हवा होता हे कबुल
उर्वरीत अपडेट्स
उर्वरीत अपडेट्स
-- बॅडमिंटन महिला दुहेरी स्पर्धेत ज्वाला गट्टा- अश्विनी तिसरा सामना देखील जिंकले. मात्र गुणफरकाच्या आधारावर ते उपांत्यपूर्व फेरीत पोचु शकले नाहीत दुर्दैवाने त्यांचे आव्हान समाप्त झाले आहे
-- बॉक्सिंग (६४ किलो) मध्ये मनोज कुमार १३-७ ने विजयी घोषित झाला आहे. आता तो उप-उपांत्यपूर्व फेरीत पोचला आहे.
-- भुपती बोपन्नाच्या जोडीला दुसर्या फेरीत ६-३, ६-४ असा पराभव पत्करावा लागला आहे. (काहिसा विनाकारण) वादग्रस्त असलेल्या या जोडीचे आव्हान इथे संपुष्टात आले आहे. पेस- वर्धन जोडीचा सामना झाला नाही. तो कधी होईल हे नवीन वेळापत्रक बघुन सांगतो. मिश्र दुहेरीचे वेळापत्रक अजूनही लागलेले नाही. आधी मिश्र दुहेरीचे प्राथमिक फेरीचे सामने १ ऑगस्टसाठी ठरले होते मात्र वेळापत्रक पावसाने विस्कळीत झाले आहे.
०१ ऑगस्ट २०१२
१ ऑगस्ट २०१२ रोजी खेळले जाणारे खेळः
आज एकूण २३ क्रीडाप्रकार खेळले जातील. व २१ सुवर्णपदके प्रदान होणार आहेत
क्रीडाप्रकार
भारताचा सहभाग?
फेरी
पदक प्रदान?
आजचा भारताचा सहभागः
तिरंदाजी (महिला- एकेरी): आज उर्वरीत दोन भारतीय महिला एकेरी स्पर्धा खेळतील. त्यांची क्रमवारी पुढील प्रमाणे आहे. आता क्रमवारी नुसार एकास एक असे सामने होतील
दिपिका कुमारी: ६६२ मार्कांसह ८ वी (पहिली फेरी १८वी, दुसरी फेरी २री)
निकाल दिपिका कुमारी हिचा १/३२ च्या फेरीत २-६ ने पराभव. याच बरोबर तिचे व भारताचे तिरंदाजी क्रीडाप्रकारातील आव्हान संपुष्टात आले आहे.
बॅडमिंटन पुरूष (एकेरी): आज पुरुपल्ली कश्यप उप-उपांत्यपूर्व फेरी खेळेल
निकाल पुरुपल्ली कश्यपने शानदार विजय मिळवत उपांत्यपूर्व फेरीत प्रवेश केला आहे
बॅडमिंटन महिला(एकेरी): आज सायना नेहवाल उप-उपांत्यपूर्व फेरी खेळेल
निकाल सायना नेहवाल हीने देखील विजय मिळवत उपांत्यपूर्व फेरी गाठली आहे
रोईंग (लाईटवेट डबल स्कल): संदीप कुमार आणि मनजीत सिंग रिपीज फेरीत भारताचे प्रतिनिधित्त्व करतील. ते पदकाच्या स्पर्धेतून बाहेर आहेत. ते केवळ रँकसाठी खेळतील
निकाल संदीप कुमार आणि मनजीत सिंग आपल्या गटात शेवटि आले. ते शेवटचा सहा क्रमांकांसाठी खेळतील
रोईंग (सिंगल स्कल): स्वर्णजित सिंग उपांत्यपूर्व फेरीत भारताचे प्रतिनिधित्त्व करेल. तो पदकाच्या स्पर्धेतून बाहेर आहे. तो केवळ रँकसाठी खेळेल
निकाल स्वर्णजित सिंग गटात तिसरा आला तो शेवटून ६ ते शेवटून १२ या क्रमांकासाठी खेळेल
टेनिस: पुरुष दुहेरीत भारताचे दोन्ही संघ पेस-वर्धन आज दुसर्या फेरीत खेळतील. मिश्र दुहेरीत पेस-सानिया प्राथमिक फेरी खेळतील
निकाल अटितटिच्या सामन्यात पेस-वर्धन यांना पराभव पत्करावा लागला आहे. याच बरोबर भारताचे पुरुष दुहेरीतील आव्हान समाप्त झाले आहे
पेस-सानिया यांची मॅच पुढे ढकलली आहे.
अनु सिंग आज २५ मी एअर पिस्टल स्पर्धेत खेळेल. जर ती अंतीम फेरीत पोचली तर आज ती सुवर्णपदकासाठी खेळेल
निकालः .
अनु सिंग अंतीम फेरीत पोहचु शकली नाही. तिचे या ऑलिंपिक मधले आव्हान समाप्त झाले आहे
.
.
.
कोल्हापूरची राही सरनौबत सुद्धा आज २५ मी एअर पिस्टल स्पर्धेत खेळेल. जर ती अंतीम फेरीत पोचली तर आज ती सुवर्णपदकासाठी खेळेल.
निकालः .
राही सरनौबत अंतीम फेरीत पोहचु शकली नाही. तिचे या ऑलिंपिक मधले आव्हान समाप्त झाले आहे
.
.
.
आज खेळले जाणारे फुटबॉल पुरूष सामने:
वेळ(भा.प्र.वे)
गट
स्पर्धेक
निकाल
आज खेळले जाणारे हॉकी पुरूष सामने:
वेळ(भा.प्र.वे)
गट
स्पर्धेक
निकाल
नेमबाजी
लवकरच नेमबाजी क्वालिफिकेशन-प्रेसिजन फेरी सुरू होईल.. या प्रतिसादात अपडेट्स दर १० मिनिटानी द्यायचा प्रयत्न करतो
पहिल्या गटामध्ये राहि सरनौबत आहे. दुसर्या गटात अनु सिंग असेल
पहिल्या गटाची प्रेसिजन फेरी सुरु झाली आहे
राहिने पहिला शॉट १० (त्यातही इनर १०) मारला आहे (रँक ४)
पहिल्या सेटच्या मध्यावर राहिने पाचही १० (२ इनर १०) मारले आहेत (गटात रॅंक संयुक्त पहिला)
पहिल्या सेटचा शेवटचा शॉट होईपर्यंत राही पहिल्या तीनात होती, मात्र शेवटचा शॉट ८ वर बसल्याने ९७ गुणांसह ती संयुक्तपणे ९व्या स्थानावर आहे
दुसर्या सेट अखेर ८ व्या स्थानावर
तिसर्या सेट च्या मध्यावर ४९ गुण मिळाले आहेत व राहीने ५व्या स्थानावर झेप घेतली आहे
शेवटाच्या पाच शॉटमध्ये एकदा ८ व एकदा ९ मारल्याने तिसर्या फेरी अखेर ९६ गुणांसह राही सरनौबत आपल्या गटात सहावी आली आहे.
आता दुसरा गट खेळेल व अंतीम फेरीसाठी (बहुदा आठ - खात्री करून सांगतो) स्पर्धेक पात्र होतील.
राहीची अंतीम फेरीत जायची आशा धुसर दिसते आहे
प्रिसिजन फेरी नंतर राही ११ व्या तर अनु सिंग २८व्या स्थानावर
प्रिसिजन फेरीत सर्व खेळाडूंची गुणसंख्या बघता राही ११ व्या स्थानावर तर अनु सिंग २८व्या स्थानावर आहे.
आता रॅपिड फेरी सुरू होईल व दोन्ही फेर्यांची बेरीज होऊन अंतीम गुणसंख्येवर अंतीम फेरीतील खेळाडू ठरतील. टॉप आठ खेळाअडु अंतीम फेरी खेळातील.
प्रिसिजन फेरीमध्ये (पहिले ३० शॉट) पाच मिनिटांमध्ये पाच शॉट मारण्याचे बंधन असते. आता "रॅपिड फायर" फेरीत दर ३० सेकंदात एक शॉट मारायचे बंधन असेल.
सद्य स्थिती बघता अनुसिंग अंतीम फेरीत पोहोचेल असे वाटत नाही. राहीला आपला सर्वोत्तम खेळ दाखवावा लागेलच शिवाय इतरांच्या वाईट खेळाने हातभार लागण्याची आशा बाळगावी लागेल.
रॅपिड फायरच्या पहिल्या गटात राही आहे तर दुसर्या गटात अनु सिंग.
वेगळ्या प्रतिसादात स्पर्धा सुरू झाल्यावर स्थिती अद्ययावत करेन
दुसर्या फेरीच्या शेवटी राही
दुसर्या फेरीच्या शेवटी राही १४व्या स्थानावर गेली आहे. आता तिचे अंतीम फेरीत जाणे कठीण दिसते
तिनही फेर्यात ९६ गुण मिळवून राही अंतीम फेरीच्या बाहेर गेली आहे. (अजून ऑफीशियल यादी यायची आहे, ती आल्यावर क्रमवारी सांगतो)
बॅडमिंटन
पुरूष एकेरी सामन्यात उप-उपांत्य्पूर्व फेरीत पुरुपल्ली कश्यप खेळत आहे
सध्या दोन्ही स्पर्धकांनी एकेक सेट जिंकला आहे
सध्या पुरुपल्ली-करुणारत स्कोर २१-१४, १५-२१ आहे
पुरुपल्ली कश्यपने तिसरा सेट २१-९ ने जिंकत उपांत्यपूर्व फेरीत प्रवेश केला आहे
- ऋ
-------
लव्ह अॅड लेट लव्ह!
बॅडमिंटन
सायना नेहवालची नेदरलँड्सच्या याओ जे.शी मॅच सुरु आहे.
पहिला सेट सायनाने जिंक्ला आहे (२१-१४) आणि दुसर्यात ६-६ अशी स्थिती आहे...
--
सायना जिंकली !! दुसरा सेट २१-१६
रोईंग
डबल स्क्ल्स मध्ये भारतीय जोडी गटात शेवटची आली आहे आता अंतीम फेरीत शेवटच्या ६ क्रमांकासाठी ती लढेल
- ऋ
-------
लव्ह अॅड लेट लव्ह!
तिरंदाजी
तिरंदाजी महिला एकेरीत दिपिका कुमारी १/३२ फेरीमध्येच २-६ ने पराभूत झाली आहे
- ऋ
-------
लव्ह अॅड लेट लव्ह!
टेनिस
पेस्-वर्धन वि. लोद्रा-सोंगा ही मॅच चालू आहे..१ सेट ऑल झाला आहे. दुसरा सेट पेस्-वर्धन यांनी लोद्रा-सोंगा यांना असलेल्या मॅच पॉईंट वरून खेचून आणला आणि आव्हान कायम राखलं...
----
पेस-वर्धन सामना ६-७, ६-४, ३-६ असा हरले आहेत.
टेनिस पुरूष दुहेरीतलं आव्हान संपुष्टात आलं आहे.
०२ ऑगस्ट २०१२
२ ऑगस्ट २०१२ रोजी खेळले जाणारे खेळः
आज एकूण २१ क्रीडाप्रकार खेळले जातील. व १७ सुवर्णपदके प्रदान होणार आहेत
क्रीडाप्रकार
भारताचा सहभाग?
फेरी
पदक प्रदान?
आजचा भारताचा सहभागः
बॅडमिंटन पुरूष (एकेरी): आज पुरुपल्ली कश्यप उपांत्यपूर्व फेरी खेळेल
निकाल द्वितीय मानांकीत मलेशियन खेळाडूशी झुंजून पुरुपल्ली कश्यप, जो ऑलिंपिक उपांत्यपूर्व फेरीत पोचणारा पहिला पुरूष बॅडमिंटनपटु आहे, पराभूत झाला आहे.
बॅडमिंटन महिला(एकेरी): आज सायना नेहवाल उपांत्यपूर्व फेरी खेळेल
निकाल सायना नेहवालने उत्तम खेळी करत पाचव्या मानांकीत खेळाडूला हरवत उपांत्य फेरी त प्रवेश केला आहे. अवघ्या १५ तासांच्या गॅपनंतर सायना नेहवालला उपांत्य फेरी खेळायची आहेच शिवाय तिझी झुंज प्रथम क्रमांकाच्या चीनी खेळाडूशी असेल
टेनिस: मिश्र दुहेरीत पेस-सानिया प्राथमिक फेरी खेळतील
निकाल मिश्र दुहेरीत पेस-सानिया प्राथमिक फेरीत विजयी झाले आहेत
नेमबाजी (२५मी रॅपिड फायर पिस्टल: भारतातर्फे विजय कुमार स्टेज १ क्वालिफिकेशनसाठी खेळेल
निकाल विजय कुमार स्टेज-१ मध्ये १८ खेळाडूंमध्ये ५व्या क्रमांकावर आला आहे. उद्या स्टेज-२ व अंतीम फेरी होईल
बॉक्सिंग: ६० किलो वजनी गटात जय भगवान उप-उपांत्यपूर्व फेरीत खेळेल
निकाल ६० किलो वजनी गटात जय भगवान उप-उपांत्यपूर्व फेरीत पराभूत झाला आहे. याच बरोबर या वजनी गटात भाराचे आव्हान संपुष्टात आले आहे
बॉक्सिंग: ७५ किलो वजनी गटात विजेंदर सिंग उप-उपांत्यपूर्व फेरीत खेळेल
निकाल विजेंदर सिंग याने मात्र आतिटटिच्या सामन्यात विजयश्री खेचुन आणली आहे व उपांत्यपूर्व फेरीत प्रवेश केला आहे.
रंजन सोढी (दोनदा वर्ल्डकप विजेता, आशियायी सुवर्ण/रौप्य), राष्ट्रकुल (दोन रौप्य)) आज डबल ट्रॅप स्पर्धेत खेळेल. जर तो अंतीम फेरीत पोचला तर सुवर्णपदकासाठी खेळेल
निकालः .
शेवटच्या फेरीत ९ शॉट चुकल्याने शेवटपर्यंत सतत पहिल्या पाचात असणारा रंजन शेवटी ११व्या स्थानावर घसला
याच बरोबर त्याचे या ऑलिंपिक मधले आव्हान समाप्त झाले आहे
.
.
पाने