आजची पुरूषप्रधानता स्त्री स्वातंत्र्याला कारणीभुत

हे चांगदेवाचे पत्र आहे का ऐसीवरच्या द्न्यानेश्वरांसाठी ??

त्यांनी रुमाल टाकून ठेवला असेल कदाचित

तुम्ही नाऊमेद होऊ नका. (लेखाची शीर्षके का होईना) लिहीत रहा.
मग जमलं तर लेखसुद्धा लिहा.

आज, आख्खं ऐसी कोमात गेल्यासारखं वाटताय!

कोमल ताई यांचं स्पिरिट आवडलं !!! एवढे सगळे लिहिताहेत तरी ना उमेद न होता त्या टक्कर देत आहेत . टिकणार त्या ऐसीवर !!! अभिनंदन हो कोमल ताई आणि स्वागत !!!!

वाटलं होतं, लेखात आता फारसं काही सांगण्यासारखं नसेल. तंतोतंत खरं ठरलं.

ऐसीवर पुरुषप्रधानता नाही पर्यायाने ती ज्याला कारणीभूत आहे ते स्त्रीस्वातंत्र्यही ऐसीवर नाही म्हणून "हिरवा चारा खाणारा घोडा" या सुप्रसिध्द चित्रासारखा हा लेख आहे. *pardon*

वा वा वा.. ऐसी वर रिकामा धागा पाहून आनंद जाहला!! :D :D

लेख मोठा होता म्हणून कदाचित लेख टाईप करूनही दिसत नाही आहे ...

 :-आजची पुरुषप्रधानता स्त्री स्वातंत्र्याला कारणीभुत

   लग्न न करणारी स्त्री जेव्हा लग्ननावाच्या बेगडीत अडकते तेव्हा तिथून सुरूवात होते तिच्या अस्तित्त्वाची स्त्रीपणाची जाणीव होते पुरुषी अंहकाराची आणि मायेच्या माणसाची ...

भारतासारख्या पुरूषप्रधान देशात खरचं आजही स्त्रीला स्वातंत्र्य मिळाल का ? मिळाल तर आजही स्त्रीला भारतात देवीच रूप मानल्या जाते दुर्गा उत्त्सव साजरी करणारी ही पुरुष मंडळी मग लग्नात स्त्रीला का स्वत:च्या पाया पडू देते स्त्रीची जागा पुरूषाच्या चरणावर का ? कारण ती तर खांद्याला खांदा लावून पुरूषासारखी काम करते .घर सांभाळून नोकरी करणार्या ही स्त्रिया आहेत ह्या समाजात .चुल सांभाळून मुल सांभाळा तरी तिजोरीची चांबी ही पुरुषाच्याच हाती असतेना .मनुस्मृती सारख्या ग्रंथ पुराणातुन स्त्रीचे स्वातंत्र्य बांधल्या गेले आहे ..मनुने तर स्त्रीला चक्क शुद्रात मोडले . इतकेच नाही तर स्त्रीने स्वत:चे विचार ही मांडायचे नाही .
बाल्या वा युवत्या वा 
वृध्दया वापि योषिता !
न स्वातंत्र्येन कर्तव्य किंचित्कार्य गुन्हेण्यपि ।
स्त्रीने लहानपणी पिण्याच्या छत्राखाली रहावे ,तरूणपणी पतीच्या म्हातरपणी मुलाच्या स्वतंत्रपणे आणि स्वतंत्र्यवृतीने तिने कधी जगचू नये का?? तिचे स्वातंत्र्यच तिच्या पासून हिरावून घेतले एका खोट्या पुराण ग्रंथच्या चालीरितीत इथल्या पुरुषाने स्वतः ला झोकून दिले काय ? 

पुरूषी वर्चस्व प्रस्थापित राखून ठेवण्यासाठी आज ही तिला मोठ्या मंदिरात गेली तर दुरून पाया लागा लागते .अरे म्हणते देवाला स्त्री चालत नाही मंदिरातला देव तुम्हाला हे सांगायला येतो का ?स्त्रीच्या सावलीचा ही देवाला विटाळ तर निसर्गाने स्त्रीची उत्पत्ति केलीच कशाला ? आज ही शनी मंदिरात स्त्रीला प्रवेश नाही भारतात राष्ट्रपति च्या खुर्चीवर बसणारी स्त्री शिक्षण मंत्री ही ती आणि मंदिराचा गाभारा तिच्यासाठी नाही म्हणजे हे स्त्री ने ठरवले का की पुरुषानी तिच्यावर बंधने लादली .नऊ महिने उदरात वाढलेला गर्भातल मुल पवित्र वाटते आणि मासिक त्रासातून जाणार्या तिचा संवेदनाचा विचार न करता ती स्त्री ह्या समाजाला अपवित्र  वाटते आजही चार दिवस अलग बस म्हणारा समाज ह्या देशात कमी नाही .ही बंधने ही त्या पुरातन काळा पासुन पुरूष स्त्रीवर लादत जातो मुकट्याने ती ह्या बंधनात अडकून पडलेली आहे ..
   एका पुरूषाचे शिक्षण हे बहुधा त्याचे एकट्याचे शिक्षण ठरवले जाऊ शकते पण एका स्त्रीचे शिक्षण हे भावी पिढीचे शिक्षण असते . आज सांगा कोणत्या कायद्यात संविधानात असे कुठे लिहून ठेवले आहे का स्त्रीने मंगळसुत्र घालाच ? मंगळसुत्र घातल म्हणजे नवरा जीवतं आहे नाही तर तो नाही असे होईल का ?लग्न झाल्यावर तुम्ही कायद्याने पती पत्नी बनताच न लग्न मग पुरुषाचेही होते पण त्याला अशी कुठलीच बंधने नाही .काळ्या मण्याचा धागा स्त्री रिवाज म्हणून कमी आणि बंधन म्हणून जास्त घालते .एक दिवस कपाळाला टिकली नाही लावली लग्न झालेल्या स्त्रीने तर सासू इतराची कुजबुज सुरू होते .आणि नवरा मेला तर विधवा स्त्रीने साधी टिकली जरी लावली तर हाच समाज असतो ना तिच्याकडे तुच्छेतेच्या नजरेने बघणारा म्हणजे समाजाणेच तिच्यावर ही बंधने लादायची आणि समाजानेच ती हिरावून घ्यायची .वेद्, पुराण,ऋग्वेद,मनुस्मृती ह्या विचाराणा आजही पुरुष मंडळी सहमती देतात घरातल्या स्त्रीचा विचार नसतो पण त्याच्या मस्तकातून वेद पुराण जात नाही ...आणि म्हणतात देवाला स्त्रीची सावली चालत नाही .?
त्याची कारणे ....
नारी मग ती पुत्री, पत्नी, माता किंवा कन्या, युवा, व्रुद्धा कोणत्याही स्वरुपात असो ती कधीच स्वतंत्र रहायला नको  .असे स्मृतीत सांगितले आहे ते काही मुद्दे .
पति पत्नीचा केव्हाही त्याग करू शकतो, तिला गहाण ठेवू शकतो विकु शकतो, परंतु स्त्रीला या प्रकारचा कोणताही अधिकार नाही. कोणत्याही स्थिती मध्ये,विवाहानंतर, पत्नी सदैव पत्नीच रहात असते.संपत्ती आणि मिळकतीवर अधिकार किंवा दावा करण्याचा अधिकार नाही, शूद्रांच्या स्त्रियासुद्धा "दास" आहेत, स्त्रीला संपति ठेवण्याचा अधिकार नाही,
स्त्रीच्या संपतिचा मालक तिचा पति, पूत्र, किवा पिता असेल. 
ढोर, गवार, शूद्र आणि नारी, हे सर्व ताडन करण्या योग्य आहेत,
म्हणजे स्त्रीयांना ढोरा सारखे मारता येऊ शकते.
-असत्य ज्या प्रकारे अपवित्र असते, त्याच प्रकारे स्त्रियां सुद्धा अपवित्र असतात, शिकायचा, शिकवायचा, वेद-मंत्र म्हणायचा व उपनयन करण्याचा स्त्रियांना अधिकार नाही .....
स्त्रियां शेवटी नरकातच जाणा-या असल्यामुळे त्यांना यज्ञ कार्य किंवा दैनिक अग्निहोत्र सुद्धा करण्याचा अधिकार नाही.
(यामुळे म्हटल्या जाते-"नर्काचे द्वार") 
यज्ञ कार्य करणा-या किंवा वेद मंत्र बोलणा-या स्त्रियांच्या हातचे भोजन ब्राह्मणांनी वर्ज मानावे, स्त्रियांनी केलेले सर्व यज्ञ कार्य अशुभ असल्याने देवांना स्वीकार्य नाहीत.
मनुस्मृती प्रमाणे, स्त्री पुरुषांना मोहित करणारी असते.
स्त्री पुरुषांना दास बनवून पदभ्रष्ट करणारी असते. 
स्त्री एकांताचा दुरुपयोग करणारी असते.
स्त्री संभोगाप्रिय असते त्यासाठी ती वय किंवा कुरुपता सुद्धा बघत नसते.
स्त्री चंचल आणि हृदयहीन, पति शी एकनिष्ठ न राहणारी असते
.स्त्री केवळ शैया, आभुषण आणि वस्त्र यावरच प्रेम करणारी, वासनायुक्त, बेईमान,
इर्षाखोर, दुराचारी असते .
सुखी संसारासाठी स्त्रीयांसोबत कसे रहावे या साठी हा मनु सांगतो-
स्त्रीयांनी जीवनभर आपल्या पतीच्या आज्ञेचे पालन करायला पाहिजे चाहिए.
पति दुराचारी असो, इतर स्त्रीवर आसक्त असो,दुर्गुणांचे भांडार असो, नंपुसंक असो, कसाही असला तरीही स्त्री ने पतिव्रता होऊन देवा सारखी त्याची पूजाच करायला पाहिजे
पण त्याहीपेक्षा ज्या मराठी साहित्यात असे म्हटले जाते की एका क्षणाची पत्नी ही अनंत काळाची माता असते.
  ह्याच अशा विचाराना आजही पुरूष थारा देतो कुणालाही स्त्री बद्दलचे असे फसवे मत एखाद्या स्त्रीला राग येणारे आणि विरोधाभास दर्शविणारे आहे ....चाली रूडी पासून पुरुषाने तिला बंधनात ठेवले ...स्त्री दिवसा आदीशक्तीच रूप नारी असते आणि रात्र होताच पुरूषी शक्तीचा प्रयोग चालतो ...पण स्त्रीने निमूट पणे सर्व का सहन करत बसायचे ..चांगल काय वाईट काय हे स्त्रीनेही समाजाला समजावून सांगायला पाहिजे लग्नात एकादिवसाच्या झालेल्या नवर्याच्या पाया पडायच्या कारण तो मरेपर्यत तुमचा नवरा असतो मग आर्त व्यक्तित्मत्व कसं ही असो नवरायाच्या पाया पडणे खरचं जर का शास्त्रीय कारण समजल्या जात असेल तर त्यालाच पुजत रहायला हवे लग्न होऊन दारू पिऊन मारणारा निघो मग तो ह्या असल्या चालीरिती समाजातुन बंद का नाही होतं ? पाया पडायच्याच आहे तर मुलीनो जे तुम्हाला शिकवतात लहानच मोठ करतात त्या आई वडिलाच्या पाया पडा आणि ह्या फेकलेल्या पुरातन विचाराचा विरोध करा ....नाहीतर तुमच्या स्वतंत्र्याला पुरुषप्रधानते सोबत तुम्ही ही कारणीभुत असाल...
  
✍ कोमल प्रकाश मानकर

जय बजरंग बली.

स्त्रीने लहानपणी पिण्याच्या छत्राखाली रहावे

हे खरे वादळ !!

मनुने तर स्त्रीला चक्क शुद्रात मोडले

चक्क शुद्रात म्हणजे???... शूद्र असणे कमीपणाचे आहे काय? समस्त मांग समाजातर्फे या वाक्याचा निषेध!! :(

हो शुद्र असणे कमी पणाचे आहे कारण शुद्रांना वेद वाचता येत नाही .ब्राम्हणानावर शुद्रांची सावली पण पडायला नको असे मनुस्मृतीत आहे .शुद्र म्हणजे सर्वांत खालचा वर्गाचा ब्राम्हाचा तोंडातून ब्राम्हणाचा जन्म झाला आणि पायातून शुद्राचा असे मनू सांगतो मनु म्हणजे भृग ऋषी (सुमती भागर्व)ज्याने मनुस्मृती लिहिली ...

कोमल ताई , तुम्ही हा प्रतिसाद सिरियसली लिहीला आहेत असे समजून हा प्रतिसाद देत आहे . हा शूद्रांबद्दल लिहिलेला विचार अत्यंत हिणकस आहे. कोण मनू , कसले वेद न वाचण्याचा अधिकार , कुठल्या जगात आणि कुठल्या शतकात जगत आहात आपण ? असल्या सरंजामशाही आणि पुराणमतवादी विचारांचा निषेध !!!

'न अर्हति' ह्याचे दोन अर्थ होतील. दोन्हीमध्ये ध्वनित नकार आहे पण एकापेक्षा दुसऱ्यामध्ये तो नकार जास्त कडक आहे.

एक अर्थ म्हणजे 'आवश्यकता नाही - does not need'. दुसरा 'पात्र नाही - does not deserve'. मनूकडे त्या काळच्या समाजाचे चित्रण करणारा म्हणून पाहिले तर पहिला अर्थ वापरला पाहिजे. मनूला धोपटायचे असेल आणि स्त्रियांवरील अन्यायाचा तो एकमेव author होता असे प्रतिपादन करायचे असेल तर दुसरा अर्थ वापरावा, पहिल्याकडे ढुंकूनहि पाहू नये.

मनूच्या काळात भारतीय समाज आजच्याइतका प्रगत आणि उदार नव्हता हे उघड आहे. हे दुष्ट-ब्राह्मणी इ,इ. दुर्गुणांनी युक्त भारतीय संस्कृतीतच होते असे नाही तर जगभर असेच स्त्रियांना अनुदार वाटणारे विचार समाजधुरीण स्त्रियांवर लादत होते. इस्लाममध्ये जित समजातील स्त्रिया आणि मुलांना गुलाम करून विकणे संमत होते. गुलामाच्या मालकाला आपल्या गुलाम स्त्रीचा लैंगिक वापर करण्याची पूर्ण मुभा होती. अनैतिक लैंगिक संबंध ठेवणार्‍या स्त्रीला दगडांनी ठेचून मारण्याची शिक्षा होती. पैगंबरकालीन इस्लामचे राज्य जगावर लादू पाहणारे ISIS चे लोक हे आज प्रत्यक्षात आणून दाखवीत आहेत. मोझेसच्या कायद्याप्रमाणे अनैतिक लैंगिक संबंध ठेवणार्‍या स्त्रीला दगडांनी ठेचून मारण्याची शिक्षा होती. मनूला स्त्रियांच्या नीच स्थितीचे कारण ठरवायचे असेल तर दुसरा अर्थ - does not deserve - वापरून ते करता येते.

पण मनूने अशाहि काही गोष्टी म्हणून ठेवल्या आहेत की तो स्त्रियांचा आदर करतांना दिसतो. उदाहरणार्थ पुढील दोन श्लोक वानगीदाखल पहा:

पितृभिर्भ्रातृभिश्चैता: पतिभिर्देवरैस्तथा ।
पूज्या भूषयितव्याश्च बहुकल्याणमीप्सुभि: ॥ ३.५४
यत्र नार्यस्तु पूज्यन्ते रमन्ते तत्र देवता:।
यत्रैतास्तु न पूज्यन्ते सर्वास्तत्राफला: क्रिया: ॥३.५५

स्वत:चे कल्याण इच्छिणार्‍या पिता, बन्धु, पति आणि देवर ह्यांनी त्यांना (स्त्रियांना) पूज्य मानावे आणि त्यांना भूषवावे. जेथे नारींची (स्त्रियांची) पूजा होते तेथे देवता आनन्दी असतात. जेथे अशी पूजा होत नाही तेथे सर्व कार्य निष्फल आहे.

तेव्हा ’न स्त्री: स्वातन्त्र्यमर्हति’मधील ’अर्हति’ चा 'does not need' असा अर्थ लावायचा असेल तर मनूच्या लेखनाकडे अधिक उदारपणे पाहता येते - तो केवळ समाजाची तत्कालीन स्थिति दाखवीत होता असे म्हणता येते.

अर्थात आजच्या विचाराने पाहिले तर स्त्रियांना हे सक्तीचे देवपण आणि देव्हार्‍यात बंद होणे मान्यच नाही तेहि ठीक आहे. फक्ता त्यासाठी येताजाता मनूला शिवीगाळ करण्याची गरज नाही इतकेच.

धागा लेखिकेस अजून सीमा बुवा यांची ओळख झालेली दिसत नाही.

लिहिण्याआधी चिकार वाचा. आडवं-तिडवं वाचा.

आणि त्यानंतर ऐसीवरच्या विचारवंतांना चावा, अगदी आडवं-तिडवं चावा.

धागा १०० कडे दौडतो आहे म्हणजे त्यात काहीतरी provocative नक्कीच आहे.
एक गोष्ट स्पष्ट दिसते धागाकर्ती आणि बहुसंख्य प्रतिसादकर्ते हे वेगवेगळ्या जगातले आहेत. वेगळ्या wavelength वरही आहेत.
शुद्धलेखनाचा. मुद्दाच घेऊ. विदर्भातील मुले मराठी कमी हिंदी जास्त अश्या वातावरणात वाढतात सदाशिव पेठी प्रमाण भाषे चे संदर्भ वापरून त्यांच्या मराठीचे मूल्यमापन काहीसे अन्यायकारक वाटते.. टंकनाची सवय नसल्याने सुद्धा दोष राहू शकतात.. आजची पुण्या-मुंबईची मराठी प्रमाण मानली तर ज्ञानेश्वरांच्या भाषेत सुद्धा दोष निघू शकतात (फक्त राजा नागडा म्हणायचे आपल्याला धाडस नसते)
इतके असून धागाकर्तीची तळमळ जाणवत राहते. पुराण कालीन व्यक्ती निमित्ताला वापरून त्यांनी जे दु:ख मांडायचा प्रयत्न केलाय ते मुक्ती साठी धडपडणाऱ्या पहिल्या पिढी च्या मुलीचे आहे. ऐसी वरील बहुतेक सदस्य किमान दुसरया, कदाचित तिसऱ्या मुक्त पिढीचे प्रतिनिधी आहेत. त्यांचा परिसर देखील अमेरिका किंवा असेच प्रगत राष्ट्र असण्याची शक्यता जास्त..
को. मा. ची real time स्थिती समजून घेण्याची इच्छा असेल तर ऐसी च्या सदस्यांना थोडा परकाया प्रवेश करणे आवश्यक आहे. ज्या अडचणी त्यांनी केवळ योग्य ठिकाणी जन्म घेतल्याने सहज पार केल्या किंबहुना त्या त्यांच्या साठी अस्तित्वातच नव्हत्या त्या आजही भारतात बहुसंख्य मुलीना कुजवत असतात.
नाहीतर याचा अर्थ काय लावाल? ....मंदिरे बांधण्या च्या मुद्द्या वर अजूनही भारतात निवडणुका लढवल्या जातात. कधी कधी जिंकल्या ही जातात. मंदिरात प्रवेश मिळावा यासाठी आंदोलन करणाऱ्यांना क्रांतिकारक समजले जाते. पंतप्रधान रावण दहनाला उपस्थित राहतात मुख्यमंत्री सह पत्नी विठ्ठल पूजा करता. वगैरे.