कृपादृष्टी
काळा आणि गोरा / दोघे ते बेघर
पांघराया पेपर / टाइम्सचा
झोपायला होता / फुटपाथ दगडी
गरम शेगडी / कुठे नाही
कचऱ्यात मिळाला / चिकनचा तो तुकडा
लॉट्रीचा आकडा / लागला की!
उंच इमारती / आभाळी चढती
बडे विसावती / त्यांच्यामध्ये
त्यांवर ते दिसे / मोकळे आभाळ
विराट सकळ / फांकलेले
बर्फाळ ती थंडी / चढू जी लागली
शुद्ध हरपली / दोघांचीही
दोघांवर होई / "त्या"ची कृपादृष्टी
मोठी हिमवृष्टी / सुरु झाली
सकाळी मिळाली / थडगी ती सुंदर
एकाला शेजार/ दुसऱ्याचा
पोलीसवाला म्हणे / माझीच ही गल्ली
कशी सापडली / चोरांना ह्या. .
xxx
प्रतिक्रिया
सत्य कथा
आठवड्यापूर्वीच्या हिम-वादळात न्यू यॉर्क मध्ये दोन बेघरांचा मृत्यू झाला त्याविषयी.
अरेरे! किती वाईट मृत्यु.
अरेरे! किती वाईट मृत्यु.
हान्स अँडरसनची परीकथा आठवली.
हान्स अँडरसनची परीकथा आठवली. थंडी घालवण्यासाठी रसत्यावर कुडकुडणारी काडी पेटवणारी गरीब मुलगी. क्रिसमसच्या काळात.
--
परवश तो मानव।
परी बुद्धीचा तो कैफ करी।
शाल दिली 'त्या'ने गाढवाला।
कच्छमध्ये अधिक पन्नास
लडाखमध्ये वजा पन्नास।
प्रच्छन्नपणे विहार करी
समाजवाद याच्या पायाखाली।
अप्रतिम सुंदर कथा आहे ती.
अप्रतिम सुंदर कथा आहे ती.