आम्ही शेतकरी, आम्ही शेतकरी |

आम्ही शेतकरी, आम्ही शेतकरी |
आम्हास प्यारी पंढरीची वारी ||दृ||

मातीशी आमचे मातेचं नातं |
बैल बारदाना हेच आमचं गोत |
नाही आम्ही कुणाला भीत |
कष्ट करितो दिवस रात |
मुखात आमच्या रामकृष्णहरी ||१ ||

कुदळ फावडे घेउनी करी |
निघतो शेताला रामप्रहरी |
विश्रांती आमची बांधावरी |
गोड आम्हास मीठ भाकरी |
भाव आमचा विठोबावरी ||२ ||

ज्ञानोबा तुकोबाने मार्ग दाविला |
कर्मातच ईश्वर सांगितला |
हाती काम मुखी नाम बोला |
हेच प्रिय विठूरायाला |
तुळस आमच्या डुले दारी ||३ ||

कर्मातच असे पापपुंण्याचे माप |
कितीही असुदे कामाचा व्याप |
मुखी आमच्या विठलाचा जप |
पिकातच दिसे आम्हा हरीचे रूप |
संकटी आम्हा विठ्ठलच तारी ||४ ||

मिळाला जन्म शेतकऱ्याच्या घरी |
याचा आम्हास अभिमान भारी |
नाही आमच्यात भेदभावाची दरी |
सगळे समान विठ्ठलाच्या दारी |
जगाया शिकवी गाथा ज्ञानेश्वरी ||५ ||

field_vote: 
3
Your rating: None Average: 3 (1 vote)

प्रतिक्रिया

वा वा अनिलजी. आपली नाळ जुळते आहे असे वाटते.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0


मधुमेहा विरुद्ध लढा
माझी जालवही

धन्यवाद, पाषाणभेदजी समविचारी एकत्र आले की नाळ नक्कीच जुळते.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0