अमृतांजन पुलाखालची स्मरणशिला.
पुणे-मुंबई रस्त्यावरील घाटामध्ये काही पिढ्या उभा असलेला आणि ’अमृतांजन पूल’ ह्या नावाने माहीत असलेला पूल अलीकडेच काही दिवसांपूर्वी पाडण्यात आला हे आपण सर्वांनी वाचलेले आणि पाहिलेले आहे. हा घाटरस्ता बांधला गेला त्या घटनेच्या स्मरणासाठी एक संगमरवरी स्मरणशिला त्या पुलाच्या खाली मला आठवते तेव्हांपासून उभी होती. त्या पूर्वीहि ती तेथेच असणार. तिचे चित्र खाली दाखवीत आहे.
पूल पाडल्यानंतर त्याखालील स्मरणशिळेचे काय झाले हे जाणून घ्यायची मला इच्छा आहे. हे कोणास ठाऊक आहे काय? असल्यास खाली प्रतिसाद देऊन कळवावे. हा लेख कोठल्यातरी संग्रहालयात ठेवला जावा जेणेकरून इतिहासाचा हा दुवा पुढच्य़ा पिढ्यांसाठीहि टिकून राहील. इतिहासाचे पुरावे जपण्याबाबतची भारतीय अनास्था प्राचीन आहे. त्या अनास्थेचा बळी हा लेख न व्हावा. संबंधित खात्यामध्ये कोणाचा काही संबंध असल्यास तेथे खटपट करून हे सहजसाध्य आहे.
प्रतिक्रिया
सापडले उत्तर...
थोड्या खटपटीनंतर मलाच वरच्या प्रश्नाचे उत्तर सापडले. 'हिंदु'मधील ह्या बातमीनुसार ती संगमरवरी शिला बांधकामखात्याच्या लोणावळ्यातील कार्यालयामध्ये सध्यापुरती ठेवली आहे आणि नंतर ती कोठेतरी सुरक्षित स्थळी ठेवण्यात येईल.
(अवांतर निरीक्षण)
स्मरणशिलेवरील मजकुरात 'मर्चण्डाइझ' या शब्दाचे स्पेलिंग 'MERCHANDIZE' असे अमेरिकन पद्धतीने केलेले पाहून आश्चर्य वाटले.
बाकी, DECKAN नि CONKAN वगैरे स्पेलिंगे पाहून मौज वाटली, परंतु ती तत्कालीन स्पेलिंगांची क्वर्के म्हणून सोडून देता येतील.
लेखाचे जतन -
लेखाचे जतन -
नेहरु सेंटर वरळी - डिस्कवरी ओफ इंडिया प्रदर्शन - इथे बरीच चित्रे, माहिती ठेवली आहे. तिथे लेख पिडीएफ देता येईल.(लेखाची लिंक कॉमेंट मध्ये टाकून.) संपर्क इमेल नाही पण फोन आहे.
(फेसबुक पेज
मुख्य साइट
http://www.nehru-centre.org
http://www.nehru-centre.org/library/
लेख म्हणजे शिलालेख
लेख म्हणजे शिलालेख संग्रहालयात ठेवला जावा असे म्हणायचे असेल कोल्हटकर साहेबांना- हा ऐसीवरचा लेख नव्हे.
त्या शिळेबरोबर हा ऐसीवरचा
त्या शिळेबरोबर हा ऐसीवरचा लेखही ठेवावा.
संग्राह्यतेचे निकष
संग्राह्यतेचे निकष व्यक्तिसापेक्ष असतात. तुम्हाला हा लेख संग्राह्य वाटत असेल तर असो.
संग्रहालये कॉपीराईटमुक्त
संग्रहालये कॉपीराईटमुक्त साधनांच्या, वस्तूंच्या शोधातही असतात. आपण दिले तर ती पीडीएफ प्रिंट करून त्यासोबत ती पाटी ठेवतीलही. कारण बिनपुलाची ती पाटी ठेवणार कुठे आणि कशाला?
?
हा काय चेशायर१ क्याट२सारखा काही प्रकार आहे काय?३
बोले तो, "स्मरणशिलेविना पूल असू शकतात. परंतु, पुलाविना स्मरणशिला??????" असे काही?
----------
१ Cheshireचा उच्चार मराठीत आमच्यात असाच करतात. (Courtesy: चिंजं.)
२ आणि Catचा असा.
३ आठवा: ॲलिस इन वंडरल्याण्ड. “Well! I've often seen a cat without a grin,' thought Alice 'but a grin without a cat! It's the most curious thing i ever saw in my life!”
i लहान कसा? का तसं लिहितात
i लहान कसा? का तसं लिहितात तुमच्यात?
ते जौंद्या, पन तुम्ही लै भारी मानूस हेत राव. मला त्या इंग्रजीतलं कायबी कळ्ळं नाय. तुम्हाला कळ्ळंबी आन आख्खं वाक्य आठावलंबी.
लोकसत्ता
'ऐसी अक्षरे'शी संबंधित असलेले इतिहासतज्ज्ञ शैलेन भांडारे यांचा लोकसत्तेत आलेला हा लेखही वाचनीय आहे.
‘अमृतांजन’ पुलाची गोष्ट
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
बरे वाटले
.ती शिळा बांधकाम खात्याच्या कार्यालयात ठेवलीये हे वाचून थोडे तरी बरे वाटले.