टोमॅटोचे भरीत
युट्यूबवर शॉर्ट्समध्ये या चटणीने धुमाकुळ घातला आहे. वांग्याच्या भरतासारखे हे टोमॅटोचे भरीत म्हणता येइल अशी चटणी करणे सोपे आहे. चव तर अप्रतीम होते. कृती तशी सोपी आहे. दोन टोमॅटो अर्धे करून घ्यायचे. एका पॅनमध्ये तेल टाकायचे. तेल थोडे गरम झाले की टोमॅटो सालीचा भाग वर येइल असे त्यावर ठेवायचे. लसूण पाकळ्या दोन ठेचून घेउन पॅनवर टाकायच्या. मध्यम आचेवर झाकण ठेवून टोमॅटो एका बाजूने मऊ होउपर्यंत भाजून घ्यायचा. साल काळपट होऊ लागली की टोमॅटोच्या फोडी पलटायच्या. आणि यातच मिठ, हिंग टाकायचे. परत झाकण ठेऊन वाफ काढून घ्यायची. चिमुटभर साखर टाकायची. व्यवस्थित तेलात भाजल्यानंतर टॉमॅटोची साल सुटू लागते. ती चमच्याने काढून टाकायची आणि बारीक चिरलेला कच्चा कांदा, थोडे शेंगदाणा कूट, तिखट हवे तितके आणि गरम मसाला(मी चिकन मसाला वापरला) टाकून गरात व्यवस्थित मिसळून घ्यायचे. आता आच बारीक करून हे मिश्रण पाच मिनिट शिजू द्यायचे. पाणी सुटू लागले की बारीक चिरली कोथिंबिर टाकून आणखी पाच मिनिट वाफ येऊ द्यायची. गॅस बंद करून आणखी पाच मिनिट तसेच ठेवायचे. पाणी आटून चटणी किंवा भरीत घट्ट्सर होते. पोळी किंवा ब्रेडबरोबर छान लागते. यात टोमॅटोची आंबट चव कायम राहते. आणि तेलात् भाजल्यामुळे खरपूस फ्लेव्हर येतो.
प्रतिक्रिया
हीच कृती अंडं घालून करता येईल
हीच कृती अंडं घालून करता येईल का?
- अहिरावण
काय सांगता? असेल असेल!! तुम्ही म्हणता म्हणून तुम्ही नक्कीच पुरोगामी, उदारमतवादी वगैरे जे म्हणाल ते असाल. मग प्रत्यक्षात तुम्ही कितीका कुपमंडूक असा... तुम्ही महानच आहात. केवळ तुम्ही म्हणता म्हणून...
हं... कोण बरं असेल??
हं... कोण बरं असेल?? तीनच तास झालेत सदस्य होऊन. पण लगेच मिपा वरचा पाकृबद्दलचा चिरंतन प्रश्न टाकलाय!
--------------------------------------------------------------
लिखाण आवडलं तर तारांकीत करायला विसरू नका....
ते तुम्ही अंडं घालून किती वेळ
ते तुम्ही अंडं घालून किती वेळ झाला आहे त्यावर अवलंबून आहे
माहितीपूर्ण प्रतिसादाबद्दल
माहितीपूर्ण प्रतिसादाबद्दल धन्यवाद
- अहिरावण
काय सांगता? असेल असेल!! तुम्ही म्हणता म्हणून तुम्ही नक्कीच पुरोगामी, उदारमतवादी वगैरे जे म्हणाल ते असाल. मग प्रत्यक्षात तुम्ही कितीका कुपमंडूक असा... तुम्ही महानच आहात. केवळ तुम्ही म्हणता म्हणून...
टोमॅटोवरून आठवलं.
इथे आष्टिनात, फार्मर्स मार्केटात छान गोडुस टोमॅटो मिळतात. बाकी टोमॅटोंवर बंदी आणावी, किंवा त्यांना निराळं नाव द्यावं असं बऱ्या अर्ध्याचं मत आहे. हापूस आणि आंबा असं वर्गीकरण केल्यासारखं.
थंडीत ते टोमॅटो मिळेनासे झाले की दुकानातल्या टोमॅटोंचं भरीत करून बघता येईल.
---
सांगोवांगीच्या गोष्टी म्हणजे विदा नव्हे.
नामकरण
दुकानातल्या टोमॅटोंना 'भरताचे टोमॅटो' असे नाव देता येईल. (फार्मर्स मार्केटातल्या टोमॅटोंना 'शत्रुघ्नाचे टोमॅटो' असे नाव देणे मग ओघानेच आले.)
का?
शत्रुघ्नच का? ते जुळे नसतात, एकाच आईचेही नसतात. रामलख्ख्नचे टोमॅटो म्हणता येईल. जांबुवंताचे टोमॅटोही म्हणता येतील.
---
सांगोवांगीच्या गोष्टी म्हणजे विदा नव्हे.
भरत-शत्रुघ्न जुळेच होते ना?
भरत-शत्रुघ्न जुळेच होते ना?
*****************
मेरी मोटी है खाल, लेकीन नाजूक है दिल!!
हाकुना मटाटा!!
*****************
बरोबर ...
माझं पार्सिंग चुकलं.
भरत-शत्रुघ्न जुळे असले तरी टोमॅटो जुळे नसतात, असं मला म्हणायचं होतं. वेगवेगळ्या जातींचे टोमॅटो फार तर एका वंशाचे म्हणता येतील; एकाच जातीच्या दोन झाडांना आलेल्या टोमॅटोंना भावंडं म्हणता येईल. आणि एकाच झाडावर आलेले सगळे जुळे असं म्हणता येईल.
मी घरी सध्या दोन जातींचे टोमॅटो लावले आहेत. येत्या आठवड्यात बहुतेक पहिला 'अननस न्वार' टोमॅटो खायला तयार होईल.
हे खालच्या चित्रातले 'ऑरेंज हॅट' टोमॅटो गेल्या महिन्यापासून खायला मिळत आहेत. (हे थोडे आंबट आहेत; मला यापेक्षा थोडे गोड टोमॅटो आवडतात. पण ती झाडं अगदी खालच्या चित्रात आहेत तशी छोटी आहेत. कुंड्यांमध्येही सहज वाढत आहेत.)
---
सांगोवांगीच्या गोष्टी म्हणजे विदा नव्हे.
फार्मर्स मार्केटातल्या
शेवटी ते टंबाटी कुळातलेच की.
दोघेही कैकैचे लाल.