आ ए गा तो मो दी ही

४०० पार च्या ऐवजी २८९ (नक्की ना? माहिती नाहीये) म्हणजे आश्चर्य हे खरं.

नेहरूंनंतर काँग्रेस राजवट गेली नाही. पण काँग्रेस बदलली पुष्कळ. तसं होईल बहुदा.

एक नॅरेटिव्ह सेट केलं म्हणजे बदलता येणं अवघड आहे ह्याचं प्रत्यंतर. २००४ ला त्यांना नॅरेटिव्ह सेट करता आलं नाही. ("ईंडिया शायनिंग" अपुरं पडलं.) ते आता बरोबर केलंय.

मुख्य म्हणजे विधिनिषेध न बाळगता वेगवेगळ्या राज्यातल्या बंडखोरांना पैसे देऊन विकत घेऊन राज्याराज्यांमधे खिंडारं पाडणे आणि तिथला भुस्सामाती घेऊन भर घालणे आणि येनकेनप्रेकारेण सत्तासुंदरी मिळवणे हे तंत्र जमले.

केंद्रसरकारच्या यंत्रणा वापरून राज्यसरकारचे पाय कापणे वगैरे गोष्टी जमल्या.

बिंदीबाईला आता '४ cm त्रिज्येचे कुंकू' असल्याशिवाय बिझनेस करणार नाही अशी मोहीम सुरु करा म्हणावं आता.

आदरणीय मोदींजींचे तिसऱ्यांदा सत्तेत आल्याबद्दल हार्दिक अभिनंदन.
कदाचित त्यांना खासदारांची अपेक्षित संख्या आली नसेलही. पण सत्ता हातातच राहिली हे महत्वाचे. नन्तर खासदारांची संख्या वाढवता येतेच. ऑपरेशन कमळ, आपदधर्म इत्यादी संविधानिक मार्ग एकदा सत्ता हातात असली उपलब्ध असतातच. त्यामुळे चारसो पार तर काळाच्या ओघात होईलच.
हिंदू अजूनही जागृत नाही, हिंदूंनी 'त्या' लोकांप्रमाणे एकगठ्ठा मतदान न केल्यामुळे भाजपच्या सीट्स कमी झाल्या असे मत माझ्या
नमो सपोर्टर मित्राने लिहिले तर अर्णब गोस्वामीने परकीय हस्तक्षेप हे कारण चॅट जीपीटीच्या निर्मात्यांचा हवाला देऊन सांगितले.
असो जे काही असेल ते असो.
आदरणीय मोदींजींचे पुनश्च एकदा अभिनंदन.
विवेक पटाईटकाका, स्वधर्म वर्धेकर इत्यादी प्रचारकांचेही अभिनंदन
तिसऱ्या टर्म साठी सर्वांना शुभेच्छा.

चारशे पार झालं नाही. परंतू संख्याबळ मागच्या इतकंच अधिक उणे.

१) भाजप आघाडी निवडून आली. एकट्या भाजपच्या जागा बहुमतासाठी कमी झाल्या.
२) इतर पक्ष ५४३ वजा २८० होते. ते अजूनही तसेच आहे. मोदीला हरवा एकत्र येऊन हे काही साध्य झालं नाही.

नायडू व नितीश हे दल बदलू शकतात.

तसं झालं तर पुढचे पं प्र कोण?

१) जनतेने मोदींना तिसरी (शेवटची) संधी दिली आहे आजपर्यंत बहुमताचा आकडा पार करून मोदी सरकार, भाजपा सरकार चालवलं आता एनडीए सरकार चावून दाखवा.
२) जनता जनार्दन आहे हे पुन्हा सिद्ध. जे लोक उत्तर प्रदेशातील जनतेला पर्यायाने युपीला गाय पट्टा किंवा गोबर दिमागवाले म्हणून हिणवत होते काल त्यांना एकाएकी साक्षात्कार झाला की तिकडे पण पॉलिटिकल विस्डम वाली जनता आहे. म्हणजे आवडत्या लोकांना धक्का दिला की साक्षात्कार जर नावडत्या लोकांना जनतेने भरभरून मतदान केले असते तर पुन्हा तीच ती बिरुदे मिरवली असती.
३) मोदींना ही सर्वात मोठी नामी संधी मिळाली आहे सर्वपक्षीय सरकार चालवण्याची. आजपर्यंत गुजरात मध्ये बहुमताने भाजपाची सरकारे चालवली, केंद्रीय राजकारणात मोदी वरचढ होतील असाच कारभार केला. आता वाजपेयींनी ज्या पद्धतीने कडबोळे सरकार चावलं होतं ती संधी मोदींना मिळाली. इथे मोदींच्या नेतृत्वाची खरी पारख होईल.
४) जनता जनार्दन आहे हे प्रत्येक वेळी त्या त्या सत्ताधाऱ्यांना दाखवलं होते. यंदा एनडीए चा कारभार ठरवेल भाजपाचे राष्ट्रीय राजकारणात काय स्थान आहे ते.
५) जर नितिश कुमार किंवा चंद्राबाबू इंडिया आघाडीत गेले तर विरोधकांना आनंद होईल. पण एक केक पाच जणांनी वाटून खाणं आणि पंचवीस जणांनी वाटून खाणं यात खूप मोठा फरक आहे. एवढं पॉलिटिकल शहाणपण नितिश आणि चंद्राबाबू यांना नक्कीच आहे.
६) भाजपाला ओडिशा, आंध्र प्रदेश मध्ये सत्तेवर येता आले हे महत्त्वाचे. ओडिशा मध्ये भाजपा बहुमताने सरकार स्थापन करणार ही खूप मोठी गोष्ट आहे भाजपासाठी.
७) केरळमध्ये एक लोकसभा मतदारसंघ जिंकता आला ही सुरुवात भाजपाच्या खूप मोठ्या प्रयत्नांना यश आहे.
८) भारतात बहुमताने सरकार कायमस्वरूपी येऊ शकत नाहीत हे पुन्हा सिद्ध. एकेकाळी कॉंग्रेसला याचा फटका बसला आता भाजपाला बसलाय फटका. हे समजण्यासाठी मोठा कालावधी कॉंग्रेसला मिळाला. भाजपाला कमी कालावधीत जनतेने जमीनीवर आणले.
९) प्रादेशिक पक्षांचे वजन हे कायमस्वरूपी वाढत जाणारे आहे. जो राष्ट्रीय पक्ष टिमवर्क चांगले करेल त्याला प्रादेशिक पक्षांचे समर्थन मिळेल हे नक्की.
१०) २०२४ मध्ये भाजपाला मिळणाऱ्या मतांची टक्केवारी खूप विचार करणं गरजेचं आहे. भाजपाचा हुकुमी व्होट बँक अजूनही तयार झाली नाही हे सिद्ध.
११) जातीपातीच्या राजकारणाचे नवे धडे भाजपाला गिरवण्यासाठी यंदा मोठा कॅनव्हास मिळाला आहे.त्याचा उपयोग ते कसा करतील हे बघणं मजेशीर असणार आहे.
१२) भारतातील ५०% हून अधिक जनता ही गेली पंचाहत्तर वर्षे अजूनही दैनंदिन जीवनातील गरजांसाठी सरकारी मदतीवर अवलंबून आहे. ही आपल्या व्यवस्थेची हार आहे. गंमत म्हणजे विरोधकांनी याच जनतेला खोट्या नाट्या गोष्टी पटवून जर आंदोलनं करायला भाग पाडले तर सत्ताधारी भुईसपाट होतात हे सिद्ध. थोडक्यात ही खूप मोठी दरी आहे जी कोणतं नेतृत्व कसं भरून काढेल यावर आपल्या लोकशाहीची भिस्त आहे.
१३) भारतात खूप आधीपासून मतदारांचे हुकुमी पॉकेट्स तयार करून ठेवले आहेत ते भाजपाला कधीच समजणार नाहीत कसे आपल्या बाजूने घ्यायचे. कदाचित मोदींच्या ऐवजी दुसरं नेतृत्व जर भाजपाने दिलं तर त्याला हे पॉकेट्स समर्थन देतील का हा यक्षप्रश्न आहे.
१४) भाजपाच्या कार्यकर्ते लोकांना विश्वासात घेऊन जर निवडणुकीत उमेदवार दिले तर खूप मोठा फरक पडला असता हे भाजपाच्या चाणक्यांना समजलं असावं.
१५) विरोधकांना सूर सापडला आहे. फक्त एकी दाखवून ही अशीच लढत पुढं येणाऱ्या सगळ्या निवडणुकीत दाखवावी लागेल तरच भाजपाला एक भक्कम पर्याय उभा राहिल. भाजपाने जे 'पर्याय कोण' नॅरेटिव्ह सेट केले आहे ते तुटू शकेल.
१६) कॉंग्रेसच्या आणि भाजपाच्या नेत्यांनी प्रादेशिक पक्षांशी जुळवून घेणे किती महत्त्वाचे आहे हे या निवडणुकीत समजलं.
१७) मोदींना ही शेवटची संधी आहे ७५ वर्षे पूर्ण होईपर्यंत. मोदींचे नेतृत्व सर्वसमावेशक होण्यासाठी कमी कालावधी आहे ते कसा उपयोग करतात हे बघणं मजेशीर असणार आहे.
१८) दिल्लीत सातही जागी भाजपाचे खासदार निवडून आले याचा अर्थ तिकडची जनता स्थानिक पातळीवरील प्रश्न आणि राष्ट्रीय पातळीवरील समस्या कोण उत्तमप्रकारे हाताळू शकतो याकडे बघतात हे सिद्ध. कधीकाळी केंद्रात कॉंग्रेसला भरभरून दिल्लीने दिलं होतं आता भाजपाला दिलं आहे. ही समज प्रत्येक राज्यात वाढायला हवी. जो समस्या, प्रश्न योग्य तऱ्हेने हाताळेल त्यालाच आमचं मत हे महत्त्वाचे आहे.
१९) सर्वात मोठा मोदींचा तोटा आणि मर्यादा यंदा भाजपाला समजल्या.
२०) भाजपाला ही शेवटची संधी मिळाली आहे जनतेमध्ये जाऊन प्रश्न समजावून घेऊन त्यावर उत्तरे शोधण्यासाठी. कार्यकर्ते लोकांना गृहीत धरून काय वाट्टेल ते नेतृत्व स्थानिक पातळीवर लादणे यापुढे भाजपाला खूप अवघड जाईल.

लेखनविश्रांती.

मला आता मोदीजींना पलटूरामजींबरोबर संसार करताना बघायचं आहे. तेवढं झालं की मी डोळे मिटायला मोकळी.

मोदीच येणार असे कायम सांगणाऱ्या यु ट्युब वरच्या सर्व कुडमुड्या(आणि भाजपा धार्जिण्या) ज्योतिष्यांची जी फजिती झालीये ती बघुन मजा वाटली. तरीही कसले तरी लंगडे समर्थन करुन ते आपला पोटापाण्याचा चॅनेल चालवतच आहेत.

पण आलेतच ना मोदीजी
सर्व कुडमुड्या(आणि भाजपा धार्जिण्या) ज्योतिष्यांची जी फजिती…
>> अगदी अगदी. ते ऍक्सिस वाले विकास गुप्ता तर रडले इंडिया टुडेवर!

राम मंदिर जोपर्यंत भारतातल्या हिंदूंचे एकतर्फी प्रेम होते तोपर्यंत त्यात मतं खेचून आणायची ताकद होती.
एखादी गोष्ट मिळत नसेल तेव्हा ती जितकी हवीहवीशी वाटते तितकी ती मिळाल्यावर वाटत नाही. हे मोदींच्याही लक्षात आलं होतं. त्यामुळे मध्यंतरी त्यांनी स्कुबा डायव्हिंग करून श्रीकृष्णाची पूजा वगैरे केली होती. पण असं राम, कृष्ण, हनुमान असं मेन्यूकार्ड तयार करणं करुण आहे.

‘बिंदीवाल्या बाई’ कोण?

स्मृती इराणी बाई पडल्या ही खूप आनंदाची गोष्ट आहे.

मला वाटते, मोदी पंचाहत्तरी गाठल्यावर राजीनामा देतील.
मागच्या वीस पंचवीस वर्षांपासून त्यांना भाजपा-बहुमतातील सरकारे चालविण्याचा अनुभव आहे. आघाड्यांवर अवलंबून राहण्याची सवय नाही.

हया निवडणुकीतले काही ठळक मुद्दे जे भाजपच्या मूळावर उठले
- इंडिया आघाडीने पंतप्रधान पदाचा उमेदवार जाहीर न करणे.
- मोदींचे अत्यंत अप्रभावी भाषणे.
-१० वर्षात काय केले हे सांगण्यापेक्षा मोदीनी लोकाना भीती घालायचा प्रयत्न केला. जसे काँग्रेस सत्तेत आली तर तुमच्या घरी २ म्हशी असतील तर एक ओढून नेईल.
- राहुल गांधीशी डिबेट करायला मोदीनी नकार दिला. ह्याचा सरळ प्रभाव राहुल ह्यांची प्रतिमा सुधारण्यात झाला.
-राम मंदिराचे घाईत उद्घाटन, शंकराचार्याचा विरोध.
- उद्घाटन प्रसंगात एककल्ली पणा, फक्त मोदी आणि मोदीच जे लोकांना रूचले नाही. उद्घाटन प्रसंग हा हिंदूंचा सोहळा न राहता तो भाजपचा कार्यक्रम करण्यात आला. त्यामुळे अनेक हिंदू प्रभावित झाले. खासकरून युपीत. राममंदिर हा हिंदूंसाठी खूपच संवेदनशील मुद्दा होता.
- “जो राम को लाये है” हा प्रचार ही लोकाना आवडला नाही. आपल्या देवापेक्षा कुणी व्यक्ती श्रेष्ठ असू शकत नाही असे हिंदू लोक
उघड बोलत होते.
-महाराष्ट्रात उद्धव ठाकरेंना हलक्यात घेणे नडले. २०१९ लाच २.५ वर्षासाठी मुख्यमंत्रीपद दिलं असतं तर मोदीना महाराष्ट्रात प्रचंड प्रमाणात सभा घ्याव्या लागल्या नसत्या, सहज २० जागा जिंकल्या असत्या नी त्याच सभा इतर राज्यात घेतल्या असत्या तर २० जागा आणखी जिंकल्या असत्या. एकट्या उद्धव ठाकरेंमुळे ३० ते ४० जागा भाजपच्या कमी झाल्या.
- शरद पवारांना नाव न घेता भटकती आत्मा संबोधने महाराष्ट्रातील लोकाना रूचले नाही.
- मतदार संघात भाजप खासदारांनी ५ वर्षात आपला चेहरा दाखवला नव्हता. मागच्या वेळी दीड ते दोन लाख लिड ने जिंकलो. हया वेळीही जिंकूच त्यामुळे अनेक खासदारांनी मतदारसंघात फिरणे टाळले.
- इंडिया आघाडीच्या नेत्यांनी आपापले राज्य सांभाळले. उगाच बाहेर फिरले नाही. जसे ममता बंगालात, अखिलेश युपीत नी ठाकरे/पवार महाराष्ट्रातच थांबले.
-मागच्या १० वर्षात काय कामे केली हे मोदीनी सांगितलेच नाही तसेच पुढे काय करणार हे देखील सांगितले नाही.
- भाजपचा कोअर मतदार अजित ठाकरेंना सोबत घेतल्यामुळे नाराज होता, त्याने मतदान केंद्रात जाणे टाळले किंवा भाजपला धडा शिकवायला सरळ विरोधात मतदान केले.
- शिवसेना फोडणे अनेकांना आवडणे नाही.
- ईडी सीबीआय चा गैरवापर, भ्रष्टाना पक्षात घेऊन पावन करून घेणे इतके उघडपणे सुरू होते की ह्याचा आपल्या मतदारांवर प्रभाव होत असेल ह्याचा भाजपने आजीबातच विचार केला नाही.
-स्थानीक प्रश्न सोडवण्यात आलेले अपयश. त्यांची दखल सुधा घेण्यात आली नाही. दिंडोरी की कुठल्यातरी सभेत एका शेतकऱ्याने मोदीना कांदा प्रश्नावर बोला अस सांगितल्यावर मोदीनी त्याला “जय श्रीराम “ असे उत्तर दिले. त्यामुळे त्याभागात संतापाची लाट उसळली होती.
-कांद्याबाबत भेदभाव- गुजरात मधील कांद्याला एक्सपोर्टची परमिशन पण महाराष्ट्रातील कांद्याला नाही असे शेतकरी बोलून संताप व्यक्त करत होते.
- मुसलमानांना विरुद्ध उगाच वक्तव्ये केली. ह्याचा परिणाम मुस्लिमांचे एकगठ्ठा मतदानात झाले, मुसलमानातील मोदीविरोधी प्रचंड लाट ओळखून mim ने आपले उमेदवार उतरवले नाही. नाहीतर भाजपा सोबत त्यांचाही धुव्वा उडाला असता.
- जरंगे प्रकरण नीट हाताळले नाही. जरांगे मराठा समाजाच्या गळ्यातील ताईत झाले होते तरी ऐन निवडणुकीच्या तोंडावर त्यांच्या मागे sit चौकशी लावण्यात आली. ह्यामुळे मराठा समाज प्रभावित झाला.
- भाजपच्या संविधान बदलण्याच्या घोषणेमुळे (भाजपनेते उघड बोलत होते) तसेच मनुस्मृती अभ्यासक्रमात आणणे/ समर्थन करने ह्यामुळे दलित मतदार प्रभावित झाला.
-मोदींची थकलेली देहबोली तसेच मुद्दे सोडून भरकटलेली भाषणे.
- ध्रुव राठीने उपस्थित केलेले मुद्दे भाजपेयीना खोडून काढता आले नाही. ध्रुव राठीचे व्हिडीओ अतिशय प्रभावशाली होते. ध्रुव राठीला न्यूज़ चॅनल्स ही उत्तरे देऊ शकले नाहीत. राठी चे व्हिडिओ बर्याच राज्यात मोठमोठे फ्लेक्स लाऊन दाखवले जात होते. ध्रुव राठीला प्रभावित होऊन त्याचे सबस्क्रायबर्स २ कोटी झाले. त्याचे व्हिडीओ ३० कोटी भारतीयांपर्यंत पोहोचल्याचा अंदाज आहे.
- ⁠संजय राउत यांनी उपस्थित केलेल्या मुद्यांना उत्तर न देता त्यांच्यावर वयक्तिक टीका करणे, ह्यावरून भाजप नेते संजय राऊत यांनी उपस्थित केलेल्या मुद्याना उत्तर न देता त्यापासून पळ काढतात असा मॅसेज सामान्य लोकांत गेला.
- ⁠भाजपच्या काही नेत्यांची शिवराळ भाषा.
- ⁠शिवसेना आणी राष्ट्रवादी फोडून ठाकरे नी पवारांचे चिन्ह नी पक्ष इतराना बहाल केल्याचा महाराष्ट्रात राग होता.
- ⁠महाराष्ट्रात ठाकरे नी पवारांच्या तोडीस तोड नेता भाजपकडे नसणे.
- ⁠राज्यात प्रियंका गांधी ह्यांच्या झालेल्या प्रचंड सभा. (नंदूरबार आणी नांदेड जागा ह्याच सभेने फिरवल्या.)
- ⁠उद्धव ठाकरे ह्यांची आक्रमक भाषणे तसेच सभांना जमलेली प्रचंड गर्दी. तसेच लढाऊ बाणा. सोप्या जागा मित्रपक्षांना देऊन ठाकरेंनी अटीतटीच्या जागा स्वतः कडे घेतल्या.
- ⁠पवार नी ठाकरेंसोबत असलेली प्रचंड सहानुभूती
- ⁠१०० टक्के मोदींवर विसंबून असणे. भाजप नेत्यांनी आपली राज्यातील कामे दाखवलीच नाहीत.
- ⁠चिन पाक निवडणुकीत आणणे. लोकाना ते रुचलेच नाही.
सत्ताबदल झाला नाही हे म्हणणे खोटे आहे. “मोदी” सरकार जाऊन “NDA” चे सरकार आले आहे.
मागच्या दहा वर्षातील नी इंदिरा/राजीव कालखंड पहिला तर एक गोष्ट लक्षात येते. एकहाती सत्ता देऊन देशाचा काहीही फायदा होत नाही. फक्त राज्यकर्त्यांचा अहंकार वाढतो नी येणकेनप्रकारे विरोधकांना त्रास देणे सुरु होते. त्यामुळे भारत देशासाठी “गठबंधन” करून आलेले सरकारच बेस्ट. त्यामुळे सत्ता राबवणाऱ्यांवर अंकुश राहतो. एक एकहाती सत्ता नेमकी कशासाठी हवी असते हे कळले नाही. जर मोदीना “चांगले” निर्णयच घ्यायचे होते तर मागच्या दहा वर्षात का घेतले नाहीत? तेव्हाही एखाती सत्ताच होती ना?
- अमरेंद्र बाहुबली.

आजच्या लोकसत्तामध्ये गिरीश कुबेर यांचा 'निवडणूक निकालाच्या बोधकथा!' हा लेख आला आहे. या निवडणुकीविषयी काही रोचक कथा त्यात आहेत.

१) मोदी सहेबान मुळे मी निवडून आलो .( ईथे मोदी ह्यांच्या नावा ऐवजी कोणतेही नाव लावा)
विजयी उमेदवार असे व्यक्त होतात.
ह्याचा अर्थ तू स्वतः नालायक आहेस, तुझी लायकी पण नाही निवडून येण्याची .
तरी तू निवडून आलास मोदी मुळे ( मोदी ह्या नावा ऐवजी अगदी राहुल जी न च नाव लावा)
मग मतदान लोकांनी काय विचार करून केले?
म्हणजे अगदी गाढव पण कोणत्या तरी पक्ष कडून निवडणुकीत उभ राहिले तरी लोक गाढवाला पण मत देतील ही अवस्था( गाढव हा प्राणी अतिशय कष्टाळू आहे त्याची क्षमा मागून लिहीत आहे.माणसाच्या जगात गाढवाला मूर्ख समजले जाते ती वेगळी गोष्ट आहे)

हा खूप मोठा प्रश्न माझ्या सारख्या खूप लोकांना पडतो.

गुंड,लबाड,भ्रष्ट , समाज विघातक लोक ,जनता निवडून देते फक्त कोणत्या तरी पक्षाच्या केंद्रीय नेतृत्व च चेहरा बघून.
खरेच लोकशाही साठी लाजिरवाणे आहे.

प्रगल्भ मतदार भारतात जेव्हा निर्माण होतील तेव्हा खरी लोकशाही भारतात येईल

फक्त चांगली लोक निवडून ध्या पक्ष बघायची काही गरज नाही.
कशाला हवं विशिष्ट पक्षाचे सरकार?
उत्तम, विद्वान लोक लोक्षभेत जाणे महत्त्वाचे आहे.
चांगली लोक लोकसभेत गेली की उत्तम सरकार आणि उत्तम विरोधी पक्ष भारताला लाभणार च.
मग कोणता ही पक्ष सत्तेत किंवा विरोधी असू ध्या

१. महागाई भरपूर वाढली. २०१९-२०२४ या पाच वर्षात जीवनावश्यक वस्तू जवळपास दुपटीने महाग झाल्या. (https://data.worldbank.org/indicator/FP.CPI.TOTL.ZG?locations=IN)
२. बेकारी वाढली (https://www.forbesindia.com/article/explainers/unemployment-rate-in-indi...)
३. आरक्षण रद्द होईल अशी भिती पसरली.

मन्दिरे बान्धून झाली - त्यामुळे तो मुद्दा असायचे काही कारण नाही आता.

Solving the aforementioned points and succession planning will (or should..) be the primary challenges for the leadership. The leader in command would do well not to be the face of the ruling party in 2029. He will be close to 80 - and the Indian voters have been rejecting leaders that old for PM in the recent past.

गंभीर स्थिती भारतात निर्माण होत आहे त्या वर ना विचारवंत बोलत,ना मीडिया, ना लोक,ना सरकार, ना न्याय व्यवस्था.

आयेगां तो मोदी ही.

हे वाक्य साधं सरळ आहे पण
मोदी च का येणार ह्याचे समीक्षण देशातील गंभीर स्थिती चे दर्शन घडवेल.

हल्ली शॉर्ट कट मारण्याचे दिवस आहेत मग ते राजकारण किंवा बाकी क्षेत्र.
पोलिस पण चालाक गुन्हेगार मिळाला नाही की कोणाला तरी सुळावर चढून स्वतःची लाल करून घेतात.

धर्म स्वतंत्र भारतात आहे पण धर्माच्या नावावर दोन धर्मात विष पेरून लोकात उभी फूट पाडण्याचे स्वतंत्र कायद्याला नक्की अपेक्षित नाहि.
तरी bjp बिन्धास्त धार्मिक प्रचार करून समाजात उभी फूट पाडून निवडणुका जिंकत आहेत.
साधे,सरळ,सामान्य हिंदू मुस्लिम त्या मुळे एकमेकाच्या द्वेष करू लागले .
कारण अशी उभी फूट पाडली तर निवडणूक जिंकता येते ,हा रिझल्ट आहे.

जातीय नेते पण आहेत जातीचे हित जपणे हे भारतात स्वतंत्र आहे .
पण जाती जातीत द्वेष निर्माण करून राजकीय फायदा करून निवडून येणे हे कायद्याला नक्कीच अपेक्षित नाही.
तेच भाषा वाद प्रांत वाद ह्या वर लिहिता येईल.

देशात कायद्याचे राज्य असावे ,भ्रष्टाचार मुक्त प्रशासन असावे .
इतके झाले तर ना कोणत्या धर्मावर अन्याय होईल,ना कोणत्या जाती वर अन्याय होईल ,ना कोणत्या भाषिक गटावर अन्याय होईल.

देशात आज धार्मिक,जातीय,प्रांतीय ,भाषिक फूट पाडली गेली आहे ना कायद्या ने काहीच कारवाई कोणावर च होत नाही.
धर्माजात, भाषा ,प्रांतवाद है पॉइंट सोडून च भारतात निवडून येण्याची कुवत राजकीय पक्षात आली पाहिजे तेव्हा च देश प्रगती करेल.
फक्त कायद्याचे राज्य,भ्रष्टाचार मुक्त प्रशासन , आणि सरकार ची कार्य क्षमता ह्याच पॉइंट वर निवडणुका लढल्या गेल्या पाहिजेत

आयेगा तो मोदी ही ! सत्यवचन !!
---
अजून हर्षाची बातमी अशी आहे कि येती किमान १०० वर्षे सत्तेत वा प्रमुख विपक्ष म्हणून लोकसभेत सन्घप्रणित विचारधारा असेल. प्रश्न वामपन्थाला त्याअगोदर अक्कल येते का असा उरतो.