ब्रेड अँड बटर - भाग २ फोकाचिया
फोकाचिया बनविणे हा प्रकार मला मागच्या भागातल्या बगेटपेक्षा बराच सोपा, कमी वेळखाऊ आणि कमी कष्टाचा वाटला. एकतर यात पीठ एकदाच मळावे लागते, दुसरे म्हणजे यीस्टचे प्रमाण बरेच जास्त असल्याने पीठ फुगायला लागणारा वेळ खूप कमी आहे आणि तिसरे असे की, या ब्रेडचा बाहेरचा पृष्ठभाग मऊ आणि लुसलुशीत असल्याने भाजणे बरेच सोपे जाते. बगेटशी याचे असणारे साधर्म्य म्हणजे ह्याचे पीठदेखील खूप पात्तळ आणि त्यामुळे हाताळायला थोडे कठीण जाते. थोडे तेल लावून लावून मळण्याचे तंत्र शिकले की कोणत्याही ओव्हन असलेल्या स्वयंपाकघरात अगदी हमखास यशस्वी होऊ शकणारा हा ब्रेड, चवीला अतिशय मस्तं लागतो. जेवणाआधी येताजाता ओलिव्ह तेलात बुचकळून, तुकडे तोडता येणारा फोकाचिया बनविण्यासाठी लागणारे साहित्य खालीलप्रमाणे:
फास्ट अॅक्शन यीस्ट २ (७ ग्रॅमची) पाकिटे *
ब्रेड फ्लॉर / मैदा ५०० ग्रॅम
पाणी ४०० मिलीलीटर
मीठ २ छोटे चमचे
ऑलिव्ह तेल २ मोठे चमचे (पिठात घालण्यासाठी) + ३-४ मोठे चमचे वरून घालण्यासाठी
खडेमीठ / सीसॉल्ट १-२ चमचे
* काही ठिकाणी ८ ग्रॅमची पाकिटे मिळतात, तसे असल्यास दोन पाकिटे एकत्र करून त्यातले पाउण चमचा यीस्ट काढून घ्यावे किंवा सगळे यीस्ट वापरावे आणि त्या प्रमाणात पीठ (५७० ग्रॅम) आणि पाणी (४६० मिली) वाढवून घ्यावे.
भाजण्याआधी ब्रेडवर घालण्यासाठी खालीलपैकी हव्या असतील किंवा आवडतील त्याप्रमाणे:
ऑलिव्हज, रोजमेरी, सनड्राइड टोमॅटो, तांबूस परतलेला कांदा वगैरे.
१) एका मोठ्या भांड्यात अथवा परातीत मैदा, मीठ आणि यीस्ट एकत्र करून घ्यावे.
२) मोजून घेतलेले सर्व पाणी हळूहळू मिसळत पीठ एकत्र येऊ द्यावे, हे करताना पाणी खूप जास्त वाटते आहे आणि पीठ फारच पात्तळ होते आहे असे वाटले तरी सगळे पाणी वापरावे. ग्लूटनचे धागे जसेजसे घट्ट होत जातील तसतसे पीठ हाताळणे सोपे होत जाईल. पीठ साधारण जमून आले की, स्वच्छ ओट्यावर थोडे तेल घालून त्यावर पिठाचा गोळा टाकावा आणि हाताला तेल लावून घेऊन 'स्ट्रेच अँड फोल्ड' पद्धतीने पीठ मळावे. हा प्रकार अगदी पुरणपोळीची कणिक मळल्यासारखा असतो त्यामुळे तो अनुभव असेल तर त्याचा नक्कीच उपयोग होईल.
३) पीठ साधारणतः फोटोतल्या गोळ्यासारखे दिसायला लागले की आतून तेलाचा हात फिरवलेल्या एका काचेच्या भांड्यात तो गोळा ठेऊन द्यावा व भांडे ओलसर फडक्याने किंवा क्लींग फिल्मने झाकावे. काचेचे भांडे एवढ्यासाठी वापरायचे की पीठ किती फुगले आहे ते भांडे न उघडता दिसावे. साधारण एक ते दीड तासात पीठ उतू जाण्याइतके फुगेल. मला यासाठी पावणेदोन तास लागले (पण मी जिथे रहाते तिथे सध्या बाहेर उणे वीस अंश तापमान आहे त्यामुळे घरही बर्यापैकी गार रहाते)
४) एका १७ इंच बाय ११.५ इंच आकाराच्या बेकिंग शीटवर पार्चमेंट पेपर अंथरावा व त्याला पुन्हा तेलाचा एका हात द्यावा. या शीटवर फुगलेल्या पिठाचा गोळा घालून थापावा आणि पुन्हा एक तासभर त्याला फुगू द्यावे. दोन छोटे ब्रेड हवे असल्यास दोन निम्मे कारून दोन शीट्सवर थापावे व फुगू द्यावे.
५) ओव्हन २२० अंश सेल्सियस किंवा ४२५ अंश फेरेन्हाईटला तापवून घ्यावा.
६) बोटांनी पीठावर थोडे खळगे करून त्यावर सीसॉल्ट भुरभुरावे आणि आपल्या आवडीप्रमाणे ऑलिव्हज, रोजमेरी, सनड्राइड टोमॅटो, तांबूस परतलेला कांदा वगैरे गोष्टी घालाव्यात, मी रोजमेरी आणि ओलीव्ह्ज वापरले.
७) २२० अंश सेल्सियस किंवा ४२५ अंश फेरेन्हाईट वर ब्रेड वीस मिनिटे भाजावा.
८) नुसत्या ओलिव्ह तेलात बुचकळून खायलाही हा ब्रेड चांगला लागतो पण घरी बनविलेला ताजा बेझील पेस्तो असेल त्याच्याबरोबर तो तर अजुनच चांगला लागेल.
मी 'ग्रेट ब्रिटीश बेक ऑफ' या कार्यक्रमात पाहिल्यावर पहिल्यांदा हा ब्रेड बनवला होता, तो इतका चांगला जमला की तीच कृती वापरते आहे. खालील चित्रफीत पाहिल्यावर कृतीचा चांगला अंदाज येईल. तुम्हीही हा ब्रेड बनविलात तर तुमचे फोटो आणि अनुभव नक्की वाटा.
प्रतिक्रिया
छान
हा तुलनेने सोपा वाटला.. करून बघायचे धाडस करण्याचे मनात आहे. यातील बरीचशी साम्ग्री मॉलमध्ये मिळेलसे वाटते.
फक्त प्रश्न आहे भट्टीचा. घरी मायक्रोवेव्ह आहे पण विलायतेत असते तशी भट्टी नाही. मायक्रोवेव्हवरही या तापमानाला २० मिनिटे बेक करता येईलच. पण इतर काहि काळजी घेणे गरजेचे आहे का? काही विशेष भांडे वगैरे
मला हा ब्रेड करावासा वाटत आहे- ज्यामुळे यासाठी लागणारे सामान वाया जाण्याची पुरेपुर शक्यता आहे- त्याला जबाबदार पहिला 'यम्मी' फोटो आहे
- ऋ
-------
लव्ह अॅड लेट लव्ह!
मायक्रोवेव्ह
ऋषिकेश, नुसता मायक्रोवेव्ह आहे की कॉम्बी ओव्ह्न आहे? मायक्रोवेव्हवर ब्रेड भाजता येत नाही असे वाटते पण कॉम्बी असेल तर बनवता येईल.
कॉम्बी आहे. पण वेगळे भांडे
कॉम्बी आहे. पण कधीऑ ब्रेड बनवला नसल्याने त्याला वेगळे भांडे वगैरे लागते का कल्पना नाही, म्हणून विचारले.
मी पेस्ट्रीज बनवतो ते काचेच्या भांड्यात, फॉईल लाऊन.. तसे चालेल का?
- ऋ
-------
लव्ह अॅड लेट लव्ह!
अच्छा.
मग ठीक आहे. काचेचं भांडं ठीक आहे पण ब्रेड फॉइलला चिकटू शकेल म्ह्णून त्यापेक्षा ग्रीसप्रूफ पेपर किंवा पार्चमेंट पेपर तेल लावून वापरला तर चांगला असे वाटते.
धागा बघितला आहे ...
पण पुढील वर्षातच प्रोजेक्टमधे भाग घेता येईल.
---
सांगोवांगीच्या गोष्टी म्हणजे विदा नव्हे.
रुची, माझ्याकडे फ्रेश यीस्ट
रुची, माझ्याकडे फ्रेश यीस्ट (बेकर्स यीस्ट, पनीर सारखं दिसणारं) आहे, ते वापरायचे झाले तर अंदाजे किती वापरू?
अचानक आमच्या कडे सुटीला पाहुणे येणार आहेत असं कळलं, "आता जाऊ दे," आणि "त्यांच्यासाठीसुद्धा करू का" या द्वंद्वात सद्या अडकले आहे!
मस्त दिसतोय फोकाचिया, आज नाही तर उद्या नक्की करून फोटो टाकीन.
तीन पट.
रोचना, फ्रेश यीस्ट हे ड्राय यीस्टच्या साधारण तीन पट वापरावं लागतंं, त्या हिशोबाने साधारणतः ४० ग्राम लागेल असा अंदाज आहे पण मी फ्रेश यीस्ट वापरलेलं नाही.
शंकानिरसन
मायक्रोवेव्हमध्ये 'फक्त ग्रिल/बेक' असा पर्याय असला तर धातूचं भांडं (आणि अर्थात फॉईलसुध्दा) वापरता यावं. माझ्या अनुभवात काचेच्या भांड्यापेक्षा धातू/फॉईल पटकन तापतात. त्यामुळे ब्रेड कमी वेळात खरपूस भाजला जातो. फोकाचियासारख्या ब्रेडमध्ये तेल भरपूर असल्यामुळे फॉईलला चिकटू नये. अगदीच भीती वाटली तर फॉईलला थोडं तेल चोपडता येईल.
फ्रेश यीस्ट - मी फ्रेश यीस्ट वापरतो. अर्धा किलो मैद्यासाठी ३०-४० ग्रॅम पुरावं. एकंदरीत यीस्ट थोडं कमी-जास्त झाल्यामुळे फार अडचण येत नाही. फार तर एवढंच होतं की कणकेचा गोळा भरपूर फुगायला थोडा वेळ लागतो.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
थँक्स, जंतू - सध्या काचेच्या
थँक्स, जंतू - सध्या काचेच्या भांड्यात कणीक फुगतीये... पूर्ण रिपोर्ट थोड्याच वेळात...
जमेल असे वाटते आहे.
पुरणपोळीच्या कणकेप्रमाणेच फोकाचियाची कणीकही भरपूर तेलात ठेवली आहे. मलाही पाहुणे असल्यामुळे आजच (त्यांच्यासहीत) हा प्रयोग करावा किंवा कसे, हा प्रश्न पडला आहे. प्रयोग केल्यावर अनुभव सांगेनच. असो.
अवांतरः ब्रेड बनवणारे काका आणि आजीही गोड आहेत.
पाहुणे गेल्यानंतर फोकाचिया
पाहुणे गेल्यानंतर फोकाचिया पहिल्यांदाच करून पाहिला; मजा आली. पावाची चव फारच छान लागतेय, आधी खाल्लेल्या फोकाचिया सारखीच! घरी रोजमेरी होतं, ते शेवटी थोडंसं शिंपडलं. पण पाव अजून थोडा फुगला असता असं वाटतं, शेवटी थोडा कडक झाला. भट्टीत थोडा अधिक वेळ ठेवला गेला म्हणून, की मी शेवटी ताटात ठेवताना जास्त दाबून, पसरून ठेवला म्हणून माहित नाही. पण चव मस्त आहे.
घरी मैदा (आणि वेळ) कमी असल्याने, आणि भट्टी अगदीच छोटीशी ओ-टी-जी असल्याने, मी कृ १/४ त विभागली: १२५ ग्राम मैदा, १०० ग्राम पाणी, इ. सुरुवातीला कणीक मळताना थोडे कष्ट घ्यावे लागले, पण मग छान फुगली. पुढच्या वेळेस १/२ करून पाहणार आहे.
ग्रूप प्रोजेक्ट सुरू केल्याबद्दल रुची चे आभार!
मस्तं.
छानच दिसतोय फोकाचिया. थाळीच्या आकाराप्रमाणे ब्रेड कमीजास्त प्रमाणात फुगतो, म्हणजे थाळी थोडी मोठी असेल तर पीठ पात्तळ असल्याने थोडे बाजूला पसरते आणि ब्रेड फुगतो थोडा कमी. पण ब्रेड हलका झाला होता का?
हो, छान हलका झाला होता. मी
हो, छान हलका झाला होता. मी चुकीची थाळी वापरली हे मात्र खरं; अजून छोटी वापरायला हवी होती कारण यात भट्टीत कणीक पसरली.
फोकाचिया
फोकाचिया हे एखाद्या शिवीसारखे नाव असणार्या पावाची कृती व फोटो फार आवडले. कुणी करुन खायला घालत असेल तर जेवणाआधी येताजाता ओलिव्ह तेलात बुचकळून, तुकडे तोडून खायला खूप आवडेल.
उसके दुष्मन है बहुत, आदमी अच्छा होगा
हे असले भूक चाळवणारे फोटो
हे असले भूक चाळवणारे फोटो पाहिल्यामुळेच लोकांची भूक वाढून त्यांच्या पोटांवर बलात्कार होतात. कुठे फेडाल ही पापे
(फोकाचिया प्रचंड यम्मी दिसोन राहिलाय.)
माहिष्मती साम्राज्यं अस्माकं अजेयं
मस्त!
@ ऱोचना: इतका छान खरपूस ब्रेड आमच्या (फटु बघुन) जळण्याने अधिक करपला नाही म्हंजे मिळवले
बाकी, या अश्या प्रयोगासाठी या आठवडयत 'मंजूर झालेला' किचनचा ताबा आणि त्याच बरोबर या प्रयोगातील सहभाग वाढत्या थंडिसोबत उगवलेल्या पाहुण्यांमुळे पुढच्या आठवड्यात (अर्थातच नववर्षात) ढकलला गेला आहे
- ऋ
-------
लव्ह अॅड लेट लव्ह!
भारीय हा प्रोजेक्ट. ब्रेड चे
भारीय हा प्रोजेक्ट.
ब्रेड चे एवढे वेगवेगळे प्रकार कधी ऐकले नव्हते. नवीन माहीती कळतेय आणि छान छान फोटु पहायला मिळतायत.
मस्तच!
हा ब्रेड आधी खाल्ला नव्हता. पण पाकृ आणि फोटोवरून मस्तच वाटतोय. चवीलाही छान लागत असणार.
कृती फारशी अवघड नसल्याने विकांतात करून बघेन. बरा जमला तर फोटो टाकेन
==================================
इथे वेडं असण्याचे अनेक फायदे आहेत,
शहाण्यांसाठी जगण्याचे काटेकोर कायदे आहेत...
मस्त
असेच म्हणतो. पाकृ आवडली.
थोडे अवांतर - आजच वाचलेली ही अजून एक पावाची (सेमी-रेडीमेड) पाकृ: बटर्ड रोजमेरी रोल्स
पावाची कृती आणि
पावाची कृती आणि इन्ग्रेडिएंट्स वाचून खूप टेसदार असेल असं वाटतं आहे, पण ते एकदम क्लोजअप मधे घेतलेले दोन फोटो (ब्रेड कच्च्या आणि तयार स्वरुपातला) यांच्या फोटो अँगल आणि क्लोजनेसमुळे जीवशास्त्र किंवा मायक्रोबायॉलॉजीमधला मायक्रोस्कोपखाली ठेवलेल्या स्पेसिमेनचा काप वाटला
पावभाजीचा ब्रेड बनेपर्यंत
पावभाजीचा ब्रेड बनेपर्यंत फोकाचियापर्यंत उडी नको असे ठरवले आहे
- ऋ
-------
लव्ह अॅड लेट लव्ह!
फोकाचिया चांगला बनला.
फोकाचिया चांगला बनला.
काटा नसल्याने, परत कपानेच कणीक मोजली होती(कणकेच्या पाकिटावर किती ग्रॅम = किती कप असे कोष्टक दिले होते, ते वापरून) म्हणून पाणी दिलेल्या प्रमाणापेक्षा जास्तीच लागले. पावभाजीच्या पावाचा प्रयोग, चित्रफीत आणि पुरणपोळीचा अनुभव इथे कामी आला. ४५० मिली. पाण्यात कणीक भिजवली.
ऋषिकेश,
हा ब्रेड बनवायला अधिक सोपा वाटला. मी पावभाजीच्या पावाची कणीक थोडी अजून सैल भिजवायला हवी होती असे आता वाटतेय. त्या पावाची कणीक पोळ्यांपेक्षा जरा सैल भिजली असली, तरी पुरेशी सैल नसावी.
आभार! मी सुद्धा आधी बरोब्बर
आभार! मी सुद्धा आधी बरोब्बर २५०मिलीमध्ये आनि वाटल्यास १०/२० मिली जास्त पाण्यात कणीक भिजवून बघणार आहे. पीठाला दोन भागात विभागून थोडे प्रयोग अक्रून बघायला लागतील असे वाटते. कारण रुची यांनी इतक्या कष्टाने प्रमाण अचुक दिले असते तरी वेगळ्या भौगोलिक परिस्थितीत (हवेचे तापमान, आर्द्रता, अंढ्याचा आकार वगैरे) आवश्यक बदल मलाच 'ट्रायल अॅन्ड (बरेचसे) एरर ' पद्धतीने करून बघावे लागणारसे दिसते
- ऋ
-------
लव्ह अॅड लेट लव्ह!
मी आताच फोकाचिया ट्राय
मी आताच फोकाचिया ट्राय केला.
ट्रेमध्ये खूपच फुगला आणि गुबगुबीत, जाड झाला आहे. पाव म्हणून एकदम हलका आणि टेस्टही छान आली आहे.फक्त जाड असल्याने मीठ अधिक हवे होते असे वाटते.
फोटो दोनेक दिवसांत चढवतो.
मी वरून गुलाबी परतलेला कांदा (जो ओव्हनमध्ये एकदम खरपूस झाला आहे) आणि मिक्स हर्ब्ज भुरभुरवले होते.
एका बैठकीतच अर्धा पाव संपला आहे
पुढच्यावेळी दोन भाग करून करायला हवा.
- ऋ
-------
लव्ह अॅड लेट लव्ह!
किंचित दुरुस्ती (अतिअवांतर)
'हर्ब्ज' नव्हे, बरं का मास्टर ऋषिकेश. अर्ब्ज! अर्ब्ज!!
- 'न'वी बाजू ठिगळे ('सर'!).
चित्रे
@'न'वि: नो नो आय इज ऑलवेज म्हणिंग ऑफ हर्ब्ज
बाकी ही चित्रे अपलोडवत आहे(आठवण करून दिल्याबद्दल अस्मिता यांचे आभार):
भाजण्यापूर्वी:
भाजल्यानंतरः
ब्रेडची जाडी:
आणि हा तुकडा
- ऋ
-------
लव्ह अॅड लेट लव्ह!
मस्त! कसला भारी दिसतोय!!! आता
मस्त! कसला भारी दिसतोय!!!
आता तुम्हीपण एक्स्पर्ट झालात पाव ब्रेड बनवण्यात _/\_
मस्त!
क्या बात है!
मस्त
अरे वा. छान झालाय पाव. करुन पाहायला हवा.
पिझ्झा बेस
प्रमाणात थोडा बदल करून मी काल पिझ्झा बनवून बघितला
फास्ट अॅक्शन यीस्ट २ टेबल स्पून (७ ग्रॅम)
मैदा ५०० ग्रॅम
पाणी ३५० मिलीलीटर
मीठ २ टे.स्पून
साखर १ टे.स्पून
तेल ५० मिली + २-३ चमचे वरून घालण्यासाठी
गोळा फोकाचियाच्या मनाने थोडा अधिक चिकट असला आणि फोकाचिया इतका चकचकीत नसला तरी चांगला फुलतो.
तो थापिठासारखा थपून वरून तुमच्या चवीनुसार पिझ्झा सॉस बनवून लावावा (मी घरच्यांसाठी म्हणून तयार बेसवर जो मसालेदार सॉस करतो, तोच तयार केला होता). मग वर आवडते टॉपिंग्ज (मी कांदा, भोपळी मिरची, रोमॅटो, ऑलिव्ह्ज, मक्याचे गरम पाण्यातून काढलेले दाणे आणि अर्थात चीज घातले होते, सर्व्ह करताना चिली फ्लेक्स, तोमॅटो सॉस आणि 'अर्ब्ज' ऑप्शनल)
बेक करायच्या आधी:
मी २२० से. ला १५ मिनिटे बेक केला. तुमच्या भट्टीच्या तापमानानुसार पाचेक मिनिटे कमी/जास्त बेक करता यावा.
बेक केल्यानंतरः
ताजा बेस आणि टेस्ट इतकी सुंदर आली होती की काहि घास 'पिझ्झा हट'च्या जवळ जाणारे आहेत अशी कॉप्लिमेन्ट(?) मिळाली
- ऋ
-------
लव्ह अॅड लेट लव्ह!
मस्त दिसतोय पिझ्झा! सकाळी
मस्त दिसतोय पिझ्झा! सकाळी सकाळी एकदम टेम्प्टिँग फोटो टाकलात
अवांतर: पिझ्झा बेस आणि गव्हाच्या पीठाचा पाव यासाठी नविन धागे पाहीजेत.
सॉसची रेसिपी.
ती सुद्धा सांगा की.
पिझ्झा
हा पिझ्झा करताना यीस्टीकरणासाठी गोळा बाजूला ठेवावा लागतो की सर्व मिश्रण एकत्र करून थेट थापायचे?
यीस्टीकरणासाठी गोळा बाजुला
यीस्टीकरणासाठी गोळा बाजुला ठेवायचा, साधारण दुप्पट होतो किंवा किंचित अधिकच फुलतो. वरील प्रयोगावेळी गोळा फुगायला पाऊण-तास लागला होता. थोडी थंडी असल्याने मी ओव्हन किंचित प्रीहिट केला आणि मग ओव्हन बंद करून त्यात गोळा फुलायला ठेवला.
एकदा गोळा फुलला की थापायचा, मात्र थापल्यानंतर पुन्हा फुलवायची गरज नाही.
- ऋ
-------
लव्ह अॅड लेट लव्ह!
धन्यवाद
धन्यवाद. येत्या शनिवारी ही शाकाहारी आवृत्ती करुन पाहिल्या, खाल्या आणि सांगितल्या जाईल.
@ अस्मिता: रुची योग्य
@ अस्मिता: रुची योग्य प्रमाणात पिझ्झाबेस करतील तेव्हा वेगळा धागा येईल अश्या आशेने याच धाग्यात दिलाय. माझे प्रमाण अंदाजपंचे होते
@ सानिया: माझा सॉस अगदी 'भारतीय' टेस्टसाठीच योग्य आहे. तो असा: दोन चमचे टोमॅटो सॉस, १ चमचा पावभाजी मसाला, १ चमचा चाट मसाला, किंचित चिकन मसाला, हळद, हिंग, सगळे मिक्स करून मग पाणी टाकून वड्याच्या पिठाइतके किमान पातळ करावे. अधिक तिखट हवे असल्यास मिरपूड वापरावी (हा सॉस ४ पॅन साईज पिझ्झा साठी पुरेसा होतो), परंतू अशी चटकदार/मसालेदार चव नको असेल तर वेगळे सॉस करावे लागतात त्याची रेसेपी जालावर मिळेलच
- ऋ
-------
लव्ह अॅड लेट लव्ह!
परदेशात एका ठिकाणी
परदेशात एका ठिकाणी न्याहारीसाठी मला हा पाव दिला गेला. तो अत्यंत आवडला. पण त्याला काय म्हणतात हे विचारायला तिथे कोणी नव्हतं. त्यामुळे फोटो घेऊन ठेवला इथे टाकण्यासाठी. कृपया कोणास माहीत असल्यास सांगावे. नाव कळल्यावर मुंबईतही मिळवता येईल याची खात्री आहे.
बाकी बागेत (बगेट ?!!) वगैरे पाव त्याच्या आकारामुळे ओळखता आले होते.
Marraqueta
हा दिसण्यावरून तरी माराकेता (Marraqueta) वाटतो आहे. उच्चार फ्रेञ्च जाणणार्यान्ना माहित.
मिनी बागेत
मला तर चित्रातला पाव मिनी बगेतच वाटतोय. अनेकदा रेस्तराँत सूपबरोबर मिनीबगेत देतात, तोच असावा. अमुक http://en.wikipedia.org/wiki/Marraqueta">इथे दिलेल्या माहितीप्रमाणे हा माराकेत वाटत नाहीय.
धन्यवाद अमुक आणि
धन्यवाद अमुक आणि रुची..
बगेतचा स्वाद वेगळा होता. हा छोटा पाव बगेतइतका (बाहेरुन) कडक नव्हता. करवतीने कापायला लागेल असा नव्हता. किंचितच कुरकुरीत आणि आतून मऊ होता. पण मग बगेतचाच एखादा व्हेरियंट असू शकेल. हा सूपसोबत नव्हता. सकाळच्या न्याहारीला लोणी, कॉफी, मांसाचे पातळ काप इत्यादिसोबत दिला होता. लोकेशनवरुन काही क्लू लागत असेल तर: ठिकाण : फ्लोरेन्समधील एक हॉटेल, इटली.
बागेत-माराकेत
तुम्ही म्हणता तसे मलाही प्रथम मिनी-बागेतच वाटला पण पावाच्या मधोमध असलेल्या मोठया भेगेमुळे तो माराकेत असावा असे अधिक वाटले. हे पाहा. तसेच 'गवि'न्नी दिलेले न्याहरीचे इतर वर्णनही त्याला लागू पडते. पण अधिक थोडे शोधल्यावर मारकेत सामान्यतः चार भागान्त तुटण्यास सहज असा बनविला जातो. त्या आकारानुसार 'गवि'ञ्चा हा पाव कदाचित हा बागेतच असण्याची शक्यता अधिक आहे. असो.
'गवि', फिरेन्त्सेत फिरलात.. छान ! मला काही तासच फिरायला मिळाले होते.
ब्रेकफास्ट ब्रेड रोल?
आम्रिकेत ब्रेकफास्ट ब्रेड रोल म्हणून एक ब्रेडचा प्रकार मिळत असे. त्याच्या जवळ जाणारे चित्र वाटते आहे.
विकीवर ब्रेकफास्ट रोल म्हणुन हे मिळते
- ऋ
-------
लव्ह अॅड लेट लव्ह!
काल पुन्हा हा ब्रेड करून
काल पुन्हा हा ब्रेड करून पाहिला. दोन्ही वेळेला चांगला फुगला, पण भाजताना अव्हन मधे खाली पॅनला चिकटला. असे का झाले असावे? चव मस्त होती, हलका सुद्धा झाला. २० मिनिटं झाल्यावर खरपूस रंग अजिबात आला नव्हता, म्हणून मी थोडा अधिक वेळ भाजला. हेच कारण असावे का?
पाण्याचे प्रमाण जास्त
पाण्याचे प्रमाण जास्त असल्याने असेल पण हा पाव ताटलीला सहजपणे चिकटतो, म्हणूनच मी पार्चमेंट पेपरवर थापते शिवाय त्याला ऑलिव्ह तेलात आंघोळ घालते ते वेगळेच. एकदाच गडबडीत पार्चमेंट पेपरशिवाय (पण ताटलीला भरपूर ऑलिव्ह तेल चोपडून) केला तर एका बाजूला किंचित चिकटला होता, सुरीने थोडा हलविल्यावर सुटला.
मस्त लेख, तोंडाला पाणी
मस्त लेख, तोंडाला पाणी सुटलं.
खुद बनून खानं तरी औकात च्या बाहेर वाटून र्हायलं , कोनीतरी बनवून घरी खाले बोलवा, लै उपकार होतीन, हे पाव खाऊन धर्म बाटला तरी कैच हरकत न्हाई.
इंटरनेटवरचे व्हिडिओज पाहून
इंटरनेटवरचे व्हिडिओज पाहून घरी गार्लिक ब्रेड बनवण्याचा प्रयत्न केला. पहिल्या वेळेस तयार ब्रेड आणून त्यावर लसूणमिश्रित चीझ लावून चीझ वितळेपर्यंत मायक्रोवेव्ह मध्ये ठेवला होता. तो जाम कडक आणि मधल्या काळात दोघांनाही फोन आल्याने खाईपर्यंत कडकपणावरून तो चिवट झाला. आज सकाळी पुन्हा प्रयत्न केला. यावेळेस पाहिलेल्या व्हिडिओनुसार अॅल्युमिनिअम फॉईलमध्ये गुंडाळून आधी दहा मिनिटं आणि नंतर उघडून थोडा वेळ ठेवायचं ठरवलं होतं. परंतु मायक्रोवेव्ह मध्ये आतषबाजी होताना दिसली. काढून पाहिला तर फॉईल खालच्या बाजूस एक दोन ठिकाणी जळाली होती. मग फॉईल काढून नुसताच गरम केला. यावेळेस गरमागरम खाता आल्याने सुसह्य होता. पण तरीही रेस्तरां मध्ये येते तशी चव/पोत काही आला नाही.
तेव्हा जाणकारांनो माझ्या अज्ञानाच्या अंधकारास ज्ञानाचा दिवा दाखवा.
-मस्त कलंदर
उदरभरण नोहे
मी गार्लिक ब्रेड बनवताना मी
मी गार्लिक ब्रेड बनवताना मी पिझ्झाच्या रेसिपीप्रमाणेच मैदाच्या 'डो' केला होता. फक्त बेक करायच्या आधी नॉर्मल चीज ऐवजी त्यावर "गार्लिक चीज" चोपडले होते.
हे घरगुती वर्जनही मस्त लागते - मुख्य म्हणजे ब्रेड मऊ असतो.
- ऋ
-------
लव्ह अॅड लेट लव्ह!
फॉईल
भारतातल्या मायक्रोवेव्ह/ओव्हनची कल्पना नाही, कारण कधीकधी ते दोन्ही एकत्रच असतात. हे माहीती असुनही असे सांगावेसे वाटते की इथे परदेशात फॉईल मायक्रोवेव्हमध्ये ठेवु नये अशी तंबी मिळते, ओव्हनमधे चालत असावी असा आत्तापर्यंतचा अनुभव आहे.
एक उपाय
तयार ब्रेड वापरायचा असेल आणि कडक/चिवटपणा टाळायचा असला, तर हे करून पाहता येईल.
मायक्रोवेव्हला 'कॉम्बो मोड' आहे का? म्हणजे एकाच वेळी मायक्रोवेव्ह आणि कन्व्हेक्शन/ग्रिल वापरता येईल असा? जर असेल, तर -
ब्रेडच्या स्लाईसला लोणी फासा (मग त्यातली आर्द्रता उडून जात नाही) आणि मग लसूणमिश्रित चीज त्यावर पसरा. ओव्हन कन्व्हेक्शन/ग्रिल मोडमध्ये प्री-हीट करून घ्या (म्हणजे चीज लवकर वितळेल). मग अगदी थोड्या वेळासाठी 'कॉम्बो मोड' मध्ये आत ठेवा. थोडा वेळ का? तर तुम्हाला हवा तसा ब्रेड मऊ आणि गरम तर व्हायला हवा, पण जास्त वेळ मायक्रोवेव्हमध्ये राहून अदिती म्हणते तसा चामट व्हायला नको. तसंच, प्रीहीट केलेलं असल्यामुळे चीजही लवकर वितळेल.
कॉम्बो मोड नसला, तर जरा कसरत करायला लागेल.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
ऋ आणि सखी_अ, धन्यवाद. मग फॉईल
ऋ आणि सखी_अ, धन्यवाद.
मग फॉईल न ठेवता मायक्रोवेव्हमध्ये तयार ब्रेडपासून गार्लिक ब्रेड बनवण्यासाठी काही इतर युक्त्या आहेत का?
-मस्त कलंदर
उदरभरण नोहे
मायक्रोवेव्हमध्ये भट्टी नसेल
मायक्रोवेव्हमध्ये भट्टी नसेल तर पाव ठेवू नये असा सल्ला. मायक्रोवेव्हमध्ये पाव चामट होतो. त्यापेक्षा गॅसवर जाड बुडाचं भांडं वापरलेलं बरं.
---
सांगोवांगीच्या गोष्टी म्हणजे विदा नव्हे.
गुरुदक्षिणा
आज एका चिलेच्या स्नेही-जोडप्याकडे 'एम्पानादा' करण्या-जेवण्यासाठीचे आमंत्रण होते. तेंव्हा माझ्याकडून भर म्हणून फोकाच्च्या करून नेला असता उपस्थित ७-८ जणांनी तो ताबडतोब फस्त केल्याने पावाच्या तुकड्याचे चित्र टिपता आले नाही. त्या चित्राचा अभाव ही तुमच्यासाठी गुरुदक्षिणा मानून घ्यावी ही विनंती.
---
भाजण्यापूर्वी -
---
भाजल्यानंतर -
वाहव्वा! रोजमेरी ताजी
वाहव्वा!
रोजमेरी ताजी दिसत्येय. इथे मिळते ती कोरडी नी बर्यापैकी तपकिरी झाली असते.
बाकी त्या एम्पानाडाची पाकृ द्या की!
- ऋ
-------
लव्ह अॅड लेट लव्ह!
ताजी रोजमेरी
'फाइन फूड्स'मधली (बहुधा 'ग्रीन टोकरी'ची) वापरून पाहिली का? माझा अनुभव चांगला आहे. रोजमेरीची पानं मुळात कडक असतात. मी मित्राच्या परसातल्या झाडावरची स्वतःच्या हातांनी तोडून ताजी वापरली आहेत. तीसुद्धा कोरडी वाटू शकली असती अशी होती.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
नाही, मी दोराबजीतून आणली
नाही, मी दोराबजीतून आणली होती.
फाईन फुड्स बर्याचशा गोष्टी थेट आयात करते बहुदा, मुळ परकीय चलनातील किंमतीचे थेट रुपयात धर्मांतर असते. महाग पडते. (दोराबजीचा प्रवासखर्च पकडूनही महाग पडते )
- ऋ
-------
लव्ह अॅड लेट लव्ह!
ताज्या भाज्या / गवत
बरोबर आहे, पण त्यांच्याकडच्या ग्रीन टोकरीच्या ताज्या भाज्या / गवत हे स्थानिक असतं. त्यामुळे ते स्वस्त असतं.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
ओके. आभार ग्रीट टोकरीच्या
ओके. आभार
ग्रीट टोकरीच्या सलाडचा (मुख्यतः लेट्युसचे प्रकार, इतर काही अर्ब्ज वगैरेचे पॅक), कधी काही पेस्टो, कधी मश्रुम्स, मधी चेरी टोमॅटो असा रतीब दर एक-दोन शुक्रवार आड थेट घरीच मागवतो, घरात आहे ती रोजमोरी संपली की ती ही त्यांच्याकडूनच मागवून बघेन
- ऋ
-------
लव्ह अॅड लेट लव्ह!
"ओशन" शॉपींग मॉल मधे देखील
"ओशन" शॉपींग मॉल मधे देखील ताजी रोजमेरी पहाण्यात आली आहे. किंमत आठवत नाही पण 'ओशन' मधे बर्याच प्रकारचे ताजे हर्ब्स असतात (आणि सर्व प्रकारचे मांस देखील). मला माहीत असलेले ओशन 'इनओर्बीट' आणि 'कोरगाव पार्क प्लाझा' मधे आहे.
सुंदर!
मस्त फोटो, तबियत खूष झाली. गुरुदक्षिणा आम्हाला नव्हे त्या पॉल हॉलिवूडला लागू झाली. बी.बी.सी. वरचे हे 'ग्रेट ब्रिटिश बेक ऑफ'चे एपिसोड्स मस्त आहेत, यूट्यूबवर अनेक भाग सापडतील.
मी अलिकडे हा प्रकार माझ्या नवीन ऑव्हनमधे केला आणि का कोण जाणे पण हवा तसा झाला नाही. एकतर पार्चमेंट पेपर न अंथरता केला त्यामुळे थाळीला चिकटला आणि हवा तसा झाला नाही, नवीन भट्टीचं नवीन तंत्र आत्मसात करायला हवं.
अवांतर
अवांतरःबाकी सगळं जाऊ दे पण हे फोकाचिया नाव मात्र चिवित्र वाटतं कानाला सारखं! फोxxxx अशी कुठेतरी वाचलेली/ऐकलेली शिवी सारखी आठवत राहते.
-सविता
----------------------------
|| स्वतः मेल्याशिवाय स्वर्ग दिसत नाही ||
कॉलेजात असताना चीनी- जापानी
कॉलेजात असताना चीनी- जापानी नावांवरून मराठी विनोद सांगायचो (जापानी माणूस गोष्ट कुठली सांगतो - हिताची, चाइनीज अमृततुल्याचे नाव - फुंकुन फुंकुन पी, इ.इ.) तसंच इटॅलियन खाद्यपदार्थांच्या नावांवरून मराठी शिव्या तयार करायला हरकत नाही: च्याबात्ता, च्याम्बेले, बिच्च्येरे, ग्यान्डूजा, मायाले, फुसीली....
+१
जुळ्या मुलांचे नाव रशियन लोकं काय ठेवतील - ओक्साबोक्शी
किंवा चायनीज कुत्र्याचे नाव काय - हे हूंग ते हूंग
आणखी काही नांवे (अवांतर)
अमेरिकेतली मराठी शाळा : शिका-गो
जपानमधली मराठी शाळा : या-शिका
आफ्रिकेतला जलतरण तलाव : या डुंबा डुंबा
रशियन रागीट पुरूष : वस्कनओरडलास्की
...
ईईईईईक्स... (रादर, फुस्स्स्स्स...)
(यावरून काही सौदी (नावांवर खपवलेले) 'फुसके' 'विनोद' आठवले. यूऽऽऽसुफ, अक्बर्रर्रर्रर्रर्रर्र वगैरे. जाऊ द्या.)
बाकी ठीक(च) आहे, पण... 'मायाले'???