गुडलक कॅफे
मी,
ती,
कॉफी,
सिगरेट्स
आणि
गुडलकच्या
गल्ल्यामागच्या
फोटोतून,
मोनालिसा सारखं
हसणारा पारशीबाबा.
इतकं पुरेसं
नाहीये का?
तंद्रीचे अभंग
श्वास घ्यायला?
स्वत:चा
निरोप घेऊन,
इथेच मी
डोळे मिटतोय.
विशेष आवडली नाही
अनेक पातळ्यांवर प्रश्न उपस्थित झाले.
१. असे शब्द तोडून नक्की काय साधलं आहे? पहिले पाच शब्द (मी, ती, कॉफी, सिगरेट्स आणि) तोडणं एकवेळ समजतं, पण गुडलकच्या आणि गल्ल्यामागच्या हे शब्द का तोडावेत? कविता म्हणताना अनेक ठिकाणी ओळ संपल्यानंतरचा अवकाश रसभंग करतो.
मी,
ती,
कॉफी,
सिगरेट्स
आणि गुडलकच्या गल्ल्यामागच्या फोटोतून,
मोनालिसा सारखं हसणारा पारशीबाबा.
हे अधिक भावतं.
२. इतकं पुरेसं नाहीये का, या प्रश्नांतून इतकं पुरेसं आहे की! हे सांगायची इच्छा आहे असं जाणवतं, पण त्या प्रश्नातून एक अपुरेपणाविषयीची शंका डोकावते. ही कविता कोणी वाचून दाखवली तर स्वरावरून हा फरक सांगता येईल. पण लिखित शब्दातून इतर अनावश्यक अर्थ येतात.
३. तंद्रीचे अभंग श्वास घेणं हे का कोण जाणे इतर कवितेच्या टोनला जुळतं वाटलं नाही.
४. डोळे मिटणे यातूनही तंद्रीबरोबर झोप हा अनावश्यक अर्थ येतो...
धन्यवाद
१) पट्लं
२) पुन्हा कविता वाचुन लयीचा विचार करतोय.
३) व ४) वैयक्तिक पातळीवरचं तुमचं मत असु शकतं, पण तुम्ही दिलेली शक्यता नाकारता येत नाही. कविता विनोदी अंगाने घ्यायची ठरवली तर एखादा घेऊ शकतो. मला इथे विनोद अपेक्षित नाही. इथे एक ठाम अर्थ देण्यात कविता अपयशी ठरु शकते, हे मी मान्य करतो.
धन्यवाद.
ती म्हणजे झोप का?
ती म्हणजे झोप का?