वाचकांना आवाहन

तुला कसं सांगू? Google docs च्या सूची मधे नाव देऊ? जरा अधिक माहिती देशील का?

निर्णय घेण्यासाठी सूची अपुरी आहे. अनेक ठिकाणी लेखक/आवृत्ती वगैरे माहिती नाही. विशिष्ट पुस्तकांसाठी अशा प्रश्नांची उत्तरं हवी असतील तर कुणाशी संपर्क साधावा? जाहीर करायचं नसलं तर व्य.नि. पाठवा ही विनंती.

छान रे सन्जोप्या. पण तिथे दूरवर निझामी प्रांतात जाऊन पुस्तके आणायची म्हणजे कसरतच आहे. अर्थात पुस्तकवेडे मराठी लोक तेथे जाऊन हा खजिना आणतील ह्याची खात्री आहे.
(अधून मधून वाचन करणारी) रमाबाई.

प्रकटन दिल्याबद्दल सन्जोप राव यांचे आभार.
एक उपसूचना :
काही विशिष्ट पुस्तकांना जास्त मागणी असण्याची शक्यता आहे आणि तेवढीच पुस्तके घेण्याची इच्छा काही सभासद व्यक्त करतील.
परंतु या दात्याला ही सर्व पुस्तके एकाच व्यक्ती अथवा संस्थेला (एन्टीटीला) द्यायची आहेत.
ऐसिअक्षरेवरील/ इतर मराठी संकेत स्थळांवरील सभासदांनी एकत्र येऊन एकहाती ही सर्व पुस्तके घेण्याबद्दल चर्चा केली तर बरे होईल.
तसेच काही संदर्भग्रंथ/पुस्तकसंच जर स्कॅन करून मराठी संकेतस्थळांच्या चालकांनी सामुहिकरित्या एखाद्या सेवादात्याच्या मार्फत
मुक्तपणे उपलब्ध करून दिले (डिजिटल लायब्ररी स्वरूपात) तर त्याचा भविष्यात अनेक अभ्यासूंना फायदा होईल.
अशी मोफत सेवा कोणी उपलब्ध करू शकेल काय?
अर्थात प्रताधिकाराचे उल्लंघन होणार नाही याचीही काळजी घेणे गरजेचे आहेच.
या दिशेने चर्चा व्हावी अशी अपेक्षा व्यक्त करतो.

>>परंतु या दात्याला ही सर्व पुस्तके एकाच व्यक्ती अथवा संस्थेला (एन्टीटीला) द्यायची आहेत.

मग बोलणंच खुंटलं. मला विशिष्ट पुस्तकांमध्येच रस आहे. यातली सर्व पुस्तकं घेणं एखाद्या व्यक्ती किंवा संस्थेला रुचेल याची शक्यता कमी वाटते, कारण संग्रहात 'जेम्स हॅडली चेस'पासून सौंदर्यमीमांसेपर्यंत वेगवेगळ्या प्रकृतीची पुस्तकं आहेत.

असो. दात्याला सत्पात्री दान करता यावं यासाठी शुभेच्छा.

सन्जोपराव आणि विसुनाना.,

सर्व पुस्तके एका व्यक्तीला घेणे तर अशक्यच आहे. :(

यादीतील निवडक पुस्तके मिळू शकतील का?
माझ्याकडे पुस्तकांचा बर्‍यापैकी संचय आहे. आणि पुस्तके जपायलाही खूप आवडतात.

शक्य असेल तर माझी यादी कोणाला आणि कशी पाठवायची याबाबत कृपया माहिती द्यावी ही विनंती
हैद्राबादेहून बंगळूरात पुस्तके आणायचा खर्च मी नक्की उचलू शकेन.
माझा संग्रह हा वैयक्तिक स्वरुपाचा असल्यामुळे त्याला मर्यादा आहेत हे मान्य करुनही काही होत असेल तर सांगावे.

धन्यवाद

आपण या दात्याचे सविस्तर सन्पर्क माहीती देवू शकाल का?

काही विशिष्ट पुस्तकांना जास्त मागणी असण्याची शक्यता आहे आणि तेवढीच पुस्तके घेण्याची इच्छा काही सभासद व्यक्त करतील.
परंतु या दात्याला ही सर्व पुस्तके एकाच व्यक्ती अथवा संस्थेला (एन्टीटीला) द्यायची आहेत.
ऐसिअक्षरेवरील/ इतर मराठी संकेत स्थळांवरील सभासदांनी एकत्र येऊन एकहाती ही सर्व पुस्तके घेण्याबद्दल चर्चा केली तर बरे होईल. >>

सदर पुस्तकांच्या एकहाती स्वीकृतीकरिता मी तयार आहे. ही पुस्तके हैद्राबाद येथून पुणे येथे आणण्याचा खर्च मी करू शकेन. त्यानंतर ही पुस्तके मी माझ्या निवासस्थानी ठेवेन. ह्या पुस्तकांच्या आणणावळीस जो खर्च होईल त्या खर्चाची भरपाई होऊ शकेल अशा नाममात्र दराने नंतर ही पुस्तके मी विक्रीकरिता उपलब्ध करून देईन. ज्याला जे हवे असेल ते त्याने घेऊन जावे.

हे सदर रसिक अभ्यासकांस मान्य असेल तर त्यांनी मला आपल्या सोयीने भेटीची वेळ देण्याची कृपा करावी. मी तिथे येऊन पुस्तके घेऊन जाईल. मा़झे संपर्क तपशील खाली देत आहे.

धन्यवाद.

मंचावर आणि व्यक्तिगत निरोपातून संपर्क साधलेल्या सर्वांना धन्यवाद देतो. लवकरच या बाबतीत निर्णय घेतला जाईल अशी आशा आहे.
मूळ पुस्तकसंग्रहाचे मालक वयोमानानुसार थकले आहेत, शिवाय त्यांची प्रकृतीही बरी नाही असे कळते. त्यामुळे त्यांचा संपर्क क्रमांक / नाव-पत्ता येथे देणे उचित नाही, असे वाटते.

काही (सार्वजनिक वाचनालय स्वरूपाच्या) संस्थांनी एखाद्या दालनात सर्व पुस्तके ठेवण्यासाठी आणि स्क्यॅनिंगसाठी उत्सुकता दाखवली आहे.
प्रताधिकार कायद्यातून काही सूट मिळू शकते का ते पहावे लागेल. (खासगी वाचन आणि संशोधन या स्वरूपात स्क्यॅनिंग चालते असे कायद्यात आढळले.)
आता हे आंतरजालावरील वाचन 'खासगी' कसे बनवावे याचा विचार सुरू आहे.
परंतु नामांकित संस्था असेल तर कदाचित हे शक्य होईल.

बघू या.

श्री. सन्जोप राव यांनी येथे दिलेल्या आवाहनास सकारात्मक प्रतिसाद देणार्‍या सर्वांचे आभार.
पुस्तकांच्या दात्याने ही सर्व पुस्तके गोव्यातील एका लायब्ररीस देण्याचे ठरवले आहे.
त्यामुळे द्वैभाषिक राज्यातील मराठी वाचकांना लाभ होईल.

या विषयावर उपरोक्त दात्याचा हा अंतिम निर्णय आहे.