..थांबले ट्राफीक आता...
थांबले ट्राफीक आता.
माग लवकर भीक आता.
शांततेचा पॅक्ट झाला
वाढले सैनीक आता
जा पुरा व्यवहार झाला
तुझि नको जवळीक आता!
लग्न झाले..ते हि झाले
चांगले सोशीक आता..
दु:ख झाले भोगुनीया
हासणे ऐच्छिक आता.!
(प्रश्न झाले मांडुनिया
उत्तरे ऐच्छिक आता!)
लागु केली कर्जमाफी
काढ लवकर पीक आता!
उंच त्याचा भाव नेला
वाढले भावीक आता...!
विसर सारे शीकलेले
एवढे तू शीक आता
चेहरा सभ्य दिसावा
शिकुन घे ही ट्रीक आता.
हा लढा अंतिम आहे
फक्त थोडे टीक आता
- कानडाऊ योगेशु
हे फार च गुढ झालय
लग्न झाले..ते हि झाले
चांगले सोशीक आता..
हे ते म्हणजे काय नक्की ?
एक अमोल पालेकरांनी तेंडुलकरांवर कार्यक्रम केला होता त्याच शिर्षक होत तें
ते आठवल
तुमच ते म्हणजे नक्की काय
आणि ते झाल्यावर सोशीक झाला म्हणजे नेमक काय झाला
सो शीक आता म्हणजे सोना सीख अभी अस हिन्दी मराठी मिक्स आहे का
आणि हो मी ते समजण्या इतका भोळा नक्कीच आहे.
मारवा, बर्याच गझलांच्या
मारवा,
बर्याच गझलांच्या (भटसाहेबांच्याही) ते,त्यांनी त्यांचा असा उल्लेख येतो. बहुतेक वेळा त्याचा अर्थ म्हणजे प्रस्थापित/आरोप करणारे/निंदा करणारे इ.
उदा. भटसाहेबांचाच एक शेर पाहा.
स्वागतासाठीच माझ्या भुंकले ते आदराने
थुंकले तोंडावरी तो केवढा सत्कार होता!
व सोशीक हा शब्द सोसणारे/सहन करणारे ह्या अर्थाने वापरला आहे.
एकुण शेराचा एक अर्थ असा होतो कि लग्नापूर्वी जे म्हणत कि आम्ही काही सहन करणार नाही..स्वच्छंदी राहु वगैरे ते ही ल्ग्नानंतर निमूटपणे जगु लागले.
दुसरा अर्थ घेतला तर ते म्हणजे ते दोघे ती व तो.. लग्नापूर्वी बात बात पे झगडे करणारे आता एकमेकांना सहन करु लागले आहेत.
लाल सलाम
विडंबन हा आमचा जन्मसिद्ध हक्क आहे. तरीही का. यों. ची क्षमा मागून.......
थांबला ट्रॅफिक आता.
टाक न्यूट्रल गिअर आता.
शांततेचा अ‍ॅक्ट झाला
वाढवू ते गनिम आता
जा पुरा व्यवहार झाला
पाठवी पुढच्यास आता!
लग्न झाले..ते हि झाले
वाढवू तो वंश आता
दु:ख झाले भोगुनीया
अश्रु ते ऐच्छिक आता.!
प्रश्न झाले मांडुनिया
उत्तरे छापील आता!
लागु केली कर्जमाफी
बुडवी लवकर बँक आता!
उंच त्याचा झोका गेला
काप त्या दोरीस आता...!
विसर सारे पढवलेले
क्रांतीचा एल्गार आता
चेहरा हा झाकून घ्यावा
शिकुन घे हा धर्म आता.
हा लढा अंतिम आहे
फक्त हो ठिणगीच आता
बहोत खूब!
वा! सगळ्याच दुओळी (? काय म्हणतात त्यांना?) अर्थपूर्ण, मार्मिक वाटल्या.