व्यवस्था
मिलिन्द
रोज पिऊन मारे नवरा
व्यवस्थेचा नाग आहे,
वळ लपवून काम करणे
व्यवस्थेचा भाग आहे!
तुमच्या डोळ्यामधले पाणी
कोठेतरी जाग आहे,
"आज भांडी राहणार तशीच!"
विषादाची आग आहे.
दवाखाना, चांगला डॉक्टर,
तिला नेणे भाग आहे,
औषधाला पैसे देणे
हाही एक भाग आहे!
पण यावर उपाय काय?
मनामध्ये राग आहे,
लग्नसंस्था , असले नवरे,
देशावरती डाग आहे!
घ्याल तिची मुलगी दत्तक?
नाकारताना खेद आहे,
तुमची मुलगी होणार डॉक्टर
दोघींमध्ये भेद आहे!
कशी होणार तिची भांडी?
याचे उत्तर सोपे आहे,
या बाईला मुली खूप,
खाली तिचे डोके आहे!
पुसा पाणी डोळ्यामधले
आज घासा भांडी तुम्हीच
औषधाला पैसे देणे
इतकेच तुमच्या हाती आहे,
---
क्या बात है. विषय आणि त्यातले
क्या बात है. विषय आणि त्यातले विचार आवडले नाहीत तरी चांगले लिहीले आहे हे मान्यच.