इतिहासाच्या पलीकडे (चल रे सख्या)

मुंबई-नूवर्क-USA एकाच झेपेत इतिहास ओलांडून
पलीकडे गेलेले
कमलेश आणि कौसा, अमित आणि अमिता फिरतायेत
"एडिसन" गावात, कमरेत हात घालून: ("आज रात्री ही कंबर माझी आहे!").
पितळी विष्णू आणि चांदीचे गणपती चमकतायत
शिसवी शेल्फात,
आणि पोलादी प्लेट वर लालभडक तंदुरी
चिकन चर्र चर्र करून म्हणत आहे
इतिहास संपला रे संपला
आता फक्त मजा करा! तुमची मुले
आणि त्यांची मुले रोज
तंदुरी चिकन खाऊ शकतील,
उंची वाईन पिऊ शकतील किंवा
चैनीची पुढची व्याख्या करत
हार्वर्ड मध्ये शिकायला जाऊ शकतील, जिथे
त्यांना लिहून ठेवलेले
सापडेल की तुमच्या खापर-खापर पणजोबांना
ब्रिटीश जेलर
रोज चाबकाने मारीत असे.
यावर ते उदगारतील
"Poor Chap !".
xxx