संभोगस्वप्न

तुझ्या मखमली योनी मधून
उसळतो जेव्हा लाव्हा
तुझं बनत एक ज्वालामुखी
आणि वितळवून टाकलेस मला
तुझ्यामध्ये
आपण एकाच होतो
संभोग झाल्यानंतर
घड्याळाची टिकटिक
घरघरणारा पंखा
सेलिंग वरती अडखळणारी पाल
भिंतीचे रंग
एकटक पाहत असतो
तुझे अर्धवट विझलेले डोळे
मिटून जातात
तुझा श्वास वरखाली होताना

मी अश्याच योनी मधून
बाहेर आलो
लपलपत घरभामधल्या गर्भाळ पाण्यात
आई उसासे टाकत असेल वेदनेने
माझ्या स्मरणाच्या पहिल्या पेशी
तिथेच तयार झाल्या असतील
आणि जेव्हा तोडली असेल नाळ
डॉकटर च्या केमिकल ने भिजलेल्या हातानी
पहिल्यांदा मी रडलो असेल

विचार करता करता
तुला लपेटून
पुन्हा विरघळून जातो
जसा व्हिस्की मध्ये बर्फ
पाण्यामध्ये चिखल
ओठांमध्ये ओठ
तुझ्या शरीराच्या गंधामध्ये
झोप गडद झोप लागून जाते

मी तुझ्या गर्भाशयात अडकलोय
आदिम काळापासून
मी वाढत वाढत चाललोय
उत्क्रांतीच्या सर्व आकारात

तू माझा एक हात सोडवून
दुसऱ्या कुशीवर हलकेच कलंडतेस
मला कळणार नाही अस
तेव्हाच झपकन जाग येते
पंख्याचा घरर घरर आवाज
तुझ्या मोहरलेल्या शरीरावरती
हात फिरवतो
तेव्हा तू जागी होऊन हसतेस
आणि विचारतेस
नक्कीच काहीतरी स्वप्न पडलाय ना?
स्वप्नात मी होते का?