आनंदवन

मज अवगत आहे उगम तुझ्या दु:खाचा
तू दोषी नसता कलंक का शरमेचा
करुणेचा इथला निर्झर निर्मळ वाहे
प्रारब्ध-भयाची रात्र संपते आहे

नि:शंक निकट ये, हाती दे तव हात
या दु:खार्तान्च्या देशी हाच प्रघात
परवलिची इथली एकच ह‌ळ‌वी खूण
जरि जखम तुला, तरि माझे हृदय विदीर्ण

जरि भग्न तुझे कर, घडवू शिल्प अभंग
जरि कभिन्न वास्तव, बदलू त्याचा रंग
या निबिड अरण्यी, भ‌व्य पाहुया स्व‌प्ने
आनंदवनाचे हेच ब्रीद, अन् गाणे

आनंदवनाचे हेच ब्रीद, अन् गाणे