ती वाचत असता कविता
anant_yaatree
ती वाचत असता कविता
डोळ्यात तरळले पाणी
गवसले हरवले शब्द
आठवली विस्मृत गाणी
ती वाचत असता कविता
भळभळल्या बुजल्या जखमा
दु:खाच्या शाश्वत प्रहरी
मज कळला अश्वत्थामा
ती वाचत असता कविता
मी पुन्हा हलाहल प्यालो
अवलाद नवी सर्पांची
मी गळा माळुनी हसलो
ती वाचत असता कविता
शेवटची बेडी तुटली
करुणेची धून अनाहत
झंकारत आतून आली
नेहमीप्रमाणे छान कविता. एकही
नेहमीप्रमाणे छान कविता. एकही शब्द ओव्हरवेट किंवा अंडरवेट नाही. क्रिस्प. झकास.