असिधाराव्रत

anant_yaatree

अंधाराशी लढता लढता
चढवुन अपुला स्वर गदगदता
असिधाराव्रत सांगे कविता- माझी कविता

"कवेत आभाळ कोंडावे लागेल
आतले साचले सांडावे लागेल
बिजली झेलून गिळावी लागेल
सृजनावेणाही सोसावी लागेल
प्रत्येक टर्फल सोलावे लागेल
शिळेतले शिल्प शोधावे लागेल
पथ्थरा पाझर फोडावा लागेल
बुडून मौक्तिक काढावा लागेल
गर्दीत एकांत साधावा लागेल
शापांत उ:शाप शोधावा लागेल

उ:शाप हासत भोगावा लागेल
तेव्हाच मुक्तीचा सुगावा लागेल"

तिरशिंगराव Fri, 15/09/2017 - 15:19

एवढं सगळं करुन फक्त सुगावा लागेल ? त्यापेक्षा
' ठेविले अनंते तैसेची रहावे' हे सोपं आहे .

तिरशिंगराव Fri, 15/09/2017 - 16:47

पिंका टाकायच्या असत्या, तर प्रत्येक वेळीच टाकल्या असत्या हो ! तरीसुद्धा तुमच्या प्रतिक्रियेबद्दल आभार !

१४टॅन Fri, 22/09/2017 - 17:09

कविता 'ठीक' आहे. कल्पनांची घनता आणि वैविध्याच्या तुलनेत शब्दच जास्त आहेत. फार नाही आवडली.