बघ जरा....
anant_yaatree
बघ जरा झोळीत माझ्या काय आहे….
रंगरेषा लांघणारे चित्र आहे
पृष्ठकोरे चांगदेवी पत्र आहे
गहन काही उकलणारे सूत्र आहे
सावळीशी सूर्यगर्भी रात्र आहे
मुक्तीच्या मोहात गाफिल गात्र आहे
शत्रूच्या शोधात हसरे मैत्र आहे
फाल्गुनाला खेटुनी बघ चैत्र आहे
वास्तवाला विंधणारे यंत्र आहे
प्राणफुंकर मागणारा मंत्र आहे
अद्भुताचे इन्द्रजाली स्तोत्र आहे
अंत ना आदि असे घटिपात्र आहे ...
बघ इथे झोळीत माझ्या काय आहे…
.....की कुण्या कवितेत त्याच्या हेच आहे ?
सुंदर आहे.
सुंदर आहे.
अप्रतिम!