"प्रिये लेस्बियने"
( हसून "ते" म्हणती मला / अरे तू येडा का खुळा
अशा लेस्बियन बाईला / रस नसतो मर्दांमध्ये!
म्हटले साहेब जरा ऐका / कविता वाचून तर बघा
कामसंबंधांचा फुगा / त्याने फुटे झडकरी )
वय वाढून मोठा झालो /पन्नाशीचा बाप्या जरी
होतो नवाच कवी तरी / मनामध्ये,शरमेमध्ये
ऑफिसातली एक सुंदर /लेस्बियन ती सखी होती
एकटी आणि दुःखी होती / गप्पा-टप्पा चालायच्या
अडचण तशी मोठी बघा /मैत्रीण असून विरुद्ध-लिंगी
वासना पण सम -लिंगी/ (त्रास असले येथे फार!)
बसलो होतो आम्ही दोघे /विद्यापीठी वृक्षाखाली
सोनेरी त्या संध्याकाळी/ पानगळीच्या ऋतूमध्ये
पंचाईत तशी मोठी/ प्रेमामध्ये कसे पडणार
यातून पुढे काय घडणार / "त्यांचे" खरे ठरत होते
समोरच्या त्या सौंदर्याचे / शक्य नव्हते आकर्षण
आणि बाकीचे घर्षण?/ विचार सुद्धा त्याज्ज तो !
इतर गरजा तरी होत्याच/ परदेशातले एकटेपण
एकांताचे डोक्यात घण / दारू पिऊन पिणार किती?
आणि समोर बसली होती/ कवितांची एकच वाचक
कॉमेंट्सही नव्हत्या जाचक / नवकवींना रडविणाऱ्या
वही काढून कवितांची/ वाचू लागलो मग मी
तिच्या वाहवांची हमी / घट्ट घेऊन मनामध्ये
दोघांनाही कळले नाही / तीन तास गेले कसे
मनामध्ये वसली असे / संध्याकाळ ती सोनेरी !
तर पुरुष -मित्रांनो ऐका / यासाठी पण "सखी" लागते
उदारपणे जी राखते / लाज तुमच्या "प्रतिभे"ची !
xxx
"हैदोस" या शब्दाविषयी (उगाचच)
हे उगाचच : "हैदोस" या शब्दाविषयी : मुहम्मदाचे नातू हसन आणि हुसैन यांना अनुक्रमे "दोस्त" आणि "दुल्हा" अशी टोपण नावे होती. लढाईतल्या त्यांच्या मृत्यूचा शोक मुहर्रम मध्ये "हाय दोस्त दुल्हा " असे ओरडत नाचत केला जातो. त्यावरून "गल्लीत हैदोस-धुल्ला चालू होता" अशी संज्ञा आली , आणि त्याचे संक्षिप्त रूप "हैदोस". हा शब्द भारतीय संसदेबाबत विशेषत्वाने वापरला जातो!
याला नेमका आधार : Dictionary link below
http://www.transliteral.org/dictionary/%E0%A4%B9%E0%A4%BE%E0%A4%AF/word
"०दोस्त दोस दुल्ला धुल्ला हायदोस - उद्गा . [ मुसलमान लोक ताबुताचे पुढें हसन व हुसेन हे त्यांच्या लग्नानंतर लवकरच लढाईत मरण पावले , म्हणून हाय ! मित्रा ! नवरदेव ! असा दुःखोद्गार काढून नाचतात त्यावरून ] नाचणें , ओरडणें ; दंगल ; धुमाकूळ . ( क्रि० घालणें ; माजणें ; उठणें ; मांडणें ; करणें ) [ हिं . हाय ! दोस्त ! दुल्हा = नवरा ]"
हैदोस !!!
हान तेजामायला .... काय राडा केलाय तुम्ही, मिलिंदराव .... !!!
हैदोस !!!