अनुसूयेचं #MeToo, ब्रह्मा विष्णू महेश संकटात
दि. माघ कृ ८, कलियुगाब्ध ५११२
चित्रकुटचे जंगल: आताच हाती आलेल्या बातमीनुसार 'मीटू' चळवळीच्या लाटेत संकटात सापडलेल्यांमध्ये ब्रह्मा विष्णू आणि महेश यांचीही भरती झालेली आहे. पतिव्रता अनुसूया यांनी या तिघांवर परिस्थितीचा गैरफायदा घेऊन विनयभंग केल्याचा आरोप केला आहे. पतीच्या व्रतात अडकल्याचा फायदा घेऊन या तिघांनी आपल्याला नग्न होण्यास भाग पाडले असे त्यांचे म्हणणे आहे.
आकाशवाणीचे वार्ताहर नारदमुनी कळलावे यांनी घेतलेल्या खास मुलाखतीत त्यांनी वरील आरोप केला आहे. सध्या मानवलोकात उलथापालथ घडवलेल्या मीटू चळवळीच्या पार्श्वभुमीवर नारदमुनी यांचा देवलोकात चाललेल्या गैरप्रकारावर 'देवलोकातल्या भानगडी' नामक exposé आकाशवाणीच्या 'समुद्रमंथन' या विशेषांकात प्रसिद्ध झाला आहे.
आमच्या वार्ताहराने या तिघांनाही या बातमीवर प्रतिक्रीया देण्यास संपर्क करायचा कसोशीने प्रयत्न केला पण संपर्क होऊ शकला नाही. केवळ निर्मळ श्रद्धा असलेल्यांचाच संपर्क होऊ शकतो असे तिघांच्या जनसंपर्क कार्यालयाकडून आम्हांस कळवण्यात आले. (तिघांचे जनसंपर्क कार्यालय एकच आहे आणि संपर्क करण्यास लागणारी पात्रताही एकच आहे हे आमच्या वार्ताहराने विशेष नमूद केले.)
जनसंपर्क कार्यालयाकडून जाहीर केलेल्या पत्रकात दिलेल्या निवेदनाप्रमाणे, देवलोकात घडणार्‍या दैवी लीला प्रकारच्या कामात असल्या भानगडी देवलोकांना कराव्या लागतातच. त्यात त्यांचा कोणताही विपरीत हेतू नव्हता. अर्थात पुर्वीच्या दैवी लीलांचा प्रकार तसलाच होता आणि अशा गोष्टी आता आमच्याकडून चुकूनही होणार नाही अशी खात्री तिघांनीही दिली आहे.
सरस्वतीदेवींनी, या तिघांच्या बायकांना अनुसुयेची असुया होती. म्हणूनच या तिघींनी पतिव्रता चाचणी यांसारखी थेरं करण्यास या तिघांना भाग पाडले असा टोला लगावला आहे. आधुनिक शिक्षण आणि मुल्यं या तिघींनीही आतातरी अनुसरावीत असे सरस्वतीदेवींचे म्हणणे आहे.
तिकडे इंद्राच्या दरबारातून मात्र विपरीतच सूर ऐकू आले. रंभा आणि उर्वशी यांनी हे जरा अतीच होत आहे असे म्हणत नाराजी दाखवली. "नग्नतेचा इतका बाऊ का करावा हे कळत नाही. इथे इंद्राच्या दरबारात फ्रेंच सुद्धा लाजतील एव्हढी नग्नता आम्ही दिवस अन रात्र करीत असतो!"
देवलोकातील सोशलमाध्यम 'ऐरावत' यावर तात्काळ रंभा आणि उर्वशी यांवर टिकेची झोड उठली. ऐरावत वरील काही देवीद्वेष्ट्या लोकांनी अनुसूयेला तक्रार करायला इतका वेळ का लागावा असे म्हणत या आरोपावर शंका व्यक्त केली आहे. इतर ऐरावतकरांनी तात्काळ "ब्रह्मदेवाचा काटा सेकंदानं पण पुढे सरकला नसेल!" याची आठवण करून देऊन त्यांची तोंडं गप्प केली आहेत.
नारदमुनींच्या exposé मध्ये अजून कोणाकोणाचे पीतळ उघडे पडते याकडे राक्षसवर्गाचे लक्ष लागून राहीले आहे.
अत्यंत दुर्दैवी प्रतिसाद.
आवधूऽत चिंतन श्री गुर्देव दत्त वगैरे लिहिणाऱ्या मुक्तसुनीतकुमारांनी हा प्रश्न विचारावा! अशानं आमच्यासारख्या (दुसऱ्या पिढीच्या) ओवाळून टाकलेल्या अपारंपरिक लोकांचं कसं होणार!
निळोबा, तुमची कथा मलाही आवडली हो. त्या संदर्भात तुम्हाला MeToo.
>>कथेतील वस्तूला नव्या
>>कथेतील वस्तूला नव्या प्रकाशात बघण्याचा प्रयत्न केला आहे इतकेच.>>
हे तर कोकणी विडंबनांत सततच होत असते. दुसय्रा एका लेखकाने मुलांसाठीच्या पौराणिक कथांमध्ये " हे तिघे रुचिपालट करण्यासाठी पृथ्वितलावर येतात" असे वाक्य लिहिले आहे. एखाद्या मुलाने ** म्हणजे काय विचारले तर तो लैंगिक शिक्षणासाठी योग्य वयाचा झाला असे म्हणता येईल काय?
-
कथेमध्ये " *** तुला माज्ज्यावर बरोस्सा नाई क्काय" हे मेटल गाणं का नाही?"
तुम्हाला नक्की काय म्हणायचं आहे हे मला अजिबातच कळलेलं नाही.
कथेच विडंबन नाही असं मी म्हणलं कारण कथा जशी काही आहे, तशीच ती इथे वापरलेली आहे.
>>दुसय्रा एका लेखकाने मुलांसाठीच्या पौराणिक कथांमध्ये " हे तिघे रुचिपालट करण्यासाठी पृथ्वितलावर येतात" असे वाक्य लिहिले आहे. एखाद्या मुलाने ** म्हणजे काय विचारले तर तो लैंगिक शिक्षणासाठी योग्य वयाचा झाला असे म्हणता येईल काय?
ही दोन वाक्यं एकमेकाला संबंधित आहेत का? ** म्हणजे नक्की काय?
>>कथेमध्ये " *** तुला माज्ज्यावर बरोस्सा नाई क्काय" हे मेटल गाणं का नाही?"
का असावं? ही कथाच नाही.
अरेच्च्या हे वाचायचंच राहिलं
अरेच्च्या हे वाचायचंच राहिलं होतं.
परशुरामाच्या आईच्याच बाबतीत असंच काहीतरी घडलं होतं आणि तिला शिरच्छेदाची शिक्षा झाली. अहिल्येला इंद्राने गंडवलं आणि शिळा होऊन पडावं लागलं. विष्णुदेवांनी आपल्या दोन अवतारांत घेतलेल्या दुटप्पी भूमिकेबद्दल 'ऐरावत'वर चर्चा झाली की नाही?
(अवांतर)
विष्णुदेवांनी आपल्या दोन अवतारांत घेतलेल्या दुटप्पी भूमिकेबद्दल 'ऐरावत'वर चर्चा झाली की नाही?
च्यायला!
तेव्हाच्या संस्थळांवरसुद्धा हत्तींचा सुळसुळाट झाला होता काय? इतका, की (हत्तींनी टेकओव्हर करून) एका हत्तीचे नाव संस्थळाला दिले जावे?
चांगलेच 'मॅमथ'१ संस्थळ असले पाहिजे ते!
('ऐसी'वर येणाऱ्या आगामी बदलांची ही नांदी तर नव्हे? खरडफळ्याचा हत्तीखाना झालेलाच आहे; आता मुख्य बोर्डाचाही झाला, की नाव बदलायला मोकळे!)
-----------
१ पुरातन हत्ती. (बोले तो, पुरातन + हत्ती.) त्यातही 'महाकाय'!
परशुराममाता म्हणजे एकवीरा
परशुराममाता म्हणजे एकवीरा देवीला , चित्ररथ गंधर्वाचे कामचाळे पाहून भूल पडली. त्याच्यावर नाही भाळली ती पण एकंदर जे काही दृष्य होते त्याने ती विचलीत झाली. तपस्व्याच्या पत्नीस हे शोभत नाही या न्यायाने मूळातच अतिशय कोपिष्ट असणाऱ्या जमदग्नी ऋषिंनी परशुरामाल, तिचा वध करण्याची आद्न्या केली.
हे विधान तसं नाहीये पण
हे विधान तसं नाहीये पण तुम्हाला तसं वाटत असेल तर मी काही करु शकत नाही.
____________________
अजुन एक - तुम्ही काय ऐसी स्वच्छता मोहीम हाती घेतली आहेत काय? आणि जर कोणी (मी) तुम्हाला कचरा वाटत असेल तर त्या व्यक्तीला सरळ सांगा ना, की सोडा ऐसी, ऐसी इज बेटर विदाउट यु. काहीच हरकत नाही.
असे वाक्यातून भलते अर्थ काढुन, वादंग माजवुन त्यानंतर त्या व्यक्तीला खजिल करवुन (ऑलमोस्ट) हाकलण्यापेक्षा ते बरं. कारण दिसायला फक्त आय डी असले तरी त्यांना लागतं, वाईट वाटतं.
तुमचंच संस्थळ आहे. खूप श्रमाने ते उभं करुन, शिवाय विस्तार केलेला आहे. शक्य आहे तुम्हाला काही विचारधाराच इथे मांडायच्या असतील.
इतकं सीरियस होण्याची गरज नाही
इतकं सीरियस होण्याची गरज नाही शुचितै. तुम्ही मला गेली आठ वर्षं ओळखता. तुम्हाला आत्तापर्यंत माझं एकही अक्षर वाचून खजिल होण्याची वेळ आलेली आहे का? एका प्रतिसादाबद्दलच्या गैरसमजावरून ती ओळख तुम्हाला पुसायची आहे का?
तुम्ही केवळ माहिती देणारी विधानं केली आणि त्यात व्हॆल्यू जजमेंट होतं असं मी गृहित धरलं. हे चूक आहे, पण चर्चा केवळ विधानांबद्दल होती. Let's leave it at that. हेत्वारोप नको कृपया.
हे ज्या मिथक कथेचं विडंबन आहे
हे ज्या मिथक कथेचं विडंबन आहे - असं मला वाटतं आहे - ती, अनसूयेची ब्रह्मा-विष्णू-महेशासंदर्भातली (आणि बहुदा दत्तात्रेयाच्या उत्पत्ती संबंधातली )मूळ पुराणकथा नेमकी काय आहे?