होकायंत्र
वंकू कुमार
तुझ्या सावळया त्वचेच्या
समुद्रावर
मी जहाज घेउन
उतरलो . अनावर
इच्छेला मृदुतेच्या
शिडाचे गाउन ...
इथवर नव्हते
होकायंत्र, त्याच्या
नसल्याच्या जाणीवेसकट.
पण रोमारोमात इच्छा
तुझ्या, दिसते
आकर्षक, उत्कट !
आवडली
त्यातही दुसरे कडवे अधिक आवडले. दुसर्‍या कडव्यात यमकाचा वापर जितका बेमालूम परिणामकारक साधला आहे, तितका परिणाम पहिल्या कडव्यातल्या यमकाने झाला नाही.
मला व्यामिश्र उपमा (मिक्स्ड मेटाफोर) आवडत नाहीत. (असा नियम नाही. कधीकधी आवडतात, पण अगदी-अगदी क्वचित.) त्यामुळे वैयक्तिकरीत्या माझ्यासाठी "मृदुतेच्या शिडाचे गाऊन" हे चरचरते.
कवितेचा नेमका आशय मला जो
कवितेचा नेमका आशय मला जो वाटला तो व्यक्त करणे अवघड आहे. पण मजेशीर वाटला ( मजेशीरचा अर्थ विनोदी असा घेऊ नये).