Skip to main content

लिनक्स आणि ओपन-सोर्स सॉफ्ट्वेअरचे भारतातील प्रणेते अतुल चिटणीस यांचे निधन


लिनक्स आणि ओपन-सोर्स सॉफ्ट्वेअरचे भारतातील प्रणेते अतुल चिटणीस यांचे कर्करोगाने अवघ्या ५१व्या वर्षी निधन झाले आहे. त्यांच्या अकाली निधनाची नोंद भारतातील आणि परदेशातील ओपन सोर्स सॉफ्टवेअरच्या वापरकर्त्यांनी आणि संगणकक्षेत्रातल्या तज्ज्ञांनी घेतली आहे. 'लिनक्स' ह्या खुल्या संगणकप्रणालीशी भारतीयांचा परिचय करण्याचे मोठे काम त्यांनी 'पीसीक्वेस्ट' ह्या मासिकाद्वारे आणि इतर माध्यमांद्वारे केले. लिनक्स आणि द्रुपलसारख्या ओपन-सोर्स सॉफ्टवेअरवर चालणाऱ्या 'ऐसी अक्षरे' ह्या मराठी संकेतस्थळातर्फे श्री. चिटणीस यांना आदरांजली.
'हिंदू'मधील मृत्यूलेख

Tveedee Fri, 07/06/2013 - 15:52

मला अतुल चिटणीस माहित होते .. त्यांच्या बरोबर बरेच वेळा ट्विटर वर संवाद झाला आहे .. "हि वॉज अ ट्रु टेकि " .. अजुन एक लिंक !

http://www.nextbigwhat.com/atul-chitnis-obituary-297/

३_१४ विक्षिप्त अदिती Fri, 07/06/2013 - 19:35

दोन्ही मृत्युलेख आवडले.

गेली काही वर्ष सातत्याने फक्त लिनक्स वापरत असूनही मला त्या प्रणालीच्या आतली फार माहिती नाही; अतुल चिटणीस यांच्याबद्दलही आधी माहिती नव्हती. गेल्या आठेक वर्षांच्या काळात लिनक्स इनस्टॉल करणं, वापरणं किती सोपं झालं आहे याचा अनुभव आहेच. किरण जोन्नालगड्डा यांच्या लेखामुळे लिनक्स सोपं होण्यामागचा थोडा इतिहासही समजला.

चिटणीस यांना आदरांजली.

चिंतातुर जंतू Fri, 07/06/2013 - 23:06

साधारण १९९२-९३पासून लिनक्स किंवा कोणत्यातरी प्रकारची युनिक्स वापरत असल्यामुळे आणि नेटस्केप वगैरे यायच्या आधी विदेश संचार निगमच्या कृपेनं बुलेटिन बोर्ड वगैरेवर बागडलो असल्यामुळे किरण जोन्नालगड्डा यांचा लेख आणि अतुल चिटणीस यांचं कर्तृत्व भिडलं.