Skip to main content

श्वासात जपत होतो

श्वासात जपत होतो

तुझ्या नेहमीच्या तक्रारी
'मी तुला विसरलो होतो'
कसे सांगू आठवणी
मी श्वासात जपत होतो

एक श्वास बाहेरी
दुसरा परत येई
सान्ग एवढ्या व्यस्ततेत
विसरणे कसे शक्य होई?
लोकांच्यात मिसळूनी
मी तुझ्या जवळ होतो
कसे सांगू आठवणी
मी श्वासात जपत होतो

जागेपणी श्वास चालू
झोपेत ते उसासे
तुझ्या विरहात आठवणीन्चे
हे ठेचाळणे जरासे
उसाशातही श्वासांना
उसंत देत नव्हतो
कसे सांगू आठवणी
मी श्वासात जपत होतो

विसरून तुला जेव्हा
थांबतील श्वास माझे
तुझ्या सुपूर्त करीन
ते आठवणींचे ओझे
हे लिहितानाही सांग
दुसरे काय करत होतो?
कसे सांगू आठवणी
मी श्वासात जपत होतो

३_१४ विक्षिप्त अदिती Tue, 29/10/2013 - 20:37

In reply to by 'न'वी बाजू

त्यात आणि यातही प्रयोग असले तरी या प्रयोगांची मिती निराळी आहे हे अमान्य करता येणार नाही. तंत्रज्ञानाचा फायदा घेऊन नवनवीन प्रयोग होत आहे (धनंजयने याही दिवाळी अंकात एक केलाय) हे आश्वासक आहे.

धनंजय Tue, 29/10/2013 - 21:21

माझ्या संगणकावर "FOBB" लिहिलेला चौकोन आहे, तो बहुधा "र्‍हस्व वेलांटी" असावा. वगैरे.

(माझ्या संगणकावर फाँट गंडलेला आहे, गुप्तलिपी हेतुपुरस्सर काही ही शक्यता मनात ठेवली पाहिजे.)

बहुधा शीर्षक असे असावे : "श्वासात जपत होतो"

> तुझ्या नेहमीच्या तक्रारी
> 'मी तुला विसरलो होतो'
> (काय) सांगू? आठवणी
> मी श्वासात जपत होतो.
> ...
>

चांदणेसंदीप Wed, 30/10/2013 - 11:37

In reply to by धनंजय

धन्यवाद धनंजयजी!

ही कविता मी माझ्या मोबाइल वरून टाकल्याने सगळी गडबड झालेली आहे!
मी याबद्द्ल माफी मागतो!

तुम्हा सर्वासाठी ही कविता परत पाठवीत आहे! आशा करतो आता व्यवस्थित येईल, आणि तुम्हा सर्वाच्या पसन्तीस उतरेल!

श्वासामध्ये जपत होतो

तुझ्या नेहमीच्या तक्रारी
मी तुला विसरलो होतो
कसे सांगू आठवणी मी
श्वासामध्ये जपत होतो

एक श्वास बाहेरी
दुसरा परत येई
सांग एवढ्या व्यस्ततेत
विसरणे कसे शक्य होई
लोकांच्यात मिसळुनी
मी तुझ्या जवळ होतो
कसे सांगू आठवणी मी
श्वासामध्ये जपत होतो

जागेपणी श्वास चालू
झोपेत ते उसासे
तुझ्या विरहात आठवणींचे
हे ठेचाळणे जरासे
उसाश्यातही श्वासांना
उसंत देत नव्हतो
कसे सांगू आठवणी मी
श्वासामध्ये जपत होतो

विसरून तुला जेव्हा
थांबतील श्वास माझे
तुझ्या सुपूर्त करीन
ते आठवणींचे ओझे
हे लिहितानाही सांग
दुसरे काय करत होतो
कसे सांगू आठवणी मी
श्वासामध्ये जपत होतो

'न'वी बाजू Wed, 30/10/2013 - 22:09

In reply to by चांदणेसंदीप

आता मजा गेली. वरिजनलच चांगली होती.

असो.