Skip to main content

आयचाघोरसचा सिद्धांत

तुला ल सा वि चा अर्थ समजत नसताना
तू माझा म सा वि(कायला) काढलास
लाज वाटत नाही? त्रिज्या मेली तुझी
कोन वाकला आणि वर्गमुळ खपलं

चौकोनात फिरणार्‍या तुला
वर्तुळात त्रिकोण काढून
नव्वद अंशातून बगितलं हळूच
टँजंट का मारलास मला?
मी भेदतच होतो परिघ

शेवटी षटकोनातून बाहेर पडलास तू
पोटरूपी वर्तुळावर "पाय" (२२/७) देऊन काय साधलंस?
शेवटी कितीही वेगात फिरली
तरी अक्ष तोच राहतो, अक्ष तोच राहतो
अक्ष तोच राहतो
अक्ष तोच राहतो
अक्ष तोच राहतो (हा एको आहे)

ॲमी Fri, 13/12/2013 - 17:19

च्च च्च घोळ झाला की. आधी वेगळ्या आयडी ने टाकली होती ना ही कविता :-D
आता डुआयडी काढलाच आहे तर नवीन काहीतरी टाका.
असो. कविता आवडली.

चायवाला Fri, 13/12/2013 - 17:26

In reply to by ॲमी

आधीचा आयडी उडवायची विनंती केली होती. जुना आयडी उडाल्यानंतर नवा आयडी काढू नये असा काही नियम आहे का इथला? :P

पूर्ण विजार Tue, 17/12/2013 - 12:24

In reply to by नितिन थत्ते

नमो नाव असलं की इतिहास ऑपॉप विसरायला होतं बहुधा.

अगागागागागागा
हसून हसून मेलो पार.. डॉक्टर आहे का कुणी ?

अजो१२३ Tue, 17/12/2013 - 15:31

In reply to by चायवाला

अर्थातच. १९८० च्या दशकात/ सुमारास कोणीच विचारत अशा बीजेपीशी मत जुळणे फॅशन मानले जायचे. आजकाल 'आम्ही काँग्रेसवाले सर्वधर्मसमतावादी बरे का.' म्हणने हिंदू उच्च मध्यमवर्गीयांत फार फोफावले आहे.

चायवाला Tue, 17/12/2013 - 15:36

In reply to by अजो१२३

सर्वधर्मसमतावादी >> याला एक सुंदर प्रतिशब्द वाचनात आला. काँग्रेसवाल्यांना चपखल बसतो = निधर्मांध.

ऋषिकेश Tue, 17/12/2013 - 15:40

In reply to by अजो१२३

हिंदू उच्च मध्यमवर्गीयांत

हे अनुमान कशावरून काढले म्हणायचे? चार मराठी सायटींच्या प्रतिसादावरून?
माझ्या परिचयातील युपी-एम्पी-छत्तीसगढ-गुजरात-बिहार-झारखंड येथील मध्यमवर्गातील (हिदु/उच्चच नाहित तर सगळ्याच) बहुतांश मंडळी तर अजूनही "नमो** नमः" हा जपच फ्याशनेबल मानताना दिसताहेत की!

**ऐसीवरील नमो: नो ऑफेन्समेंट हा!

अजो१२३ Tue, 17/12/2013 - 15:51

In reply to by ऋषिकेश

सलमान रश्दींच्या मूरच्या कथेतल्या पात्राप्रमाणे आपण भारतासारख्या देशात ख्रिश्चन लोकांत वाढले आहात. (नमोधारी लोक केवळ विकासाला पाठिंबा देतात, बाकी मोदी त्यांच्या अपेक्षांपुढे सपेशल पडणार आहेत हे सुनिश्चित. तेव्हा त्यांची रिअ‍ॅक्शन पाहा.)

ऋषिकेश Tue, 17/12/2013 - 15:56

In reply to by अजो१२३

सलमान रश्दींच्या मूरच्या कथेतल्या पात्राप्रमाणे आपण भारतासारख्या देशात ख्रिश्चन लोकांत वाढले आहात

म्हंजे? काय संबंध?
कॉलिंग राजेश!!
अरूणरावंचे प्रतिसाद फक्त गुर्जींनाच कळतात असा अरूणरावांचाच दावा आहे :) ;)

अजो१२३ Tue, 17/12/2013 - 16:00

In reply to by ऋषिकेश

राजेशजींना बोलवायची गरज नाही. तुम्ही स्वतःच तुम्ही कोणत्या वातावरणात वाढले आहात त्याबद्दल लिहिले होते. धागा आणि प्रतिसाद आठवत नाहीत.

ऋषिकेश Tue, 17/12/2013 - 16:03

In reply to by अजो१२३

ते मला माहिती आहे. पण त्याचा इथे काय संबंध?
मी कुठेही वाढलेलो असलो तरी हिंदू उच्चवर्णीय मध्यमवर्गाशी संपर्क ठेऊन आहे, इतके मुळ प्रश्न विचारायला पुरेसे आहे!

बॅटमॅन Tue, 17/12/2013 - 16:13

In reply to by ऋषिकेश

सहमत आहे. अनुगीता की कायसेसे नाव असलेल्या ग्रंथाच्या सुरुवातीला असे वर्णन आहे म्हणे: महाभारत युद्ध संपल्यावर युधिष्ठिर कृष्णाला विनवतो की गीतेचा फंडा मला पुनरेकवार सांग. अवसानघातकी अर्जुन जे ऐकून इतका पेटला ते ऐकायची मलाही लै इच्छा आहे. तर त्यावर कृष्ण म्हणतो की युद्धाच्या वेळी त्या माहौलात मी जसे सांगितले तस्सेच्च पुन्हा सांगणे मलाही जमणार नाही. तस्मात तुझ्यासाठी तेच सांगणे वेगळ्या प्रकारे सांगतो.

मन Tue, 17/12/2013 - 16:36

In reply to by बॅटमॅन

कृष्णालाही रोमनेशिया झाल्ता काय?
मिट रॉमनी नामक अध्यक्षपदचे रिपब्लिकन उमेदवार एकदा वदले होते :-
"मी नक्की काय बोललो ते मला आथवत नाही; पण तेव्हा जे बोललो त्याच्याबद्दल मी ठाम आहे"!!

अजो१२३ Tue, 17/12/2013 - 16:07

In reply to by ऋषिकेश

असो. तुम्हाला आणि मला माहित असलेल्या त्यात सेटमधल्या सॅम्पल्सची मते भिन्न निघाली आहेत.

राजेश घासकडवी Fri, 13/12/2013 - 20:36

In reply to by चायवाला

जुना आयडी उडाल्यानंतर नवा आयडी काढू नये असा काही नियम आहे का इथला?

छे, छे. असा काही नियम नाही. फक्त असं कोणी केलं की साहब, बिबी और गुलाम मधला एक डायलॉग आठवतो. मीनाकुमारी ही एका जमीनदाराची बायको असते. तिच्याशी त्याने लग्न केलेलं असतं ते केवळ उपचारासाठी. खऱ्या आनंदासाठी तो कोठ्यावर जात असतो. त्याचा तिला राग येतो. एकदा त्याला ती चिडून विचारते.
'मग मी काय करावं अशी अपेक्षा आहे?' त्यावर तो म्हणतो
'तुम्हे क्या कमी है? जमीनदार की बिबी हो. जो तुम्हारे जैसी सारी औरते करती है वही करो. गहने बनवाओ, गहने तुडवाओ.'

जरूर, आयडी बनवाओ, आयडी तुडवाओ.

चायवाला Mon, 16/12/2013 - 11:34

In reply to by राजेश घासकडवी

त्या सिनेमातल्या उदाहरणाचा आणि आयडी काढण्याचा काय संबंध आहे ते नीट लक्षात आले नाही. तोच न्याय लावायचा तर एका संकेतस्थळातून बाहेर पडून दुसरे संकेतस्थळ काढण्याच्या प्रवृत्तीलाही हेच लागू पडत असेल नै? जरूर, साईट छोडो, दुसरी निकालो :P

बरं, विषयाला संपूर्ण फाटा देऊन भलतेच प्रतिसाद देण्याची परंपरा सगळ्याच मराठी संकेतस्थळांनी कायम राखलेली पाहून गंमत वाटली.

राजेश घासकडवी Mon, 16/12/2013 - 12:08

In reply to by चायवाला

बरं, विषयाला संपूर्ण फाटा देऊन भलतेच प्रतिसाद देण्याची परंपरा सगळ्याच मराठी संकेतस्थळांनी कायम राखलेली पाहून गंमत वाटली.

विषयाला फाटा? आत्तापर्यंतचे सर्व प्रतिसाद हे तुमच्या कवितेचे वेगवेगळ्या लोकांनी लावलेले अर्थ आहेत. तुम्हाला कविता लिहिताना जो अर्थ अपेक्षित असेल, तोच इतरांनाही दिसावा असा आग्रह योग्य नाही.

तोच न्याय लावायचा तर एका संकेतस्थळातून बाहेर पडून दुसरे संकेतस्थळ काढण्याच्या प्रवृत्तीलाही हेच लागू पडत असेल नै?

नाही हो. एका संकेतस्थळातून बाहेर पडून दुसरे संकेतस्थळ काढणं म्हणजे भाड्याचं घर सोडून स्वतःची बिल्डिंग बांधण्यासारखं आहे. पुन्हा डुआयडी काढणं हे थोडं वेगळं आहे. बिल्डिंगचंच उदाहरण देऊन सांगतो. एका बिल्डिंगमध्ये जोशी म्हणून एक जण भाड्याची खोली घेऊन राहत असतात. काही कारणाने ते बिल्डिंगच्या मालकाला 'माझं लीज रद्द करून टाका' अशी जाहीर सूचना देतात. मग हळूच त्याच बिल्डिंगमधल्या दुसऱ्या रिकाम्या जागेचं लीज साइन करतात आणि दारावर कुलकर्णी म्हणून पाटी लावतात. आणि मग शेजारपाजारचे विचारणारच, 'अहो, नाव बदललंत, पण चेहरा तोच, फर्निचर तेच' यावर तो नामबदलाची शस्त्रक्रिया करून कुलकर्णी झालेला म्हणतो, 'मग काय गुन्हा केला का काय मी?' त्यावर शेजारी फिस्सकन हसून म्हणतात, 'अहो याला गुन्हा नाही, चक्रमपणा म्हणतात!' अशी सगळी गंमत आहे.

राजेश घासकडवी Mon, 16/12/2013 - 12:54

In reply to by अनुप ढेरे

म्हटलं तर गंमत आहे, म्हटलं तर गंभीर विषय आहे. हीच वरची कविता सध्या ज्या सदस्याचा आयडी 'कृृपया सदस्यत्व उडवावे' असा आहे त्या आयडीने प्रसिद्ध केलेली होती. या आयडीचं मूळ नाव काय होतं लक्षात नाही. पण त्या आयडीने आपलं सगळं लेखन पुसून टाकलेलं आहे. दुर्दैवाने त्यामुळे इतर सदस्यांनी जी गंभीरपणे उत्तरं दिली त्या सगळ्या चर्चांवर पाणी फिरलेलं आहे. तेव्हा त्या आयडीची विश्वासार्हता रसातळाला गेली. शिवाय, 'कृृपया सदस्यत्व उडवावे' या आयडीने तर एका विषयावर चर्चा चालू असताना, मध्येच मूळ लेखामधली काही वाक्यं काढून टाकली. त्यावरही लोकांनी तेव्हा तिथे तक्रार केली होती. आता त्यांच्याबरोबर पुन्हा चर्चा करण्याच्या फंदात कोण पडणार? त्यांनी काही लिहिलं आणि आपण गंभीरपणे वाद घातला आणि पुढे यांनी लेखनच काढून घेतलं तर? असा प्रश्न साहजिकच पडतो. आता जर तेच नमो म्हणून आले असले तर आयडी वेगळा, व्यक्ती तीच - तेव्हा पुन्हा तोच न्याय लागू होतो.

माझ्या मते असा इतिहास असणाऱ्या लेखकांच्या लिखाणावर प्रतिसाद देण्यापूर्वी सर्वांनी 'आपलं लिखाण फुकट जाईल' या शक्यतेचा विचार करावा.

Nile Tue, 17/12/2013 - 11:20

In reply to by राजेश घासकडवी

या आयडीचं मूळ नाव काय होतं लक्षात नाही. पण त्या आयडीने आपलं सगळं लेखन पुसून टाकलेलं आहे.

माझ्या डोळ्यांदेखत इतिहासाची अशी हानी होताना पाहून माझ्या हृदयाचे पाणी पाणी झाले!!