(माझ्यासह सर्व ब्राम्हणांची क्षमा मागून!)

जर्सीमधला गोरा गडी गरब्यामध्ये नाचे,
जर्सीमधला कृष्णवर्णी भगवद्गीता वाचे,
जर्सीमधला ब्राम्हण मात्र काय करतो पहा,
ॐ ऐं र्हीं क्रीम् चिकन: स्वाहा!

विमानात बसून आला ब्राम्हण इतका दूर,
उतरल्यावर लावला त्याने नवाच आता सूर,
भला मोठा हॅमबर्गर रोज खातो पहा,
ॐ ऐं र्हीं ड्रीम चिकन: स्वाहा!

पुण्यामध्ये इष्टमित्र , नातलगांची गर्दी,
ब्रान्डी सुद्धा वर्ज्य तेथे, झाली जरी सर्दी,
अमेरिकेत आता काय, व्हिस्की मध्ये नहा,
ॐ ऐं र्हीं फट चिकन: स्वाहा!
---

अखेर आपलेच पोलिस जेंव्हा भिंत फोडून आत येतील , येउन
ओरडतील , "कुणी जिवंत आहे का? असल्यास हात वर करा",
तेंव्हा रक्तामासाच्या चिखलातून
हात वर करण्याचे धाडस मी करीन .
धाडस अशासाठी म्हणायचे की तो चिखल एका
जिहादीने केला होता, इथले लोक
देवाज्ञा पाळत नाहीत म्हणून,
पोलिसांनीही उरल्यासुरलेयांना गोळ्या घालून
देवाची आज्ञा मानायची ठरविली तर ? हात वर करणे यासारखा
उद्दामपणा दुसरा नाही (ते देवाला फाट्यावर मारणे आहे!)
तुझ्या आज्ञेविरुद्ध मी वागलो इतकेच नाही तर
जिवंतही राहिलो आणि या पोलिसांबरोबर आता
स्वतःच्या पायांनी चालत बाहेर जाईन
आणि तुझ्या आज्ञा न मानता उद्या परत

संभाषणाला पर्याय म्हणून
त्याने घातलीय नवी हिरवी टोपी,
गालालगतची दाढी खुलून दिसत आहे.

संभाषणाला पर्याय म्हणून
तिने धारण केले आहे एक
कृतक स्मितहास्य ,
दाबतेय टेबलाची कड स्तनाग्रांनी.

आणि करतायत दोघे
निःशब्द निरीक्षण
प्लेटमधील चिकनच्या तुकड्यांचे
काट्याने हलवीत .
केवळ अद्भुत !
---