मुजोर माजलेल्या भिंती, काळोखाचा धूर,
जगभरातले चिंतीत चेहरे,
माझ्यासमोरही हमसता, धुमसता बांगलादेशी तरुण,
राजाश्रय-इच्छुक,त्यामुळे गेले आठ महिने अमेरिकेत बंदिवान,
वाढलेली पातळशी दाढी, निरागस हास्य , निरागस रडणे .
"मेरी फार्म बेची बाबूजी, फिर शोप भी , सब पैसा लोयार खा गया बाबूजी,
उसको और तीन हजार चाहिये, मेरे पास नही हैं"
अमेरिकेत बेकायदेशीर घुसण्याचा धंदा करायला कोणी
सांगितले होते हा अगदी प्रस्तुत प्रश्न मी टाळतो, जगभरचे
अशिक्षित गरीब फक्त याच मार्गाने अमेरिकेत येऊ शकतात हे सत्य!
"कुछ करो बाबूजी " या विनवणीला माझ्याकडे काहीही उत्तर नसते.

आली स्वप्नात ऐश्वर्या/ जाले प्राण-तत्व ओले
काळ्याशार पिंजर्यात/ राघू मिठू मिठू बोले.
आली स्वप्नात ऐश्वर्या/ पंचा ढुंगीचा सुटला
जोगियासी बोल लावी/ म्हणे लोचट कुठला.
आली स्वप्नात ऐश्वर्या / शुभ्र तनू भासमान
मिळे जोग्यालाही आता /एक मुठठी आसमान.
गेली ऐश्वर्या ऐश्वर्या/ गेली सोलीव रे कांती
दाही दिशा कोंडतटी/माझ्या काळ्याशार भिंती!
----

आले ढेकूण ढेकूण
दूर रडतो पारवा
अंगणात सखीला ग
माझ्या झोंबतो गारवा.

आले ढेकूण ढेकूण...
जाली नग्न ब्रम्ह-सती
अंबरात तारकांच्या
ओवाळते पंचारती.

आले ढेकूण ढेकूण
नभी कावळ्यांचा थवा
नदीकाठी देवळात
जोगी मागतो जोगवा.

आले ढेकूण ढेकूण
ढुंगी पंचा गुंडाळला
देतो हुंदके राऊळी
जोगी माझा भंजाळला.

गेले ढेकूण ढेकूण
जाल्या मंद दीपज्योती
दूर देवळात येते
ऐकू काकड-आरती.

---

ग्रेस ने कवीता लिहिली
तू खाजव भडव्या डोके
"सरणावर वैष्णव-पक्षी
भयसुंदर ओके बोके"

ग्रेस ने कवीता लिहिली
तू खाजव भडव्या डोके
"संभोग-सतीच्या मरणी ...
नाचती स्तनावर बोके"

ग्रेस ने कवीता लिहिली
तू खाजव भडव्या डोके
" कृष्णेस फुलांची नाती
जळते जळात खोके!"

ग्रेस ने कवीता लिहिली
तू खाजव भडव्या डोके
"स्त्रग्धरेस मधुगर्भाच्या
मी जावळ होऊन येते!"
xxx