अमेरिकन पार्टी मध्ये भारतीय बाला
वाइन थोडी चढली , चंद्र धुंद झाला
पलीकडच्या कोपऱ्यामधला रुंद छातीवाला
सूट बूट दाढीदिक्षित गोरा नजरी आला!

"कोण ग तो?" विचारे ती प्रिय मैत्रिणीला ,
"मार्केटिंग चा नवा व्हीपी , कालच रुजू झाला,
"येल" मधला एमबीए, गोल्ड मेडल वाला
"मार्क" असे नाव त्याचे , बॉस्टनवरून आला.

लाल लाल असे त्याची नवी लोम्बार्घिनी,
हातामधले घड्याळ जणू आय-पॅड मिनी ,
भले थोरले "डील" दिले, पर्क्स आणि मनी ,
आणि नसे गर्लफ्रेंड , गोरी किंवा चिनी"

अमेरिकन पार्टी मध्ये भारतीय बाला
बायोडेटा ऐकून चंद्र महा धुंद झाला,

शेकोटी भोवती / गप्पा शिळोप्याच्या
पाळीव कुत्र्यांच्या / चालू होत्या
बघा आपल्याला / घरातही घेती
खायला घालती / उत्तमसे
आजारपणात / डॉक्टरकडे नेती
औषधही देती/ प्रेमपणे
केव्हढे हे थोर / असती मानव
नक्कीच ते देव/ असणार!

शेकोटी भोवती / गप्पा शिळोप्याच्या
काही मांजरांच्या / चालू होत्या
बघा आपल्याला / घरातही घेती
खायला घालती / उत्तमसे
आजारपणात / डॉक्टरकडे नेती
औषधही देती/ प्रेमपणे
बघा किती थोर / आपण मांजरे
देवच साजरे / असू नक्की!
---

जेव्हा माझ्या कर्जांना उधळी मुजोर माल्ल्या
माझा न राहतो मी हरवून हा 'सहारा'

काँग्रेस भाळ होते, होती प्रफुल्ल दक्षी
ओढून कर्ज घेते, हे राष्ट्रवादी पक्षी
शरदास सिंचनाच्या नाही मुळी फवारा | जेव्हा माझ्या कर्जांना...

डोळे मिटून घेतो, पण व्याजही फिटेना
हे कर्ज कोट्यावधींचे, लाखांतही चुकेना
देऊन थकलो मी सारखा तुला इशारा | जेव्हा माझ्या कर्जांना...

नोटांस हा बिअरचा, का सांग वास येतो
जिवंत कॅलेंडराचा, नुसताच भास होतो
केव्हा किंगफिशरचा उगवेल सांग तारा | जेव्हा माझ्या कर्जांना...

गरीब काळ्या तरुणाच्या मृत्यूला कारणीभूत पोलिसाला
सोडून दिल्यामुळे आज अमेरिकेतले बाल्टिमोर शहर संतप्त आहे .
मी सुद्धा तसा संतप्तच .
जर न्यू यॉर्क मधली निदर्शने
वीक-एंड ला
दुपारी तीन ते सहाच्या दरम्यान
फार उन्ह किंवा पाउस नसताना
लोकल गाडीच्या स्टेशन जवळ
आणि गुन्हेगार , धोकादायक काळ्या वस्त्यांपासून दूर
झालीच ,
तर सामील होईन म्हणतो !
---