चार वर्षांपूर्वी अन्यत्र लिहीलेला लेख येथे टाकत आहे. आता जरी विचार थोडेफार बदलले असले तरी या लेखात ओळखीची धग की धुगधुगी अजुनही जाणवते आहे. त्यातच या लेखात प्रकट झालेल्या सचोटीचे रहस्य असावे किंवा मी तरी अजून फार बदलले नसावे :) व्हॉटेव्हर!!!

______________________________________

"प्रेमाची व्याख्या कशी करशील?" मी मैत्रिणीला विचारलं
एक जण आत्मविश्वासानी म्हणाली - "सोप्प आहे प्रेम अथांग समुद्रासारखं असतं. सर्व चूका पदरात घेणारं. परमेश्वराच्या कृपेसारखं"
दुसरी जरा अवखळ होती, म्हणाली "शुचि प्रेम मला झर्‍यासारखं वाटतं ग. येणार्‍या वाटसरूला निर्मळता बहाल करणारं, सदोदीत खळखळून वहाणारं."

पूर्वी कित्येकदा घरोघरी वडील स्वयंपाकी बनून कामाला लागलेले दिसत. 'आमच्या आईला कावळा शिवलाय' अशी ओळ कानावर येणे अंगवळणी पडलेले असे.
कावळे बायकांनाच कसे काय शिवतात बुवा? असे मनोमन वाटून बालपणात ही विचारणा तशीच राहून गेली. मोठे झाल्यावर ते आपोआप समजून आले!