Skip to main content

आज्जीच्या गोष्टी

पूर्वी गावातून एखादी गोष्टीवेल्हाळ आजी फेमस असायची. माझ्या गावी समोरच्या घरातली हीरा ही आज्जी न म्हणवता येईल अशी चिरतरुण आणि उत्साही आजी गोष्टी सांगण्यासाठी प्रसिद्ध होती. तर आजोळी आइची आई गोष्ट सांगायला लागली कि आजूबाजूच्या बाया पोराटोरांना घेऊन ओसरीवर येऊन बसत. आजोबा पण गोष्टी सांगायचे, पण आजीच्या ढापलेल्या.

कॉपिराइट आणि मराठी साहित्य

Taxonomy upgrade extras

आज कोलटकरांच्या कवितेच्या हक्काबाबत सुप्रिम कोर्टाने प्रकाशक अशोक शहाणे यांच्या बाजूने निर्णय दिला. त्यानंतर -
१. लोकसत्ता या दैनिकाने ही बातमी पहिल्या पानावर सर्वात वर मुख्य बातमी म्हणून छापली.
२. एबीपी माझा या वाहिनीने ही बातमी लावून धरली. रात्री ९ वाजताच्या कार्यक्रमात त्यावर चर्चाही झाली. अशोक शहाणे व संदीप खरे या दोघांशी झालेली बातचित पुन्हा रात्री अकरा वाजता दाखवणार आहेत.
याविषयी फेसबुकवरची पहिली प्रतिक्रिया मी गणेश मतकरी यांची वाचली. त्यांच्या भिंतीवर याबाबत चर्चा सुरू झाली; तिथं प्रतिक्रिया नोंदवून मी ती चर्चा माझ्या भिंतीवर शेअर केली.

कसं काय पाटील, बरं हाय का? - विडम्बन

सोशल मिडीयाचा वापर करून काँग्रेसची बदनामी केल्यास गुन्हा दाखल करण्यात येईल - इती सतेज पाटील, गृहराज्य मंत्री. त्याला माझं उत्तर!

कसं काय पाटील, बरं हाय का?
आज काय वाचलं ते खरं हाय का?

आवं लकवावालं तुमी
आवं चकवावालं तुमी
आवं घड्याळवालं तुमी
आवं हातवालं तुमी

सांगा, आज काय वाचलंय ते खरं हाय का?

काल म्हनं तुमी दिल्लीला ग्येला
दिग्गीच्या तालमीत तयार होवून आला
सोशल मिडियाची कशी, वाट लावलीत अशी
आता काय शिलकी ऱ्हायलंय का?

सांगा, आज काय वाचलंय ते खरं हाय का?

आता म्हनं तुमी, कायदाच क्येला
फेसबुक, ट्विटरवरी घातलात घाला
सरकारवरती टीका, तुरुंगात फ्येका

कानाला खडा

फणीश्वर नाथ 'रेणु' ह्यांच्या 'तीसरी कसम, उर्फ़ मारे गये गुलफ़ाम' ह्या हिंदी कथेचा स्वैर अनुवाद. (ह्याच कथेवर 'तीसरी कसम' हा चित्रपट आधारित आहे.)

हिरामण गाडीवान रोमांचित होत होता.

हिरामण गेली वीस वर्षे बैलगाडी हाकतो आहे. सीमेपार असलेल्या नेपाळच्या मोरंग राज्यातून धान्य व लाकडे आणलेली आहेत त्याने. कंट्रोलच्या काळात रेशनचा माल गुपचूप इथून तिथे पोहोचवला आहे. पण ह्याआधी कधी अंगावर असे रोमांच फुलले नव्हते.

[मुक्तक] "मूळ"

हॊ मी वाईट आहे!

मला माहित आहे की मी "वाईट" आहे
आणि खूप वर्षांपासुन आहे
आणि तसा मी वेडापण आहे...

आयुष्याची पन्नाशी नुकतीच गाठली
आणि माझ्या वाईटपणाचं मूळ
सापडलं

फार तपशीलात जायची गरज नाही

मी कष्ट करून लिहिलेल्या संशोधन निबंधाला
सहलेखक म्हणुन त्यांचे नाव लावले नाही
मग मी त्यांच्या नजरेत मी कायमचा वाईट बनलो.

MD परवानगीशिवाय मिटींग मध्ये
सिगरेटी फुंकुन वात आणे. त्याबद्द्ल नाराजी
दर्शवली तेव्हा मी वाईट ठरलो.

गरजा कमी ठेऊन, चार पैसे गाठीला बांधुन
सन्मानाने जगतो म्हणुन पण मी
वाईटच ठरलो.

त्यांच्या नजरेतुन जग बघत नाही
हा पण माझा एक वाईटपणाच आहे

वटवटहुकूम

लेकाची इयत्ता दुसरीच्या वर्गात वर्गप्रतिनिधी म्हणून निवड झाली. (तसा तो पूर्वीपासूनच गुणी बाळ हो.)

मी त्या रात्री त्याच्या खोलीत जाऊन खूप रडले. 'लेकरा, सत्ता म्हणजे विषाचा प्याला हो. कधीही विसरू नकोस बरं. कायम लक्षात ठेव,' हिंदी सिनेमातल्या निरूपा रॉयच्या खास रडक्या स्वरात मी त्याला म्हटलं. लेकरू पुस्तक वाचण्यात दंग होतं. त्याने फक्त मख्खपणे माझ्याकडे एकवेळ बघितलं आणि परत पुस्तकात डोकं खुपसलं.

वर्गप्रतिनिधी म्हणून आख्ख्या वर्गाचा गृहपाठ द्यायची त्याची जबाबदारी होती. त्याप्रमाणे त्याने प्रश्न काढून दिलेही. पण स्वतःच दिलेला गृहपाठ करता करता स्वारी बरीच चिरडीला आली.

शनिवारवाड्याची पुनर्बांधणी – एक भ्रामक संकल्पना

कृष्णा आणि गोदावरी या नद्यांमधील दुआबाच्या प्रदेशाला दख्खन या नावाने सर्वसाधारणपणे ओळखले जाते. या दख्खनमध्ये इस्लामिक सत्ता प्रथम स्थापन झाली ती 1294 मध्ये, जेंव्हा दिल्लीचा सुलतान अल्लाउद्दिन खिलजी याने देवगिरीच्या यादव राजांचा पराभव केला तेंव्हा! या नंतर 1347 मध्ये बहामनी राज्याची स्थापना झाली आणि अशी स्पष्ट चिन्हे दिसू लागली की दख्खनचे इस्लामीकरण आता पूर्णत्वास जाणार. मात्र याच वेळी सांगमा राजघराण्यातील दोन हिंदू राजे, हरिहर आणि बुक्का यांनी तुंगभद्रा नदीच्या किनार्‍यावर 1336 मध्ये एका हिंदू राष्ट्राची स्थापना केली आणि पुढची 200 वर्षे तरी दख्खनच्या इस्लामीकरणाची प्रक्रिया थोपवून धरली.

एक तो सैतान आहे

एक तो सैतान आहे
बाईकवरचा पाईक आहे

नाही नाव, गाव कसले?
स्थेटोस्कोपचा थाट आहे

माहितीचा पूर येता
ज्ञानाची वाट आहे

टंकताना भारंभार पोष्टी
हलते खाली खाट आहे

त्रिशूळ ॐकार विषवल्ली
चरखा मात्र चाट आहे

नाचविण्याची धमकी देणे
सद्ध्या सवय हॉट आहे

विचार लै कृती पूज्य
शून्य त्याला थॉट आहे

बोलघेवडा बोलबच्चन
डोक्याला हा शॉट आहे

कुण्या एका पंचेवाल्याचा
खानदेशी भाट आहे