मी आहे मेंढपाळ - फर्नांडो पेसो
मी मेंढपाळ आहे
मेंढ्या म्हणजे माझे विचार
आणि प्रत्येक विचार म्हणजे संवेदना.
मी माझ्या डोळ्यांनी आणि माझ्या कांनांनी
आणि माझ्या हातांनी-पायांनी
आणि नाकाने व तोंडाने विचार करतो.
फुलाचा विचार करणं म्हणजे ते पाहणं आणि हुंगणं
फळ खाणं म्हणजे त्याचा अर्थ समजून घेणं
म्हणूनच या गरम दिवशी
या सगळ्याचा भरपूर आनंद घेतल्यावर
मी दुःखी होतो
आणि मी गवतावर आडवा होतो
आणि माझे उष्ण डोळे बंद करतो
मग मला जाणवतं माझं शरीर सत्यस्थितीमध्ये पहुडलंय
मला सत्य कळते, आणि मी आनंदी होतो
- मूळ कवी -Fernando Pessoa
अनुवाद - प्रणव
- Read more about मी आहे मेंढपाळ - फर्नांडो पेसो
- 3 comments
- Log in or register to post comments
- 4181 views
जोडपं/ तोमास त्रांसतोमर
जोडपं
ते दिवा विझवतात
दिव्याचा घुमट क्षणभर चकाकतो
आणि ग्लासातल्या गोळीप्रमाणे विरघळून जातो
एक उत्थान;
आणि हॉटेलच्या भिंती स्वर्गाच्या अंधारात उचलल्या जातात
जोडप्याच्या हालचाली मंदावल्यात
ते झोपलेत; पण त्यांच्या मनातली गुपितं एकत्र येऊ लागलीएत
एखाद्या शाळकरी पोराने काढलेल्या चित्राच्या
ओलसर कागदावर
मिसळून धावणार्या दोन रंगांप्रमाणे
बाहेर अंधार आणि शांतता भरून राहिलीए
या रात्रित शहर मात्र जवळ आल्यासारखं वाटतंय
घरे आपल्या बंद खिडक्या घेऊन आलीएत
निर्विकार चेहर्यांची गर्दी होऊन
दाटीवाटीने वाट पाहत उभी आहेत
तोमास त्रांसतोमर
- Read more about जोडपं/ तोमास त्रांसतोमर
- 8 comments
- Log in or register to post comments
- 7265 views
माझे डॉक्टर होणे : २ (क्रमशः)
१. (ब) माझे (आयुर्वेदिक) डॉक्टर (न) होणे
तर २०व्या शतकाच्या अखेरीला केंव्हातरी एकदाचे अॅडमिशन फॉर्म वगैरे भरून वगैरे झाले.
- Read more about माझे डॉक्टर होणे : २ (क्रमशः)
- 15 comments
- Log in or register to post comments
- 12898 views
बीज.....
निष्ठेच बीजच नाकारलंय
माझ्या गर्भान,
शय्येच वर्तुळ नाही की
योनीचा गाभाराही नाही ,पूर्वापार ...
कुण्या रामा मागून तुडवायची नाही ,
आंधळी वाट ,
की मांडायचा नाही,
शालीनतेचा बाजार ...
उत्कटतेचा सीमा ठरवायच्या आहेत ,
माझ्या मलाच ,
अन ठरवायचं आहे ,
झुळूक व्हायचं की वादळ हेही ..
निष्ठेच बीज नाकारून ,
नवा संग बहरयाचा,आहे देही .....
योजना ....
- Read more about बीज.....
- 6 comments
- Log in or register to post comments
- 7197 views
यक्षगान
कितीदा म्हणालो | विसरेन सारे
करेन ही दारे | सारी बंद
एकदा तुलाही | दुरून पाहेन
आणि म्हणेन | पुन्हा तेच
कुणी दिले तुला | पावसाचे डोळे
आणि हे हिवाळे | सोबतीला
कुणी उधळिला | दारी पारिजात
कुणाचे हे हात | मोसमांचे
मिटू देत सार्या | क्षणांच्या रांगोळ्या
आपल्या ओंजळा | सुटू देत
आपल्या सभोती | दिशांचा गराडा
आणि एक तडा | संभ्रमाचा
कशासाठी चाले | तुझी घालमेल
उगाच पडेल | पुन्हा पेच
हातांवरी माझ्या | वाळलेले रक्त
की जसे आसक्त | हाडमांस
एवढी तहान | पुढे मरूस्थळ
छातीत घायाळ | एक पक्षी
किती गोड हासे | लहानसे मूल
कुणाशी बांधील | सुख बाबा
- Read more about यक्षगान
- 5 comments
- Log in or register to post comments
- 6672 views
डील ऑर नो डील?
I have an offer you can't refuse!
- Read more about डील ऑर नो डील?
- 27 comments
- Log in or register to post comments
- 22909 views
Calcutta brothel (वेदना क्र. ३२)
Calcutta brothel मधुन
अस्फुट स्वरांचे ढग लहरत येतात..
मी सुन्न पायरीशी बसुन असतो,
फिडल वाजवत..
माझ्या व्रणांना लागलेलं
वीर्य चाटुन घेतात, फिडलच्या लाटा..
भुकीने भारलेल्या
वासनेच्या पायथ्याशी
भातुकलीचा खेळ ऎन रंगात असताना...
दग्ध वेदना जोजवत असतो
मनातला उपाशी प्रेषित!
बाहुलीचे सोनेरी केस हुंगुन,
शरीर सांधुन...तो उठतो.
करवादणारया लाकडी पायरयांवरुन
मला स्पर्शुन जातं एक आदिम जनावर...
त्याचे उरले सुरले गरम उच्छ्वास
माझ्या सुरात ठेऊन जातात
काही पेनीज आणि वेदना क्र. ३२...
तेव्हाच ती दारात येते
चिरंतन प्रश्नांचे पदर सावरत.
अंधारातली छद्मी हास्यं
वासनेनी उतु जाणारी रंध्रं
- Read more about Calcutta brothel (वेदना क्र. ३२)
- 6 comments
- Log in or register to post comments
- 8599 views
माझे डॉक्टर होणे : १ (क्रमशः)
१(अ). अॅडमिशन : फॉर्म भरणे.
२०वं शतक संपायला बरीच वर्षं शिल्लक असतील, मी नुकतीच बीजे ला अॅडमिशन घेतली होती.. हां, डॉक्टर कसा झालो ते सांगायचं म्हंजे तिथे अॅडमिशन घेण्यापासूनच सुरुवात करावी लागेल. बाकीचा फ्लॅशबॅक नंतर कधीतरी, सध्या अॅडमिशन फॉर्म भरण्याची स्टोरी सांगतो.
- Read more about माझे डॉक्टर होणे : १ (क्रमशः)
- 31 comments
- Log in or register to post comments
- 20995 views
‘..और हम कर भी क्या कर सकते है.?’
Taxonomy upgrade extras
भूका रहना आप के यहॉँ आजकल ‘फॅशनेबल’ हो गया, फास्ट इज अॅन इव्हेण्ट फॉर यू.! यहां जो सालोंसे ‘भूका’ है. उस को क्या फर्क पडता है.? यहॉँ वो इरॉम शर्मिला सालोंसे फास्ट कर रही है.उस को ग्लॅमर नहीं मिला.तो कॉमन मणिपूरी भूक से मर भी जाए.तो क्या बडी बात है.!’
-इम्फाळ मधे राहणारी केम लोटिंगबाम. सरकारी नोकरी करते. नवराही कमावता. कुठलंही मध्यमवर्गी कुटूंब असावं तसंच केमचं घर, पैसा आहे गाठीशी. पण त्याचा उपयोग काय.? तिच्या दोन वर्षाच्या मुलाला अस्थमा आहे. खोकून खोकून मुलाचा श्वास कोंडताना पाहण्यापलिकडे केमकडे दुसरा पर्याय नाही. इम्फाळमधे आजच्या घडीला तरी तिच्या लेकावर उपचार होऊ शकत नाहीत.
होणार कसा.?
- Read more about ‘..और हम कर भी क्या कर सकते है.?’
- 24 comments
- Log in or register to post comments
- 21288 views
Acacia

हॉरर आणि थ्रिलर चित्रपटांमध्ये कोरिअन चित्रपट हे कायमच स्वतःचा असा एक वेगळा दर्जा टिकवून राहिलेले आहेत. ह्या चित्रपटांच्या यादीतलाच एक अप्रतिम चित्रपट म्हणजे अकॅशिआ. अकॅशिआ म्हणजे छोटी छोटी पिवळी फुले येणारा एक वृक्ष.
- Read more about Acacia
- 18 comments
- Log in or register to post comments
- 16992 views