चिपळूणचे संमेलन आणि पाच शक्यता

कोकणातील चिपळूण येथे ११ ते १३ जानेवारी २०१३ या काळात होणारे ८६ वे अखिल भारतीय मराठी साहित्य संमेल ह. मो. मराठे यांच्या एका पत्रकाने वादात सापडले आहे. ब्रिगेडने संमेलनाच्या मैदानात उडी घेतल्यामुळे हे संमेलन होईलच याची आता कोणालाही खात्री राहिलेली नाही. पण हे संमेलन व्हावे, असे सर्वसामान्य मराठी रसिकांस वाटते. संमेलन निर्विघ्न व्हायचे असेल, तर तीन प्रमुख अटी संभाजी ब्रिगडने घातल्या आहेत. त्या अशा :

१. ह. मो. मराठे यांची उमेदवारी रद्द करण्यात यावी.
२. ह. मो. मराठे यांनी जाहीर माफी मागावी.
३. मराठे यांनी जारी केलेले आपले वादग्रस्त पत्रक मागे घ्यावे.

या अटी मान्य झाल्या नाही, तर मराठे यांच्या अध्यक्षतेखाली आम्ही संमेलन उधळून लावू असा इशारा संभाजी ब्रिगेडचे प्रवीणदादा गायकवाड यांनी दिला आहे. ह. मो. योग्य की संभाजी ब्रिगेड या वादात न पडता, या संमेलनाचे काय होणार या विषयीच्या पाच शक्यता पुढील प्रमाणे असू शकतील.

शक्यता एक
ह. मो. मराठे निवडणूक हरतील. त्यामुळे संभाजी ब्रिगेडला संमलेन उधळण्याची गरजच राहणार नाही. संमलेन निर्विघ्न पार पडेल.

शक्यता दोन
ह. मो. मराठे विजयी होतील. विजयी झाल्यानंतर ते जाहीर दिलगिरी व्यक्त करतील. आपण जारी केलेले पत्रक मागे घेतील. त्यामुळे संभाजी ब्रिगेडला संमेलन उधळण्याची गरज राहणार नाही. संमेलन निर्विघ्न पार पडेल.

शक्यता तीन
ह. मो. मराठे विजयी होतील. पण माफी मागण्यास नकार देतील. पत्रक मागे घेण्याचेही नाकारतील. त्यामुळे निर्माण झालेल्या परिस्थिती संमेलन घेणे धोकादायक आहे, असे गृहीत धरून साहित्य महामंडळ संमेलनच रद्द करील.

शक्यता चार
ह. मो. मराठे विजयी होतील. माफी मागण्यास , पत्रक मागे घेण्यास नकार देतील. परिस्थिती तणावपूर्ण होईल. तरीही संमेलन होईलच, अशी कणखर भूमिका महामंडळ घेईल. मात्र, संभाजी ब्रिगेड खरोखरच गोंधळ घालून संमेलन उधळून लावील.

शक्यता पाच
ह. मो. मराठे विजयी होतील. माफी मागण्याचे नाकारतील. महामंडळ संमेलन घेण्यावर ठाम राहील. सरकार महामंडळाला पाqठबा देईल. संभाजी ब्रिगेडच्या कार्यकत्र्यांची आधीच धरपकड केली जाईल. पुरेसा पोलिस बंदोबस्त दिला जाईल. पोलिस बंदोबस्तात संमेलन निर्विघ्न पार पडेल.
.....................

या पेक्षा वेगळ्या शक्यता असू शकतात का? बघा डोके लावून.