मी नाही मानत !!!
मी नाही मानत !!!
हल्ली एक नवीनच फॅड चालू झालंय. खरंतर नवीन का जुनं ते नाही माहित ; पण सद्ध्या नक्कीच जोमात आहे. 'मानलेला भाऊ आणि मानलेली बहिण'.
तसं पाहायला गेलं तर भाऊ किंवा बहिण ही मानायची नाती कधीच नव्हती आणि माझ्या दृष्टीने नसतीलही. भाऊ एकतर असतो नाहीतर नसतो. बहिण एकतर असते नाहीतर नसते. ही दोन्ही नाती (खरतरं एकच नात आहे) digital systems मध्ये येतात analog नाही. सांगायचा मुद्दा हा की भावासारखं किंवा बहिणीप्रमाणे असं काही नसतं.
माणसाच्या प्रत्येक (विचारपूर्वक) कृतीमागे हेतू असतो. तसाच यामागेही. आता एखाद्या मुलीला व मुलाला एकत्र (फिरवायचं नसून ) फिरायचं असेल (सावधान एक अक्षरही धोकादायक आहे !!!) आणि "आमच्यात 'तसलं' काहिचं नाहिये." हे थोडक्यात आणि effectively सांगायच असेल तर "मानलेली बहीण आहे रे !" यापेक्षा चांगलं वाक्य नाही. किती सहजपणे एका पवित्र नात्याचं आवरण चढवल जात एका असमंजस नात्याला. (याला नातही म्हणाव की नाही ?)
एक काळ होता जेव्हा एकलव्याने गुरु मानला होता. पण त्या नात्यात एक समर्पण होत. मागितल्यावर अगंठा दिला एकलव्याने. पण आज या मानलेला भाऊ बहिण या नात्याच समर्पण परीक्षेच्या आदल्या दिवशी notes देण्याइतपत जाईल अस मला तरी वाटत नाही.
पण ज्यनी कोणी सुरु केल त्याच्या बुद्धीची दाद द्यावी लागेल. आयुष्याभर पाप करून गंगास्नान करून सगळ काही धुवून टाकव (जात नसेल तरी समजुत महत्त्वची!) तस केलेल न केलेल पाप धुवून टाकण्याचा प्रकार हा (पुन्हा एकदा समजुतच!!!) पण कोणी तरी लक्षात घ्या की ही गंगा तुमच पाप पोटत घेवुन प्रदुषित होत आहे.( हो फक्त प्रदुषितच. अपवित्र करण्याची ताकद नाही तुमच्यात!!!)
म्हणूनच म्हणतो , मी नाही मानत !!!.
कंस
दोन कंस पूर्ण करायचे राहिलेत. एरर येईल!
अशा गोष्टीन्ची पण एरर येते
अशा गोष्टीन्ची पण एरर येते का? दुसरा नाही सापडत.
अरे कंसारी, तो काय शी
अरे कंसारी, तो काय शी प्रोग्र्याम वाटला काय तूस?
माहिष्मती साम्राज्यं अस्माकं अजेयं
सापड्ल.
सापड्ल.
वेगळा
हा मी आणि मी वेगळा हे सांगण्यासाठी हा प्रतिसाद प्रपंच.
अहो पण फकीरच म्हणतायत की
अहो पण फकीरच म्हणतायत की तुम्ही मानत नाही पण तुमच्या मते तुम्ही मानता का?
आवडलं. आमच्या शाळेतल्या अशा
आवडलं.
आमच्या शाळेतल्या अशा दोन मानलेल्या भावा-बहिणींनी नंतर लग्न केलं. लग्नात प्रेझेंट म्हणून खोकंभर राख्या द्याव्यात की काय अशी गंभीर चर्चा कट्ट्यावर रंगली होती!
********
It is better to have questions which don't have answers, than having answers which cannot be questioned.
आज काल सासू सासर्यानां सुध्धा
आज काल सासू सासर्यानां सुध्धा आई बाबा ''मानले'' जाते (निदान दाखवलं तरी नक्कीचं जातं)
(No subject)
हे बघा www.aisiakshare.com/node/2484#comment-44407
मानलेल्या बहीणी बरोबर वा
मानलेल्या बहीणी बरोबर वा भावाबरोबर कुणी फिरायला जातं का? काय तरी सांगत जाऊ नका.
™ ग्रेटथिंकर™
माझा सख्खा भाऊ आणि मी, आमचं
माझा सख्खा भाऊ आणि मी, आमचं नातं मैत्रीचं आहे (बहिण-भावाचं नाही) असं मानतो ... आणि दाखवण्याचाही जाम प्रयत्न करतो. पण चेहेऱ्यात मार खातो!
---
सांगोवांगीच्या गोष्टी म्हणजे विदा नव्हे.
मला तरी ह्यात काहीच चूक वाटत
मला तरी ह्यात काहीच चूक वाटत नाही.
आधी पोरांनी-पोरींबरोबर फिरण्यात आई-बापांना प्रॉब्लेम. मग त्यावर उपाय म्हणून असल्या गोष्टी करणारच की ते!
उद्या त्या पोरा-पोरींनी रीतसर डेटींग करायला परवानगी विचारली तर बघायलाच नको,घरी रडारड सुरू- चारित्र्य वगैरे आलंच.
मग असल्या पळवाटा काढून जर त्यांना एकमेकांसोबत थोडा वेळ घालवता येत असेल तर जरूर!
==================
भूतकाळातील आस्वल्य.
:)
"दादा-भाई 'नवरो'जी" हा प्रकार फार जुना असावा.
आमच्याकडे भांडी घासायला येणार्या मावशींनी तर एके दिवशी सोबत आणलेल्या मुलीची ओळख "ही आमची मानलेली सून" अशी करून दिली होती! आता बोला!
भुमितीतल्या "या आकृतीला आपण गोल मानून" शेवटी सबब हा गोल नाही हे सिद्ध होते, तसेच हे भाऊ-बहिण मानलेले नाते शेवटी अनेकदा सबब हे भाउ-बहिण नाहीत हे सिद्ध करून संपते!
- ऋ
-------
लव्ह अॅड लेट लव्ह!
मानलेली सून - हा खतरनाक
मानलेली सून - हा खतरनाक प्रकार आहे!
मावशींचं अभिनंदन!
==================
भूतकाळातील आस्वल्य.
सूनेला मानणारी सासू हाही एक
सूनेला मानणारी :love: सासू हाही एक जब्रीच प्रकार...
मावशींचं कौतुक !
हल्ली एक नवीनच फॅड चालू
हल्ली एक नवीनच फॅड चालू झालंय.
असो इतिहासात पण उदाहरणं आहेत.
नाती आणि digital कसला विरोधाभास आहे?
इतिहासात उदाहरण आहे का नाही
इतिहासात उदाहरण आहे का नाही त्याची कल्पना नसल्यामुळे म्हणल मी की नवीन आहे का जुन ते नाही माहित पण आता जोमात आहे.
श्रेणीदात्यांमुळे जरा अवघड
श्रेणीदात्यांमुळे जरा अवघड होणार असं दिसतये
श्रेणीसाठी लिहायच असत तर इतका
श्रेणीसाठी लिहायच असत तर इतका कटू विषय हाती घेतलाच नसता.
तुम्ही नका हो लाऊन घेऊ
तुम्ही नका हो लाऊन घेऊ तुमच्यासाठी नाहीये तो प्रतिसाद. इन जनरलच ....
मराठी पुस्तकालय वरील अंगदा या
मराठी पुस्तकालय वरील अंगदा या मुलीचा blog वाचा. आणि मग मला सांगा की त्यात संगितलेला प्रसंग आणि राखीचा देण्यात आलेला संदर्भ यात राखी किंवा भाऊ बहीण या नात्याला बदनाम करायची काय गरज होती ?
लिंक प्लीज.
लिंक प्लीज.
मराठी पुस्तकालय नावाच app होत
मराठी पुस्तकालय नावाच app होत प्ले store वर. आपला mail id दिल्यास मी ते share करू शकतो.
मी नाही मानत.... ब्वॉर्र, मग?
मी नाही मानत....
ब्वॉर्र, मग?
माहिष्मती साम्राज्यं अस्माकं अजेयं
तूमच्या फकिर नावाचा
तूमच्या फकिर नावाचा संधीविग्रह करण्याचा मोह मी टाळतोय!
™ ग्रेटथिंकर™
अतिअवांतरः संधिविग्रह की
अतिअवांतरः संधिविग्रह की समासविग्रह?
अपि च - हे नाव अपुरे आहे असे वाटत नै का?
माहिष्मती साम्राज्यं अस्माकं अजेयं
आजकाल काही घरांमध्ये एकुलता
आजकाल काही घरांमध्ये एकुलता एक मुलगा असतो किंवा मुलगी. अश्या वेळी भावनात्मक गरज भागविण्यासाठी बहिण-भावांचे नाते मानले जातात. अश्या नात्यात बहुधा खर्या बहिण भावांच्या नात्यापेक्षा ही अधिक घट्टपणा असतो.
बाकी काही नात्यांच्या उपहास करणारे लोक ही असतात. पण त्या मुळे असे विधान करणे उचित नाही.
बाकी काही नात्यांच्या उपहास
असं कसं असं कसं? अहो आजकाल उपहास नै केला, प्रचलित व्यवस्थेला चार शिव्या नै घातल्या तर लोक ढुंकूनही बघत नाहीत. त्यामुळे, "येनकेन प्रकारेण प्रसिद्धो मनुजो भवेत्" या न्यायाने करतात ते योग्यच आहे.
माहिष्मती साम्राज्यं अस्माकं अजेयं
खोटं बोलूच नये याच मताची मी
खोटं बोलूच नये याच मताची मी आहे पण कधीकधी कशातच काही नसतं अन मग आपला समाज प्रश्नांचं मोहळ उठवतो. त्याला कोण तोंड देत बसणार त्यापेक्षा खोटं बोलणं परवडलं असं काहींना वाटू शकेल.
कोर्ट्शिप कालावधीत एकमेकांची पारख महत्त्वाची असते अन त्यातून नातं आकारासही येऊ शकतं किंवा फिसकटूही शकतं. जर फिसकटलं तर उगा कोणाकोणास तोंड देत बसणार म्हणून मग बचावात्मक पवित्रा म्हणून भाऊ-बहीण लेबल लावलं जात असावं.
यात गैर काही नाही. तुम्ही (समाज) एवढे टिक्कोजीराव लागून गेले की सग्गळं खर्र खर्र तुम्हाला सांगीतलच पाहीजे?
यात गैर काही नाही. तुम्ही
१००% सहमत!
- ऋ
-------
लव्ह अॅड लेट लव्ह!
मान्य आहे
पण मग बहीण-भाऊ आहोत असं खोटं-खोटं सांगायची तरी गरज काय?
दोन माणसांमधलं नातं हा
दोन माणसांमधलं नातं हा समाजाचा प्रश्न नसतो, नसावा. त्यामुळे खरं सांगितलं काय किंवा खोटं, यामुळे फरक पडू नये. आक्षेप असेल तर तो एवढाच की ज्यांना खोटं सांगायचं नसतं त्यांच्यावरही सामाजिक दबाव येतो; तो येऊ नये.
---
सांगोवांगीच्या गोष्टी म्हणजे विदा नव्हे.
उत्तर देऊनही तोच तोस्च प्रश्न
उत्तर देऊनही तोच तोस्च प्रश्न आडवळणानी आला , की जाम कंटाळा येतो अन तसाही आज भयंकर कंटाळा आलेला आहे
"मानलेली बायको"
माझ्या हापिसातल्या एका मुलीला मी "मानलेली बायको" म्हणावे आणि तिने ते मानावे अशी माझी मनापासून इच्छा आहे!
समस्त ब्याचलरांच्या मनातले
समस्त ब्याचलरांच्या मनातले बोल बोललात ओ. यासाठी बळीराजाकडे पेश्शल वशिला लावून त्रिखंडात अजूनही काही भूखंड अॅड केले पाहिजेत तुमच्यासाठी.
माहिष्मती साम्राज्यं अस्माकं अजेयं