दुसऱ्या लाटेच्या निमित्ताने

महाराष्ट्रात कोरोना महासाथीचा ऑगस्ट सप्टेंबर महिन्यात कहर चालू होता. ऑक्टोबरपासून हळू हळू सगळं ओसरत चाललं होतं . डिसेंबर अखेरीला दररोज नवीन बाधित रोग्यांची संख्या आटोक्यात आल्यासारखं चित्र दिसत होतं.

जानेवारीत सार्वत्रिक लसीकरणाची सुरुवात झाली आणि महासाथीच्यासंदर्भात सकारात्मक वातावरण निर्माण झालं होतं. पण आता महासाथ पुन्हा जोराने उसळून आलेली दिसते.

पुण्यात तर फेब्रुवारी महिन्याच्या पहिल्या-दुसऱ्या आठवड्यात फक्त दीडशे-दोनशे नवीन बाधित असत. आज चार पाच आठवड्यांच्या नंतर हाच आकडा हळू हळू वाढून दीडशेवरून ४५००च्या घरात गेला आहे.

Pune active cases
(प्रतिमा आंतरजालावरून साभार.)

महाराष्ट्रात दुसरी लाट आली आहे!!!!

यावेळी मध्यमवर्गीय सोसायट्यांमधून बाधित जास्त दिसत आहेत , अजून तरी. पुणे मुंबई व्यतिरिक्त मराठवाड्यातूनही फार बातम्या येत आहेत ...

तसेच सचिन तेंडुलकर, आमिर खान, परेश रावळ असे अनेक सेलेब्रिटी लोकही बाधित होताना दिसताहेत.

तुमचे दुसऱ्या लाटेचे अनुभव लिहिण्यासाठी हा धागा.

field_vote: 
0
No votes yet

माझ्या साडूचे वडील म्हणजेच माझ्या मेव्हणीचे सासरे आत्ताच करोनानं गेले. त्यांच्याकडे एकत्र कुटुंबटाइप वातावरण आहे. फ्यामिलीत अनेक लोक +ve आहेत.वय वर्षे 58. स्वभाव (त्या सर्वांचाच) काळजी घेण्याचा नव्हता. "डॉक्टर लुटतात" ही एक खतरनाक श्रद्धा असल्यानं कधीच काही तपासणी, डॉक्टरकडे जाणं वगैरे केलं नाही. लस घेऊ म्हणून त्यातल्या त्यात त्यांचा(ज्यांचा आज मृत्यू झालाय त्यांचा) आग्रह होता. पत्नीनं "अजिबात गरज नाही लस घ्यायची" असं सांगून टाकलं. संयुक्त कुटुंबात कुणीच लस घेतली नाही. कुटुंब मूळचं औरंगाबादच्या वेशीवर वाळूज औद्योगिक वसहतीजवळ एक गाव आहे, तिथलं. मंगळवारी admit केलं. आज, म्हणजे रविवारी गेले. म्हणजे इन्फेक्शन बरंच खोल रुजल्यावर मग तपासणी केली, admit झाले, असं घडलं असावं.
बहुतेक आधीच म्हणजे शनिवारीच गेले असावेत. कारण "काहीही करुन ताबडतोब निघा" हे घरातल्या थोरल्या मुलाला (म्हणजे माझ्या साडूला ) कालच सांगितलं होतं. आज पहाटेच इथून निघून तो तिथं पोचला. आधुनिक वैद्यकाबद्दल तिडीक इतकी जास्त होती की पूर्वी एकदा घरातल्या एका सदस्याला गॉल ब्लॅडर मध्ये खडे होऊन जीव जायची वेळ आली, तरी शस्त्रक्रिया करायची नाही म्हणून अडून बसले होते सगळे. (नंतर बाबा पुता करुन हातापाया पडून शस्त्रक्रिया करवून घेतली होती, तो भाग वेगळा)
मूळ गावात वावर कायम होता. तिथं वाडा आहे. राबत्यातली शेती होती. येऊन जाऊन शेती करत. ते स्वतः नवरत्न कंपन्यांपैकी एकात होते आता निवृत्त होणारच होते. पत्नी PhD आहे.आणि आता त्यांनी काढलेला निष्कर्ष दिसतोय की ....

"हॉस्पिटलमध्ये जाऊन काही उपयोग झाला नाही"

त्यांच्यात कुणी अजूनही लस घेईल असं वाटत नाही. ते असं का वागण्याचं कारण म्हणजे ग्रामीण भागात जडणघडण झाली म्हणून असं आहे म्हणावं तर तेही पटत नाही. गावातही पोक्त, शहाणी सुरती लोकं असतातच की.
माझी सध्या गोची अशी की भेटायला कसं, कधी जाऊ कळत नाही. 8 तारखेपर्यंत औरंगाबादेत लॉकडाऊन आहे. इकडं माझं नुकतंच प्लास्टर काढलंय. (गेल्या महिन्यात तळपायाला फ्रॅक्चर अन मग शस्त्रक्रिया झालीय ) मी आत्ता कुठं walkerच्या साहाय्यानं का असेना घरातल्या घरात चालतोय. सगळी बोंबाबोंब. आणि आम्हा सगळ्यांची घरं दीड दोन किमीच्या परिसरात आहेत औरंगाबादला. (मी, साडू आणि आमच्या दोघांचा मेव्हणा) तर आता घरातले सिनिअर सिटीझन तिकडं भेटायला जायचं म्हणत होते. (माझे आई बाबा आणि मेव्हण्याचे आई बाबा. म्हणजे माझे सासूसासरे) साडूकडचे बहुतांश सगळे quarantine मध्ये आहेत. भरीला भर म्हणून तिकडं ते अजूनही काही पाळत नाहीयेत असं वैतागलेला मेव्हणा सांगत होता. (तो ताबडतोब गेला तिकडं)

क्रमश:

  • ‌मार्मिक0
  • माहितीपूर्ण3
  • विनोदी1
  • रोचक1
  • खवचट0
  • अवांतर0
  • निरर्थक0
  • पकाऊ0

काळजी करुन काय होणार आहे. जे व्हायच ते होईल. जे जगाच होईल ते आपल होईल. असा विचार करणारे बरेच लोक आहेत. पण असा विचार करुन बेफिकिर रहाणारे लोक त्यांना समजावता येत नाही.

  • ‌मार्मिक0
  • माहितीपूर्ण1
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

प्रकाश घाटपांडे
http://faljyotishachikitsa.blogspot.in/

एक डार्विन अवॉर्ड म्हणून कल्पित बक्षीस असतं. आपल्या मूर्खपणामुळेच मरून जगातल्या जीन पूल मध्ये मूर्ख जीन्स ची संख्या कमी करणाऱ्या महान विभूतींना देण्याबद्दल विचार केला जातो. पहा, नॉमिनेशन होईल का ते. पण या वर्षी बरीच competition असणार हे नक्की.

  • ‌मार्मिक0
  • माहितीपूर्ण0
  • विनोदी1
  • रोचक0
  • खवचट0
  • अवांतर0
  • निरर्थक0
  • पकाऊ0

“Generations to come will scarce believe that such a one as this ever in flesh and blood walked upon this earth.” -Albert Einstein.

औरंगाबदला माझ्या परिचयातील एक ऐन तिशीतील तरुण आहे. स्टेट बँकेत कामाला आहे. त्याचा oxygen कितीवर यावा? 50 वर आहे. छातीत सगळीकडे बेक्कार पसरलेलं आहे इन्फेक्शन. त्याच्या आणि माझ्या बाबांचे घरोब्याचे संबंध. आत्ता कुठं हॉस्पिटलात पोचले. थेट icuत टाकला. माझ्या आसपास चिकार लोकांचं बेक्कार नुकसान झालेलं दिसत आहे.
.
माझ्या अजून एका मित्राचे वडील 7 तारखेला गेले. त्याची आई icuमध्ये महिनाभर होती. तो मूळचा परभणीचा. सध्या राहायला पुणे. त्यांना डिसचार्ज मिळून घरी गेल्यावर दोन दिवसांनी तब्येत एकदम खालावली. पुढं काही दिवस आय सी यू अन शेवटी मृत्यू झाला.
.
अजून एक मित्र (माजी रुममेट) कोविडला असाच hoax म्हणत टिंगल करी. आता दोनेक आठवडे नागपूरला हॉस्पिटलात काढायला लागल्यावर सरळ झालाय. तिथं असताना त्याची बेक्कार घाबरला होता. श्वासही घेता येत नव्हता.
.
माझ्या बायकोच्या माहेरी कुटुंबच्या कुटुंब "अंदर" झालीत. (ह्यातली बहुतांश औरंगाबादची) काका, आत्या, मामा...असे सारे सख्खे नातलग अन त्यांचे कुटुंब कोविड पॉझिटिव आहेत. एक मामा तर गेला मागच्याच महिन्यात.
.
जवळच्या एका मित्राचे वडील कोविड होउन दुरुस्त होउन घरी परतलेत. (एरिया -- खडकेश्वर, औरंगपुरा)
मी यादी करणंही सोडून दिलेलं आहे. कित्येक बाबी सुटल्याही असतील ह्यातून.
.
माझे वडील बँकेत काम करत. ह्यांचा आठ दहा जणांचा घट्ट ग्रुप आहे. (सलग दोन तीन दशके सोबत काम केल्यानं चांगले परिचित आहेत सगळी कुटुंब एकमेकांना). त्यातल्या दहा पैकी सहा लोकांना मागच्या एक वर्षात होउन गेलेला आहे. (पाचेक जण आत्ता सध्या पॉझिटिव आहेत. ब्माझ्या वडीलांना जुलै-ऑगस्ट २०२० मध्ये झाला होता करोना)

ह्या मागच्या महिन्याभरातल्या केसेस थेट माझ्या पाहण्यात आहेत. पब्लिकला वॉट्सॲपवर अजूनही विनोद सुचतात. अजूनही मधूनच कुणीतरी लाट बिट कै नै, करोना हेच एक मिथ आहे म्हणतंय. दुसरी लाट म्हणजे लस विकण्याचा केलेला प्रपोगेंडा आहे, असंही काहीजण अजूनही म्हणत आहेत.

  • ‌मार्मिक0
  • माहितीपूर्ण3
  • विनोदी1
  • रोचक0
  • खवचट0
  • अवांतर0
  • निरर्थक0
  • पकाऊ0

मोजणी करणं सोडून दिलं आहे.
मुंबैत -
माझे जवळचे लोक ICU मधे क्रिटिकल होउन परत आले आहेत. महिनाभर हॉस्पिटलात वास्तव्य - त्यातल्या त्यात जमेची बाजू म्हणजे सरकारी इस्पितळ आणि अतिशय चांगला स्टाफ. शिवाय डिसेंबर-जानेवारीत असल्याने खाटा उपलब्ध होत्या.
आणखी एक बिन्धास काका. रोज भजनाबिजनाला जात, बाजारात फिरत. परवा भयानक खोकायला लागले तरीही कोविड वगैरे नाही म्हणत होते. रक्तातला ऑक्सिजन ७०वर आलेला तेव्हा धावपळ करून ॲडमिट केलं, खाजगी हॉस्पिटलात. आता थोडे सावरलेत, पण तरीही अजून ICUमधे आहेत.

आणखी एक सिनिअर सिटिझन मास्क लावायलाच तयार नाहीत. स्वत: खोकत असताना लोकांनी "निदान आता तरी मास्क लावा" म्हटल्यावर यांचं उत्तर -
"तुला माझी काळजी असेल तर मला काही होणार नाही. तुला स्वत:ची काळजी असेल तर तूच मास्क लाव" असं सडेतोड उत्तर देऊन मोकळे झाले.
आता पुन्हा ते मास्क न लावता रानोमाळ भटकायला मोकळे आहेत.

हट्टी ज्येष्ठ मंडळी ऐकायला तयार नाहीत. काय करायचं कळत नाही.

  • ‌मार्मिक0
  • माहितीपूर्ण3
  • विनोदी1
  • रोचक0
  • खवचट0
  • अवांतर0
  • निरर्थक0
  • पकाऊ0

कारण खरडीतले विचार विनोदी नसून त्यातला ऐवज मलाही लागू आहे. एवढं सांगून खाली बसतो.
बरं यावर उलटसुलट वाद घालणारा मी नाही. पण निर्णय चुकीचे असले तरी ठाम असतात.

तर सांगायची गोष्ट म्हणजे साम्पल शोधण्यासाठी दूर जायला नको. समोरच आहे. माझे विचार आणि मतं तिरपागडे असण्याची कारणं मागे इथेच कुठे तरी लिहिली आहेत.

होळीमध्ये वाईट गोष्टी जळतात यावर विश्वास ठेवायला हरकत नाही. दोन होऊन गेल्या.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

कोरोना खेळ नाही. थोतांड नाही.

आतापर्यंत पुण्या-मुंबईच्या बातम्या आपण वाचत होतो आणि दुरून डोंगर साजरे असं वाचून सोडून देत होतो. पण याच बातम्या मराठवाड्याबद्दल वाचायला येत आहेत. पुणे मुंबई मध्ये तितक्या वैद्यकीय सुविधा, हॉस्पिटल्स तरी उपलब्ध आहेत. आपक्याकडे तशा सुविधा पण नाहीत. त्यामुळे काळजी घेणे, संशय वाटताच टेस्ट करून घेणे आणि पॉजिटीव्ह आलात तर न घाबरता उपचार करून घेणे हा सर्वात चांगला, सोपा आणि जीव वाचवणारा पर्याय आहे. कोरोना बद्दल लक्षात ठेवा - Early detection is a key. जितक्या लवकर टेस्ट कराल, तितकी बरी होण्याची शक्यता जास्त हे लक्षात असू द्या.

मराठवाड्यातील भयावह परिस्थिती आपल्या सर्वांच्याच लक्षात यावी म्हणून -

■ औरंगाबाद मध्ये एका बेडवर तीन तीन पेशंट उपचार घेत आहेत. सरकारी हॉस्पिटल्स फुल झाली आहेत.

■ नांदेड शहरामध्ये रोज 10-12 मृत्यू होत आहेत. स्मशानभूमीत वेटिंग सुरू आहे.

■परभणी मध्ये हॉस्पिटल बेड उपलब्ध नाहीत म्हणून होम क्वारणटाईन करायला सुरुवात केली आहे. आज एका दिवसात 684 नवीन रुग्ण सापडलेत.

काळजी घ्या मित्रांनो!! थोडासाही संशय आला तर लगेच टेस्ट करा. तुम्ही लवकर टेस्ट केली तर तुमच्यापासून होणारा संसर्ग लवकर आटोक्यात येऊ शकतो, हे लक्षात घ्या. आणि सर्वात महत्वाचं, ही तर मार्च महिन्याची सुरुवात आहे फक्त.

- विवेक महाजन

  • ‌मार्मिक0
  • माहितीपूर्ण3
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

1) ५०,% लोक corona खरोखर रोग आहे असा विश्वास ठेवतात.
उरलेली लोक corona थोतांड आहे ह्या मतावर ठाम आहेत .
2) मास्क मुळे बचाव होतो - संशोधक.
मास्क तुमचे रक्षण करू शकत नाही - दुसरे संशोधक.
३) आता पर्यंत corona नी इतके मृत्यू झाले_ संशोधक.
दुसऱ्या आजाराने मरण आले पण नाव corona चे-
दुसरे संशोधक.
४) corona च उगम चीन - संशोधक.
Corona चे उगम स्थान नक्की माहित नाही - दुसरे संशोधक.
५) pcr test नी खात्री नी covid इन्फेक्शन माहीत पडत - संशोधक.
Pcr टेस्ट चुकीचे निदान करते - दुसरे संशोधक.
मरायला टेकलेल्या व्यक्ती ची निगेटिव्ह टेस्ट आल्याची अनंत उदाहरण..
६) बाधित व्यक्ती chya जवळच्या लोकांना corona होतो-. संशोधक
..लहान खोलीत नवरा positive aani बाकी सर्व negrtuve- सामान्य जनतेचा अनुभव.
७) लस घेतली की CORONA होत नाही संशोधक
लस घेवून पण corona badhit- सामान्य जनतेचा अनुभव.
८) corona वर उपचार नाहीत - संशोधक.
Corona वर जे उपचार होतात त्या मुळे ९०% वर लोक corona मुक्त.
जगाच्या इतिहासात हा एकमेव रोग आहे त्या बद्द्ल कोणाचेच एकमत नाही..
संशोधक जे दावे करत आहेत त्याच्या एकदम विपरीत अनुभव dr आनी लोकांना येत आहेत..

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक3
  • पकाऊ0

कृपया गैरसमज पसरवू नका. तुम्ही 'दोन प्रकारची मतं आहेत' याचा अर्थ 'कोणाचंच एकमत नाही' असा काढत आहात. पर्याय (पॉसिबिलिटीज) आणि शक्यता (प्रोबॅबिलिटी) यांत गल्लत करत आहात. 'लॉटरी एकतर लागेल किंवा नाही लागणार. तेव्हा दोन्हींची शक्यता ५०-५०%', असले दावे करत आहात. हा गंभीर विषय आहे, तेव्हा विचार करून, जबाबदारीने विधानं करा. खोटी, पुराव्याशिवायची विधानं करू नका.

  • ‌मार्मिक1
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

उलट सुलट मत प्रसार माध्यमातून व्यक्त होत आहेत
२) सायन्स मॅगझिन, रोज नवीन विरूद्ध माहिती देत आहेत.
३) लोकांचे अनुभव आणि संशोधक ची मत जुळत नाहीत.
४)इथे माणूस रोग प्रसारक आहे आणि माणसाच्या हालचाली वर १०० टक्के नियंत्रण ठेवता येते तरी गंभीर स्थिती का निर्माण झाली?
हा प्रश्न कोणाला ही पडेल.
५) जिथे डास,पिसवा,आणि बाकी सुष्म कीटक रोग प्रसारक असतात तिथे नियंत्रण ठेवणे अवघड असते.
पण सहा फिट उंच माणसावर नियंत्रण ठेवणे काहीच अवघड नाही
६) लॉक डाऊन पासून सर्व जगाने केले पण स्थिती जैसे थे
७) कसलेच symptron नसणाऱ्या व्यक्ती ना हॉस्पिटल मध्ये जबरदस्ती admit करण्या मुळे आरोग्य व्यवस्था धोक्यात का आणली गेली
७) विविध देशात विविध प्रकारचे strain आहेत हे माहीत असून सुद्धा जागतिक हवाई वाहतूक एक वर्ष साठी पूर्णतः का बंद केली नाही..
इथे फायदा १ रुपया असेल तर नुकसान करोड रुपये झाले.
८) २०१९ मध्ये चीन मध्ये काय होत आहे हे पूर्ण जगाला माहित होते आम्ही वुहान च्या बातम्या बघून वुहान पृथ्वी वर नाही तर दुसऱ्या galaxy मध्ये आहे हेच समजत होतो.
सर्व माहीत असताना लगेच चीन च बाकी जगाशी असलेली प्रवासी,सामानाची वाहतूक का बंद केली नाही
८) आज पण भारत च नाही तर पूर्ण जगा नी हवाई वाहतूक बंद केलेली नाही.....
९) अंतर राष्ट्रीय प्रवास करणाऱ्या लोकांना गजबजलेल्या शहरात प्रवेश का दिला.
१०)अंतर राष्ट्रीय प्रवास करणाऱ्या लोकांना कसलेच बंधन न टाकता सरळ एअर पोर्ट वरून घरी,शहरात,गावात प्रवेश दिला गेला
का?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

तात्या,
करोनाच्या उगमाविषयी, तीव्रतेविषयी आणि एकंदरीतच स्वरूपाविषयी संभ्रम असणं सहाजिक आहे.
फ्लूचा प्रकार असल्याने उपचार "१००%" यशस्वी न होणं हे सुद्धा वावगं नाही.

"पण कोविड१९ जीवावर बेतू शकतो- तेव्हा काळजी घ्या. मास्क वापरा आणि स्वत:चा बचाव करा"
ह्यात दुमत असायचं कारण नाही ना?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

तक्रार तुमच्या '५०% लोक कोरोनावर विश्वास ठेवतात उरलेले ५०% ठेवत नाहीत' यासारख्या विधानांबाबत आहे. हे आकडे कुठून काढलेत? त्यांमधून फॉल्स इक्विव्हॅलन्स बनतो.

  • ‌मार्मिक1
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

तुम्ही जे लिहिताय त्याला रिडक्टिव्ह लॉजिक (मराठी?) म्हणतात. पुरेसं किंवा काहीच समजलेलं नसताना, सब घोडे बारा टके म्हणून जे काही म्हणलं जातं, त्याचं मूळ बरेचदा अशा तर्कात सापडतात.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

सध्याच्या पहिल्या पिढीच्या लशींनी "इन्फेक्शन होणार नाही" असा दावा कोणत्याही उत्पादकाने केलेला नाही. सौम्य इन्फेक्शन तरीही होऊ शकतेच. मात्र लस तुम्हाला तीव्र रोग आणि मृत्यू यापासून १०० टक्के वाचवेल!हे सध्या प्रचलित असलेल्या सात-आठ लसींमध्ये दाखविले गेलेले आहे.

  • ‌मार्मिक0
  • माहितीपूर्ण1
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

(Member of the vast left-wing conspiracy!)
For us “immigration” is a proxy for race. Leftists and non-Whites are right to view this as threatening and racialist: it implies a return to origins and that the White man once owned America. Trust me

आमच्या सोसायटीत ७५ कुटुंबं आहेत साधारण. गेल्या वर्षात किंवा जानेवारीपर्यंत तीन किंवा चार जण बाधित होते फक्त. गेल्या तीन आठवड्यांत तीन पूर्ण कुटुंबं आणि काही एकटे सदस्य बाधित झाले आहेत. एका काकूंना अॅडमिट केलं हाेतं, वय ७०च्या पुढे म्हणून. त्या घरी आल्या आहेत, थोडा आॅक्सिजन कमी होतो मधनंच, पण घरी सोय केली आहे. बाकी सगळयांना फार त्रास होत नाहीये. सोसायटीतल््या बहुतेक सगळ्या ज्येष्ठ नागरिकांनी लस घेतली आहे.
मी १ एप्रिलनंतर घेणार आहे लस. सरकारी की खाजगी रुग्णालयात जायचं ते गर्दीवर ठरवणार.
आमच्या काॅलनीसमोर असलेल्या पालिकेच्या शाळेत कोविड केअर सेंटर होतं, ते डिसेंबरमध्ये बंद केलं होतं. कालच ते पुन्हा सुरू केलं आहे. भांडुपच्या ड्रीम्स माॅलमध्ये असलेल्या एका रुग्णालयात आग् लागल्याची बातमी तुम्ही वाचली असेलच, १० रुग्ण मरण पावले त्यात. तिथे ७५ रुग्णांची सोय होती बहुधा. आता तेही अनेक दिवस वापरता येणार नाही, तसेही त्या रुग्णालयाला परवानग्या कशा मिळाल्या वगैरे वाद सुरू झाले आहेतच. आमच्या इथल्या सेंटरमध्ये २७५ रुग्णांची सोय होऊ शकते, आमचा खासदार ते सुरू व्हावं म्हणून पाठपुरावा करत होता, आग लागल्यामुळे ते लवकर झालं असावं.
अख्खं कुटुंब बाधित झाल्याने सगळ्यांच्याच जेवणाखाणाचा प्रश्न निर्माण होताना दिसतोय. मदतनीस बायांना बोलवता येत नाही. घरातल्या सर्व सदस्यांनी स्वयंपाक व इतर कामं येत असतील तर ठीक. आणि बाईच हे सगळं करत असेल, व तिला फार थकवा आला असेल तर प्रश्न निर्माण होतात. नशिबाने आमच्या इथे घरगुती डब्यांची सोय चांगली आहे.

  • ‌मार्मिक0
  • माहितीपूर्ण2
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

This too shall pass!

या नविन लाटेच्या कारणाबाबत कुठे मिमांसा झाली आहे काय? मार्च आधी तीनेक महिने एकंदरीतच करोना गेल्याप्रमाणे मोकळीक दिसत होती देशभरात. तेव्हा नविन केसेसचा रेट का घसरत होता आणि आता का वाढत आहे यावर जर कोणी सविस्तर विश्लेषण केलं असेल तर वाचायला आवडेल. 2020 च्या करोना व्हायरसच्या लाटेच्या सुरवातीलाही भारतातील लाट इतर देशांपेक्षा उशीरानेच आली होती, तेव्हा लॉकडाऊन ते हवामान वगैरे अनेक कारणं पुढे केली गेली होती- त्यातली अनेक लागू नाहीत हे आजवर स्पष्ट झालंच आहे.

  • ‌मार्मिक1
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-Nile

भारताची आकडेवारी पाहिली तर दोन मुख्य 'लाटा' दिसताहेत. पण त्या दोनच आहेत का? अमेरिकेची आकडेवारी पाहिली तर त्यात किमान तीन लाटा, आणि आता चौथी चालू होत असल्याचं दिसतं. मुद्दा असा की किती 'लाटा' आहेत हे कसं मोजायचं? कारण भारताच्या 'पहिल्या' रुंद लाटेतही दोनतीन रुंद लाटा एकमेकांत मिसळून गेल्याचं दिसतं.

हे अर्थातच तुमच्या प्रश्नाला उत्तर नाही. पण 'ही लाट मोठी का, आत्ताच का?' हे प्रश्न क्लिष्ट आहेत. हा मल्टिव्हेरिएट प्रॉब्लेम आहे. काही वर्षांनी एआय वापरून, काहीतरी मॉडेल तयार करून यावर प्रकाश पडू शकेल किंवा निदान काही सामायिक सत्यं गवसू शकतील. सध्यातरी चित्र फार आशादायी नाही. डकवर्थ-लुइस या गणितज्ञांनी अभ्यास करून फॉर्म्युला तयार करण्याआधी कोणीतरी क्रिकेटर मंडळी काहीतरी नियम करायची आणि बोऱ्या वाजायचा तशी परिस्थिती सध्या वाटते आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

बहुतेक सर्वांचे एकमत असलेले कारण - लोकांनी शस्त्रे (किंवा ढाली) खाली ठेवल्या हे आहे, निदान महराष्ट्रात तरी. यात सरकारी यंत्रणाही आल्या. उदा. दुकानांतून, इतर सार्वजनिक ठिकाणी सॅनिटयझरचे ष्ट्यांड दिसायचे बंद झाले. ही सक्ती चालू ठेवता आली असती. मास्क सक्ती चालू ठेवून आणि न पाळणाऱ्यांना दंड लावून परिस्थिती नियंत्रणात राहिली असती. हे निदान लसीकरणाने वेग पकडेपर्यंत चालू ठेवता आलं असतं. अगदीच् काही नाही तर निदान १०० कोटींचं टार्गेट लवकर पूर्ण झालं असतं.

  • ‌मार्मिक0
  • माहितीपूर्ण0
  • विनोदी0
  • रोचक1
  • खवचट0
  • अवांतर0
  • निरर्थक0
  • पकाऊ0

या नविन लाटेच्या कारणाबाबत कुठे मिमांसा झाली आहे काय? मार्च आधी तीनेक महिने एकंदरीतच करोना गेल्याप्रमाणे मोकळीक दिसत होती देशभरात. तेव्हा नविन केसेसचा रेट का घसरत होता आणि आता का वाढत आहे यावर जर कोणी सविस्तर विश्लेषण केलं असेल तर वाचायला आवडेल.

कुणी मीमांसा केली असेल तर वाचायला मलाही आवडेल. दरम्यान, माझ्या आसपास अनेक लोकांना किंवा त्यांच्या आप्त-स्वकीयांना करोना झाला आहे, त्यामुळे मी प्रत्येकाला विचारत राहिलो की संसर्ग कसा झाला असावा. मला जे दिसलं ते काहीसं असं - मध्यमवर्ग सप्टेंबरच्या सुमाराला मोठ्या प्रमाणात बाधित झाला होता. त्यानंतर तो अतिशय सांभाळून वागत होता. दिवाळीतही आणि नंतरही. हळूहळू जसजसं दिसत गेलं की पुण्यात रोज नवे रुग्ण सापडण्याचा आकडा २००-३००वर स्थिर आहे, तसतसा हा मध्यमवर्ग बिनधास्त झाला (मुंबईत लोकल वगैरेही चालू झाल्या त्याच सुमाराला). त्यातच लस उपलब्ध झाली, त्यातून आणखी निर्धास्तपणा आला - एक डोस घेऊन बाधित झालेले ज्येष्ठ नागरिकही माझ्या आसपास दखलपात्र संख्येत आहेत. थोडक्यात, संसर्ग ज्यांना ज्यांना झाला त्या प्रत्येकाचं वर्तन पाहता बाधित होण्याजोगंच ते होतं असं दिसतं. प्रत्येकानं काही ना काही रिस्क घेतलेली होती आणि त्यातच संसर्ग झाला, या पलीकडे वेगळं काही कारण मला तरी आढळलं नाही.

  • ‌मार्मिक0
  • माहितीपूर्ण0
  • विनोदी0
  • रोचक1
  • खवचट0
  • अवांतर0
  • निरर्थक0
  • पकाऊ0

- चिंतातुर जंतू Worried
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||

जागतिक महामारी असलेल्या corona ल जरा गंभीर पने घ्या.
कोणी
1) सायन्स ची माहिती प्रसारित करणाऱ्या सर्व electric आणि प्रिंट मीडिया नी.
अर्धवट माहिती ,सामान्य लोकांच्या आकलन बाहेर असलेली आणि फक्त संशोधक लोक च पूर्णतः समजू शकतील असली माहिती सामान्य लोकांना देवू नका.
त्या मुळे,चुकीचे समज, अतिशोक्ति युक्त गैर समज निर्माण होतात आणि गोंधळ उडतो.
सरकारी निर्णय काय असतील ह्याची माहिती कमीत कमी तीन दिवस अगोदर तरी द्यावी.
नाहीतर अचानक निर्णय मुळे लोक अडचणीत येतात.
महापौर,जिल्हाधिकारी,कोणत्या तरी पक्षाचा नेता ,चिल्लर नेते ह्यांनी अक्कल pajalu नये.
ह्या महामारी वर काय निर्णय घेणार आहे त्याची माहीत फक्त आणि फक्त देशामार्फत पंतप्रधान आणि राज्य मार्फत मुख्यमंत्री ह्या लोकांनीच द्यावी.
बाकी लोकांनी फालतू आणि चुकीची माहिती देवू नये.
लोक समजदार आहेत फक्त त्यांना योग्य माहिती मिळणे गरजेचे आहे.
हजार लोकांना ची हजार परस्पर मत त्यांना नको आहेत.

  • ‌मार्मिक0
  • माहितीपूर्ण0
  • विनोदी1
  • रोचक0
  • खवचट0
  • अवांतर0
  • निरर्थक0
  • पकाऊ0

या लेखावर तज्ञांनी मत द्यावे. हे खरं असेल, तर दिवस कठीण आहेत.

https://www.pudhari.news/editorial/editorial/corona-new-double-mutant-va...

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

ही जंतुंची इतकी गर्दी जगात आहे का रास्त |
भरती विषाणुंचीच होत ना?" "एक तूच होसी ज्यास्त ||

दैनिक पुढारी नी जी माहिती दिली आहे त्याची भाषा.
असेल
असू शकतं.
अशा प्रकारची आहे ठाम मत नाही
अशी अर्धवट माहिती देवून भीती पसरवणाऱ्या प्रसार माध्यमांना सरकार नी कठोर कारवाई करून धडा शिकवावं.
लोकशाही आहे ह्याचा अर्थ काही ही बकवास सहन केली जाईल असा अर्थ नाही

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

या मुद्यावर महाराष्ट्रातल्या आघाडी सरकारात बेबनाव उघड झाला आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

असं का वाटलं ?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

सध्या मी महाराष्ट्रात रहात नाही.
आमचा कर्नाटक, महाराष्ट्र आणि तेलंगणाच्या सीमेवरचा एक जिल्हा आहे.
माझी इथे प्रायवेट प्रॅक्टिस आणि नवऱ्याची सरकारी नोकरी आहे.
आमचा अनुभव असा की-
कोविडच्या पहिल्या लाटेच्या वेळी लॅाक डाऊन स्ट्रीक्ट होते
कॅांटॅक्ट ट्रेसिंग, आयसोलेशन व्यवस्थित होत होते
प्रशासकीय लेवलवर दररोज कोविडचा आढावा घेणे, वेगवेगळी आकडेवारी गोळा करणे चालू होते
तालुका लेवललाही सरकारी कोविड केअर सेंटर्स होती.

ॲाक्टोबर नोवेंबरपासून तालुका लेवलची कोविड केअर सेंटर्स पूर्णच बंद पडली.
पेशंटसअभावी सगळी प्रायवेट कोविड सेंटर्स बंद पडली.
सरकारी रूग्णालयातले काही वॅार्डस आणि आय सी यू बंद पडले.

आता लोकांच्यात इतकी बेपर्वाई आहे की मास्कस तर सहसा कुणी वापरत नाही.
सगळ्यांनीच थोड्या बहुत पर्यटनाला सुरूवात केलीय. आम्हीही महाराष्ट्रात येऊन गेलो.
इथे महाराष्ट्रासारखे समारंभांना ५०/१०० माणसांचे बंधनही नाही. सर्रास ५००-१००० लोकांचे समारंभ होतात. नावाला मास्क असतो, पण मेकप कसा दिसणार, जेवणार कसं , फोटो कसा काढणार करत तो गळ्यातच असतो.
जे ज्येष्ठ नागरिक वर्षभर कसेबसे घरात तग धरून होते त्यांना वॅक्सिनचा पहिला डोस मिळताच अमरत्वाचा पट्टा मिळाल्यासारखे वाटले व ते ही पर्यटन, समारंभ करत फिरू लागले. यामुळे किंवा वॅक्सिन घ्यायला एकत्र जमले/हॅास्पिटलला आले त्याच्यामुळे, किंवा इतर काही कारणांनी वॅक्सिनच्या पहिल्या डोसनंतर आणि दुसऱ्या डोसपूर्वी पॅाजिटीव येणाऱ्यांचे प्रमाण वाढलेय.

आमच्या जिल्ह्याततरी एकाच ठिकाणी आर टी पि सी आर टेस्ट होते.
इतक्या दिवसांत अजून एखादे सेंटर उघडावे, ठराविक चार पाच लोकांखेरिज इतर टेक्निशीयन्सना टेस्ट करण्याचे ट्रेनिंग द्यावे हे झाले नाही. तेयामुळ टेस्टरेसपैकीच कोण पॅाजिटीव आलेयास लॅब १-२ दिवस फ्युमिगेशनसाठी बंद होते आणि मग टेस्टींगच बंद पडतं.

बऱ्याच आर एम पींना करोनाची भयानकता अजून कळलेली नाही.
९०ते ९५ टक्के करोना अजूनही विशेष काही ट्रीटमेंट न करता बरे होत असल्याने आपण देतो तेच उपचार खरे होते, योग्य होते असं काढे देणाऱ्या वैद्यापासून पेनिसिलीन उगाचंच टोचणाऱ्या कंपाउंडर कम डॅाक्टर सगळ्यांना वाटतंय.
त्यामुळे खरोखर जे बॅड होऊ शकतात ते रूग्ण ओळखले जात नाहीत, उशीरा ओळखले जातात आणि योग्य ट्रीटमेंट सुरू होईपर्यॅत जीव जायची वेळ आलेली असते.

  • ‌मार्मिक0
  • माहितीपूर्ण5
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

त्याला कारण प्रसार मध्यम आहेत रोज उलट्या सुल्ट्या बातम्या
पक्की ठाम माहिती covid विषयी कोण कडेच नाही
त्या मुळे लोकांचा विश्वास उडाला आहे
सरकारी निर्देश,न्यूज चॅनेल वरील बातम्या,ह्यांना कोणी गंभीर पने घेत नाही

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

१. नवीन कोविड लाट ही सर्व वयोगटातील रुग्णांना बाधित करत आहे. बरेच रूग्ण गंभीर कोविड लक्षणांसह पूर्ण विकसित झालेला फुप्फुस संसर्ग ( एआरडीएस = १०० पेक्षा पी/एफ रेश्यो ) दर्शवित आहेत. पण २ - ३ वेळा आरटी-पीसीआर चाचणी घेतल्यानंतरही त्यांच्यात कोविड विषाणू आढळत नाही. अगदी सुमारे २५ – ३० वर्षांच्या आसपास असलेले तरुण रूग्णही गंभीर लक्षणे दर्शवित आहेत. याचा परिणाम रेमेडिसिव्हिर किंवा फविपिरावीर सारख्या ट्रीटमेंट प्रोटोकॉलवर होत आहे. दुसरे म्हणजे, ही वाढती चिंता आहे की भारतातली ही नवीन लाट ही कोविड विषाणूच्या नवीन उत्परिवर्तनामुळे (Mutation) आलेली असू शकते. या नव्या नमुन्यांची चाचणी भुवनेश्वर आणि पुण्यातील व्हायरोलॉजी लॅबमध्ये सध्या केली जात आहे.
२. मधुमेह आणि उच्च रक्तदाब यांचा इतिहास असलेल्या रूग्णांमध्ये लसीकरण चांगला टायटर प्रतिसाद दर्शवित नाही. (कारण अशा रुग्णांची कमकुवत झालेली रोगप्रतिकार प्रणाली.) उदाहरणार्थ, काही डायबेटिक आणि हायप्रटेंसिव्ह असलेल्या डॉक्टरांनीच लसीकरणाचा योग्य टायटर प्रतिसाद न आल्याने स्वत:ला आता ४ - ४ वेळा लसीकरण करून घेतले आहे. म्हणून, कोविड लसीचे कार्य योग्यरित्या होण्यासाठी व्हिटॅमिन डी, ई, बी आणि झिंक, कॉपर सारख्या रोगप्रतिकारक घटकांचा पूरक आहार सर्वांनाच आवश्यक आहे.
३. काही राज्यांमध्ये कोविड रुग्णांची संख्या कमी वाटत असली तरीही संपूर्ण भारतभर रूग्णांमध्ये अचानक वाढ होते आहे. या लाटेचा वाढण्याचा दर सर्वत्र सारखाच आहे. कोविड बाधित रुग्णांचे तसेच तीव्रतेचे प्रमाण वाढत आहे.

४. जरी कदाचित कोविडजन्य मृत्यूचे प्रमाण सध्या कमी दिसत असले तरी सर्व रुग्णालये पुन्हा भरतील तेव्हा ते जास्त होईल अशी शक्यता आहे. सावधगिरी न बाळगणाऱ्या लोकांना याची निश्चित कल्पना दिली पाहिजे आणि तरीही बेपर्वा वागणाऱ्या लोकांवर दबाव आणला पाहिजे. अन्यथा ही पहिल्यापेक्षा भयानक लाट असेल.

तात्पर्य, सावधगिरी बाळगा. गर्दीत जाऊ नका. मास्क घाला (शक्यतो, N95). 'कोरोना नाहीच आहे' वगैरे बोलणाऱ्या माणसांना सौम्य शब्दात जाणीव करून द्या, तरीही ऐकत नसले तर तुम्ही दूर रहा, फक्त गरज असेल तरच प्रवास करा, सणसमारंभ साजरे करताना तारतम्य बाळगा - अजून उत्सव साजरे करायची वेळ आलेली नाही.
स्वतःची, कुटुंबाची आणि समाजाची काळजी घ्या. जर लॉकडाऊन नको आहे पण संसर्गही कमी करायचा आहे तर मग संयम बाळगला पाहिजे.
It is not possible to have the cake and eat it too.

  • ‌मार्मिक0
  • माहितीपूर्ण3
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मधुमेह आणि उच्च रक्तदाब यांचा इतिहास असलेल्या रूग्णांमध्ये लसीकरण चांगला टायटर प्रतिसाद दर्शवित नाही. (कारण अशा रुग्णांची कमकुवत झालेली रोगप्रतिकार प्रणाली.) उदाहरणार्थ, काही डायबेटिक आणि हायप्रटेंसिव्ह असलेल्या डॉक्टरांनीच लसीकरणाचा योग्य टायटर प्रतिसाद न आल्याने स्वत:ला आता ४ - ४ वेळा लसीकरण करून घेतले आहे. म्हणून, कोविड लसीचे कार्य योग्यरित्या होण्यासाठी व्हिटॅमिन डी, ई, बी आणि झिंक, कॉपर सारख्या रोगप्रतिकारक घटकांचा पूरक आहार सर्वांनाच आवश्यक आहे.

याच्या चाचण्या करणारे सक्षम लोक जगात असावेत असा अंदाज. ज्यांना असे प्रतिसाद मिळत आहेत त्यांनीही ही विदा ससंदर्भ सार्वजनिक करणे आवश्यक. ते नसताना अशा गोष्टींवर विश्वास ठेवण्याची गरज नाही.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- चिंतातुर जंतू Worried
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||

सध्या आजूबाजूला मी जी माणसे पाहतोय ती आरोग्याच्या बाबतीत फारच जागरूक झाली आहेत. मात्र काम धंद्यासाठी बाहेर तर पडावेच लागणार. घरी बसून कसे चालेल? दुसरी लाट, तिसरी लाट हे येतच राहणार. एखादे वर्ष लॉकडाऊन वगैरे उत्सव साजरे करून जनता ताब्यात राहू शकते. केवळ लॉकडाऊन, संचारबंदी वा कडक निर्बंध वगैरे पोरखेळ चालू ठेवून कोरोना अटोक्यात येणार नाही. लसीकरणाच्या मोहिमेत सर्वच वयोगटातील लोकांना सामील करावे.

वयोवृद्ध आणि लहान मुले घरी राहून चालू शकतील. शाळा कॉलेजेस बंदच असल्याने काही प्रमाणात गर्दी कमी होईल.पण त्यावर संबंधित व्यवसाय, रोजगाराच्या बाबतीत काय खबरदारी घेतली जातीय? लॉकडाऊन मुळे कैक व्यवसाय ठप्प झाले. बेरोजगारी वाढली. हे कुठपर्यंत चालणार.

आजची आर्थिक परिस्थिती अशी आहे की सर्वसामान्य माणसांनी जर केवळ मूलभूत गरजांसाठी खर्च केला आणि किमान चैनीच्या खर्चांवर निर्बंध घातले तरी तरी बाजारपेठेत कैक क्षेत्रांत मंदीसदृश्य परिस्थिती तयार होते. सध्याच्या घडीला ज्याची खर्च करण्याची क्षमता अधिक त्याच्यावर कोरोनाच्या बाबतीत खाजगी इस्पितळात उपचार केले जातात. सरकारी आरोग्यव्यवस्था आहे तशीच आहे. गेल्या वर्षभरापासून काही हॉस्पिटल्सने मजबूत कमावले. तर काही लोकांनी कोरोनाच्या नावाखाली बाजार मांडला. हे सर्व लोकांनी बघितले आणि बहुतांश लोकामध्ये सुरुवातीला जी भिती होती ती भीती सध्यातरी अजिबात दिसत नाही. आता लोकांनी कोणालाही सिरियसली घ्यायचं नाही असं ठरवलंय दिसतंय.

  • ‌मार्मिक0
  • माहितीपूर्ण0
  • विनोदी0
  • रोचक1
  • खवचट0
  • अवांतर0
  • निरर्थक0
  • पकाऊ0

----------------------------------
शंभरातील नव्व्याणव गेल्यावर राहतो तो एक खवचट तुच्छतावादी
मी एक एकटा एकलकोंडा गुरफटलेल्या कोसल्यातून बाहेर पडणारा
- स्वयंभू

दुसरी आहे की पाचवी आहे हे माहीत नाही
जागतिक संशोधक मंडळी ना विचारले तर मतभेद होवून एक पासून दहा पर्यंत कोणती ही लाट निघू शकते..
आता जी लाट चालू आहे ह्या मध्ये कोणतीच लक्षण,कोणताच त्रास नसणारी पण बाधित आहेत असे टेस्ट रिपोर्ट असणारी लोक जास्त आहेत.
जे भयावक आकडे रोज येत आहेत तेवढी गंभीर स्थिती नाही ..
बहुसंख्य लोकांचा positive report आहे पण ते अगदी तंदुरुस्त आहेत ..
साधी crocin ची पण त्यांना गरज नाही
पण सरकारी नियमा मुळे उगाचच त्यांना त्रास होत आहे.
गंभीर आजारी काही शे मध्येच आहेत.
अगदी किरकोळ संख्या आहे त्यांची.
बाकी लोकांना विलागिकरण करण्याची पण काही गरज नाही ...
टेस्ट न केलेले असंख्य तंदुरुस्त लोक समाजात आहेत ..सर्वांची टेस्ट केली तर भारतातील १३० कोटी लोकसंख्येत काही कोटी लोक corona बाधित निघतील.....
जिथे जास्त टेस्ट तिथे जास्त रुग्ण .
जिथे गैर कारभार,बिलकुल टेस्ट नाहीत तो corona मुक्त प्रदेश .ही सत्य परिस्थिती आहे

  • ‌मार्मिक0
  • माहितीपूर्ण0
  • विनोदी2
  • रोचक0
  • खवचट0
  • अवांतर0
  • निरर्थक0
  • पकाऊ0

अहो काहीही काय बरळताय? 'भयावह आकडे' असले तरीही वाईट परिस्थिती नाही? मग दिवसाला जवळपास ७०० मृत्यू व्हायला लागले आहेत ती काय चांगली गोष्ट आहे का? आणि हा आकडा गेल्या काही आठवड्यांत भस्सकन सातपट वाढला आहे.

तुमच्या मते वाईट परिस्थिती म्हणजे काय ते एकदा समजावून का सांगत नाही तुम्ही?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

आज पर्यंत भारतात कॉविड मुळे मृत्यू आलेल्या लोकांची संख्या. 166862 आहे .
एक वर्ष होवून जास्त दिवस झाले .आपण एक वर्ष च पकडले तर दिवसाला सरासरी देशात 457. लोक corona मुळे मेलेली आहेत.
देशात 718 जिल्हे आहेत रोज एक व्यक्ती पण एका जिल्ह्यात मृत्यू पावलेली नाही.
आज पर्यंत देशात बाधित लोकांची संख्या 12928574 आहे .
देशाची लोकसंख्या 130 कोटी आहे फक्त 1 टक्के लोक बाधित आहेत.
100 मध्ये एकच व्यक्ती बाधित झाली आहे
मृत्यू दर 1.5 पेक्षा पण कमी आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मग दिवसाला जवळपास ७०० मृत्यू व्हायला लागले आहेत ती काय चांगली गोष्ट आहे का?

तुम्ही म्हणताय हे?

७०० मृत्यू हा (ॲब्सोल्यूट) आकडा महत्त्वाचा नाही. हा आकडा पर कॅपिटा किती आहे, ते पाहायला हवे, नाही काय?

शिवाय, एखाद्या ठिकाणी दहा वर्षांतून कोव्हिडमुळे एखादाही मृत्यू झाला नसेल, आणि मग त्यानंतर अचानक एक झाला, तर ते अधिक भयंकर आहे. इथे रोज ७००. ते (तुलनेने) तितकेसे भयंकर नाही, नाही काय?

- (गुर्जींचा (बथ्थड, परंतु) शब्द प्रमाण मानणारा शिष्य) 'न'वी बाजू.

==========

(या धाग्यावर वरील प्रकार अस्थानी आहे, हे मान्य. परंतु राहवले नाही. क्षमस्व.)

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

पर कॅपिटा हिशोब करून भारताची परिस्थिती युरप-अमेरिकेपेक्षा सुमारे १५पट चांगली आहे असं म्हटलेलं आहेच मी अनेक वेळा.

माझा मुद्दा एक्स्पोनेन्शियल ग्रोथबद्दल होता. गेल्या चारपाच आठवड्यात सातपट. एक्स्पोनेन्शियल ग्रोथ बराच काळ चालू राहिली की ते पर क्यापिटा आकडेदेखील महाभयानक होतात. अजून पाचेकवेळा सातपट झाली तर निम्मी पॉप्युलेशन जाईल.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

दाट लोकवस्ती असलेल्या शहरात काही ही आपत्ती आली तर त्या आपत्ती मध्ये भयंकर मनुष्य हानी तर होतच आहे पण परिस्थिती नियंत्रणात ठेवणे पण अवघड जात आहे. हताश पने जे घडतं आहे त्याच्या कडे बघत राहणे हेच हातात आहे.
पुणे,मुंबई सारख्या घनदाट लोकसंख्येच्या शहरात covid नियंत्रणात आणणे सहज शक्य नाही.
सोशल distance राखले जात नाही.
बाधित लोकांची संख्या थोडी जरी वाढली तरी आरोग्य व्यवस्था फैल होत आहे.
एवढ्या मोठ्या लोकसंख्येला आरोग्य सेवा आपत्ती काळात देणे अशक्य आहे.
कधी भूकंप झाला,अती वृष्टी झाली तर अतोनात नुकसान होईल आणि आपत्ती निवारण करणे केवळ अशक्य असेल.
शहरांच्या लोकसंख्या ह्या नियंत्रणात असणे मला तरी खूप गरजेचे वाटत आहे.
काही आपत्ती आली तर ही घनदाट लोकसंख्येची शहर बरबाद होतील.
ह्या वर विचार करण्याची वेळ नक्कीच आलेली आहे.
शहर vertically किती वाढवावित हे ठरवणे गरजेचे आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

>>कधी भूकंप झाला,अती वृष्टी झाली तर अतोनात नुकसान होईल आणि आपत्ती निवारण करणे केवळ अशक्य असेल

तुमचा जन्म गेल्या आठवड्याभरातला आहे का हो? व्हेसुवियस पासून कच्छ पर्यंत, पूरांपासून- त्सुनामींपर्यंत अन महामारींपासून महायुद्धापर्यंत, शहरांतील लोकसंख्येच्या घनतेमुळे होणारी हानी यात नविन काहीच नाही. तुम्ही असं आर्किमीडीजसारखं युरेका युरेका करू नका ब्वॉ!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-Nile

जुलै २००५मध्ये मुंबईत अतिवृष्टी झाली होतीच ....

  • ‌मार्मिक0
  • माहितीपूर्ण1
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

हे किती राजेश लोकांबद्दल बोलताय? त्यात माझा समावेश आहे का?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

पूर्वी विरळ लोकसंख्येची गावं होती, तरी प्लेगच्या साथीत माणसं टपाटपा मरायची. आख्खी गावं उध्वस्त व्हायची. सध्याही जगभर शहरांत राहाणारांचं आयुर्मान ग्रामीण भागांतल्यांपेक्षा जास्त आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

शहरच नसावीत असे माझे मत नाही पण नियोजित शहर असावीत .प्रतेक वर्ग किलोमीटर मध्ये किती लोकसंख्या योग्य आहे त्या नुसार नियोजन हवे.
वर्ग किलोमीटर ३० ते चाळीस हजार लोकसंख्या मुंबई मध्ये आहे आणि हे भयानक आहे.
त्या मुळे नागरी सुविधा देणे,पाण्याचा निचरा,खेळाची मैदाने,मोकळ्या जागा ,रहदारी,पार्किंग,असे अनेक प्रश्न उभे तर राहतात पण ते विक्राळ रूप धारण करतात .
आपत्ती आली तर एवढ्या घनदाट लोकसंख्येला प्रत्यक्ष निर्माता (जगाचा ,आता ती कल्पना आहे की सत्य ह्या वर पोस्ट नको,मतितार्थ घ्यावा )पण मदत
करू शकणार नाही.
आणि हो प्लेग हा पिसवा पासून पसरत होता पिसवा हा कीटक आकाराने अतिशय लहान आणि चपळ असतो त्याच्या चाव्या पासून वाचणे केवळ अशक्य आहे.
COVID माणूस पसरवत आहे आणि माणसा पासून लांब राहणे सहज शक्य आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

पण गावांमध्ये लाइफ एक्स्पेक्टन्सी ६७ वर्षं आहे, आणि शहरांमध्ये ७२ वर्षं आहे. हे कसं?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

शहरातील वायू प्रदूषण,आणि बाकी अनेक गोष्टी मुळे मोठ्या शहरातील लोकांचे सरासरी आयुष्य कमी होत आहे.
तुम्ही म्हणता वाढत आहे ?
चुकीचे आहे तुमचे मत.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

आकडेवारी तपासून पाहा सर. फक्त india rural life expectancy गूगल करूव पाहा.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0