संघ दक्ष, बातम्यांकडे लक्ष
अनेक लोक अनेक वेळा अनेक ठिकाणी काहीतरी निरर्थक, चक्रम, विक्षिप्त आणि मूर्खपणाची विधानं करतात. कधीकधी या 'निरर्थक, चक्रम, विक्षिप्त आणि मूर्ख'पणांपायी नसताना हातापायीही होते. कधी हे प्रकरण तिथेच न थांबता दंगे होतात, ऑफिसं तोडली जातात, हल्ले होतात, बसेस जाळल्या जातात, खूनही पडतात. आजकाल या 'निरर्थक, चक्रम, विक्षिप्त आणि मूर्ख'पणा करण्यात हिंदुत्ववादी, संस्कृतीरक्षक, कट्टर राष्ट्रवादी संघटनांना, आणि मोदीभक्तांना ऊत आलेला आहे. तर हा धागा अशांची विधानं, कृत्यं, घोषणा वगैरेंची चेष्टा किंवा निषेध यांचं एकत्रित संकलन करण्यासाठी काढलेला आहे. यात काही काळ जुन्या बातम्याही चालतील - गेल्या दोनतीन वर्षांतल्या - पण अगदीच काहीतरी अनमोल रत्न असल्याशिवाय त्यामागे जाऊ नये.
प्रेस्टिट्यूट्स, सिक्युलर, विचारजंती, मोदीद्वेष्टे वगैरेंनी केलेल्या 'निरर्थक, चक्रम, विक्षिप्त आणि मूर्ख'पणाबद्दलच्या बातम्या इथे मांडू नये, त्यासाठी स्वतंत्र धागा काढलेला आहे.
सुरूवात मी करून देतो. नुकतंच मुस्लिम राष्ट्रीय मंचाने 'गायीच्या शेणामुळे अणुबॉंबचा प्रतिकार करता येऊ शकतो' असं म्हटलं आहे. कदाचित बाटगे अधिक कडवे असतात हे खरं आहेसं दिसतंय.
घ्या.
आ.बा, तुमच्यासाठी कायपन.
ही मूळ बातमी.- www.sanatan.org/mr/a/1143.html
आणि हे बाकी अकलेचे brown dwarf तारे - http://www.sanatan.org/mr/a/category/uniqueness-of-sanatan/spiritual-re…
बाकी सनातन संस्था सायंटॉलॉजीत अग्रेसर होणार असं दिसतंय. त्यांची "संशोधनं" बेफाट सुटली आहेत.. सीटबेल्ट डाल के बैठो और एंजॉय!
आमचा एक टणाटणी मॅनेजर एकदा
आमचा एक टणाटणी मॅनेजर एकदा चक्क "मी एक लेव्हल वर गेलोये आणि माझ्या अंगातून सुवर्णकण पडतात!" असे म्हणाला होता, कुणाला बोलू नकोस असंही बोलला होता. बघा मी आजवर कुणाचकडेच कधीच काहीही बोललेलो नाही.
म्हन्जे कसं? आपन साधा जिक्रई नाई केला कुठच!
अकरावी-बारावीत असतांना मित्राच्या घरासमोर एक मुलगी राहायची तिच्याकडे माकोडासद्रुश एक वेगळीच लुनासारखी गाडी होती, त्यावर ती विशेष पद्धतीत आरूढ व्हायची (बसायच्या ठिकाणी फोड झाल्याटाईप) नी टणाटण उड्यामारत गाडी चालवायची. फार संस्कारी होती पोरगी, अभ्यासासोबत सनातन प्रभातचं काम पण करायची. तेव्हापासून मी तीला आणि सनातन प्रभातला टणाटण प्रभातच म्हणतो.
म्ह्न्जे कसं?
"हा मंग कुठं गेली आपली टणाटण प्रभात, दिसली नाही लै दिवसाची."
हे असं!
"A 10-minute video uploaded
"A 10-minute video uploaded online on January 4, 2013, in the aftermath of the Nirbhaya case was aired on TV channels on Wednesday. In it Bapu urges women and boys to recite the 'Aniruddha Chalisa' in his honour 108 times for 11 days and repeat the Gurukshetra mantra five times a day. Bapu says these chants can "keep 100 men at bay and make rapists impotent"." - अनिरुद्ध बापू
निषेध
> आजकाल या 'निरर्थक, चक्रम, विक्षिप्त आणि मूर्ख'पणा करण्यात हिंदुत्ववादी, संस्कृतीरक्षक, कट्टर राष्ट्रवादी संघटनांना, आणि मोदीभक्तांना ऊत आलेला आहे.
मी या विधानाचा निषेध करतो. संस्कृती स्त्रियांनी राखली असं म्हटलं जातं. त्यांचा तुम्ही हेटाळणीने उल्लेख करावा यातून तुमचा स्त्रीद्वेष्टेपणा दिसून येतो.
(आपुन का इंपोर्ट-एक्सपोर्ट का
(आपुन का इंपोर्ट-एक्सपोर्ट का बिजनेस हे)
Rajnath is the latest: ‘West isn’t best, we had all the answers’
सनातनच्या बातम्या इथे दिलेल्या चालतील का? ती आख्खी वेबसाईट इथे चिकटवावी लागेल अशी "भीती" वाटेल.
आर्यभट, गुरुत्वाकर्षण, वेद, चंद्रावरचे पाणी.
आर्यभटाने गुरुत्वाकर्षण न्यूटनपूर्वी १५०० वर्षे आधी शोधले होते आणि वेदांमध्ये चंद्रावर पाणी असल्याचा उल्लेख आहे असे ISRO प्रमुख माधवन नायर सांगतात.
वेद शुद्ध संस्कृतात असून त्यातील लेखन अतिसंक्षिप्त आहे त्यामुळे आधुनिक शास्त्राला त्याची जाणीव होत नाही
इतके मोठे शास्त्रज्ञ सांगतात तेव्हा ते खरेच असले पाहिजे!
कोणीतरी
कोणीतरी हिंदुत्ववाद्याने, मुद्दाम ईदच्या दिवशी, मदनमोहनच्या गाण्याचं विडंबन, व्हॉटस अ‍ॅपवर पाठवलं होतं.
एक बकरा मायक्रोफोन समोर गात आहे,
कर चले हम फिदा जानो-तन साथियों
अब तुम्हारे हवाले मटन साथियों.
ह्याची लिंक कशी द्यायची ते माहित नाही.
अशानेच धार्मिक भावना दुखावतात.
बेंचमार्क
सनातन प्रभात म्हणजे 'हिंदुत्ववादी, संस्कृतीरक्षक, कट्टर राष्ट्रवादी संघटना, मोदीभक्त' वगैरेपेक्षाही ह्या धाग्यापुरतं सांगायचं तर लो हॅन्गिन्ग फ्रूट आहे.
गायीचे शेण आणि न्यूक्लिअर
गायीचे शेण आणि न्यूक्लिअर फिजिक्स यासंबंधी एक रिसर्च पेपर मी शेअर केला होता पण त्याकडे लक्ष गेलेले दिसत नाही. हरकत नाही, लिंक पेस्टवतो. त्या पेपरचे मूल्यमापन करून काय ते सांगावे अशी विनंती आहे.
http://link.springer.com/article/10.1007%2Fs10967-011-1539-3
त्याचा सारांश दिलेला आहे:
The present investigation entails the biosorption studies of radiotoxic Strontium (90Sr), from aqueous medium employing dry cow dung powder (DCP) as an indigenous, inexpensive and, eco-friendly material without any pre or post treatments. The Batch experiments were conducted employing 90Sr(II) as a tracer and the effect of various process parameters such as optimum pH, temperature, amount of resin, time of equilibration, agitation speed and concentration of metal ions have been studied. The kinetic studies were carried out employing various models but the best fitting model was Lagergren pseudo-second order model with high correlation coefficient R 2 value of 0.999 and cation exchange capacity of DCP was found to be 9.00 mg/g. The thermodynamic parameters for biosorption were evaluated as ΔG° = −5.560 kJ/mol, ΔH° = −6.396 kJ/mol and ΔS° = 22.889 J/mol K, which indicated spontaneous and exothermic process with high affinity of Sr(II) for DCP.
याचा नक्की निष्कर्ष काय आहे ते कुणी सोप्या भाषेत समजावून सांगेल काय? एक्सोथर्मिक प्रोसेस म्ह. हीट बाहेर पडते इतके कळाले. पण नक्की ऑथर लोक्सना म्हणायचे काय आहे ते झेपले नाही, तरी ते सांगावे ही विनंती.
अॅब्स्ट्रॅक्टवरून काहीच कळत
अॅब्स्ट्रॅक्टवरून काहीच कळत नाही. संपूर्ण पेपर मिळाला तर सांगता येईल. पण थोडक्यात त्यांनी गायीच्या शेणाच्या किरणोत्सार शोषून घेण्याच्या क्षमतेचं मोजमाप केलं. पण इतकी कमी डेन्सिटी असणारा पदार्थ किती किरणोत्सार थांबवू शकेल. त्यासाठी शिसं लागतं.
Lead's high density is caused by the combination of its high atomic mass and the relatively small size of its bond lengths and atomic radius. The high atomic mass means that more electrons are needed to maintain a neutral charge and the small bond length and a small atomic radius means that many atoms can be packed into a particular lead structure. Because of lead’s density and large number of electrons, it is well suited to scattering x-rays and gamma-rays. These rays form photons, a type of boson, which impart energy onto electrons when they come into contact. Without a lead shield, the electrons within a person’s body would be affected, which could damage their DNA and cause cancer. When the radiation attempts to pass through lead, its electrons absorb and scatter the energy.
बहुधा जिथे एक इंच जाडीचा शिशाचा थर पुरतो तिथे काही फूट जाड शेणाचा थर लावावा लागेल असा माझा अंदाज आहे.
अॅब्स्ट्रॅक्टवरून काहीच कळत
अॅब्स्ट्रॅक्टवरून काहीच कळत नाही. संपूर्ण पेपर मिळाला तर सांगता येईल. पण थोडक्यात त्यांनी गायीच्या शेणाच्या किरणोत्सार शोषून घेण्याच्या क्षमतेचं मोजमाप केलं. पण इतकी कमी डेन्सिटी असणारा पदार्थ किती किरणोत्सार थांबवू शकेल.
पूर्ण पेपर कुठे मिळाला तर पाहतो.
बहुधा जिथे एक इंच जाडीचा शिशाचा थर पुरतो तिथे काही फूट जाड शेणाचा थर लावावा लागेल असा माझा अंदाज आहे.
धन्यवाद.
बाकी आरेसेसच्या विधानामागे चक्क एक पेपर आहे हे जरा रोचक वाटलं.
चक्क एक पेपर
साखळीपत्रांबाबतचा माझा एक लेख आठवला :
हस्तलिखित साखळीपत्रांतील लिपी आणि आकड्यांची कूट-नोंद
या लेखातली गंमत अशी होती की
१. तथ्ये (facts) म्हणून दिलेली यच्चयावत माहिती बरोबर होती
२. निबंधांत जी तथ्ये दिली होती, त्यांचा निबंधात दिलेल्या साखळीपत्रांशी काहीतरी संबंध लागत होता, हेसुद्धा सुस्पष्ट होते. (म्हणजे ज्या लिपीमध्ये साखळीपत्र लिहिले होते, त्याच लिपीबद्दल कुठलीशी तथ्ये निबंधात होती. ज्या शहरांच्या भूगोलाचा उल्लेख निबंधात तथ्य म्हणून सांगितला होता, त्याच शहरांचा उल्लेख साखळीपत्रातही होता, वगैरे.)
---
वाचकांपुढे प्रश्न असा होता, की (१) निबंधातली वादातीत तथ्ये, आणि (२) त्या तथ्यांचा साखळीपत्रातील तपशिलांशी निर्विवाद संबंध असणे, -- हा युक्तिवाद त्या साखळीपत्रातील कथेकरिता आणि निर्देशांकरिता थोडा-तरी-आधार म्हणून मान्य करण्यालायक होता काय?
त्या वेळी एक सुविद्य वकील (त्यांच्या सदस्य-माहितीवरून त्यांच्या व्यवसायाची माहिती, इतकेच) साधारण असा काही युक्तिवाद अन्य कुठल्या बाबतीत करत होते. परंतु या बाबतीत प्रमाणशास्त्र (theory of evidence) समजावून, पटवून वा खोडून काढण्याबाबत त्यांना पुरेसा उत्साह झाला नाही. हे माझे व अन्य वाचकांचे दुर्दैव.
ही घ्या लिन्क
पुर्ण पेपर ची लिन्क
https://drive.google.com/file/d/0B3Qb9Svtft-fQWNGUzlMMm1YOFU/view?usp=s…
पेपर वाचुन कोणितरी सोप्या भाषेत समजवून सान्गेल का ?
पेपर वाचून मला जे कळलं ते
पेपर वाचून मला जे कळलं ते असं.
१. ९०स्ट्रॉंशियम नावाचं एक रेडिओअॅक्टिव्ह मूलद्रव्य अणुस्फोटानंतर तयार होतं - आणि पर्यावरणात मिसळतं.
२. ते शरीरात जाणं अपायकारक असतं. स्ट्रॉंशियमचे रेडिओअॅक्टिव्ह नसलेले इतर आयसोटोप्स असतात, ते सुरक्षित असतात.
३. शरीरात गेलं की बरंचसं बाहेर टाकलं जातं, उरलेलं हाडांमध्ये शिरतं. त्यामुळे काही कॅन्सर होण्याची शक्यता वाढते.
४. म्हणून पाण्यातून स्ट्रॉंशियम काढून टाकण्यासाठी अनेक पद्धती तयार झालेल्या आहेत. पेपरमध्ये त्यांची यादी आहे.
५. इतर पद्धती 'कृत्रिम' पदार्थ वापरतात (कोळसा, काही मेंब्रेन्स वगैरे). त्याऐवजी काहीतरी जैविक वापरावं अशी इच्छा असल्यामुळे त्यांनी शेणाचा वापर केला.
६. सुकवलेल्या शेणाची पावडर त्यांनी स्ट्रॉंशियम असलेल्या पाण्यात घातली. ढवळण्याचा दर, तापमान, पीएच अशा अनेक पॅरॅमीटर्स बदलून पाहिल्या.
७. पीएच ६, ४००० रोटेशन्स पर मिनिट असं सुमारे दहा मिनिटं केल्यावर त्यांना सुमारे ८५% स्ट्रॉंशियम शेणाच्या पावडरीत अॅबसॉर्ब झाल्याचं दिसलं.
थोडक्यात, अणुयुद्धापासून बचाव नसून त्याच्या काही परिणामांवर उपाययोजना करण्याच्या अनेक पद्धतींमधली ही पद्धत आहे. पेपरमध्ये कुठेही ही पद्धत इतरांपेक्षा अधिक परिणामकारक किंवा अधिक स्वस्त असल्याचा दावा केलेला मला दिसला नाही. असं स्वच्छ झालेलं पाणी शेणमुक्त कसं करायचं याबद्दल काहीच लिहिलेलं नाही. त्यामुळे टेक एव्हरीथिंग विथ अ पिंच ऑफ काउडंग, एवढंच मी म्हणेन.
बरी आठवण झाली.
हल्लीच मला माझ्या धार्मिक, ख्रिश्चन मैत्रिणीने हा दुवा पाठवला; आम्हाला दोघींनाही कॉफी खूप आवडते म्हणून.
How to Clean Water With Old Coffee Grounds
ह्या लेखात, कॉफी वापरून जड धातू कसे काढून टाकायचे ह्याची कृती सोपी करून लिहिलेली आहे.
अंदाज अपना अपना
या इथे हाच पेपर आहे. त्याखाली कोणकोणत्या पेपरांमध्ये हा पेपर संदर्भ म्हणून वापरला त्यांची यादी आहे. ती यादी 'रोचक' नाही.
- Biosorption of strontium from aqueous solutions onto spent coffee grounds
- Equilibrium biosorption studies of wastewater U(VI), Cu(II) and Ni(II) by the brown alga Cystoseira indica in single, binary and ternary metal systems
- Effect of γ-ray radiation on the biosorption of strontium ions to baker’s yeast
संघदक्ष बौद्धिकाकडे दुर्लक्ष.
समजा शेणामुळे किरणोत्सार रोखता येत असेल तर ...
समजा मुंबईवर कोणी अणूबाँब टाकणार असेल आणि मुंबईला त्यातून वाचवायचं ठरवलं तर ...
किती गुरं लागतील?
मुंबईचं क्षेत्रफळ = ६०३ चौ.किमी (विकिपीडीया) = ६०३ X १०६ चौ मी.
साधारण एक मीटर जाडीचा शेणाचा थर लागेल असं गृहित धरू. (घासूगुर्जींचा अंदाज काही फूटाचा आहे.) १ मी = ३.२८ फूट.
मुंबईला वाचवण्यासाठी ६०३ X १०६ घन मीटर शेण लागेल.
अमेरिकन गुरं दिवसाला २९ किलो शेण बनवतात असं वाचनात आलं. (दुवा) भारतीय गुरं आकाराने कमी, जरा कुपोषित असतात (असं गोवंशहत्याबंदी कायद्यानिमित्ताने काढलेल्या 'आजचा सुधारक'मध्ये वाचलं). तर भारतीय गुरं दिवसाला २०-२५ किलो शेणच बनवू शकतील असं मानलं. या पेपरानुसार शेणाची भुकटी पाहिजे, म्हणजे शेण वजा पाणी. ते समजा दर गुरी, दर दिवशी १५ किलो. (हे जरा जास्तच धरलंय, पण अच्छे दिनांमध्ये शक्य होईल असं मानायला हरकत नसावी.) आणि शेणाच्या भुकटीची घनता पाण्याएवढीच आहे असं साध्या गणितासाठी मानलं.
तर मुंबईला वाचवायला ~ ४०X १०६ = ४ कोटी गुरं-दिवस एवढं शेण लागेल. या बातमीनुसार भारतात ५१ कोटी गुरं आहेत. त्यात शेळ्या, मेंढ्या, गाढवं, घोडे, याक असे सगळे मोजले आहेत. या इतर जातीच्या म्हणजे गोवंश सोडून इतर जातीच्या गुरांची संख्या समजा अर्धी असेल, तर गोवंश होतो २५ कोटींचा. मूळ पेपरात फक्त गायीच्या शेणाचा उल्लेख असेल तरीही आपण बैलांनाही थोडा आदर देऊन बैलांचं शेणही वापरता येईल असं धरू.
तर या गणितानुसार, एका दिवसात ही गुरं जेवढं शेण देतील त्यात एक काय, सहा मुंबया वाचतील - मुंबई, दिल्ली, पुणे, हैद्राबाद, चेन्नई, बंगळुरू आणि कोलकाता मिळून साधारण ८ मुंबयांएवढा आकार होतो, दीड दिवसांत सगळी महानगरं (उपनगरांशिवाय) वाचतील.
पूर्ण भारताचा आकार ~ ३३ लाख चौ किमी आहे. पूर्ण भारतासाठी ~ ५२०० गुरं-दिवसांचं शेण लागेल. ५२०० दिवस म्हणजे १४ वर्षं+. एवढा काळ भारत असा असुरक्षित ठेवणं आपल्याला परवडणार नाही. तेव्हा कृपया गोवंशहत्याबंदीच्या कायद्याला समर्थन देऊन गुरांची संख्या वाढवण्यासाठी हातभार लावावा.
गोवंशहत्याबंदी रोखा, भारत अण्वस्त्रांपासून वाचवा.
संशोधन कशासाठी?
पेपर वाचण्याच्या भानगडीत पडलो नाही.
हिंदूंच्या 'सध्याच्या' परंपरेत गोमूत्र आणि गायीचे जे महत्त्व सांगितलेले असते ते बरोबरच आहे हे "सिद्ध" करण्याच्या इच्छेपोटी असली संशोधने केली जातात आणि असले पेपर प्रसवले जातात. [फायनली "पहा, म्हणून आमच्या पूर्वजांनी गायीला इतके महत्व दिले" असे म्हणायचे असते].
म्हणजे गायीच्या शेणात किरणोत्सार रोखण्याची शक्ती असेलही. पण त्याचबरोबर म्हशीच्या, शेळीच्या, घोड्याच्या, हत्तीच्या आणि माणसाच्या शेणात ही शक्ती नसते हे सिद्ध करीपर्यंत या असल्या पेपरांना फारसा अर्थ नाही.
हिंदूंच्या 'सध्याच्या'
हिंदूंच्या 'सध्याच्या' परंपरेत गोमूत्र आणि गायीचे जे महत्त्व सांगितलेले असते ते बरोबरच आहे हे "सिद्ध" करण्याच्या इच्छेपोटी असली संशोधने केली जातात आणि असले पेपर प्रसवले जातात. [फायनली "पहा, म्हणून आमच्या पूर्वजांनी गायीला इतके महत्व दिले" असे म्हणायचे असते].
२०११ सालचा पेपर आहे तो.
शिवाय, गायीच्या शेणात किरणोत्सार रोखण्याची शक्ती आहे हे सिद्ध झाले तर बाकीच्या मटेरियल्सचा संबंध येतोच कुठे? संघवालेही "बाकी कशात ही शक्ती नसून फक्त गायीच्या शेणात आहे" असा दावा करताना दिसले नाहीत. विषय गायीच्या शेणाचा आहे तर त्यापलीकडे जाण्याची गरज समजत नाही.
निवड आपली
त्यांनी तर अनेक द्रव्यांवर प्रयोग केलेत. त्यातले गायीचे शेण आपण उचलून धरले कारण ते आपल्याला सोयीचे होते. गोमातेच्या पवित्रतेत त्यामुळे वाढ होणार होती. पण थत्ते म्हणतात तसे हा खास गायीच्या शेणाचा गुण आहे, घोडा, बकरी गाढव यांच्या शेणाचा नाही असे सिद्ध होत नाही तोपर्यंत खास वेगळी अशी गायीची पवित्रता या बाबतीत सिद्ध होत नाही. या बाबतीत तरी कॉफी पूड, यीस्ट आणि शेण हे सारखेच पवित्र.
म्हणजे समजा कोबीची भाजी आम्ही पवित्र मानली तर आम्ही सांगणार की पहा, प्रयोगान्ती कोबीत कॅलशिअम असते असे सिद्ध झाले आहे. इतर भाजीपाल्यात ते अधिक प्रमाणातही असल्याचे सिद्ध झालेले असले काय नसले काय.
बास का राव !!गायीचं शेण
बास का राव !!
गायीचं शेण काहीतरी खास आहे हे एस्टॅब्लिश करण्याचा उद्देश काय लपून राहतो काय?
किरणोत्सार रोखण्याची क्षमता (नेहमी सहज मिळणार्‍या) कोणत्या मटेरिअलमध्ये किती आहे हे शोधायचं असेल तर डायरेक्ट गायीच्या शेणावर? त्या आधी साधी माती, मातीची कौलं, शहाबादी फरशा, चिनीमातीच्या फरशा हे सगळं तपासायला नको? त्यांची रिलेटिव्ह क्षमता पहायला नको? ते न तपासता थेट गायीच्या शेणाची क्षमता तपासणे म्हणजे ......
मागे इतरत्र गोमूत्राच्या कुठल्या तरी प्रॉपर्टीचे पेटंट अमेरिकेत घेतल्याच्या माहितीवर चर्चा झाली होती त्यातही जे गुणधर्म गोमूत्राचे म्हणून सांगितले होते ते इतरांच्या मूत्रातही असतात असे निष्पन्न झाले होते. चर्चेचा दुवा आता सापडत नाही.
मी हे बॅटमनला पटेल असं मांडू शकलोय की नाही हे ठाउक नाही.
एखादा रिसर्च पेपर जर पुढे आला आणि त्यात १८५७ च्या युद्धकाळात क्ष जातीच्या १० % लोकांनी ब्रिटिशांना साथ दिली असा निष्कर्ष मांडला असेल आणि त्यासाठीत्या क्ष जातीच्या लोकांच्याच आकड्यांवर संशोधन केले असेल पण य जातीच्या आणि झ जातीच्या लोकांचे अशाच प्रकारचे आकडे पाहिलेच नसतील/ गोळाच केले नसतील; त्यांच्यातल्या किती टक्के लोकांनी साथ दिली हे मोजले नसेल तर त्या रिसर्च पेपरची काय किंमत राहते?
इथेच तुम्ही चुकता थत्तेचाचा.
इथेच तुम्ही चुकता थत्तेचाचा. हा युक्तिवाद कसा आहे ते मी समजावून सांगतो. तुम्ही म्हणता,
'शेणात जे गुण असतात, तेच इतर पदार्थांतही असतात - पण त्यांच्याविषयी तुम्ही काही बोलत नाही. त्यांचे गुणधर्म अभ्यासा मग शेणाविषयी बोला'
आता मी शेण या शब्दाच्या जागी हिंदुधर्म हा शब्द घालतो. गुणऐवजी दोष हा शब्द घेतो, आणि पदार्थऐवजी धर्म हा शब्द वापरतो.
'हिंदुधर्मात जे दोष असतात, तेच इतर धर्मांतही असतात - पण त्यांच्याविषयी तुम्ही काही बोलत नाही. त्यांचे दोष अभ्यास मग हिंदुधर्माविषयी बोला'
आता हे वाक्य आलं की मग तुम्ही म्हणता
'हिंदुधर्म मला माहिती आहे, म्हणून त्याचे दोष मला दिसतात. इतर धर्मांतल्या दोषाविषयी इतरांनी बोलावं की'
त्याचं भाषांतर असं
'शेण मला माहिती आहे, म्हणून त्याचे गुण मला दिसतात. इतर पदार्थांच्या गुणधर्मांविषयी इतरांनी बोलावं की'
Inequality shouldn't be treated like equality.
मला नाही वाटत गुर्जींच्या प्रतिसादात काही पाइंट आहे असं. हे शब्दांमध्ये कसं मांडायचं ते अजून नीट लक्षात येत नाहीये. पण गणितात असं मांडता येईल.
समजा, a b
दोन्ही बाजूंना -१ ने गुणलं. गुण शोधण्याजागी दोष शोधले, म्हणजे उलट परिणाम दर्शवण्यासाठी -१. तर आता a आणि b बद्दल काय म्हणता येईल?
-a > -b
दोष आणि गुण यांच्यात अदलाबदल करायची असेल तर मधलं चिन्ह बदलावं लागेल. एकाचेच गुण शोधले तर सगळ्यांचे दोष शोधावे लागतील किंवा एकाचे दोष शोधून पुरले तरी गुण सगळ्यांचे (बहुतेकांचे) शोधावे लागतील.
मजा आहे. त्यांच्या वक्तव्यात
मजा आहे.
त्यांच्या वक्तव्यात फॅक्च्युअली इनकरेक्ट काही असल्यास सांगा.
१. गायीच्या शेणात किरणोत्सारविरोधी क्षमता असते याला पेपरचा पाठिंबा आहे.
२. इतर कशातच तशी क्षमता नसते असे विधान कुणी केले असल्यास सांगा.
म्हणजे फॅक्च्युअली करेक्ट बोलणे हेही जर पुरेसे नसेल तर त्याला काय अर्थ राहतो इतके सांगा. फेकलं तर झोडणार (जे योग्यच आहे), नै फेकलं तरी झोडणार हे योग्य नाही.
एखादा रिसर्च पेपर जर पुढे आला आणि त्यात १८५७ च्या युद्धकाळात क्ष जातीच्या १० % लोकांनी ब्रिटिशांना साथ दिली असा निष्कर्ष मांडला असेल आणि त्यासाठीत्या क्ष जातीच्या लोकांच्याच आकड्यांवर संशोधन केले असेल पण य जातीच्या आणि झ जातीच्या लोकांचे अशाच प्रकारचे आकडे पाहिलेच नसतील/ गोळाच केले नसतील; त्यांच्यातल्या किती टक्के लोकांनी साथ दिली हे मोजले नसेल तर त्या रिसर्च पेपरची काय किंमत राहते?
त्या पेपरमधल्या लिटरेचर रिव्ह्यू सेक्शनमध्ये अन्य द्रव्यांचा हवाला दिलेला आहे. पूर्ण पेपर मिळवला पाहिजे.
प्रत्येक हिंदू स्त्रीने चार
प्रत्येक हिंदू स्त्रीने चार मुलं पैदा केली पाहिजेत. साक्षी महाराजांचं वक्तव्य.
आता गेली कित्येक वर्षं हिंदू स्त्रियांचा सरासरी जननदर अडीचच्या खाली आलेला आहे. लोकांना नको आहेत पोरं! त्यात अतिरिक्त लोकसंख्येमुळे संसाधनांवर ताण पडतोय. आणि यांचं म्हणणं काय तर हिंदूंची लोकसंख्या वाढवा!
खरय हो , साक्षी
खरय हो , साक्षी महाराजांचं.मुस्लिम वाढले तर् हिंदूंचे काय होणार, आत्ता १४ % असूनसुद्धा टरकलेत हिंदू त्यांना.
टणाटन प्रभातच्या साधिका दिसायला फारच रेखिव व तेजस्वी असतात आणि गरोदर अस्तील तर त्यांची अध्यामिक पातळी कशी वाढते याचे दाखले ट्णाटणच्या पेप्रात येत असतात.अशा साधिकांनी चारच कशाला , आठ मुले जन्माला घालावीत, हे सत्कार्य सुरु करावे ही अपेक्षा.
(सत्कार्य सिद्धीस नेण्यास श्री समर्थ असले तरी आम्हीही सत्कार्यात मागे हटणार नाही हे आधीच सांगून ठेवतो :-P
Need to debate all
Need to debate all ideologies, says Rajnath
ही संपूर्ण बातमीच चक्रमपणाने भरलेली आहे. दीनदयाळ उपाध्याय, राजनाथ, जेटली हे सगळे महाचक्रम लोक.
आता हा प्यारा व विशेषतः अधोरेखित भाग पहा -
Reiterating that Upadhyaya, a prominent leader of the Jan Sangh, stood for uplift of the poor, Singh said one way to do it is by extending them government facilities over a long period. The other way is to make the poor self-sufficient so they are no longer dependent. “Now you have to choose what is the best way. Our government has never tried to win support by offering baksheesh (tip),” he said.
-----------------------------
Unbridled capitalism is the 'dung of the devil', says Pope Francis. आणखी
गायीचे शेण हे दिव्यास्त्र किंवा दिव्यकवच आहे असा दावा करणारे एका बाजूला. व सैतानाचे "***" हे महासंहारक आहे असा दावा करणारे दुसर्‍या बाजूला.
शब्द लक्षपूर्वक वाचा. कारण कोणत्या संकल्पनेवरून कोणत्या संकल्पनेवर उडी मारली जात्ये याकडे लक्ष देणे गरजेचे आहे.
( पोप हे आरेसेसशी संबंधित नाहीत. व हा धागा आरेसेसवाल्यांनी केलेल्या विधानांच्या संग्रहाचा असावा असा हेतू असला तरी एक एक्सेप्शन द्या ओ, राजेश घासकडवी.)
हाहाहा.Greed is dung of devil
हाहाहा.Greed is dung of devil हे त्यांनी म्हटलेले ऐकले होते. पण हे नवीन ऐकतेय.
Quoting a fourth century bishop, he called the unfettered pursuit of money “the dung of the devil”, and said poor countries should not be reduced to being providers of raw material and cheap labour for developed countries.
का नको स्वस्तात रोजगार त्यात दोन्ही देशांचा फायदा आहे? गब्बर, पोपला जरा इकॉनॉमिक्स शिकवा ;)
___
पोप हे आरेसेसशी संबंधित नाहीत.
अरेरे तुम्ही तर सिक्रेटच फोडलत =))
दादरीमध्ये एका माणसाला बीफ
दादरीमध्ये एका माणसाला बीफ शिजवल्याच्या संशयावरून घरात घुसून मारलं. त्याचा मुलगा अत्यवस्थ आहे.
- अखलक खान घरी बीफ शिजवतो अशा अफवांवरून चवताळलेल्या घोळक्याने त्याला व त्याच्या मुलाला घरात घुसून बाहेर काढून विटांनी मारलं.
- पोलिसांच्या प्राथमिक तपासानुसार 'आदेश मंदिरातून आला'
- पुजारी 'बाबाजी'ला चौकशीसाठी बोलावून सोडून दिलं.
- सहा जणांना अटक
- घरी सापडलेल्या मांसाचं डीएनए टेस्टिंग होणार.
- बातमीत कुठेही हिंदू किंवा मुस्लीम असे शब्द नाहीत.
त्यांची व्याख्या अशी काहीतरी
त्यांची व्याख्या अशी काहीतरी आहे
- पुरेसं कारण नसताना हत्या झाली पाहिजे
- ती धार्मिक कारणासाठी झालेली असली पाहिजे
- आणि हे कोर्टात सिद्ध झालं पाहिजे.
त्यामुळे तुम्हाला या प्रश्नाचं उत्तर मिळण्यासाठी काही वर्षं वाट पाहावी लागेल. आत्ता तो नुसताच कसलाही आगापीछा नसलेला मृत्यू आहे.
गोमांस नव्हतेच!
एका मुसलमानाने गोमांस घरात शिजवून खाल्ले आणि उरलेले घरी ठेवले असे त्या गावातल्या मंदिरातल्या लाउड्स्पीकरवर जाहीर करण्यास मंदिरपुजार्‍याला भाग पाडण्यात आले. मांसाच्या डी एन ए चाचणीत ते गोमांस नसल्याचे सिद्ध झाले. शेजारच्या गावातल्या दोन तरुणांनी या गावात गोमांसभक्षण झाल्याच्या केवळ संशयावरून मंदिरातून उद्घोषणा करायला लावल्या आणि जमावाला चिथावले. (टीओआय १-१०-२०१५)
गोमांसबंदी नसती तर असे संशयाआड दडता आले नसते. हे विधेयक म्हणजे चिथावण्यासाठी आणि झोडपण्यासाठी आयते कोलीत ठरते आहे.
कानपूरमध्ये एका मुस्लीमाला
कानपूरमध्ये एका मुस्लीमाला पाकिस्तानी टेररिस्ट असल्याच्या संशयावरून घोळक्याने ठेचून मारलं.
संशयावरून राजरोस खून होतात! कुठे नेऊन ठेवला आहे देश आपला?
सॉरी. पटलं नाही.
सॉरी. पण या झुंडशाही, दहशतवादी खुनाखुनीच्या बातम्या इथे देणं पटलं नाही. काही गोष्टी मूर्खपणा म्हणून सोडून देता येतात, तशा बातम्यांवर हसण्यासाठी हा धागा आहे असा समज होतो. गोमांस खाल्लं म्हणून किंवा दहशतवादी असण्याचा संशय आला म्हणून जीवे मारणं कोणत्याही परिस्थितीत हसण्यासारखं नाही.
आज फेसबुकवर बघितलेलं व्यंगचित्र. Orange is the new black.
दुनिया की कोई भी ताकत
अलीकडे पंप्रंची स्वच्छतेसंबंधीची एक जाहिरात टीवीवर रोज दिसते आणि डोकं खाते. त्यात पंप्रजी हात अस्मानात उगारून गर्जना करीत असतात की 'दुनिया की कोई भी ताकत हमारे देश को गंदा नही कर सकती'
पंप्रजीना खरोखर असे वाटते का की दुनिया की सब ताकतें भारताला गंदा करायला टपून बसल्या आहेत आणि आपण त्या ताकतींचे निवारण केले पाहिजे? ही जाहिरात पाहिल्यावर पाकिस्तानची फाय्टर् जेट विमाने भारतीय अवकाशात पाकिस्तानातला कूडा-करकट घेऊन झेपावत आहेत आणि मोक्याच्या ठिकाणांवर म्हणजे उदा. ट्रॉम्बे येथील अणुभट्ट्या, विमानातून कचरावर्षाव करीत आहेत, असे काहीसे चित्र डोळ्यासमोर उभे राहाते.. जाहिरात बरी आहे पण हे वाक्य अगदीच भाषणबाजीचे म्हणजे 'पायजेलाय' धर्तीचे वाटते.
साक्षी महाराजांची मुक्ताफळे
साक्षी महाराजांची मुक्ताफळे
.
Ready to kill, get killed to save cows: Sakshi Maharaj
भूकंप, महागाई वगैरे गोष्टी
सुदैवाने किंवा दुर्दैवाने म्हणा हे कोणा भारतातल्या धर्मप्रमुखाचं किंवा धर्मरक्षकाचं भाष्य नाही. पण इथे दिल्यावाचून राहावलं नाही कारण अशीच वक्तव्यं इथेही झाली आहेत. मात्र त्यांना आर्मी बोलवण्याचं सुचलं नव्हतं. कोणीतरी यावरून स्फूर्ती घेईल का?
आता शंकराचार्य म्हणतात की
आता शंकराचार्य म्हणतात की दलितांना मंदिरात प्रवेशबंदी उचित. त्यांनी विकास करणाऱ्या मोदींची स्तुती केली, पण बदल घडवण्यासाठी सल्लाही दिला. बिचाऱ्या मोदींनी किती लोकांचं ऐकायचं?
प्रधानमंत्री नरेंद्र मोदी की सराहना करते हुए कहा, देश में अब विकास करने वाले पीएम आए हैं, लेकिन उनके एक मंत्री नितिन गडकरी देश में अत्याधुनिक बूचड़खाना खोलना चाहते हैं। शंकराचार्य ने भाजपा को अपने भीतर बदलाव पर ध्यान देने की नसीहत दी।
सो सो
हे व्यंगचित्र एक चित्र म्हणून बरे आहे पण रेप होताना कोणी रेप रेप ओरडत असेल असे वाटत नाही. अगदी चित्रपटातही 'बचाव' एवढेच ओरडतात असे वाटते. 'बीफ बीफ' म्हणून ओरडण्यापेक्षा 'गायीवर अत्याचार होतोय, वाचवा' किंवा हे वाक्य जास्त मोठे वाटत असेल तर 'गाय गाय' असे ओरडले तर कदाचित जास्त लवकर मदत मिळेल.
जेएनयू पुढचे एफटीआयआय होण्याच्या मार्गावर ?
जेएनयू पुढचे एफटीआयआय होण्याच्या मार्गावर ?
जेएनयूवर पांचजन्यचा हा अंक वाचण्यासारखा आहे.
ऐसीवर एक विशिष्ट प्रकारचे वातावरण आहे हे मला जाणवले असले तरी दुसर्‍या बाजूकडेही काहीतरी सांगण्यासारखे असते आणि ते ऐकून घेणे ही सुद्धा एक प्रकारची 'सहिष्णुता' असते असे वाटते.
पाञ्चजन्य संघाचा असो अगर नसो,
पाञ्चजन्य संघाचा असो अगर नसो, दुसरा विचार वाचायला ना नाही.
एक पान वाचायचा प्रयत्न केला; पण हिंदी, विशेषतः औपचारिक, वाचण्यासाठी फार कष्ट करावे लागतात असं (पुन्हा एकदा) लक्षात आलं. गेल्या २२-२३ वर्षांत हिंदी क्वचितच वाचलं असेल. (शिवाय फोन, व्हॉट्सअॅप, जीटॉक, फेसबुक, थोडक्यात जिथे जिथे संपर्क करता येईल अशा सगळ्या ठिकाणी ठिकठिकाणचे लोक काहीतरी म्हणत होते. सगळी डिस्ट्रॅक्शन्स धडाधड आदळत होती.) इंग्लिश किंवा मराठीत काही आहे का? हिंदीतला ऑडीओही चालेल. किंवा थोडक्यात त्यांचं म्हणणं काय ते मांडाल का? ५०-१०० शब्दही चालतील.
थोडक्यात त्यांचे म्हणणे
थोडक्यात त्यांचे म्हणणे असे
०१. जेएनयूत विविध प्रकारचे व्यवस्थाविरोधी व विशेषत: फुटीरतावादी (माओवादी, काश्मीर स्वतंत्रतावादी,मूलनिवासी-आर्य-अनार्यवादी इ.इ.)यांना उघड आणि क्रियाशील (नुसता मौखिक नव्हे) पाठिंबा मिळतो.
०२. जेएनयूचे अभ्यासक्रम,अभ्यासने, अध्यापन इ.इ. डाव्या लोकांनी आपल्या सोयीनुसार बनवून घेतले आहेत.थोडक्यात विद्यार्थ्यांचे वैचारिक ब्रेनवाशिंग चालते.
०३.काही महत्वाच्या प्रकरणात उदा.अफजल गुरू, प्रो.साईबाबा (हे जेएनयूचेच प्रोफेसर)इ.इ.मध्ये जेएनयूतील काही प्राध्यापक व विदयार्थ्यांच्या भूमिका संशयास्पद होत्या असे पांचजन्यचे म्हणणे आहे.
०४.आपल्या म्हणण्याच्या पुष्ट्यर्थ साप्ताहिकाने तेथे वेळोवेळी लागलेली पोस्टर्स, निघालेले जुलूस -सभा इत्यादींची सचित्र माहिती दिली आहे.
०५.विशेष म्हणजे जेएनयूचा पक्ष मांडताना तिथल्या कुलगुरूंनी आपल्या विद्यापीठात अशा गोष्टी घडतच नाहीत असे सपशेल नाकारले वगैरे नाही.काही तत्वे तशी असली तरी संपूर्ण जेएनयूच फुटीरतावादी आहे असे म्हणता येणार नाही असे त्यांचे म्हणणे आहे.
०६.छद्म इसाई व नव-वामपंथी हे या लेखातले दोन नवे शब्द.
०७.या नव वामपंथीयांनी 'नव्वदोत्तरी' मार्क्सवादाच्या जागतिक अपयशानंतर आपल्या मांडणीत आता आर्थिक परिमाणात मोजला जाणारा वर्गभेद सोडून हिंदूंमधला जातिभेद हाच खरा वर्गभेद आहे अशी नवी आयडीयलॉजिकल शिफ्ट घेतली आहे असे लेखकाचे निरीक्षण आहे. यालाच लेखक नव-वामपंथ म्हणतो.
तर हे असे आहे.
अवांतर: सध्या स्यूडो-सेक्युलर हा शब्द जुना झाला असून 'मल्टी-कम्यूनल' हा नवा शब्द बाजारात आलेला आहे.
ऐकीव माहिती
माझी एक मैत्रीण सध्या जेएनयूमध्ये राज्यशास्त्रातील उच्चशिक्षण घेत आहे. तिथे असे काही खरंच चालते का असे विचारले असता उत्तर होकारार्थी मिळाले. शिवाय तुम्ही विद्यापीठाच्या वसतीगृहात राहायला आलात की डाव्या विचारांचे लोक तुम्हाला स्वतःहून भेटायला येतात, तुमच्या खोलीत दास कॅपिटल वगैरे ठोकळे तुम्हाला न विचारता आणून ठेवले जातात, तुम्हाला डाव्या विचारांचे रीतसर शिक्षण देऊन इंडक्ट करण्याचा प्रयत्न होतो, वृंदा-प्रकाशादि नेत्यांचं विद्यापीठात नेहेमीचं येणं-जाणं आणि विद्यार्थ्यांचं त्यांच्या बरोबर फर्स्ट-नेम टर्म्सवर असणं वगैरे मजेदार गोष्टी ऐकायला मिळाल्या. याशिवाय अभाविपच्या सदस्यांचाही थोड्याफार प्रमाणात दंगा चालतो असेही ऐकायला मिळाले.
इंजिनियरिंग आणि राजकारण... जरासा बुचकळ्यात पडलो आहे.
>>पण सीओईपी कै संघविचाराचे कॉलेज होते असे वाटत नाही.
इंजिनियरिंग कॉलेजचे हॉस्टेल आणि राजकारण यांचा एकुणातच कितपत संबंध येत असावा, याबाबत साशंक आहे. इंजिनियरिंगला गणिती, जिथे विषयाच्या स्वतंत्र इंटरप्रिटेशनला फारसा वाव नसतो (अ‍ॅप्लिकेशनला असतो) असे विषय असल्यामुळे असेल कदाचित.
काहीही!
इंजिनियरिंगला गणिती, जिथे विषयाच्या स्वतंत्र इंटरप्रिटेशनला फारसा वाव नसतो (अ‍ॅप्लिकेशनला असतो) असे विषय असल्यामुळे असेल कदाचित.
इंजिनियरिंगचे विद्यार्थी, दिवसभर लेक्चरे अटेंड करून (म्हणजे अटेंड करीत असतीलच तर) संध्याकाळी हॉस्टेलच्या खोलीवर परत आल्यानंतर उरलेला वेळसुद्धा इंजिनियरिंग नि गणितच जगत असतात, अशी काही आपली (भाबडी, इ.इ.) समजूत आहे काय?
बीफ पुन्हा चर्चेत
केंद्रीय सत्ताधारी भाजपाची पक्षचिन्हासह छापलेली अधिकृत जाहिरात. आज भारतात बीफ हा कदाचित सर्वात महत्त्वाचा प्रश्न आहे असे दिसते.
http://indianexpress.com/article/india/india-news-india/irked-by-bjp-ad…
हुशार दिसण्यासाठी काय कराल?
हुशार दिसण्यासाठी काय कराल? वाय. सुदर्शन राव यांच्या शेजारी माणूस उभा राहिल्यास हुशार दिसतो; हा उधारउसनवारीचा विनोद आता खराच ठरल्यासारखा दिसतोय. वाय. सुदर्शन राव यांच्याजागी सगळेच भाजपेयी-राजकारणी एवढाच काय तो फरक.
आज हे चित्र फेसबुकवर फिरताना सापडलं.
हा हा हा
आता हे चित्र इनव्हॅलिड होणार
राष्ट्रीय प्राणी असला तरी त्याला बीफ खायची परवानगी नाही म्हणजे नाही.........
http://timesofindia.indiatimes.com/india/Beef-row-Bhilai-Steel-Plant-ca…
गुजरातच्या शाळांमध्ये मुलांना
गुजरातच्या शाळांमध्ये मुलांना 'महाभारत काळात स्टेम सेल टेक्नॉलॉजी होती' आणि 'वैदिक काळात मोटर कार्स होत्या' असं शिकवलं जातंय. धन्य आहे.
विश्व हिंदू परिषदेने धोनीला
विश्व हिंदू परिषदेने धोनीला कोर्टात खेचलेलं आहे. का? तर त्याचा फोटो बिझनेस टुडेच्या मुखपृष्ठावर विष्णूच्या रूपात आला म्हणून. कोर्टानेही नॉन बेलेबल वॉरंट काढलेलं आहे.
हा तो फोटो.
काहीही! हा! हे विष्णुचं रूप
काहीही! हा! हे विष्णुचं रूप नाही हे थोडाही विष्णुरुपाचा अभ्यास केलेली व्यक्ती सांगेल
विष्णु प्रतिमेला ६ हात असतात? शिवाय त्याचं गंध नुसतं दुभंगलेलं नसतं - त्यात बहुधा सूर्यचिन्ह असतं. बाकी काही नाही तरी सुदर्शनचक्र मँडेटरी आहे.
===
अर्थात हे विष्णुचं रुप आहे असे समजले तरी ही घटना रोचक आहेच आणि अभिव्यक्तीस्वातंत्र्याची थोडीतरी बुज असणार्‍यांचा थरकाप उडवणारीही!
मंडळ भावना दुखावण्यास जबाबदार नाही.
आपापल्या जबाबदारीवर दुवा उघडणे.
No One Murdered Because Of This Image ही बातमी खरी(!) म्हणायची. कोणाला मारलं बिरलं थोडीच!
सहा नाही, आठ हात आहेत. मला
सहा नाही, आठ हात आहेत. मला वाटतं चित्र काढणारांनी विशिष्ट देवाचं चित्र काढण्याऐवजी सर्वसाधारण हिंदू देवाचं चित्र काढलेलं आहे. त्यातही धोनीचा चेहेरा फोटोशॉप करून बसवला आहे हे शेंबड्या पोरालाही कळेल. पण विश्व हिंदू परिषदेची लोकं म्हणजे काही शेंबडी पोरं नव्हेत.
पण हो, असं चित्र काढल्याने कोर्टात खेचलं जाऊ शकतं हे भीतीदायक आहे.
मुळात हे चित्र हिंदू
मुळात हे चित्र हिंदू देवदेवतांचा अपमान करणारं आहे हेच मला पटत नाही. या नियतकालिकाचे बहुसंख्य वाचक, साधारण, मध्यमवर्गीय, धार्मिक/देव मानणारे भारतीय लोक चंगळवादी(!) आहेत किंवा भरपूर वस्तू विकत घेतात आणि क्रिकेटपटूंचे मोठे फॅन्स आहेत असं हे चित्र सुचवत आहे असं मला वाटतं. या वर्णनामुळे कोणाच्या भावना दुखावल्या जातात? का हा मुद्दाम 'आ बैल मुझे मार' छापाचा प्रसिद्धस्टंट आहे?
हे
मोहनराव, असा कोणता देश आहे की जिथे दुसर्‍या देशाचा स्वयंस्फूर्तपणे एवढा सन्मान केला जातो ? मूल्ये व त्यांचे पालन हे कष्टप्रद नाहिये का ? साधे सेक्युलरिझम सारखे मूल्य की जे सेक्युलरिस्ट्स आणि अँटि-सेक्युलरिस्ट्स दोघांच्याही मते भारतीय जनतेत आधीच रुजलेले आहे. मूळचेच आहे. (असं दोन्ही बाजू म्हणतात. अडवाणी, अर्धेंदु बार्दन, एम्जे अकबर ह्या मंडळींनी तसे अनेकदा व्यक्त केलेले आहे.) ते सुद्धा पालन करताना कुरकुरत केले जाते. सोयिस्कररित्या केले जाते, किंवा अजिबात पालन न करता थेट उल्लंघन केले जाते. अशा परिस्थितीत तुम्ही जनतेला आणखी उच्च मूल्ये पाळायला प्रेरित करत आहात !!! हे परवडणारे आहे का ?
( जाताजाता मोहनरावांना हे वाचायला द्यावेसे वाटते. की मूल्ये ही रिव्हर्सल च्या वाटेवर सुद्धा लागू शकतात. )
आपल्याकडे कित्येक जणांना मी
आपल्याकडे कित्येक जणांना मी इस्रायलचे गोडवे गाताना ऐकतो. अगदी त्यांना भरतेच येत असते!
मी स्वतः गातो ना इस्रायलचे गोडवे. इस्रायल कसा क्रूर पणे पॅलेस्टाईन ला ठोकून काढतो त्याचा मी फॅन आहे. इस्रायली नागरिक शांतपणे खुर्च्या टाकून टीव्ही बघावा तसे बघत बसतात पॅलिस्टिनी मारले जाताना. दुसरे म्हंजे वर बॅट्या ने म्हंटल्याप्रमाणे आर्थिक बाबतीत मोठी मजल मारणारा देश (इतक्या समस्या असूनही). आर्थिक मदत तर इजिप्त ला सूद्धा दिली गेली. इतर अरब देशांनाही दिली गेली. पण त्यांना इस्रायल सारखं करायला जमलं नाही. स्टार्टप नेशन म्हणतात इस्रायल ला ते उगीच नाही. आज इस्रायल हा शस्त्रं निर्यातीतही पुढे आहे.
पॅलेस्टाईन दहशतवाद्यांकडून कडून स्फूर्ती मिळाली होती पाकी मुजाहिद्दीनांना.
पण मोहन रावांना जे अभिप्रेत आहे ते काही वेगळेच व जरा जास्तच उत्कट आहे. एखाद्या देशाच्या एखाददोन बाबींचा फॅन असणं वेगळं ... आणि त्या देशाला आपल्या मातेचा दर्जा देणं, त्याचा जयजयकार करणं वेगळं.
मोहनरावांना
मोहनरावांना पुलं.चा हा ही एक लेख वाचायला द्यावासा वाटतो.
http://cooldeepak.blogspot.com/2007/04/blog-post_3309.html
विशेषतः खालील ओळ ही सर्व संघिष्ठांनी घोकून पाठ करणे आवश्यक आहे.
'बोल होतोस की नाही भारतीय!' असं दरडावून विचारलं तर मी देखील'नाही होत जा' म्हणेन!
आयुर्वेदाव्यतिरिक्त औषध
आयुर्वेदाव्यतिरिक्त औषध देणारे वैद्य देशद्रोही/देशविरोधी वगैरे वगैरे. हे वक्तव्य आयुष मंत्री श्रीपाद नाईक यांचं. या बातमीत हेही म्हटलेलं आहे की आयुर्वेदाचं शिक्षण आता संस्कृतमध्ये देण्याचा विचार आहे.
माझे काही फार ऑब्जेक्शन नाही.
माझे काही फार ऑब्जेक्शन नाही. तसेही नेहरूंचा खूप उदोउदो झाला होता. समाजवादाचे खूळ १९३५ पासून भारतात रुजवणारे व त्यामुळे सर्वसाधारण माणसाचे सगळे कॅरॅक्टरच बदलून टाकणारे प्रधानमंत्री.
( याचा अर्थ आरेसेस चा नेहरूद्वेष वैध आहे असं नाही. आरेसेस चे लोक नेहरूंबद्दल अत्यंत डिस्गस्टिंग टीका करतात. )
Hard-line Indian Hindu Group
Hard-line Indian Hindu Group Prayerfully Endorses Donald Trump
दिल कि तपिश आज है आफताब !!!
संजीवनी बूटी
संजीवनी बूटी शोधण्यासाठी उत्तराखंड राज्याने २५ कोटी रुपयांची तरतूद केली. बातमीचा दुवा
गोबरपुराण
Cellphones suck energy, just put some cow dung: RSS ideologue
प्रश्न - Why do you have gobar on your phone?
उत्तर - It is fresh cow dung. I have put it to save myself from the harmful radiations of the cellphone. It works, believe me.
निळ्या रंगात रंगवलेले शब्द कुठेतरी ऐकल्यासारखे वाटतात. नै ?
...
आणखी -
We make pregnant women eat cow dung and urine paste to ensure a normal delivery. We treat all deadly diseases with cow dung. But the gobar should be of our Indian desi cow and not western monsters like Jersey or Holstein. Their dung and milk are nothing but poison.
विचारधन
women instead of fighting for their rights should focus on their duties.....
.
.
.
.
what are woman's duties, matrutva, netrutva and kartutva
( मातृत्व हेच कर्तुत्व असेल तर नेतृत्व गाजवायचं कुठे?)
.
.
.
Devi sita protected herself with aatmabal ( मग तलवारबाजी का शिकवतात बरे?)
.
.
.
.
In these days girls run away with men for merely recharging their phones.
(काय्च्याकाय)
.
.
.
हे काही मासले. संपूर्ण भाषण शोधतेय.
हे शिकून आलेल्या स्त्रीयांना भेटायची इच्छा आहे.
गोरक्षकांचा भस्मासुर
हिंदू जागरण वेदिकेच्या गोरक्षकांनी भाजपाच्याच कार्यकर्त्याला मारले.
http://www.thehindu.com/news/national/karnataka/hindu-jagrana-vedike-ac…
प्रतिसाद चुकीच्या जागी
प्रतिसाद चुकीच्या जागी पडल्याने काढून टाकला.